*(( خالدا ))* بيننا يرعى زرعه ..!!!

[أبو أماني]

عندما تنسكب دموع اليراع على السطور تشكل الحروف كلمة (خالد الحاج) رحمه الله وأكرم مثواه .. أربعة سنوات ونيف مذ غادر الفانية هذا الومض المبهج حزني عليه أن أحببته غيبا .. ولم ألتقيه إلا وهو على السرير الأبيض يكابد الألم المبرح ويكابد خروج الإبتسامة من عمق المعاناة ليصبرنا ويوهمنا بأنه بخير .. لهفي على أيام مضت وهو حي ينبض بالحياة ولم الآقيه أو أحتضنه أو أقبله ..ولهفي أن لم أجالسه كسائركم وأنعم بدف وصدق مجلسه وعذب حديثه الذي لا يعرف طريقا سوى القلب .. غامت الدموع وغمت عيوني وأنا أستذكر أول ضيفا على مائدة سودانيات كان أول سؤال لآول ضيف على المائدة وكانت أول إجابة له كما يلي :-
*************
سلامات يا شباب
نبدأ بأسئلة أبو أماني وشبارقة...

الاسم : خالد الحاج الحسن الحسين صالح ....
من مواليد البركل بالمديرية الشمالية عام 1961 شهر فبراير يوم 28 ...
يعني عمري 48 سنة
أو
2625 أسبوع
أو
17683 يوم
أو
424392 ساعة
أو
25463532 دقيقة

أما الثواني فخليناها للانتظار... "مليت ثواني الانتظار" أو كما قال خليل اسماعيل..

التعليم ..
الابتدائية : السجانة
المتوسطة : الخرطوم جنوب
الثانوية : الخرطوم بحري
الجامعي : الاسكندرية + الأفرويشن جامعة الخرطوم.

متزوج ...

أربعة أطفال ...
حباب
جعفر
سارة
نهلة

أعمل في مؤسسة (Rock Wool) في مدينة رورموند حيث أقيم حاليا في الجنوب الهولندي.

أسأله تعالي أن يكرم وفادتك ومثواك ..وأن يجعل مسكنك جنات الرضوان وأن يحفظ باقى سلالتك ويكلاءهم برحمته ورعايته .. وأن يهدى جميع من أحبوك أو آخوك أو زاملوك أن يرفعوا لله أكف ضارعات بصالح الدعوات ..

[عبد المنعم حضيري]

رحم الله خالد الحاج رحمة واسعة وأسكنه الفردوس الأعلى برحمته تعالى

ما تفعله أخي أبو أماني هو دين مستحق وواجب السداد فالوفاء شيمة الأوفياء

كلنا لم نسعد بلقائه كفاحاً ولكننا إلتقيناه مراراً عبر ما يقال عنه من عضوية المنبر وعبر ما حبره يراعه الثر على صفحات سودانيات فأحسسنا بقربه منا وأننا من أصدقائه المقربين ......

بارك الله فيك يا أبا أماني

تحياتي

[بابكر مخير]

أبو أماني
بالجد بالجد
حبيتك وعزيتك
لكن خلودي
أكتر منك
الله يرحمه ويخليك لينا

[ناصر يوسف]

الحبيب ابو اماني

قولك هذا هذا قول من لم يلتقي الحبيب ود الحاج في حياته

فما بالك للذين قابلوه .. زاملوه .. عايشوه الحياة بحلوها ومرها

خالد الحاج ...

هذا الرجل ...

