فيصل سعد،، عشر ة أعوام في سودانيات

[فيصل سعد]

المشاركة الأصلية كتبت بواسطة عبد المنعم حضيري

وأسع يعني ما وقفت معاك؟؟؟؟؟؟؟؟؟؟

أرجع وأقرا المداخلة حقتي وحقت أسعد تاني وتعال لي يا باذخ

يا حبوب دي اسمها هجمة مرتدة
و مناكفة و مناوشة المحبين، ماني
محتاج إعادة القراءة لكن انت محتاج
كورسات في الغتاتة دون سؤ
و جهجهة العدو و تشتيت أفكاره و كدا..

[أمير الأمين]

مزيد من العطاء الباذخ



قلنا نجى بالدرب بدل "نتجلى"

[فيصل سعد]

المشاركة الأصلية كتبت بواسطة أمير الأمين

مزيد من العطاء الباذخ



قلنا نجى بالدرب بدل "نتجلى"

انت بالذات تجي من وين ما تجي،،
بالدرب ولا بالزقاق و لا باللفة، و أن
بقيت كمان داير تتجلى، فالتجلى
بين المساكين رحمة

ايامك ساكوبيس..

[الجيلى أحمد]

عشرة سنين ياثرثاظ
انا لله ياخ, بالله السنوات دى بقت تقفز, زمااان كانت بتجرى عادى

بعد العشرة سنين دى قطع شك بتستحق ليك عنوان بوست كارب من عمنا مخير
فلاذالت بقجتك ملئية بالمزيد

[أسعد]

المشاركة الأصلية كتبت بواسطة عبد المنعم حضيري

وفي السياق ذاته إجتمعت هيئة المحلفين بمحكمة جنايات قواعد اللغة المكونة من كل أعضاء مجمع اللغة العربية بشأن إتخاذ قرار في مخالفة العلامة الجهبذ أسعد والتي هوى بها إلى درك سحيق من التردي اللغوي وذلك بتذكيره لإسم الإشارة الوارد قبل كلمة سنوات وهي مؤنثة بدلاً من تأنيثه ...
وقدم محامو الدفاع في مرافعاتهم المتعددة عدة أسباب لهذا الخطأ الجسيم لم يكن من بينها النسيان أو السهو وإنما ركزوا كل دفاعاتهم على أن العالم الجهبذ ينحدر من أصول غير عربية وغالباً ما يكون (تاوره الضرس) وعاوده الحنين للغة أهله فذكر المؤنث وهو يقصد التأنيث ولذلك كانت جل مطالبهم هي تخفيف العقوبة غير أنهم لم يغفلوا إثبات حضارة وتقدم وحداثية آراء موكلهم ومناداته المستمرة بمساواة الأنثى بالذكر وأنه لكي يضرب مثلاً حقيقياً لذلك قام بتذكير المؤنث ......ولا نامت أعين الجندر.

عبد المنعم حضيري
مراسلكم من داخل المحكمة

من جهته نفى المتهم أن يكون من غير الناطقين بها
وايضا نفى وجود علاقة تربطه بأهل اللغة العربية

[عمر صديق]

الف مبروك فيصل سعد وجو د حقيقى
وربنا يديك الصحة والعافية
وعقبال تفرح باليوبيل الفضى

[فيصل سعد]

المشاركة الأصلية كتبت بواسطة الجيلى أحمد

عشرة سنين ياثرثاظ
انا لله ياخ, بالله السنوات دى بقت تقفز, زمااان كانت بتجرى عادى

بعد العشرة سنين دى قطع شك بتستحق ليك عنوان بوست كارب من عمنا مخير
فلاذالت بقجتك ملئية بالمزيد

يا ابن العم، قلنا ليك باصر لينا حميل خلينا نتمطق في المرارة و نقزقز بالكمونية و نقرقش العضام، عملت مجنون، ما مشكلة شوف لينا زميلة المدرج السويدية الزمان ديك البتخلف رجلينها تدينا سفة اصلية كاربة من حقتها و خلي عمنا يكتب اليكتبو.. طبعا لما قريت "شايل الجميل" افتكرته قاصدك انت يا ابشلاليف لأنه فترة كدا كان مدور فيك الجميل ابو جميل،، يا معلم عمك عندو استايل بتاع كتابة و جغمسات و انكشاحات تقول لحبيبنا اشتر ود ابو عاقلة زح أمشي اقعد في الكنبة القدام و على سبيل المثال قصته بتاعة "ديك الكلجو " لو تتذكرها، انا قاعد اضحك فيها لهسة يشهد الله..

** البنج ابو سعيد ما عندك أخباره؟؟

ارقد عافية..

