اقتباس:
المشاركة الأصلية كتبت بواسطة عبد المنعم حضيري
صافية عليقتو عيشا مَضَرّا من الرَوُس
مأصّل تيسـي سبّـاق البجـن عركــوس
شديتو العصير مَصَعِي ورَقِل محسوس
وفيــت الوعــد للريـقـا كـاس باخــوس
|
نقضت عليقتو من "دبَر" السليم نقّيتو
عيس الرفاعي منسل من قعود ربّيتو
وطية خفو زي جس الطبيب كلفيتو
فارد كالنعام وكتين يغير لي بيتو
قومتو خفيفة كان قرّبْ عليو شاشيتو
يخلف هدمي إن وخّرت في توقيتو
مشيهو عبّادي ان لِحِقْ نشّيتو
يحاكي مِسارق التيوة الصعب تشتيتو
قبض السكة جافل قاصد الواليتو
من زمني الصبي بي نم غرامي تليتو
مبيتي الليلة عن بارد الحشا وتربيتو
في زمن المحل راعولو حق الفيتو