من نوعية الرجال الذين يسهل علي الجميع محبتهم

كاريزما .. حضور .. وعي .. ثقافة .. محبة للناس .. زول حقاني .. صااااااادق ... لا يهادن ... شخصية قوية ... زول تحبو كده ساي لي الله وفي الله كده تحبو ياخ

وما عجب بإنو اي زول بيشوف انو هو أقرب الناس لخالد .. اقرب ليهو من كل زول تاني

ياخي عندك انا ده مثلا ... كنت بفتكر انو مافي زول اقرب لخالد شدييييد كده غيري انا ده
لما شفتو مع معتصم الطاهر ... لقيتو اقرب ليهو مني
الجيلي
ساره
عبد العزيز خطاب

لقيتهم هم الاقرب ليهو مني
ولما مشينا لعمنا محجوب شريف عليه الرحمة والمغفرة في يوم من الايام
وبالرغم من علاقتي بخالد و بمحجوب شريف ابوي ... لقيت نفسي بيناتهم زي الضيف

ولما كنا مع عمنا شوقي بدري ... يا الله يا ابو اماني علي العلاقة البين خالد الحاج وعمنا وكبيرنا شوقي بدري ... والله ولعمري لم القي علاقة محبة وقرب روحي بين اثنين اكثر واعمق واجمل وانبل من العلاقة البين خالد الحاج وعمنا شوقي بدري

ده خالد الحاج اخوي البعرفو

كل الناس .. كل واحد شايف إنو خالد الحاج قريب جدا ليه هو شخصيا اكتر من الاخرين بالمحبة الصادقة

يا رب ترحم اخوي خالد الحاج الحسن الحسين وتغفر ليه يا الله

بارك الله فيك حبيبنا ابو اماني

[فيصل سعد]

و هنا يكمن سر الخلود..

له واسع الرحمة و المغفرة، و نتضرع للمولى
جل و علا أن يمن عليه بالرضوان..

[أبو أماني]

وكما قال رسولنا الكريم (صلعم) أذكروا حسنات موتاكم ولا أرى للفقيد المقيم بالقلوب سوى الحسنات فليتقبلها الله ويتجاوز عن السئيات والكمال لله وحده من روائع هذه الذكرى العطرة أن ندعوا له بصالح الدعوات ونستذكر طلته وسماحته التي عمت الأطراف بل وضمتها في إناء واحد إسمه الحب النبيل .. أفادك الله وأثابك بصالح الأعمال أخي الحبيب الفنان ناصر فقد أثريت معرفتي بنواحي عديدة ومآثر للفقيد عليه الرحمة كنت أجهلها ..وها قد صدق حدثي بالتقارب الأزلي والروحي بين الفقيد وبين الحبيب الموسوعة شوقي بدري حفظه الله وكان القرين بالمقارن يقتدي كان كل البلاغة فيما أسلفت بأنك كنت تحسب أنك الأقرب إليه فوجدت من يفوقونك ولكن لا عليك ..فالشئ من معدنه لايستغرب لكم الود جميعا ورحم الله من في القلب.

[نزار حسن علي]

الحبيب ابواماني
اشواقنا بلا ضفاف
الله يرحمه الخال كان من فترة لفترة يتصل بي ويقول لي يا ابن اختي طوالي عندو العبارة دي ونتناقش في اي شئ وما بزعل كل ما اقول ليهو يا خال بالغته في كده وكده يقول لي يا نيزو دي طبيعه النفس البشرية لما اقول ليهو انته قلبك ابيض يقول لي ابيض بمحبتكم للخال ربنا يرحمه ويحسن اليه ويجعل مثواه الجنه

[أبو أماني]

المشاركة الأصلية كتبت بواسطة نزار حسن علي

الحبيب ابواماني

المشاركة الأصلية كتبت بواسطة نزار حسن علي

اشواقنا بلا ضفاف
الله يرحمه الخال كان من فترة لفترة يتصل بي ويقول لي يا ابن اختي طوالي عندو العبارة دي ونتناقش في اي شئ وما بزعل كل ما اقول ليهو يا خال بالغته في كده وكده يقول لي يا نيزو دي طبيعه النفس البشرية لما اقول ليهو انته قلبك ابيض يقول لي ابيض بمحبتكم للخال ربنا يرحمه ويحسن اليه ويجعل مثواه الجنه

رحمه الله كان خالا بكل ما تحمل الكللمة من معان .. حتى لمن يكبروه سنا .. وله أثر باق حتى بعد رحيله فالكل يعشق في سودانيات خالدا لك الود والتحية لآسرتك الكريمة وربنا يعيدك سالما غانما للوطن .. تحياتي الصادقة ..