متين نشوف الخرطوم ارض البروفسورات والحضارة

[ZEIN ABDALLA]

بوست هدية لبروفسر رأفت ميلاد وحسن فرح وبقية البروفسورات ودكاترة
سودانيات. طبعآ قريبى قرقاش مادام قاعد فى السودان فبيكون اتعود
على لقب بروفسور... غايتو لقب دكتور احسن من يقولوا ليك يا (زول)
أو يا (شاب) ، اما لقب بروفسور فاحسن من يا (حاج ).

نواصل كيف الاستعداد عند الاضطرار للسفر للخرطوم.

[حسين عبدالجليل]

يعني انت برضك يازين مستغرب من البوبار الليلنا ! بوبارنا ال في الفارغة ساكت !

مثلا اوباما عندو دكتوراة و كان بروفسير قانون في واحدة من ارقي الجامعات الامريكية ,فد يوم واحد ماسمعت او قرات اي شخص يطلق عليه لقب دكتور , دوك , بروفسير , او بروف , فقط ".Mr/ مستر/ سيد" .

اجازة سعيدة ياحاج!

[ZEIN ABDALLA]

سنة ١٩٨٩ عمر بشير قال : السودان بعد ١٠ سنين حيكون زى امريكا
ثم اضاف قائلآ : وامكن كمان يكون احسن من امريكا.... الزمن داك
انا ما شفت امريكا، لكن قلت الزول دا قالوا ناس الجيش ودوهو دورة
عسكرية بامريكا فيمكن بكون شاف وعارف بتكلم عن شنو .. مصانع
مزارع ، طرق برية وجوية وبحرية ومستشفيات وتعليم وديمقراطية
الخ الخ.
المؤمن صديق فقلت اذا بقينا ١٠ % زي امريكا فاحسن نستعد للرجوع
رغم اختلافى الكامل مع نظام الكيزان.
بداية الاستعداد بدأت بشراء ارض وباشراف محامى كبير وبدلآ عن
شهادة بحث واحدة قمنا باستخراج شهادتي بحث الاولى للتأكد والثانية
قبل دفع القروش والبدء في التسجيل وقمت بدفع زكاة (الشراء) وضريبة
(الشراء) بالاضافة لمبلغ ضخم بالاسترلينى سعر الارض..وتم حجز الارض باسمى.
ثم حدث ما لا يتصوره عقل...
دا تاريخ قبل زيارتى الاخيرة لارض الحضارة والتوجه الاسلامى.
ونواصل

[ZEIN ABDALLA]

المشاركة الأصلية كتبت بواسطة حسين عبدالجليل

يعني انت برضك يازين مستغرب من البوبار الليلنا ! بوبارنا ال في الفارغة ساكت !

مثلا اوباما عندو دكتوراة و كان بروفسير قانون في واحدة من ارقي الجامعات الامريكية ,فد يوم واحد ماسمعت او قرات اي شخص يطلق عليه لقب دكتور , دوك , بروفسير , او بروف , فقط ".Mr/ مستر/ سيد" .

اجازة سعيدة ياحاج!

سلام حسين
ياخى حكاية بروفسورات السودان دى حاجة براها لا علاقة لها بأي درجة
علمية او جامعية ... ياخى فى ناس ما (بتفك) الخط برضهم بروفسورات.
فى ورقة علمية قام باعدادها ثلاثة من بروفسورات كلية طب الجزيرة
وكتبوا فى بحثهم ان البحث توصيفى (descriptive statistics) وعايزين
يثبتوا ان زراعة الكلى بمدنى هى تماثل العالم المتقدم وبدون مقدمات
دخلوا فى deductive statistics واختبارات احصائية لا علاقة لها
بموضوعهم. المشكلة البحث مكتوب بالانجليزى وفى بداية البحث
قالوا عايزين يكتبوا خلفية عن الموضوع BackGround فتصور
كتبوها Backyard ......
بعد دا كله بروفسورات الجامعات ديل ما قصدى فى البوست.

[Hassan Farah]

المشاركة الأصلية كتبت بواسطة ZEIN ABDALLA

بوست هدية لبروفسر رأفت ميلاد وحسن فرح وبقية البروفسورات ودكاترة
سودانيات. طبعآ قريبى قرقاش مادام قاعد فى السودان فبيكون اتعود
على لقب بروفسور... غايتو لقب دكتور احسن من يقولوا ليك يا (زول)
أو يا (شاب) ، اما لقب بروفسور فاحسن من يا (حاج ).

