أبو أماني

[بابكر مخير]

السيد الجليل
منعم
أنعم الله عليك العتق من حب دفرته هباء
وريدة دفقت
وسند أهدرته جفاء
ومساندة ما لحقت..
يابا
الحسسيب النسيب
للجميل حافظ
لا يوم يصهين ولا يوم بينسى
أخير ليك جانبه
بجانبك التوفيق
ما تودر دررك في مدح ما يحيق
ولا تشكر محكومن وكت الضيق
أصحى الحبيب فوُّق
وبالتوفيق...

تقول ليا الزين
ويييييييييييييييييييييييييييييييين يابا

[أبو أماني]

المشاركة الأصلية كتبت بواسطة بابكر مخير

السيد الجليل

المشاركة الأصلية كتبت بواسطة بابكر مخير

منعم
أنعم الله عليك العتق من حب دفرته هباء
وريدة دفقت
وسند أهدرته جفاء
ومساندة ما لحقت..
يابا
الحسسيب النسيب
للجميل حافظ
لا يوم يصهين ولا يوم بينسى
أخير ليك جانبه
بجانبك التوفيق
ما تودر دررك في مدح ما يحيق
ولا تشكر محكومن وكت الضيق
أصحى الحبيب فوُّق
وبالتوفيق...

تقول ليا الزين
ويييييييييييييييييييييييييييييييين يابا

وكلمة (زماااان) دي عشان إنشقاقك الغير مبرر وإنضوائك تحت لواء التمرد بقيادة ود..سعد..(حداد)..عموما كان إنت كان هو .. كلاكما أخا كريم وإبن عم كريم والحقيقة ولأن رسولنا الكريم هو غدوتنا فأنتما الطلقاء هذا الموقف الشهم المتسامح مني يرجع الفضل فيه للأديب الأريب الإنسان الرائع الملائكي المشير منعم حضيري حفظه الله من كل شر .. فقد جاء مكتبي بالقيادة العامة ووجدني أجهز في حملة كاربة على معقل الخوارج .. وطلب مني بكل تهذيب جبل عليه أن أعفو عنكما .. وطبعا إنت عارف يا بوكو مكانة الشريفي منعم الحضيري في قلبي يا أخي ده لو طلب روح نعتقها له بدون تردد ..أبشروا أيها الحبائب صافية لبن عفوت عنكما وكعربون قررت أن لا أسرد لكما واقعة شهر العسل التي نوهت لها مسبقا ..والتي كانت لآم أماني فيها صولات وجولات وصور مع راكيل والش وسيلفسترستالون في مدينة كان بباريس أثناء مهرجان توزيع جوائز الأوسكار .. والذي تشرفت بحضوره بدعوة كريمة من العزيز (أنطوني كوين)! على فكرة يا بوكو هو لسع حي؟ محظوظين غايتو لأني لو طفقت أحكي لكما التفاصيل الدقيقة لوقائع تلك المرحلة أكيد ود سعد بيقعد يلف مدينة بحري بحثا عن التيجاني الماحي!.. أما بوكو فألله وأعلم يقدر يمسك أعصابه بالذات لو ختمت الكلام بقولة .. كاااااااااااااااااااك!

[أبو أماني]

ها قد جنحا للسلم حسب قولك لهما وتعليماتك أوامر يا مشير .. تحياتي أي كلام خارم بارم يحصل في (الضفة الغربية) الهوت لاين إز راوند ذا كلوك ما بوصوك يا الخزين .. مع تحياتي ..

[فيصل سعد]

المشاركة الأصلية كتبت بواسطة أبو أماني

أكيد ود سعد بيقعد يلف مدينة بحري بحثا عن التيجاني الماحي!.. أما بوكو فألله وأعلم يقدر يمسك أعصابه بالذات لو ختمت الكلام بقولة .. كاااااااااااااااااااك![/COLOR][/B]

يا كبير الفلاسفة عفوك بلوا و اشرب مويتو و بطل استنكاح و ما تتذاكى و تعمل فيها شفت و ما تبيع الموية في حارة السقايين،،، حليفك منعم نحن عافيين منو تب و اكراما له نقلنا المعركة و دايرينك رأس براك فالكع تعال سريع في بوست الكمندان "تامين لامين" و عشان شتارتك احسن الخبيت يكون هناك و خلي ناس منتدى الحوار يرتاحو من جاكاتك و تطبيزك ضرستهم الله يضرس أعدائك.. مليون مرة قلنا ليك خفف اللفحي و راجع معلوماتك قبل ما تشوت هرطقاتك، بحري شنو يا مطرطش الفيها التجاني الماحي انت مالك داير تضحك الناس فيك، التجاني الماحي في امدرمان شارع العرضة فما تنجر و تألف من طايوقك يا ابن العم العزيز.. خلاصة الأمر تكتب لينا تعهد انك ترخي الجاكات و المكنات و تبطل لفحي و طقشي و تطبيزات و تسرع و استعجال، نحول ملفك لسعادة الكمندان و نقرض على كدا..

