بعد زيادة أسعاره: سفافو (التمباك) يتظاهرون في القضارف

imported_أمير الشعراني · 09-07-2008, 10:48 AM

سِف قدر قروشك
مسيرة إحتجاج على إرتفاع أسعار التمباك في القضارف

إرتفعت بصورة مفاجئة بالقضارف أسعار (التمباك) مما أدى إلى إحتجاجات شديدة وسط المتعاطين لـ(الصعوط).
وتجمهرت مجموعات كبيرة من المتعاطين أمام بعض محال بيع (سلطان الكيف) مبدين سخطهم وإستهجانهم الشديدين للزيادة التي يرون أنها غير مبررة.
وقال أحد محبي (ود عماري) بالقضارف عمر الشريف لـ(حكايات) إن (كيس التمباك) إرتفع سعره من مائتين قرش إلى خمسمائة قرش، بزيادة بلغت (150%)، فيما قال محمد سلمان أحد المتعاطين أنهم بصدد تسيير مظاهرة إحتجاج ضد زيادة أسعار (التمباك) الأخيرة، وبيَّن أن زيادة أسعار (ود عماري) ستؤثر حتماً على الموسم الزراعي بالولاية، لأن معظم العمال الزراعيين بالولاية (يتعاطونه)، ولا غنى لهم عنه ولو صل سعر (الكيس) جنيها كاملاً.
وقال ساخرون من أبناء المدينة إن الغالب والمتاح لـ(عشاق ود عماري) هو تقليل عدد (السفات) في اليوم، ثم أضافوا: (ربما لجأ تجار الصعوط لطريقة قدر ظروفك)..!
يذكر أن محال أبو عمار والشنخابي تعد أشهر محال بيع التمباك بولاية القضارف، وتكاد شهرتهما توازي شهرة الهلال والمريخ.

imported_كيشو · 09-07-2008, 11:27 AM

والله بالغت يا أمير

استعدوا للزيادات في أسعار الذرة والسمسم، نحنا ما بنسكت يا منتجي التمباك

imported_كيشو · 09-07-2008, 11:29 AM

خاتي ليك تلفون ما شغال يا أمير

imported_فتحي مسعد حنفي · 09-07-2008, 11:33 AM

اقتباس:

المشاركة الأصلية كتبت بواسطة كيشو

والله بالغت يا أمير

استعدوا للزيادات في أسعار الذرة والسمسم، نحنا ما بنسكت يا منتجي التمباك

الموضوع دا انت مقصود بيهو عديل يا كيشو وكدي لاحظ التوقيت..الموضوع نزل بعد ما انت وضحت في مداخلة ليك انك من اولاد القضارف...كدي شوف الناس في شنو وحسانية القضارف في شنو

imported_أمير الشعراني · 09-07-2008, 12:15 PM

اقتباس:

المشاركة الأصلية كتبت بواسطة فتحي مسعد حنفي

الموضوع دا انت مقصود بيهو عديل يا كيشو وكدي لاحظ التوقيت..الموضوع نزل بعد ما انت وضحت في مداخلة ليك انك من اولاد القضارف...كدي شوف الناس في شنو وحسانية القضارف في شنو

العزيز فتحى مسعد حنف سلامات
ما تستهون بالتمباك ..!
بتذكر مره كدا، كنت فى قرية من قرى الجزيرة، الخريف كان يعجب، المطره وراء المطره، قام الصعوت نفد، وما فى طريق يوصل اصحاب بيع ود عمارى لسوق تمبول الحلة كلها نائمه شاهدت لى واحد (رامياهو) خرمه، جاء اشحد ليهو سفه، قام صاحبنا حلف ليهو بالتقطعوا سفه واحده بسف فيها تلاته يوم ..
بعدين يالحبيب 75% من مزارعى السودان تقريبا يتعاطون التمباك ..
يعنى ارتفاع اسعار التمباك با اثر على الزراعة والنفرة الزراعية ومشروع السودان الجديد ...

