الكيزان والأخلاق

[طارق صديق كانديك]

المشاركة الأصلية كتبت بواسطة أبو جعفر

السلام عليكم طارق
هل البوست التثقيفي الذي كتبته أنا عن (الكفر) يستحق المصادرة وأن الأمين العام تجاوز عن مصادرته تفضلاً .... حقيقي أصبحنا في عهدك نخاف من الكتابة ... فأنت تنكر وتصادم رأي كل المفسرين، والمعاجم، والشعراء، ومجلس إدارة سودانيات.. وتصر على صحة تفسير الخوارج المارقين.

وعليكم السلام أبا جعفر

الحلة دي كلها طارق بصادم أراءها وبصحح تفسير الخوارج المارقين؟ ما عصرت عليهو شوية طارق ده؟

يا أخي الكريم لو كانت رؤيتك توافق كل من ذكرتهم (عدا الخوارج المارقين) ماكان هذا الجدال كله قد رأى النور.

أسألك بالله أن ترجع الى المداخلة الأساسية التي تناولت فيها أنت تكفير زميلك في المنبر إذ عنّ لي أنك قد نسيت صياغتها والسياق الذي جاءت فيه.

ليس زهداً في الحوار،ولكنه حين يصبح دائرياً لا يفضي الى نتيجة يصبح ضرباً من العبث وإن تلبّس لبوس التثقيف.

كن بخير.

[أبو جعفر]

المشاركة الأصلية كتبت بواسطة طارق صديق كانديك

وعليكم السلام أبا جعفر

الحلة دي كلها طارق بصادم أراءها وبصحح تفسير الخوارج المارقين؟ ما عصرت عليهو شوية طارق ده؟

يا أخي الكريم لو كانت رؤيتك توافق كل من ذكرتهم (عدا الخوارج المارقين) ماكان هذا الجدال كله قد رأى النور.

أسألك بالله أن ترجع الى المداخلة الأساسية التي تناولت فيها أنت تكفير زميلك في المنبر إذ عنّ لي أنك قد نسيت صياغتها والسياق الذي جاءت فيه.

ليس زهداً في الحوار،ولكنه حين يصبح دائرياً لا يفضي الى نتيجة يصبح ضرباً من العبث وإن تلبّس لبوس التثقيف.

كن بخير.

مرحبا طارق
وصدقني نحن نعيش في غربة حقيقية عن منهج الإسلام الحقيقي، والذي يمثل إعجاز ديني وسياسي واجتماعي ... وهذه الغربة هي السبب الرئيسي لاستهزاء صديق عيدروس وعبد المنعم حضيري بفريضة إسلامية والتغطية عليها لدرجة ذبحتنا بإسلامك هذا ...

وهي أيضاً الغربة التي جعلتك تمارس أعلى سلطة استثنائية في اللائحة لتلجم مفهوم إسلامي يمثل الإطار الفكري للإسلام .. وذلك بأن تركلني خارج المنبر بالكلية، بعد أن ركلتني أول مرة بعدم إتاحة أي فرصة للدفاع عن المفهوم الإسلامي الذي دافعت به المستهزئين بالإسلام ومنهجه مخالفاً في ذلك لأبسط قواعد العدالة والانصاف ...

وها أنت الآن تركل الطرف الثالث الذي يمكن أن يستفيد من هذا الحوار فتطلب قفله.. بعد أن تؤكد مرة أخرى خطأ استخدامي لمفهوم إسلامي ضد من استهزأ بفريضة قرآنية والتي هي والله أكبر من ألف ألف مساحة سودانيات وكل المنابر الاليكترونية مجتمعة فعطاء عقيدة الشورى الديمقراطي هو عطاء تراكمي لا حد لمعطياته عبر الزمن.

ولك أن تسأل لماذا يغالطنا أبو جعفر بدين كلنا ندين به، ونعلم الكثير عن معطياته ... ولكن بكل أسف هناك دينان يسودان الساحة الإسلامية اليوم، أولهما قرآن بسيط في مبناه وعقائده.. وعميق في معناه ومعطياته.. حفظ لنا المولى سبحانه وتعالى نصه من التحريف أو الزيادة أو النقصان ..