ارقد عافية..

** لو اعصابك بايظة و نفسياتك ضاربة، ممكن نوديك مدينة بحري
ترتاح فترة نقاهة في مصحة طه بعشر في كوبر...


كككككككككككككككككككااااااااااااااااااكككككك

[أبو أماني]

المشاركة الأصلية كتبت بواسطة فيصل سعد

يا كبير الفلاسفة عفوك بلوا و اشرب مويتو و بطل استنكاح و ما تتذاكي و تعمل فيها شفت و ما تبيع الموية في حارة السقايين،،، حليفك منعم نحن عافيين منو تب و اكراما له نقلنا المعركة و دايرينك رأس براك فالكع تعال سريع في بوست الكمندان "تامين لامين" و عشان شتارتك احسن الخبيت يكون هناك و خلي ناس منتدى الحوار يرتاحو من جاكاتك و تطبيزك ضرستهم الله يضرس أعدائك.. مليون مرة قلنا ليك خفف اللفحي و راجع معلوماتك قبل ما تشوت هطرقاتك، بحري شنو يا مطرطش الفيها التجاني الماحي انت مالك داير تضحك الناس فيك، التجاني الماحي في امدرمان شارع العرضة فما تنجر و تألف من طايوقك يا ابن العم العزيز.. خلاصة الأمر تكتب لينا تعهد انك ترخي الجاكات و المكنات و تبطل لفحي و طقشي و تطبيزات و تسرع و استعجال، نحول ملفك لسعادة الكمندان و نقرض على كدا..

المشاركة الأصلية كتبت بواسطة فيصل سعد

ارقد عافية..

** لو اعصابك بايظة و نفسياتك ضاربة، ممكن نوديك مدينة بحري
ترتاح فترة نقاهة في مصحة طه بحشر في كوبر...


كككككككككككككككككككااااااااااااااااااكككككك

هههههااااي .. وتاني .. ههههههاي .. عدالة القـٌصص أم قٌصة عوجاء.. طبعا أنا غفرت ليك تلكم الهنات .. ولك ان تتمسك بعذر إننا بشر والسهو والنسيان واردين في هذه الحالة .. أما انا فوالله بعترف بكل شجاعة إني ممنون لك إذ صلحت لي معلومة فقد كنت أعتقد جازما بأن التيجاني الماحي ببحري!.. والعقل الباطن .. جعلني أحسب ذلك، ففي سلالة حمد وخوجلي شيخا وقورا يدعى التيجاني الماحي ..رحمه الله، كذلك أهلنا الخوجلاب حفظهم الله ما قصروا معاي فيوجد شيخا آخر من السلالة يدعى حمدالنيل ظننت أيضا إن مقابر حمد النيل بأمدرمان تقبع ببحري لما صحح لي معلومتي (شافع متلك كدي!) المهم أنا قبلت تصحيحك وشكرا عليه بس عليك الله كمل جميلك .. ووريني قصة وموقع ال.. عصفورية والسرايا الصفراء والموريستان أصلي بسمع بيهم وما عارفهم .. وبما لك من باع طويل في أزقة وحوارى المحروسة أرجو أن تفيدني، علما بأني أثق تماما في خبرتك العملية العلمية والمعلوماتية في هذا المجال ولو من بره ساكت فأنا أثق تماما بأنك لم تتشرف بضيافة أي منهم ..و.. كاااااااك!

[أبو أماني]

سعادة المشيرإتا مشيت وين خليتني مع ود عمي العيكليتة ده ؟.. شايف الكومندان فتح ليه وخلاه ينافح الله ورقبته ضدنا تعال نتلم عليه سوا نوريه شدر أبو عشة .. كااااااااك

[فيصل سعد]

يا ود محجوب يا خوي انت الكمندان عارفو وين و بمخمخ و بجهبز ليك في شنو؟؟؟ فما تعمل رايح و تتزاوغ و ارجا الراجيك و انكرب ساي يا بتاع الركشة و الركشات و الركايش و المراكشات

[عبد المنعم حضيري]

المشاركة الأصلية كتبت بواسطة بابكر مخير

السيد الجليل
منعم
أنعم الله عليك العتق من حب دفرته هباء
وريدة دفقت
وسند أهدرته جفاء
ومساندة ما لحقت..
يابا
الحسسيب النسيب
للجميل حافظ
لا يوم يصهين ولا يوم بينسى
أخير ليك جانبه
بجانبك التوفيق
ما تودر دررك في مدح ما يحيق
ولا تشكر محكومن وكت الضيق
أصحى الحبيب فوُّق
وبالتوفيق...