imported_أمير الشعراني · 09-07-2008, 12:18 PM

اقتباس:

المشاركة الأصلية كتبت بواسطة كيشو

والله بالغت يا أمير

بالغ مراسلنا عندكم الفشل فى ارسال صورة تعكس حجم الاحتجاج، كانت تكون صورة الغلاف فى خبر تانى من عندكم طريف نزلنا قبل يومين افتشوا وين وارجع ليك ...

imported_فتحي مسعد حنفي · 09-07-2008, 12:43 PM

اقتباس:

المشاركة الأصلية كتبت بواسطة أمير الشعراني

العزيز فتحى مسعد حنف سلامات
ما تستهون بالتمباك ..!
بتذكر مره كدا، كنت فى قرية من قرى الجزيرة، الخريف كان يعجب، المطره وراء المطره، قام الصعوت نفد، وما فى طريق يوصل اصحاب بيع ود عمارى لسوق تمبول الحلة كلها نائمه شاهدت لى واحد (رامياهو) خرمه، جاء اشحد ليهو سفه، قام صاحبنا حلف ليهو بالتقطعوا سفه واحده بسف فيها تلاته يوم ..
بعدين يالحبيب 75% من مزارعى السودان تقريبا يتعاطون التمباك ..
يعنى ارتفاع اسعار التمباك با اثر على الزراعة والنفرة الزراعية ومشروع السودان الجديد ...

يا أمير انا بسف من سنة 83 وما قادر ابطلو لغاية دلوقت وعارف انو كيف معفن لكن صعب تسيبو والمشكلة انو يوم الاتنين والخميس مافي زول بيتكلم معاي في البيت قبل المغرب لأني بكون صايم وخرمان وببقي زي برميل البارود ممكن اعمل مشكلة في اي لحظة وبقيت ما بمرق من البيت عشان ما أعمل مشاكل بسبب لياقة أهلنا المصريين..
أما هذه الزيادة الغير مفهومة فدي ممكن تسبب مشكلة فعلية للحكومة عشان الناس البيسفو كان ما لقوه أكيد حيعملوا ثورة...الغريبة السفة بقت موضة في أوروبا وأمريكا وبتتباع في عبوات جاهزة للسف مغلفة بورق قطني وأنا شخصيا من سنة ونص تمباكي قطع في براغ مشيت اشتريت علبة تمباك امريكي ومشيت بيهو حالي.الظاهر كمان شوية حجار حيفكر يعمل حاجة زي دي ولو ما عملها حأرجع أنا السودان أجيب لي اتنين من الفاشر يمطروا وأجيب لي مكنة تعبئة وبعد سنتين أكيد حأبقي مليونير بس المهم مافي زول يسرق مشروعي دا

:D

imported_عماد السنهورى · 09-07-2008, 03:20 PM

لو اديتنا دقاااااااااااااااااااااااااار حاااااااااااااااااار من العمارى الرائع
ود شنخااااااااااااااااااابى
دمت اخى ود الشعرانى

imported_كيشو · 09-07-2008, 07:59 PM

اقتباس:

المشاركة الأصلية كتبت بواسطة فتحي مسعد حنفي

الموضوع دا انت مقصود بيهو عديل يا كيشو وكدي لاحظ التوقيت..الموضوع نزل بعد ما انت وضحت في مداخلة ليك انك من اولاد القضارف...كدي شوف الناس في شنو وحسانية القضارف في شنو

يا عم فتحي
أنا شخصياً ما بسف، ولكن فاتتني المظاهرة دي لأنها احتجاج ظريف والقضارف لا تخلو من التقليعات والحوادث الغريبة

imported_مكي محمد الحسن · 09-07-2008, 10:38 PM

اقتباس:

المشاركة الأصلية كتبت بواسطة كيشو

يا عم فتحي
أنا شخصياً ما بسف، ولكن فاتتني المظاهرة دي لأنها احتجاج ظريف والقضارف لا تخلو من التقليعات والحوادث الغريبة