وهناك نصوص قام باختلاقها الطغيان وفقهاء الشيطان لتغييب تعاليم ومفاهيم القرآن الكريم، ومثلت متاهة فقهية حقيقية للمسلم، فاصبح كمن يصحو من نومه ليجد كابينة طائرة جامبو ركبت في سيارته بدلاً من عجلة قيادتها البسيطة ... فيترك السيارة ويفضل أن يسير راجلاً بدلاً من الدخول في تجربة مكلكعة تناقض بعضها بعضاً... ولكن لا بأس بالركوب المريح إن وجد من يقوده داخل المتاهة وفي اتجاه السائق أي كان خطأه.

هذا وتأكيداً لما ذهبت أنا إليه هاك هذا المقال وأرجو ان يسمح وقتك الثمين لقراءته ففيه الكثير من الفائدة .

الشيخ حسن بن فرحان المالكي
خلاصات أموية:
إن أدراك ما أحدثه بنو أمية في الفكر والعقائد والحديث والسلوك والفقه والأنظمة كافة سياسية ومعرفية ومالية من أولى أوليات العلم. لأن طالب العلم إذا لم يعرف هذا فقطعاً سيخلط دينه ببعض تلك الممارسات والتغيير للدين نفسه، وتنقية الدين من آثار التحريف البشري واجب إجماعا. ولكن الغلاة يكابرون في القضية الواحدة لو أتيتهم بكل آية ما تبعوا حجتك، لذلك لن أخاطبهم وسأنقل خلاصات لمن أراد من طلبة العلم.
هذه الخلاصات بلا توثيقات الآن، وقد نفصل لاحقاً في كل مسألة منها، ومن ذلك :
1- التغيير في أعلى الهرم (السلطة)
2- انتهاك واسع للحقوق
3- الإقطاعية
4- العصبية القبيلة
5-الملك العضوض
6-الوراثة
7- إبطال الشورى

فالغلاة ثمرة خدعة أموية... هذه الخدعة صاغها دهاة كبار لا تقوى عليها عقول الحمقى. هذه الخدعة الهدف منها سياسي فجعلها الغلاة ديناً!

البراءة من الظالمين والطغاة صريح وواضح في كتاب الله فإذا أعرضت أنت عن هذا الوضوح لم تستحق الهداية وإنما تستحق الضلالة وتحسب أنك مهتد.

[الرشيد اسماعيل محمود]

المشاركة الأصلية كتبت بواسطة أسعد

بس ضد اتهام ان الكيزان هم من افسدوا المجتمع السوداني
لأن الحقيقة والواقع بقول المجتمع السوداني هو الخلق الكيزان
...

سلامات يا وجدي،،
الكيزان هم من أفسد الحياة السودانية، لا أحد سواهم من هدم الاقتصاد السوداني وجعل الناس يعيشون علي الكفاف، الفقر يمكن أن يقود لأسوأ النتائج، هم من أحرق، هم من إغتصب وقتل ودمّر وأودي بحياة آلاف الأسر الي الصالح العام، الكيزان هم من دمّر التعليم وأوقع بين المرء وأخيه وأشعل الحرب في كل الأنحاء، وكل من يعفي الكيزان من تلك المسؤولية زيّك كدا، بيكون في رأيي أوف بوينت.
المجتمع السوداني يمكن أن يكون مُساهم في مآلات الوضع ولكن ليس في ابتداره، المساهمة في المآلات بتعني السكوت والمهادنة والقناعة بوضع كهذا وانتظار الله ليدمر الكيزان، والغريبة إنو الكيزان برضو منتظرين الله يدمّر ليهم الكفار ويصلح الوضع الاقتصادي.
فوق لذلك؛ الكيزان بفتكروا إنو الضائقة الاقتصادية البنمر بيها دي، إبتلاء ربّاني، يعني صنيعة الله وهو قاصد كدا عشان المواطنين ابتعدوا عن المنهج الاسلامي (طبعاً هم ما من المواطنين). الكيزان صنيعة أنفسهم، لأنو الشعب السوداني ما ممكن يخلق ليه مسخ من عدم، الكيزان صنعوا نفسهم براهم، لكن المشكلة في إنهم علّموا الناس كيفية صناعة وخلق التشوهات في النفوس. الحل الوحيد (إن كان من حل) بعد ذهابهم، إنو نتعلم كمرحلة أولي في إزالة ما تشوّه ثم المرحلة التانية تعلّم كيفية ابتكار نفوس جميلة!
المهم:
الكيزان في رأيي، حاجة كدا، زي نبات المسكيت!