تقول ليا الزين
ويييييييييييييييييييييييييييييييين يابا

أوووووووووووووووه

الصعيادة وصلوا

مرحبتين حباب الكمندان

حافظ ...... زول يقدر للقليب البيهو حسه
ولي عهود الريده حافظ لابيجرح ولابينسه
لما تتبدل ظروفنا نلقى برضو حبيبنا لسه
لاعرف في يوم يساوم لابيعلم قلبو يقسى
(عبد الرحمن حسن سيداحمد .... غناء النصري)
الزين..... عشانك بقاتل الريح
عشانك فؤادي جريح
عشانك أنا مقتول
وبموت معاك مقتول
عشانك يا حزن نبيل
عشانك يا حلم جميل
عشانك يا بلد
يا نيل
يا ليل
يا سمح يا زين

ما فرقت يا كمندان ...طالما ما الإنسان ..... سليم الجنان ... يبقى ليهو إسم أو إسمان أو أكتر كمان

تحياتي ليك ولليانكي الشرس

[عبد المنعم حضيري]

المشاركة الأصلية كتبت بواسطة أبو أماني

سعادة المشيرإتا مشيت وين خليتني مع ود عمي العيكليتة ده ؟.. شايف الكومندان فتح ليه وخلاه ينافح الله ورقبته ضدنا تعال نتلم عليه سوا نوريه شدر أبو عشة .. كااااااااك

عمك جنبك

قلت ليك ما تخاف ..... شدر أبو عشة خليهو (هو شنو؟؟) .... بعد ما وريناهو شدر المِسكيت القرييييييييب من علي التلب ....
شايفو ماشي بسياسة التحييد .... عاوز يحيدني وينفرد بيك .... قول ليهو تلقاها عند الغافل... شغلنا نضيف .... team work مافي لعب

[فيصل سعد]

يا حضيري يا ابن العم انت اسم حافظ دا نجرته و جبتوا من وين و دخلتوا في معمعتنا دي، ما تلوشك قصيدة الكمندان هو كتب ليك "حافظ للجميل" كصفة للعبد لله الفقير لله.. صاحبك و حليفك ابو أماني اسمه زين العابدين ناس تقول ليو الزين، ماشي الحال، غالبية ناس بري تقول ليو عابدين، ماشي الحال، في عدد قليل من أقرب المقربين ليهو في سودانيات بناديه باسم مأمون، انا غايتوا قاعد معاو في بري عمري كله اسم مامون دا ما طقش اضاني و ما معروف اسمه الجاي شنو ود محجوب ابو الوجاهة دا،، بعدين مالك مكبر روحك و شابكو عمك، كيف تكون عم زول عمره داقي في سبعين سنة،، زي نوع العيش ابسبعين و كدا

أرقدوا عافية..

[أبو أماني]

المشاركة الأصلية كتبت بواسطة فيصل سعد

يا حضيري يا ابن العم انت اسم حافظ دا نجرته و جبتوا من وين و دخلتوا في معمعتنا دي، ما تلوشك قصيدة الكمندان هو كتب ليك "حافظ للجميل" كصفة للعبد لله الفقير لله.. صاحبك و حليفك ابو أماني اسمه زين العابدين ناس تقول ليو الزين، ماشي الحال، غالبية ناس بري تقول ليو عابدين، ماشي الحال، في عدد قليل من أقرب المقربين ليهو في سودانيات بناديه باسم مأمون، انا غايتوا قاعد معاو في بري عمري كله اسم مامون دا ما طقش اضاني و ما معروف اسمه الجاي شنو ود محجوب ابو الوجاهة دا،، بعدين مالك مكبر روحك و شابكو عمك، كيف تكون عم زول عمره داقي في سبعين سنة،، زي نوع العيش ابسبعين و كدا

المشاركة الأصلية كتبت بواسطة فيصل سعد

أرقدوا عافية..