يا فرحة ما تمت
انا حالتي كنت مخطط أوصي صا حبي وشيخي كيشو يقوم يجيب لينا معاهو رطلين من العماري الجيد
في رحلته الي هناك بعد اسبوع .. ويبعثهم لينا في ماء وراء الاطلنتي استعداداً لرمضان ..يقوموا يغلوه ويمكن كمان يكون معدوم من الاسواق .. نتيجة لازمة دارفور ودخول فصل الخريف حيث اللواري بتقيف ..اها يا عم فتحي مسعد نشوف مشروعك بتاع العماري المدردم بي الكلينكس بتاعوا ده يمكن يكون مشروع ناحج .. بس لو الازمة مرتبطة فعلاً بازمة مواقع الانتاج في دارفور .. حا تعمل شنو؟؟
شيخي كيشو؟ عوضنا الله .. رسل العماري الباكستاني برضوا بيقضي ازمة الخرمة الا بس خليهم يقللوا من الشطة الفيهو..

imported_كيشو · 09-07-2008, 11:16 PM

اقتباس:

المشاركة الأصلية كتبت بواسطة مكي محمد الحسن

يا فرحة ما تمت
انا حالتي كنت مخطط أوصي صا حبي وشيخي كيشو يقوم يجيب لينا معاهو رطلين من العماري الجيد
في رحلته الي هناك بعد اسبوع .. ويبعثهم لينا في ماء وراء الاطلنتي استعداداً لرمضان ..يقوموا يغلوه ويمكن كمان يكون معدوم من الاسواق .. نتيجة لازمة دارفور ودخول فصل الخريف حيث اللواري بتقيف ..اها يا عم فتحي مسعد نشوف مشروعك بتاع العماري المدردم بي الكلينكس بتاعوا ده يمكن يكون مشروع ناحج .. بس لو الازمة مرتبطة فعلاً بازمة مواقع الانتاج في دارفور .. حا تعمل شنو؟؟
شيخي كيشو؟ عوضنا الله .. رسل العماري الباكستاني برضوا بيقضي ازمة الخرمة الا بس خليهم يقللوا من الشطة الفيهو..

يا ميكي
أنا حأمشي ليك مخصوص لي قمر باعتباره صاحب الاختصاص

imported_فتحي مسعد حنفي · 09-07-2008, 11:18 PM

اقتباس:

المشاركة الأصلية كتبت بواسطة مكي محمد الحسن

يا فرحة ما تمت
انا حالتي كنت مخطط أوصي صا حبي وشيخي كيشو يقوم يجيب لينا معاهو رطلين من العماري الجيد
في رحلته الي هناك بعد اسبوع .. ويبعثهم لينا في ماء وراء الاطلنتي استعداداً لرمضان ..يقوموا يغلوه ويمكن كمان يكون معدوم من الاسواق .. نتيجة لازمة دارفور ودخول فصل الخريف حيث اللواري بتقيف ..اها يا عم فتحي مسعد نشوف مشروعك بتاع العماري المدردم بي الكلينكس بتاعوا ده يمكن يكون مشروع ناحج .. بس لو الازمة مرتبطة فعلاً بازمة مواقع الانتاج في دارفور .. حا تعمل شنو؟؟
شيخي كيشو؟ عوضنا الله .. رسل العماري الباكستاني برضوا بيقضي ازمة الخرمة الا بس خليهم يقللوا من الشطة الفيهو..