[فيصل سعد]

المشاركة الأصلية كتبت بواسطة عمر صديق

الف مبروك فيصل سعد وجود حقيقى
وربنا يديك الصحة والعافية
وعقبال تفرح باليوبيل الفضى

الله يبارك في ايامك يا عمر، اليوبيل الفضي لو لقينا طريقة لحقناو قطع شك حيكون بالمشاهرة،، و للوكت داك عكود و الطاقم الفني يكونوا جهزوا لينا تكنلوجيا بالنظرات و الاشارة، انت تعاين و تأشر و الكمبيوتر يكتب ليك المداخلة و طبعا ستزداد كمية النبز و الشتيمة، و اللعنات ما تديك الدرب،، فتبقوا تستحملونا و تطولوا بالكم شديد

أبقى طيب..

[فيصل سعد]

المشاركة الأصلية كتبت بواسطة أسعد

من جهته نفى المتهم أن يكون من غير الناطقين بها
وايضا نفى وجود علاقة تربطه بأهل اللغة العربية

تقديرا لظروف انسانية انا عفيت و سامحت،
متهم الجن دا طالما داير يتزوج من المكسيك
أو كوستاريكا، فحقوا المحكمة تراعي حرمانه
و تخشى عامل السن، عشان القطر ما يفوتوا
أكتر من كدا، و الشباب كله بايركس

[الجيلى أحمد]

المشاركة الأصلية كتبت بواسطة فيصل سعد

يا ابن العم، قلنا ليك باصر لينا حميل خلينا نتمطق في المرارة و نقزقز بالكمونية و نقرقش العضام، عملت مجنون، ما مشكلة شوف لينا زميلة المدرج السويدية الزمان ديك البتخلف رجلينها تدينا سفة اصلية كاربة من حقتها و خلي عمنا يكتب اليكتبو.. طبعا لما قريت "شايل الجميل" افتكرته قاصدك انت يا ابشلاليف لأنه فترة كدا كان مدور فيك الجميل ابو جميل،، يا معلم عمك عندو استايل بتاع كتابة و جغمسات و انكشاحات تقول لحبيبنا اشتر ود ابو عاقلة زح أمشي اقعد في الكنبة القدام و على سبيل المثال قصته بتاعة "ديك الكلجو " لو تتذكرها، انا قاعد اضحك فيها لهسة يشهد الله..

** البنج ابو سعيد ما عندك أخباره؟؟

ارقد عافية..

ياسلام ياثرثار يامسافة ,
الاأيام الجميلة مع رميات ودالحاج, ,وشوتات ود الطاهر, ودخلات الطيب بشير وجدعات عكود وبندرشاه وشليل وأشتر..
حاأتصل بالبنج شليل وبجيبو من ايدو,
وعد..

يااخى مشتاق شديد لود الحاج,
ماعارف الدبارة كيف!

[أبوبكر عباس]

المشاركة الأصلية كتبت بواسطة الجيلى أحمد

يااخى مشتاق شديد لود الحاج,
ماعارف الدبارة كيف!

حتى لو عبرت بهناك يا جيلي، ما ح تلاقيهو، لأنو خالد بالجنة!

[الجيلى أحمد]

المشاركة الأصلية كتبت بواسطة أبوبكر عباس

حتى لو عبرت بهناك يا جيلي، ما ح تلاقيهو، لأنو خالد بالجنة!

حاقد انت يااخى..

أهم شي بعدين يبعدوك منى,
غايتو كان لقيتك جمبى فى الجنة مابعيد أحردا
حاتعديها لينا كلها غلاط,
ورانا حور عين راجيات
فاضيين نحنا!

[فيصل سعد]

يا نديد شيطان كتابتك خابرنوا تب و فوق راسنا الا شيطان علم غيبك يطرشنا و يعمينا، بقت عليك قصة الزول المشاكل صاحبه تلاتين سنة داك، مشى قال ليو العفو و العافية، صاحبه قال ليو صافية لبن الا مالك جاي تعتذر بعد السنين دي كلها، قال ليو سمعت الامام في صلاة الجمعة قال يلتقي المتخاصمان يوم القيامة و صراحة كدا انا ما داير اشوف خلقتك دي بهناك.. اها هسة انت و الجيلي ارسو ليكم علي بر

[اسراء المهدي]

مساء الخير عليك ياباذخ وعلى ضيوفك الكرام

اها انا جيت ورا وناوية اكابس مع منعم يمكن نحجز لينا ضرا سوا

عشرة سنين طيبة ونديانة محبة والجايات اطيب

[جيجي]

اجي يايمة
انتو فيصل سعد دا بقى ما بصافح ولاشنو
غايتو يافيصل بس الزعلة الياها