راكوبة المجادعات.. النمة والدوباي

[أبو أماني]

المشاركة الأصلية كتبت بواسطة عبد المنعم حضيري

قبض السكة واتوجه علي الفي بيتو
رايـق وفايــق لا شاشيتـو لا زميتو
مبيتي الليـلة في بطن البطانة أبيتـو
نَازّ الخُمْرَة شارب لونو من كَبَرِيتُو

WOW...!!!ه

ها جنا .. ها .. إتا .. الله ده .. مو سيدك !!!

[عبد المنعم حضيري]

المشاركة الأصلية كتبت بواسطة أبو أماني

WOW...!!!ه

ها جنا .. ها .. إتا .. الله ده .. مو سيدك !!!

هههههههههههههه

سيدي وسيدك

تحياتي

[عبد المنعم حضيري]

[QUOTE=أبو أماني;617686]

نمكم أصيل ذكرني فارسا بقولو لو طه ود أب سن .. كان بيغازل دابته الجمل الساماهو (أب سوميتة) وقال ليو :-

خرير دومتك شن بيشبه ..
بلا فوق رومة الدمسيسة (1)..
وعثراتك تدن للقّرب من ميسا ..
الزول أب رضوة .. (مدارجة وتحنيسة)
(تليتها)(2) منو ليالي عطشان لهاتي يبيسة!


خرير دومتك وَشَلْ خُمَرالمَرَدّم ديسا
نَفَسَك حرّ يوم دانيت مضارب ميسا
الزول السمح وشايل خصال بلقيسا
إن مَاح في الرقيص شبالو بتحنيسا

[أبو أماني]

[quote=عبد المنعم حضيري;617756]

المشاركة الأصلية كتبت بواسطة أبو أماني

نمكم أصيل ذكرني فارسا بقولو لو طه ود أب سن .. كان بيغازل دابته الجمل الساماهو (أب سوميتة) وقال ليو :-

خرير دومتك شن بيشبه ..
بلا فوق رومة الدمسيسة (1)..
وعثراتك تدن للقّرب من ميسا ..
الزول أب رضوة .. (مدارجة وتحنيسة)
(تليتها)(2) منو ليالي عطشان لهاتي يبيسة!


خرير دومتك وَشَلْ خُمَرالمَرَدّم ديسا
نَفَسَك حرّ يوم دانيت مضارب ميسا
الزول السمح وشايل خصال بلقيسا
إن مَاح في الرقيص شبالو بتحنيسا

خرير دومتك متل مطر العبادي وبرقه!
وشوقا للحبيب يهرس القليب ويحرقه
عشان خاتر عيونه عمري تب حاقربو
مسكني السهم خليني النفتش .. دربو
***كعععععععععععععععع***

[عبد المنعم حضيري]

[quote=أبو أماني;617769]

المشاركة الأصلية كتبت بواسطة عبد المنعم حضيري

خرير دومتك متل مطر العبادي وبرقه!
وشوقا للحبيب يهرس القليب ويحرقه
عشان خاتر عيونه عمري تب حاقربو
مسكني السهم خليني النفتش .. دربو
***كعععععععععععععععع***

خرير دومتك عينة الطرفة لاح برّاقا
وشوق أم زين شغل الفكرة بعد الفاقا
عيونة السابلة ليهن قلبي شابا وشاقا
ضهبان الدروب ما سوقروهو رفاقا

[أبو أماني]

[quote=عبد المنعم حضيري;617776]

المشاركة الأصلية كتبت بواسطة أبو أماني

خرير دومتك عينة الطرفة لاح برّاقا
وشوق أم زين شغل الفكرة بعد الفاقا
عيونة السابلة ليهن قلبي شابا وشاقا
ضهبان الدروب ما سوقروهو رفاقا

خرير دومته دمعا من المحاجر طافر
ونجوعك وصدك يحنن قليب الكافــر
ما بشكيك لربك ولا بكــوسها مخافر
رضيان بيهو حكمك ولصدودك غافر
***********

[عبد المنعم حضيري]

[quote=أبو أماني;617793]

المشاركة الأصلية كتبت بواسطة عبد المنعم حضيري

المشاركة الأصلية كتبت بواسطة عبد المنعم حضيري

خرير دومته دمعا من المحاجر طافر
ونجوعك وصدك يحنن قليب الكافــر
ما بشكيك لربك ولا بكــوسها مخافر
رضيان بيهو حكمك ولصدودك غافر
***********

دومتك نـازة زي دمعاً يَكِسْـر الخاطـر
وصدّك غوّر الجرح القديم ...يا ساتر
بشكيــك لقليبـك الزي حجـار أم بـادر
رضيان حكمو عادل واللا لي مكاجر