يامكي ما تخاف أنا عامل حساب كل حاجة ومستعد باسلوب المصريين الكل ما سلعة محلية يزيد سعرها يقوموا يفتحوا الاستيراد وبعدها الجماعة يخافوا وينزلوا الأسعار ..ومافي مانع نجيب النسوار بتاع الباكستانيين عشان الناس تشوف النضافة وما تنسي النسوار فيهو لطشة من السمسمية ونسميهو ود بخاري ماركة محمد اقبال( والحشاش) يملا شبكتو

imported_أمير الشعراني · 10-07-2008, 02:27 PM

يا جماعة (ناس بره) صحيح فى زيادة عالمية .. وللا حكاية الزيادة العالمية دى بقت الحيطة القصيرة اى زيادة معلقه فيها ...
الحمد لله انا والصعوت خطين متوازين ..زى القروش تماماً..

imported_مكي محمد الحسن · 11-07-2008, 10:02 PM

اقتباس:

المشاركة الأصلية كتبت بواسطة فتحي مسعد حنفي

يامكي ما تخاف أنا عامل حساب كل حاجة ومستعد باسلوب المصريين الكل ما سلعة محلية يزيد سعرها يقوموا يفتحوا الاستيراد وبعدها الجماعة يخافوا وينزلوا الأسعار ..ومافي مانع نجيب النسوار بتاع الباكستانيين عشان الناس تشوف النضافة وما تنسي النسوار فيهو لطشة من السمسمية ونسميهو ود بخاري ماركة محمد اقبال( والحشاش) يملا شبكتو

الاستاذ فتحي مسعد
عندنا واحد اخونا هنا مشي القاهرة قبل 3 شهور لي وراء كده اجازة قام جاب معاهو رطلين صعود من العتبة الخضراء بالقاهرة .. وهو علي فكرة يدخن فقط ( لا يتعاطي الصعود ) وبعدما عمل مسح للمدينة وجد انقطاع للامدادات عند بعض ( المتعاطين ) اها قام بقي ( يتمني فيهم )...
ابتاع احدهم نصف رطل منه ... لقاهو ليك نشارة خشب مخلوطة بي حبة عشر وطين بحر .. صاحبنا ساكي الزول الجاب ( التمباك ) عشان يرجع ليهو قروشو لي اسع ..
اسع الازمة دي في القضارف وانت عشان تطمئن ( السفافين ) قلت :

اقتباس:

يامكي ما تخاف أنا عامل حساب كل حاجة ومستعد باسلوب المصريين

اوع تكون البضاعة العندك من علي شاكلة رطلين صاحبنا الساكنوا الجماعة هنا ده ؟؟؟
ومعاك في انه

اقتباس:

نجيب النسوار بتاع الباكستانيين عشان الناس تشوف النضافة وما تنسي النسوار فيهو لطشة من السمسمية

لكن اول مره اعرف انو ( النسوار الباكستاني ) او ( النكشة بالافقاني ) .. فيها لطشة من (السمسمية - ال ويت ) لاني كنت معتقد انه الشطة الفيهو دي من ( بقايا شجرة الخشخاش ) ..
العلم نور..

imported_فتحي مسعد حنفي · 12-07-2008, 12:35 AM

لكن اول مره اعرف انو ( النسوار الباكستاني ) او ( النكشة بالافقاني ) .. فيها لطشة من (السمسمية - ال ويت ) لاني كنت معتقد انه الشطة الفيهو دي من ( بقايا شجرة الخشخاش ) ..
العلم نور..

انت شكلك كدا معلم كبيييييير وكمان عندك دكان سمسمية في مولد امدرمان

عموما كان عندك زول جاي القاهرة خليهو يتصل بي عشان اديه كمية عماري نمرة ون..وأنا لسة بالمناسبة عندي كمية في الفريزر خاتيها لي فيصل سعد وتاج السر الملك ومستني اي زول يجي من هناك عشان اديها ليهو يوصلها..عشان شايلين حسي

