ملعون أبو النزفيه المسّخت علينا الضحيه ... كاراكاتير

[imported_مصدق]

[imported_ود الجريف]

الرائع الأخ/ مصدق خالص التحايا وعيدك مبارك
إبداع حقيقي وقمة الجمال الذي تجيد تسخيره في خدمة
قضايا وهموم الوطنوالمواطن فلا أملك إلا التمتع والجلوس
بمحراب فنك الراقي ...

* ولك العتبى لإستعارتي بعض رسوماتك في عدة مواضيع ومداخلات
هنا وهناك ...

أخوك/ ود الجريف

[بابكر مخير]

مصدق
بالله عليك ورينا الصنف دا من وين
ما الفي السوق الأيام دي مضروب

أبدعت يا الحبيب
ليك الشكر الجزيل على توصيل المعلومة بهذه الصورة الفنانة والشفافة

[imported_شبارقة]

تُشكر على هذه اللوحات الرائعة يا مصدق.. وللمزيد من الإبداع

[imported_omrashid]

لوحات رائعه وفي الصميم

والله ابداع

كل سنه وانت طيب

[imported_مهند بشير]

يا مصدق
بالغت قلبت علينا المواجع اصلو السنه دي مافي شيه جمر
مشكور على التفصيل الظريف
وما تنقطع

[imported_مكي محمد الحسن]

كل عام وانتم بخير
اها انا وغيري من اهل امريكا الشمالية ديل بنقوم نرسل كل عام
للاهل في السودان حق الضحية .. وبنعمل لينا شية بالطوة كده
يوم العيد الصباح بعد صلاة العيد من باب مشاركة لطعم اللحوم
في عيد المرارة بالاتي ووالكولسترول والشحوم
اها جات الاخبار بالوادي المتصدع والنزفيه
قلت لي ناس البيت ...السنة دي رسلوا انتوا الشربوت انا ضابح هنا
قام غالتوني ليك قالوا لي يا زول انت بي صحك
ما عندنا نزفية ولا يحزنون رسل قروش الخروف نحنا ضابحين
اخوي بي تحت تحت قال لي يا اخي دي اشاعة عشان يرخسوا بيها الخرفان
اها اسع باقي للعيد كم يوم نرسل حق الخروف ولا نضحي هنا؟
افتونا بالله

[imported_مصدق]

أخى ود الجريف

لك الشكر الجزيل و التقدير لمرورك الكريم ،
لك أخى أن تنشر ما شئت من شخبطاتى فذاك يسعدنى و شرف لى ،
و أشكرك على حسن ظنك بى .


الحبيب بابكر مخير

أنا مسطول من عمايلهم فينا بس والله .... ما من حاجه تانيه
لك الود و الأمنيات .


أخى شبارقة

و الشكر أجزله لك على المرور الباهى الجميل ،
صادق مودتى .


الفاضله أم راشد

و كل سنه و إنت بألف خير و جميع من حولك ،
تقديرى لمرورك الذى يسعدنى ، كل الود و المحبه .



أخى مهند بشير

خفتو و إتمقلبتو
لك الشكر و التقدير
و صادق محبتى .


أخى مكى محمد الحسن

معليش أنا تأخرت فى الرد ... بس إن شاالله تكون ضحيت و ما إتمقلبت زى الباقيين ؟
كل سنه و إنت بألف خير .