[أبو أماني]

يوت بقلد السجمان كان أجيده حجاهو!
أقع واتزلط والميس ما وصلت حداهو!
حاولت أقلدك لقيت الحال ما .. ياهــو!
وبقت فضيحتي في الهوط ميل والياهو
************

[أبو أماني]

ما تغيبوا علينا .. وخلو عندكم ذمة !
وغيابكم من الراكوبة بجيب لينا الغمة
الحضيري بيه راكوبتنا صارت .. أمة
والسجمان فوق راسنا زينة زي العمة

************

[سجمان]

المشاركة الأصلية كتبت بواسطة عبد المنعم حضيري

عزلت عليقتو من عيش الضهاري نجيضـو
يعاف النالة والتمليكة قش الوادي بحِمّيضـو
وطيـة خفـــو زي جــس الطبيــب لمريضـو
يسابــق روحــو حرقـوص العشيـة نهيضــو

المشاركة الأصلية كتبت بواسطة عبد المنعم حضيري

قبض السكة واتوجه علي الفي بيتو
رايـق وفايــق لا شاشيتـو لا زميتو
مبيتي الليـلة في بطن البطانة أبيتـو
نَازّ الخُمْرَة شارب لونو من كَبَرِيتُو

كرب زندو وشبح برق أم هبج بحّيتو
داقر في الجري ام جازاً عليو بخّيتو
وقودو عليقة والمشِرِق تمامة زيتو
ختفة خفو رمْضَاناً صِعِب ختخيتو

قبض السكة بالرسن الحرير راخيتو
فسراع فارق أب زيق البسوْ شِخِيتو
جاري بلا لهاث ما انشر فيو مخيتو
جاهو " الباردة" زي صوت الدرير في خيتو

جيت يا أم روبة في البوشي الموالي عليقتو
جيت مستعجل العوني البِحِقْ ترقيتو
الكسب الرهان وصلني في توقيتو
كان وخّر يمين أكان أكلتي رَبِيتو

[سجمان]

[quote=عبد المنعم حضيري;617756]

المشاركة الأصلية كتبت بواسطة أبو أماني

نمكم أصيل ذكرني فارسا بقولو لو طه ود أب سن .. كان بيغازل دابته الجمل الساماهو (أب سوميتة) وقال ليو :-

خرير دومتك شن بيشبه ..
بلا فوق رومة الدمسيسة (1)..
وعثراتك تدن للقّرب من ميسا ..
الزول أب رضوة .. (مدارجة وتحنيسة)
(تليتها)(2) منو ليالي عطشان لهاتي يبيسة!


خرير دومتك وَشَلْ خُمَرالمَرَدّم ديسا
نَفَسَك حرّ يوم دانيت مضارب ميسا
الزول السمح وشايل خصال بلقيسا
إن مَاح في الرقيص شبالو بتحنيسا

خرير دومتك بلا وشل المخمّر سيسا
نفسك بازلو للأمات حقيبة جليسة
قاطع شكك إن باريت دروب الرِيسة
تلهث خلفك القطعان جميعا بئيسة

[سجمان]

المشاركة الأصلية كتبت بواسطة أبو أماني

يوت بقلد السجمان كان أجيده حجاهو!
أقع واتزلط والميس ما وصلت حداهو!
حاولت أقلدك لقيت الحال ما .. ياهــو!
وبقت فضيحتي في الهوط ميل والياهو
************

السجمان أخوك تقليد وتجميع صيني
والحرف العنيد يا خلي تب عاصيني
الزول القبيل كان بالغرام خاصيني
في رد السلام دايماً علي مباصيني

[سجمان]

المشاركة الأصلية كتبت بواسطة أبو أماني

ما تغيبوا علينا .. وخلو عندكم ذمة !
وغيابكم من الراكوبة بجيب لينا الغمة
الحضيري بيه راكوبتنا صارت .. أمة
والسجمان فوق راسنا زينة زي العمة

************

يا خلي الغياب والله ما بي إيدنا
الدنيا ام قدود شاغلنا مسكت إيدنا
نديك النجيضة وعقباً معا تأييدنا
كل ما تسوي نم تسمع معاو ترديدنا

[سجمان]

البال والفكر والروح مفارقا الجتة
والقلب العليك "تنجستانو" وقع اتحتّ
أمراض الجسوم مهما الحيول تِنْبتّ
مي متل اشتهاك لحظ فراق البتّة

[سجمان]

بسوق النم علي الـ يوم الوداع عبّرني
بسوق غنواتي للبي نمو ما عبّرني
همي المعاي لو بالعبار شبّرني
يلقاهو المزودو شوقو كان عبّرني