من وين اجيك ؟؟

[3mk-Tango]

تمهيد لكلام وحب قادم ...

[معتصم الطاهر]

سأل أزهرى محمد على يوما :

[align=center]من ياتو منفذ بدخلك
كل المنافذ الفيك سداها المحل
من ياتو شارع بوصلك
كل الدروب معطونة لآخر الوحل [/align]

و لكنه يجيب ..

[align=center]بستبيح كل الشوارع وادخلك
من مسامك أدخلك
من ابتسامك أدخلك ..
نتلاقى نهرين من تسامى وإشتهى
أبداك من حيث انتهت
عندك خواطر الإنتهاء
من أى قاسم مشترك
أو شبهة تشابه أدخلك
أبداك من وين!![/align]

[طارق الحسن محمد]

المشاركة الأصلية كتبت بواسطة 3mk-Tango

تمهيد لكلام وحب قادم ...

[align=center]يالـــــــــــــــــــلـــــــــــــــــــــــــه
. . . . . . . . . . . . . . . . . .
تـــــــــــــــــــنـــــــــــــــــــقـــــــــ ـــــــــــــو

! ! ! ! ! ! ! ! ! ! ! ! ! !

عيد سودانيات اصبح عيدين
يا صديقى
دائما تعرف متين ( تخش )
ياخ الشوق
غــــــــــــــــــــونــــــــــو
مودتى يا جميل
ومنتظرك
او منتظرنك بالاحرى
ارقد عافية

حاشية :
غونو : اعصار بحر العرب
الجبتو لجماعتك

[/align]

[haneena]

khalid tango
very happy to see you here again
happy birthday to sudaniyat
will speak to you all tomorrow in your meeting

[أم سهى]

تنقو الحبيب
تجيني ... ويجيني معاك زمن جميل جمال روحك النقية
منتظرنك وبالله كدي شاور زميلك في العودة الى الدمام (مش سنار) على قولة محمد عبد الحي
مشتاقين كيمان وحاتك بعد سفرك ناوية اقفل الشرقية بطبلة واسلمها للامير محمد وكل زول يشوف دربو بعد ده

معزتي ومودتي

[الوليد عمر]

[align=right]

الحبيب خالد ..


قنب طولا .. تجيك العافية ..[/align]






[align=center]
جاييك يا اّخر الموانى ..

من ظلمة البحر الممدد فى الفراغ ..

جاييك من غربة الجزر المسورة بالهواجس ..


والضياع ..

جاييك معاى ..


ملح التجارب ..


زى محارب ..


مجروح وخايض فى الغبار ..[/align]








[align=right]يا خى حبابك كتير خلاص ..


مودتى الصادقة ..[/align]

[Aboremaz]

شوف الناس من كترة ما مشتاقين
لمن اتنحنحت ساكت وقلت ( احم )
ظهر شوقك في ردود الناس .
احكي لينا غربتك الممتدة الجديدة.
عشان كده ما عارف تبدا من وين ؟
خليك زينا في متاهة الغربة
ما عارفين نهايتها و
تصدق نسينا متين كانت بدايتها .

ابداك ...
من وين ابتديك ..
.
.
مودتنا .
.
ابوريماز

[iman mohamed hussien]

سلامات


نورت و نورت سودانيات بعيدها الثالث
ايمان

[قمر الزمان]

على قول أبو ريماز ..

شوف الناس من كترة ما مشتاقين
لمن اتنحنحت ساكت وقلت ( احم )
ظهر شوقك في ردود الناس

انت لسة ما قلتا حاجة ودي الحالة ..


بس طلب ..

ما تنسى تغيَر لينا مكان اقامتك الفي البطاقة الشخصية الهنا بعدين ..