نواصل كيف الاستعداد عند الاضطرار للسفر للخرطوم.

----------------------------------------------------------
صباحاتك بالخير د. زين....يا خوى انت ما لقيت ليك زول غير ناس قريعتى راحت ديل.....يا خوى البلد بهناك كلها بروفيسورات..... بدأ بالريس ... بروف بتاع كلو ....وانت نازل من القمة حيقابلوك بروفس فى الكضب وبروفس فى السرقة و بروفس فى التحلل وطبعا اعظمهم قدرا هو ذاك الذى يراقب الناس والصحف ويلاحق النساء وقد يختطفهن ويفعل بهن ما لم يخطر على بال ...هذا هو السيوبر بروف الذى يتحكم فى البلد كما يشاء...عليك الله أسأل اخينا قرقاش يعطينا رأيه فى التراتيبية دى........

[رأفت ميلاد]

لىّ يومين أقرا فى عنوان البوست ده وأتكهن موضوعو بمزاج بدون أدخل .. الليلة أستعدلتو ولقيت نفسى أول البروفسيرات قلبى برد

تعرف يا زين أنا كان رجعت السودان ما برضى إلا بمقابلة فى قناة النيل الأزرق موش أسمها برضو كدة

بالمناسبة دى عندنا واحد عاطل هنا جابو أخوهو الكان قنصل هنا .. زولك بترزّق بى جاى وبى جاى وكان مزاحمنا فى عتالة عفش الشيخ زايد عليهو الرحمة .. أها زولك بدرّس العيال عربى فى الجامع ويقبض الفيهو النصيب .. مشى السودان أستضافوهو فى قناة النيل الأزرق .. سألوهو بعمل شنو قى سويسرا قال (أستاذ لغة عربية فى الجامعة) .. قلت للجماعة التاة المربوطة نزلت سهواً ما عليه إلا القضاء

عندنا صاحبنا مهندس ولقى ليهو فرصة (سواق) فى زيارة من زيارات المرحوم الشيخ زايد ودى فرصة عدادا رامى طوالى طول الزيارة .. واحد صاحبنا قال داير يفوز باللوتريا وكانت حواى 70 مليون .. قال ليهو كان فزت طوالى بشتغل معاك سواق

بروفسيرات السودان ديل الساكين الرقشات ما بخارجو معانا ياخ .. شفت ليك فى السودان جناينى مشى إجازة فينيسيا

[سر الختم إبراهيم نقد]

والله وحدين ما تشوفهم شايلين يوم ليهم كتاب ولا مرجع وتصابحم كل يوم.
وفجأة يأتيك الخبر ، فلان الفلاني حصل على الدكتوراة
الأمثلة كتيرة ولو استغربت يبوز ليك مليون واحد ويقول ليك ما عاجباك شهادتي
وممكن يعتبرك حاسد
دي طبعاً ماليها علاقة بالكوزنة عشان البروف ما يفرح دي ميد إن سودان.
تحياتي دكتور زين.

[ZEIN ABDALLA]

المشاركة الأصلية كتبت بواسطة Hassan Farah

----------------------------------------------------------
صباحاتك بالخير د. زين....يا خوى انت ما لقيت ليك زول غير ناس قريعتى راحت ديل.....يا خوى البلد بهناك كلها بروفيسورات..... بدأ بالريس ... بروف بتاع كلو ....وانت نازل من القمة حيقابلوك بروفس فى الكضب وبروفس فى السرقة و بروفس فى التحلل وطبعا اعظمهم قدرا هو ذاك الذى يراقب الناس والصحف ويلاحق النساء وقد يختطفهن ويفعل بهن ما لم يخطر على بال ...هذا هو السيوبر بروف الذى يتحكم فى البلد كما يشاء...عليك الله أسأل اخينا قرقاش يعطينا رأيه فى التراتيبية دى........