هههه.. تعرف يا .. (فوفو) ! مرة قابلت أخوك الحبيب طارق قلت ليه كيف فوفو قال لي فوفو منو ؟ تعرف يا أبو العبد رغم غلاستك الغلبت الطب والطبيب دي إلا إنه فيك حاجات كتيرة تحبب الناس فيك ..وده أكيد الخلى كتير من الناس ينطسوا في نافوخهم ويحبوك..حبتك (قبورة إنشاء الله)..ما تفتكر كلامي ده لأني جريت واطي وكده .. حربنا قائمة إلى نهاية الشوط هي مجرد هدنة .. أثرت أنت في نفسي بعض الشجون بحديثك عن كثرة الأسماء والألقاب ..أول الألقاب التي أحبها بحق (العبد) وقد أطلقته على شخصي الضعيف المرحومة فاطمة بت حسن أمين وروجت له المرحومة رقية بت ميرغني صديقة المرحومة عمتك الست .. ثم لقب ساري الليل الذي أطلقته جدتي بت أبو حسبو رحمها الله ..فقد كنت أطيل السهر خارج البيت وتنتظرني العلقة يوميا صباح اليوم التالي بواسطة العم حسبو حفظه الله قبل ما أشرب شاي الصباح باللبن المقنن والجمادة على طريقة (دق الإيضينة وإتعذر ليو) أما اللقب الثالث فهو (اللزرق خيت الشلة) وهذا من صنع والدي وجدي بابكر السيد رحمه الله وأكرم مثواه.. وله ألف حق فقد كنت الوحيد الذي يماثله زرقه.. أما اللقب الذي كنت لا أحبه فهو (الدبيب) وقد أطلقه عليا جدي لأمي رحمه الله عبد الرحيم السيد شقيق جدي لأبي .. لأني بهباشتي كسرت ليو القله حقت الموية حقته، الأسم الرسمي بشهادة الميلاد هو: زين العابدين..وهو إسم مركب يمكن أن يشتق منه عابدين و (زين) والزين و..عبده ..وكذلك بابكر ..على أساس قول رسولنا لآبي بكر الصديق .. أنت زينة العابدين يا أبا بكر .. فصار الصحابة ينادونة بزين العابدين تحببا .. أما إسم مأمون فهو إسم معتمد لدهشتك! وأحمل له شهادة ميلاد أيضا .. فقد تصادف عند ميلادي أن كانت الوالدة منفصلة عن الوالد (إبن عمها) وطلعت سمايتين إحداهما كانت من بيت جدي بالدرائسة والثانية في اليوم التالي ببيت جدي بالمحس ..! حتى يعلم الدكتور مخير أي عدوء عزيز يصادم الآن!! .. وليعرف الحضري وهو يعرف بفراسته أصلاً إنه قد إختار من يشرفه مثلما شرفتني معرفته وصداقته ورفعت من مقامي كمان .. ختاما يا إبن العم لا أركن كثيرا لمقولة الحبيب الغائب رده الله صديق الجميع الأخ هاشم طه (مواطن) بأن كثرة الألقاب والمسميات دلالة على عظمة المسمى!.. فأن العظمة لله في الأعالى .. وما أنا إلا أمة من إماة الله .. الهدنة إنتهت جهز دفاعاتك قبل التفكير في الهجمة فالمشير على قدم وساق ومدرسة ((الإتحاد)) تنتظر .. كااااااااااااااااااااك

[أبو أماني]

المشاركة الأصلية كتبت بواسطة عبد المنعم حضيري

عمك جنبك

قلت ليك ما تخاف ..... شدر أبو عشة خليهو (هو شنو؟؟) .... بعد ما وريناهو شدر المِسكيت القرييييييييب من علي التلب ....
شايفو ماشي بسياسة التحييد .... عاوز يحيدني وينفرد بيك .... قول ليهو تلقاها عند الغافل... شغلنا نضيف .... team work مافي لعب

ها!..وحاتك يا غالي ما شايل هم ..بس شيشك يا اللدر..لا تكسر (الضانقيل) أسع دي زولك يلطشها ينزلها في البوست حقه الرائع بتاع المفردات داك .. وحذره ما يسعلني من معناتها .. لاني بديه ليك كوع لامن يقول جون سينا الجابو هنا شنو؟ .. يا منعم والله نحن فوق عزنا .. نحن الطلقة القايمة دابها .. ونحن اللقمة في جوف الغلابة .. نحن الحاره بنقول حبابها .. وبنفتح سدورنا لسيوفها وحرابها ..ونحن العجاجنا وقف كترابة و .. كاااااااااااك..هي سجمي قصدي..ايووويوووووييييوي..