[أسعد]

وين يا شاب

لأنو الشعب السوداني ما ممكن يخلق ليه مسخ من عدم

أذا كان الشعب -المجتمع- السوداني لم يخلق هذا المسخ
طيب من الخلق جعفر نميري؟!
ولعلمك يا الرشيد العهد المايوي كان ألعن وألعن من العهد الكيزاني، بس المشكلة زمن نميري لم تكن ميديا مضادة لترصد عمايل نميري...
يا رجل واحد حكم السودان باسلوب البلطجية... والمشكلة أنو المجتمع السوداني بتحسر عليهو ويندم على عهده!!
أها اذا كان ذلك كذلك طيب الح يمنع شنو بعدين المجتمع السوداني دا ما يتحسر على عهد الكيزان دا؟!
حكم الكيزان شمولي؟
الحكم المايوي شمولي/بلطجي
الكيزان فسدوا؟
العهد المايوي كان أفسد
الكيزان قاموا بحرب عرقية؟!
العهد المايوي كان عاوز يحرق الجنوب على بكرة أبيه...
الكيزان نهبوا ثروات البلد؟
العهد المايوي نهب ثروات البلد وفتح دفتر ديون مع البنك الدولي مائة سنة ما بحلنا منه..
الكيزان كذبوا باسم الدين
العهد المايوي كذب باسم الاشتراكية وكذب باسم الدين

سيبك من دي
السودان عمره منذ الاستقلال 59 سنة
الحكومات العسكرية حكمته 48 سنة
الحكومات الديموقراطية 11 سنة!!!!

أها بلد العساكر استحوذوا فيه أكثر من 80% في الحراك السياسي
تفتكر البلد فيهو مجتمع كويس؟!
والعاوز يشوف كواسة البلد، يمشي يشوف سياسته في السوق.

يا الرشيد المجتمع السوداني هو المصنع الحقيقي الذي انتج عبود ونميري والبشير...
لأنه مجتمع سيء لذلك كان انتاجه سيئا...
السوء هنا لم يكن معياره (أخلاق الشجاعة وكرم الضيافة والمأمور على بنوت فريقه)
السوء هنا معياره (الاتساق الداخلي)
لأن المجتمع السوداني (كان) مجتمع كويس لانو متسق مع شروطه (المثالية) التي قام بوضعها... ولكن الاتساق مع الأشياء الخارجية قطع شك يسبب مشاكل في الاتساق مع الاشياء الداخلية... والسلوكيات والتصرفات الناجمة من الانفعالات دائما بكون مصدرها الداخل وليس الخارج... لذلك تجدنا متناقضين ولا نملك (الثبات الانفعالي)...

نحن يا الرشيد شعب غير متسق مع ذاته وكدليل شوف معضلة الهوية السودانية!!
الجعليين والشوايقة قايلين روحهم احفاد العباس!!
المحس والدناقلة والحلفاويين قايلين روحهم احفاد ترهاقا!!
الفور والتامة والهوسا وغيرها من قبائل الغرب شايفين روحهم أسياد البلد دي!!
البجا كذلك شايفين روحهم اسياد البلد دي!!
القبائل الوحيدة والمضطهدة هم النوبة، مع انهم فعليا هم أسياد البلد دي!!
دا غير الاختلافات الدينية والمذهبية والطرائقية
والطبقات المجتمعية


وفوق هذا وذاك
النظام المجتمعي الذي يضطهد الفرد ويهضم حقوقه!


بصراحة مجتمع زي دا كان جدير به أن يفرخ (داعش) من دون أي تدخلات اجنبية وميزانية السي آي أيه للمشروع السايكولوجي المكلف عشان ينتجوا دواعش...