انا مشيت الخرطوم وقضيت ٧ ايام واستغرقت الرحلة كاملة حوالى ٩ ايام
(يومين سفر... او ٣٦ ساعة من مطار لآخر)......
عشان تصل السودان بس تكون بذلت جهد خارق، اما السبعة ايام داخل
الخرطوم فحكاية اخرى.... خليك متابع

[ناصر يوسف]

المشاركة الأصلية كتبت بواسطة ZEIN ABDALLA

انا مشيت الخرطوم وقضيت 7 ايام واستغرقت الرحلة كاملة حوالى 9 ايام
(يومين سفر... او 36 ساعة من مطار لآخر)......
عشان تصل السودان بس تكون بذلت جهد خارق، اما السبعة ايام داخل
الخرطوم فحكاية اخرى.... خليك متابع

ماااااا كلمناكم وخبرناكم وقلنا ليكم ...

ما تغيبوا من السودان الشقيق ده كتير ياخ

ولو غبتوا كتير وجيتوا راجعين

حتضوقوا جزء من عذابات جهنم

النعمنو كدي يا دكتور زين

نحن القاعدين جوووووه السودان الشقيق ده ..

كللللل يوم بيقابلنا شئ جديد لنننننجي كرت كرتونه

والدهشة بقت تصيبنا ...
لما نشوف لينا شئ ماشي عدييييييل

آي والله قاعدين نندهش ياخ

اما مسألة الدكتوراه دي

كان من المفترض اني اناقش الماجستير الاتاخرت فيه اصلا قبال سنتين اتنيييينك

هسي انا قلت لاستاذي المشرف علي

ما الماجستير ده ...

اهن ده طرفي منو ياخ

ما عدم قدرة عليها علا



عدم الاخلاق البقي في البلد دي كتيييير لامن يطمم البطن ياخ

غايتو عاوز اوصيك ياكتور زين والبقيه الناوين يرجعوا الوطن الشقيق ده ياخ


اتركوا اندهاشاتكم وراءكم قبل وصولكم لصالة القدوم بمطار الخرطوم

وخلوكم


كوووووووول خالص

لغاية ما تغادروا الي اوطانكم وكده

وتوقعوا ايييي شئ غير طبيعي وغير اخلاقي يلاقيكم قدامكم
ولو سارت اموركم كما ينبغييييي

فاندهشوا عليكم الله ياخ

اندهشوا شدييييييد كده .. كويس ؟

[ZEIN ABDALLA]

المشاركة الأصلية كتبت بواسطة رأفت ميلاد

لىّ يومين أقرا فى عنوان البوست ده وأتكهن موضوعو بمزاج بدون أدخل .. الليلة أستعدلتو ولقيت نفسى أول البروفسيرات قلبى برد

تعرف يا زين أنا كان رجعت السودان ما برضى إلا بمقابلة فى قناة النيل الأزرق موش أسمها برضو كدة

بالمناسبة دى عندنا واحد عاطل هنا جابو أخوهو الكان قنصل هنا .. زولك بترزّق بى جاى وبى جاى وكان مزاحمنا فى عتالة عفش الشيخ زايد عليهو الرحمة .. أها زولك بدرّس العيال عربى فى الجامع ويقبض الفيهو النصيب .. مشى السودان أستضافوهو فى قناة النيل الأزرق .. سألوهو بعمل شنو قى سويسرا قال (أستاذ لغة عربية فى الجامعة) .. قلت للجماعة التاة المربوطة نزلت سهواً ما عليه إلا القضاء

عندنا صاحبنا مهندس ولقى ليهو فرصة (سواق) فى زيارة من زيارات المرحوم الشيخ زايد ودى فرصة عدادا رامى طوالى طول الزيارة .. واحد صاحبنا قال داير يفوز باللوتريا وكانت حواى 70 مليون .. قال ليهو كان فزت طوالى بشتغل معاك سواق

بروفسيرات السودان ديل الساكين الرقشات ما بخارجو معانا ياخ .. شفت ليك فى السودان جناينى مشى إجازة فينيسيا

يا رأفت ياخى انت ببساطة ممكن تكون بروفسور بتاع تنسيق جناين
وتعمل ليك كورس اونلاين وممكن تكون عميد كلية الزراعة بجامعة
النيل الازرق فرع الأبيض.
ياخى خلى طموحك كبير وسيبك من قناة اغانى واغانى..