[فيصل سعد]

يا زول المشكلة الهدنة معاك على الأقل بتاخد ليها عشرة سنين لو ما اكتر، لكن نعمل شنو ترانا مجبورين لانه بصراحة مافى داعى للعناد و نشاف الرأس و العكلتة اكتر من كدا، لأنها بتاثر فى نفسيات الجمهور و خصوصا المعجبات و انت سيد العارفين انا في الحتة دي ما بلعب و ما بجازف، الحاجة التانية انت صبر أيوب عليك قليل و مناوشتك ما ساهلة و دايرة طولة نفس،، و الاهم من ديل كلهن صديقة مشتركة مطرطشة مفتكرانا متشاكلين و بيناتنا داحس و الغبراء و قالت بتقطع علاقاتها معانا لو ما وقفنا التناحر، فعليه، هدنة هدنة غرامة غرامة، و في الحالتين انت الكسبان

و بهذا يواصل أخونا حضيري صاحب البوست مشواره مع مضمون المفترع، له و لضيفه الكريم وافر الأعزاز و المودة، و على المحبة نلتقي..

و في أمان الله..

[أبو أماني]

المشاركة الأصلية كتبت بواسطة فيصل سعد

يا زول المشكلة الهدنة معاك على الأقل بتاخد ليها عشرة سنين لو ما اكتر، لكن نعمل شنو ترانا مجبورين لانه بصراحة مافى داعى للعناد و نشاف الرأس و العكلتة اكتر من كدا، لأنها بتاثر فى نفسيات الجمهور و خصوصا المعجبات و انت سيد العارفين انا في الحتة دي ما بلعب و ما بجازف، الحاجة التانية انت صبر أيوب عليك قليل و مناوشتك ما ساهلة و دايرة طولة نفس،، و الاهم من ديل كلهن صديقة مشتركة مطرطشة مفتكرانا متشاكلين و بيناتنا داحس و الغبراء و قالت بتقطع علاقاتها معانا لو ما وقفنا التناحر، فعليه، هدنة هدنة غرامة غرامة، و في الحالتين انت الكسبان

المشاركة الأصلية كتبت بواسطة فيصل سعد

و بهذا يواصل أخونا حضيري صاحب البوست مشواره مع مضمون المفترع، له و لضيفه الكريم وافر الأعزاز و المودة، و على المحبة نلتقي..

و في أمان الله..

معقولة يا ود سعد ..بعد بوست منعم ما نجح نجاح منقطع النظير وله متابعين فاقوا الألف بالقديم تقول لي واحده قالت لي تتناحروا نتناحر في شنو وفوق كم وقلنا شنو يا باذخ ؟ إذا أستاذنا منعم بجلالة قدره أشاد بالأسلوب والمناكفة الراقية البريئة تجي تقول لي شنو ما عارف ؟ الظاهر عليك بس مليت مننا وكده عموما أحمد الله إنه الفرسان الثلاثة في هذا البوست لم يشتطوا بالمناكفة وما في زول تجاوز الحدود أو جرح الآخر فقـــد كانت ولا زالت مساجلات ومناكفات بريئة براءة الأطفال بأسلوب سلس خاصة من جانب الهرمين الرشيقين بوكو ومنعم وعموما ثانية البوست الناجح بيفرض نفسه ولا يحتاج لأن يعيد صاحبه رفعه بمداخلة جديدة كلما توارى عن الأنظار..إسوة ببوستات تعرفها زي جوع بطنك !! ولا شنو يا إبن عمي العزيز..قول لأختنا العزيزة تسلمي ونشكر لك مشاعرك الحيية .. بس تأكدي أن حبنا لكم ولبعضنا يتحكم هو فينا ولا نملك عليه حكما.. لكم جميعا صادق الود وما زال السجال مستمرا مع تقديري للجميع .. والكلام ليك يا المنطط عينيك .. أأأي ود مخير .. قلت الزين ماااااااااالو ؟ ارجى الراجيك يا با والمرة دي وساطة منعم سيعاد فيها النظر والللليلا مأمون جااااااااااااااااكم ومعاه منعم كمان أعملوا ساتر وقولوا يا سـاتر كاااااااااااااااااك

[عبد المنعم حضيري]

المشاركة الأصلية كتبت بواسطة أبو أماني

..قول لأختنا العزيزة تسلمي ونشكر لك مشاعرك الحيية .. بس تأكدي أن حبنا لكم ولبعضنا يتحكم هو فينا ولا نملك عليه حكما..

مين غير أبو أماني يأتي بمثل هذا الجمال

إتعلموا يا يانكي ياخ

تحياتي