[أبو أماني]

ها .. كذب الكيزان.. ما أنزل الله به من سلطان .. والحكي يطول في هذا المجال .. قبل أن أركب الفارهة بعد فراق فاق ال 11 سنة إسوة بمقولة خ 11 كنت أستعين بما يقيض الله لي من تأكسي أو نقل طارئ أو غالبا أمجاد وكنت أختار الأمجاد اللي تكون مكربة وسواقها شكله يرحمن وفي كل مرة كنت أداعب وأحادث السائق أو أبرااهو ليكم بمهلة على بال ما أصل .. ويقيني إنه يجاريني وفي سره يقول نحتسب ما أصله العجائز ديل كلامهم كتير أها في طريقنا من بعيد كده لقيت ليك زول واقف والمواصلات كانت شبه معدومة وقبال نصله رق قلبي له وخدعتني طلعته البهية ومظهره والجلابية البيضاء والعمامة الملفوفة بعناية فوق الفاخورة وغرة الصلاه تضئ أعلى الجبهة زي كشافة بيت عرس فطلبت منه أن يتوقف لكي نقدمه معانا وفوجئت بالسواق يزود السرعة مشيحا بيده دلالة على الإحتجاج قائلا معليش يا عم أنا أصلي داخل علي حلف زي ده ما بسوقه معاي ولو يديني مليون .. رفعت ما تبقى من حاجب أيمن بدهشة وقلت ليو ليه؟! فضحك بحسرة الإسبوع الفات يا (عمك)! ركب معاي واحد زي ده لو تشوفه تقول لو ما طلع نبئ الله الخضر يكون قريبه .. وشايل ليو سامصونايت رهيبة وقال لي يا إبني أصبر علي أنا عندي عدة مشاوير متفرقة وبعدين ببسطك .. وطوال المشاوير شايل السبحة يهمهم بصوت غير مسموع ولما يتكلم إستغفر الله والحمد لله وسبحان الله في مستهل وختام كل كلام.. لما قلت في سري فرحا والله ربنا بحبني جاب لي الزول ده الليلة!.. المهم أثناء المشاوير إتكلم بالموبايل الفخم وسفح ليه كمين مليار كده في حديثه ولما قال لي يا إبني إنشاء الله يكون معاك قروش هنا لاني ما عاوز أرجع البنك قلت ليه بدون تفكير كتير والله معاي زي 700 جنيه فقال لي جيبهم .. وأنا داخل على الجماعة ديل أتم ليهم قروشهم .. وبعدين بديك ليها فسلمتها له وكأنما أخرجتها من الجيب اليمين لأضعها في الشمال وقلبي مطمئن الزول شال شنطته ودخل عمارة المجانين وجاب لي وجبه كاربة معهاها بارد أبو 12 جنيه إسمه ريد بول كنت بسمع بيو سمع وقعدت في أمجادي سرحان مع الــــخيال ومنظري وأنا داخل على أولادي بتشديرة كاااااربة وأنا في غمرة تلكم الأحلام الوردية سمعت صوت الآذان يدعوا لصلاة المغرب .. وعندها تذكرت إني قد توقفت هنا ما يفوق التلاتة ساعات بالتمام والكمال وجريت جري لكي أبحث عن الراجل ولدهشتي إكتشفت ولأول وآخر مرة إن عمارة المجانين لها أكثر من مدخل ومخرج يفوقوا الستة سبعة مخارج .. ولا زال البحث جار عن الكوز !.

ختاما وختامها زفت أذكر لكم واقعة البت الملثمة والتي لا تصافح الرجال والتي كانت تعمل سكرتيرة .. لرجل أعمال معروف والتي تأخرت لأداء عمل رسمي كما قالت ولسؤ حظها النتن رجع الخفير بعد ساعة لأخذ ما نساه من أغراض ووجد مكتب المدير مضئ فظن إنه قد نساه وحمد الله على عودته وعندما فتح الباب وجد من لا تصافح الرجال!! في حالة (صفاح) على غير سنة الله ورسوله مع المدير ..تبا لهما يتمسحان بمسوح الإسلام وهو منهما ومن أمثالهما الكثر ..برئ براءة الذئب .. وكذب الكيزان ولو صدقوا..