[ZEIN ABDALLA]

المشاركة الأصلية كتبت بواسطة سر الختم إبراهيم نقد

والله وحدين ما تشوفهم شايلين يوم ليهم كتاب ولا مرجع وتصابحم كل يوم.
وفجأة يأتيك الخبر ، فلان الفلاني حصل على الدكتوراة
الأمثلة كتيرة ولو استغربت يبوز ليك مليون واحد ويقول ليك ما عاجباك شهادتي
وممكن يعتبرك حاسد
دي طبعاً ماليها علاقة بالكوزنة عشان البروف ما يفرح دي ميد إن سودان.
تحياتي دكتور زين.

سلام سر الختم
دكتور حسن ورأفت ميلاد بيتكلموا عن الكيزان وفى تصورهم الكيزان
ديل هم بتاعين السبعينات والتمانينات الكانوا بشتغلوا بالسياسة وممكن
تناقشهم وممكن تتفق معهم فى بعض الامور والكثير منهم كانوا ممتازين اخلاقيآ ودينيآ.
كيزان الانقاذ ديل حاجة تانية خالص... ديل ما بعرفو حاجة اسمها
(العيب) .. العيب بقصد بيهو الخطأ والاخلاق الانسانية الاساسية
المشتركة الموجودة عند كل الناس (البوذيين والهندوس واللادينيين والكفار ومسيحيين ..الخ).. ثم صار معظم الشعب كيزان.
زمااان وانا شافع صغيرونى وجدوا ليهم جثة مولود حديث الولادة
ملفوفة بقماش ابيض في غابة السنط ... دا موضوع هز المجتمع واذكر
جارتنا وهي تبكى وكانت تتمنى انه الطفل دا كان يدوهو ليها لانها
لم ترزق باطفال... فى اثناء البكاء كان عثمان حسين بيغنى فى الراديو
حارمنى ليه:
يوم يسألكم الله
ياالناسين حسابو
يوم الحق هناك
يوم واقفين ببابو
بالكاتلين ضميركم
وماطارين حسابو
فاذا بوالدتى وبقية النسوة يأمن على الكلام ويرددن فعلآ وين القتلوا
الطفل حيمشوا لم يقابلو الحق يوم الحساب.
انا لحدى حسع اذا سمعت الاغنية دى طوالى تذكرنى طفل غابة السنط.
اما اليوم فالكلاب شبعت من الشفع البرموهم فى الكوشة وصار حاجة
عادية فى خرطوم التوجه الحضارى... دا فعلآ ميد ان سودان.

[ZEIN ABDALLA]

المشاركة الأصلية كتبت بواسطة ناصر يوسف

ماااااا كلمناكم وخبرناكم وقلنا ليكم ...

ما تغيبوا من السودان الشقيق ده كتير ياخ

فاندهشوا عليكم الله ياخ

اندهشوا شدييييييد كده .. كويس ؟

بداية الاستعداد بدأت بشراء ارض وباشراف محامى كبير وبدلآ عن
شهادة بحث واحدة قمنا باستخراج شهادتي بحث الاولى للتأكد والثانية
قبل دفع القروش والبدء في التسجيل وقمت بدفع زكاة (الشراء) وضريبة
(الشراء) بالاضافة لمبلغ ضخم بالاسترلينى سعر الارض..وتم حجز الارض باسمى.
ثم حدث ما لا يتصوره عقل...