09-07-2008, 10:48 AM	#[1]
imported_أمير الشعراني :: كــاتب نشــط::	بعد زيادة أسعاره: سفافو (التمباك) يتظاهرون في القضارف سِف قدر قروشك مسيرة إحتجاج على إرتفاع أسعار التمباك في القضارف إرتفعت بصورة مفاجئة بالقضارف أسعار (التمباك) مما أدى إلى إحتجاجات شديدة وسط المتعاطين لـ(الصعوط). وتجمهرت مجموعات كبيرة من المتعاطين أمام بعض محال بيع (سلطان الكيف) مبدين سخطهم وإستهجانهم الشديدين للزيادة التي يرون أنها غير مبررة. وقال أحد محبي (ود عماري) بالقضارف عمر الشريف لـ(حكايات) إن (كيس التمباك) إرتفع سعره من مائتين قرش إلى خمسمائة قرش، بزيادة بلغت (150%)، فيما قال محمد سلمان أحد المتعاطين أنهم بصدد تسيير مظاهرة إحتجاج ضد زيادة أسعار (التمباك) الأخيرة، وبيَّن أن زيادة أسعار (ود عماري) ستؤثر حتماً على الموسم الزراعي بالولاية، لأن معظم العمال الزراعيين بالولاية (يتعاطونه)، ولا غنى لهم عنه ولو صل سعر (الكيس) جنيها كاملاً. وقال ساخرون من أبناء المدينة إن الغالب والمتاح لـ(عشاق ود عماري) هو تقليل عدد (السفات) في اليوم، ثم أضافوا: (ربما لجأ تجار الصعوط لطريقة قدر ظروفك)..! يذكر أن محال أبو عمار والشنخابي تعد أشهر محال بيع التمباك بولاية القضارف، وتكاد شهرتهما توازي شهرة الهلال والمريخ.
imported_أمير الشعراني :: كــاتب نشــط::	التوقيع: [frame="7 80"]أنت رحوم إذا أعطيت .. لكن لا تنسى وأنت تعطي أن تدير وجهك عن الذي تعطيه فلا ترى حياءه عارياً أمام عينيك[/frame]

09-07-2008, 11:27 AM	#[2]
imported_كيشو :: كــاتب نشــط::	والله بالغت يا أمير استعدوا للزيادات في أسعار الذرة والسمسم، نحنا ما بنسكت يا منتجي التمباك
imported_كيشو :: كــاتب نشــط::

09-07-2008, 11:29 AM	#[3]
imported_كيشو :: كــاتب نشــط::	خاتي ليك تلفون ما شغال يا أمير
imported_كيشو :: كــاتب نشــط::

09-07-2008, 03:20 PM	#[8]
imported_عماد السنهورى Banned	لو اديتنا دقاااااااااااااااااااااااااار حاااااااااااااااااار من العمارى الرائع ود شنخااااااااااااااااااابى دمت اخى ود الشعرانى
imported_عماد السنهورى Banned

10-07-2008, 02:27 PM	#[13]
imported_أمير الشعراني :: كــاتب نشــط::	يا جماعة (ناس بره) صحيح فى زيادة عالمية .. وللا حكاية الزيادة العالمية دى بقت الحيطة القصيرة اى زيادة معلقه فيها ... الحمد لله انا والصعوت خطين متوازين ..زى القروش تماماً..
imported_أمير الشعراني :: كــاتب نشــط::

12-07-2008, 12:35 AM	#[15]
imported_فتحي مسعد حنفي :: كــاتب نشــط::	لكن اول مره اعرف انو ( النسوار الباكستاني ) او ( النكشة بالافقاني ) .. فيها لطشة من (السمسمية - ال ويت ) لاني كنت معتقد انه الشطة الفيهو دي من ( بقايا شجرة الخشخاش ) .. العلم نور.. انت شكلك كدا معلم كبيييييير وكمان عندك دكان سمسمية في مولد امدرمان عموما كان عندك زول جاي القاهرة خليهو يتصل بي عشان اديه كمية عماري نمرة ون..وأنا لسة بالمناسبة عندي كمية في الفريزر خاتيها لي فيصل سعد وتاج السر الملك ومستني اي زول يجي من هناك عشان اديها ليهو يوصلها..عشان شايلين حسي
imported_فتحي مسعد حنفي :: كــاتب نشــط::	التوقيع: [frame="1 80"]شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..[/frame]