[رأفت ميلاد]

المشاركة الأصلية كتبت بواسطة أبو أماني

ها .. كذب الكيزان.. ما أنزل الله به من سلطان .. والحكي يطول في هذا المجال .. قبل أن أركب الفارهة بعد فراق فاق ال 11 سنة إسوة بمقولة خ 11 كنت أستعين بما يقيض الله لي من تأكسي أو نقل طارئ أو غالبا أمجاد وكنت أختار الأمجاد اللي تكون مكربة وسواقها شكله يرحمن وفي كل مرة كنت أداعب وأحادث السائق أو أبرااهو ليكم بمهلة على بال ما أصل .. ويقيني إنه يجاريني وفي سره يقول نحتسب ما أصله العجائز ديل كلامهم كتير أها في طريقنا من بعيد كده لقيت ليك زول واقف والمواصلات كانت شبه معدومة وقبال نصله رق قلبي له وخدعتني طلعته البهية ومظهره والجلابية البيضاء والعمامة الملفوفة بعناية فوق الفاخورة وغرة الصلاه تضئ أعلى الجبهة زي كشافة بيت عرس فطلبت منه أن يتوقف لكي نقدمه معانا وفوجئت بالسواق يزود السرعة مشيحا بيده دلالة على الإحتجاج قائلا معليش يا عم أنا أصلي داخل علي حلف زي ده ما بسوقه معاي ولو يديني مليون .. رفعت ما تبقى من حاجب أيمن بدهشة وقلت ليو ليه؟! فضحك بحسرة الإسبوع الفات يا (عمك)! ركب معاي واحد زي ده لو تشوفه تقول لو ما طلع نبئ الله الخضر يكون قريبه .. وشايل ليو سامصونايت رهيبة وقال لي يا إبني أصبر علي أنا عندي عدة مشاوير متفرقة وبعدين ببسطك .. وطوال المشاوير شايل السبحة يهمهم بصوت غير مسموع ولما يتكلم إستغفر الله والحمد لله وسبحان الله في مستهل وختام كل كلام.. لما قلت في سري فرحا والله ربنا بحبني جاب لي الزول ده الليلة!.. المهم أثناء المشاوير إتكلم بالموبايل الفخم وسفح ليه كمين مليار كده في حديثه ولما قال لي يا إبني إنشاء الله يكون معاك قروش هنا لاني ما عاوز أرجع البنك قلت ليه بدون تفكير كتير والله معاي زي 700 جنيه فقال لي جيبهم .. وأنا داخل على الجماعة ديل أتم ليهم قروشهم .. وبعدين بديك ليها فسلمتها له وكأنما أخرجتها من الجيب اليمين لأضعها في الشمال وقلبي مطمئن الزول شال شنطته ودخل عمارة المجانين وجاب لي وجبه كاربة معهاها بارد أبو 12 جنيه إسمه ريد بول كنت بسمع بيو سمع وقعدت في أمجادي سرحان مع الــــخيال ومنظري وأنا داخل على أولادي بتشديرة كاااااربة وأنا في غمرة تلكم الأحلام الوردية سمعت صوت الآذان يدعوا لصلاة المغرب .. وعندها تذكرت إني قد توقفت هنا ما يفوق التلاتة ساعات بالتمام والكمال وجريت جري لكي أبحث عن الراجل ولدهشتي إكتشفت ولأول وآخر مرة إن عمارة المجانين لها أكثر من مدخل ومخرج يفوقوا الستة سبعة مخارج .. ولا زال البحث جار عن الكوز !.

ختاما وختامها زفت أذكر لكم واقعة البت الملثمة والتي لا تصافح الرجال والتي كانت تعمل سكرتيرة .. لرجل أعمال معروف والتي تأخرت لأداء عمل رسمي كما قالت ولسؤ حظها النتن رجع الخفير بعد ساعة لأخذ ما نساه من أغراض ووجد مكتب المدير مضئ فظن إنه قد نساه وحمد الله على عودته وعندما فتح الباب وجد من لا تصافح الرجال!! في حالة (صفاح) على غير سنة الله ورسوله مع المدير ..تبا لهما يتمسحان بمسوح الإسلام وهو منهما ومن أمثالهما الكثر ..برئ براءة الذئب .. وكذب الكيزان ولو صدقوا..

والله دى شفتها هسة

[أبو جعفر]

المشاركة الأصلية كتبت بواسطة أسعد

أذا كان الشعب -المجتمع- السوداني لم يخلق هذا المسخ
طيب من الخلق جعفر نميري؟!
ولعلمك يا الرشيد العهد المايوي كان ألعن وألعن من العهد الكيزاني، بس المشكلة زمن نميري لم تكن ميديا مضادة لترصد عمايل نميري...
يا رجل واحد حكم السودان باسلوب البلطجية... والمشكلة أنو المجتمع السوداني بتحسر عليهو ويندم على عهده!!
..

يهودي اسمه هنري كوريل
......................