ناصر الرجل الفاضل
قلت كلمتونا ما نغيب من السودان الشقيق...
اها نكمل ليك قصة الارض الدفعت فيها تعب سنين فى الغربة:
بداية الاستعداد بدأت بشراء ارض وباشراف محامى كبير وبدلآ عن
شهادة بحث واحدة قمنا باستخراج شهادتي بحث الاولى للتأكد والثانية
قبل دفع القروش والبدء في التسجيل وقمت بدفع زكاة (الشراء) وضريبة
(الشراء) بالاضافة لمبلغ ضخم بالاسترلينى سعر الارض..وتم حجز الارض باسمى.
ثم حدث ما لا يتصوره عقل...
بعد كم اسبوع تم رفع قضية ضدى وضد صاحب الارض من مكتب
محامين لاننا استولينا على ارض تم بيعها قبل سنوات لرجل صاحب
مصانع وقد تم بيعها له بواسطة سمسار اراضى بموجب توكيل من
صاحب الارض. المشترى لم يقم باي اجراء لتسجيل الارض ولم
يظهر على الاطلاق اثناء المحاكمة. صاحب الارض انكر التوكيل
وكان فى التوكيل كشط يدوى ظاهر وقال للمحكمة انه باع لي الارض
واستلم الفلوس ولا يعرف الشخص الآخر ولم يستلم منه اي مبلغ مالي
وطالت المحكمة ودخلوا فيها ناس الاراضى وعييك .. واثناء المحكمة
اكتشفنا ان وزير الاراضى ( شرف الدين بانقا) قام ببيع قطعة الارض
كارض استثمارية لصالح بناء كبري الانقاذ.... ثم اكتشفنا ان الارض
التى املك شهادة بحثها ودفعت للكيزان زكاتها وضرائبها صار لا
وجود لها فقد تم تغيير رقمها وصدرت لها شهادة بحث باسم المشترى
الجديد..... يعنى الارض البنتشاكل فيها عبارة عن ورقة فقط.
طالبت صاحب الارض فذكر انه تصرف في الفلوس ولا يملك اي
مبلغ لتعويضي... وقال انه سيتابع المحكمة والقصة صارت مطاولات
وسماسرة ومحاميين واستئنافات وصدر القرار النهائى باعطاء القطعة
لصاحب المصنع والزام المجرم زين عبد الله وصاحب الارض باتعاب
المحاماة.....
تم تغيير الحكم لاحقآ بالعفو عن زين عبدالله من دفع رسوم القضية
عشان ظهر ليهم انه اشترى (بدون سوء نية) .....
-----
شقيقتى عندما سمعتنى ادعو على كل من اخذ قرشآ واحدآ من مالي
ان يصيبه الله فى نفسه وفى ذريته، فقالت لي بالله ما تدعو على
ذرية شرف الدين بانقا عشان الرجل الطيب والد زوجته رجل مكافح
كان رغم كبر سنه يشتغل ليل ونهار بضراعه كترزى فى برندات
السوق العربى بالخرطوم وذريته هي ذرية شرف الدين... فتوقفت
عن الدعاء ولا اعرف كلام شقيقتى صاح ولا خطأ....
حارجع ليك تانى احكى ليك حاجة غريبة جدآ حدثت قبل سنتين ومرتبطة بقطعة الارض النسيتها ليا سنين

[ZEIN ABDALLA]

سلام ناصر
الكلام الجايي دا والله العظيم حدث حقيقة ...
قبل حوالى سنتين او ثلاثة وجدت رسالة فى التلفون تطلب منى الاتصال
بشقيقتي بالسودان لموضوع هام وعاجل. اتصلت لمعرفة العاجل فاخبرتنى
ان شقيق الرجل الذى باع لي الارض بذل جهد عشان يتصل بى
بخصوص الفلوس التى اخذها شقيقه(سعر الارض)، فقاطعتها وقلت
ليها الزول الباع لي الارض هو المفروض اليتصل فشنو دخل اخوهو
قالت لي الزول مات زمان وشقيقه شافه فى المنام مقطوع الارجل
وان جماعة من الناس بيجُروا فيه من فخذيه نحو حفرة فيها نار
مشتعلة ... الرجل قال انه يعلم بان شقيقه اخذ فلوسى وهو يترجانى
ان اقبل باستلام مبلغ يساوى ٦٠ متر مربع باحد احياء امدرمان وهي
نصيب المتوفى فى ورثة تركها لهم والدهم وان اعفو عن بقية المبلغ.
(الستين متر لا تساوى ٥% من المبلغ),,,,,
ما ح اقول ليك انا قلت شنو...
بعد فترة علمت ان بنت المتوفى وهي محامية تشاجرت مع عمها ورفضت
التنازل عن ٦٠ متر والدها.
اها يا ناصر انا عارف مِحَن السودان الشقيق

[حافظ اسماعيل احمد]

زين الدين . سلامان
في البلد دي عادي يغيروا حتي القانون للمصلحة الشخصية .. و المتضرر من تعديل القانون يشوف ليهو شغلة يقضاها

[Hassan Farah]

دكتور زين كفارة ياخ....الجاتك فى مالك سامحتك...ربنا يعوضك ....غايتو انا ورأفت طلعنا حافظين الكيزان كويييييس وانتوا الشباب ديل دائما يتنصب عليكم وتقعوا فى الشرك.....انا مش قلت ليك البلد كلها بروفسيرات ....ياخى عمك شوقى بدرى كم مرة مقلبوه....غايتو قريشاتك الجمعتها بعرق جبينك ان شاء الله تدخل عليهم بالساحق والماحق