كســـــ(عندما يظللها نخيل الشمال)ـــــلا

[imported_somiaadam]

دبايــــــــوا ..ايتنينا ..اكوبام..مسكاقروا

[imported_عادل عسوم]

المشاركة الأصلية كتبت بواسطة somiaadam

كسلا درة الشرق ومنارته جميله بطبيعتها وبأنسانها الطيب البسيط
فهي صوره من صور الجمال ..وايه من صور البديع
واوتاد الارض عليها ترسم أجمل بصمات الطبيعه هي تحوي في جانبيها
السواقي الخضراء وأمواج القاش الهادره..فهي من اروع واجمل المدن السياحيه في السودان
أما عن الاستاذ الكبير المحامي المرحوم حسن الماحي فهو كما زكرت احد أركان كسلا الاساسيه
وله من الفضائل وجليل الاعمال مالا يزكرفي عجاله ..كما له من طيب المعشر وحسن الجوار
هو واهله ما لا يوصف فلله درهم.
البوح عن كسلا ذو شجون ولكن بوحكم الاجمل يروي الظمأ لذلك ختاما اليكم مقوله اهل كسلا
(اليشرب من توتيل تاني يرجع).

ست الزوق وبت الأصول سمية
الصدق كله أحسه يدب من بين أحرفك وكلماتك
التحية لك وأنت تثرين البوست بسياقك الجميل
والتحية لأختكم الكريمة جارة جدنا حسن الماحي
كل المنى الحلو

[imported_Sana Mursi]

الاخ عادل ابن كسلا الجميله انا ما زرتها لكن شفت جمالها فيديو وصور وفي الاغاني التي تحكي عن جمال كسلا.
حماي متزوج من ال الفكي من كسلا وعندي ناس رايحين مني من زمن وهم من كسلا الجميله ومن اهمهم محمد حفظ الله محمد من حي المدارس وهو زميل وصديق عزيز وكنا متواصلين لكن فجاءة اخباره انقطعت واحر عهدي بيه كان في جيزان السعوديه( احد المسارح) وكان ناوي يهاجر للسويد . ياريت لو بتعرف شئ عن الزول ده تدينا اخباره.



وليك الف شكر والقومه لي كسلا

[imported_نورالدين الفحل]

سيد البيت ازيك علاقة كسلا بنخيل الشمال ممتدة والدى اللة يطراة بالخير احضر شتلة بركاوى
من الجزيرة مساوى ضربت جذورها ومدت جريدها حد السماء فى فضاء كسلا حلة ابوخمسة
والعجوة امرها عجيب عند اهلنا الهدندوة يضيفون عليها بعض الزيت ويأكلونها مع شرب القهوة
وتضاف ايضا الى السلات والقرار وفى كسلا مايفوتك سلات مطعم العم عطية والعم ود النجار
الاخ سناء محمد حفظ اللة من ساكنى حى الترعة وسط شارع المدرسة وهو الان بالخرطوم
حيث يعمل مع شقيقة الاصغر يحى و سوف احاول الحصول على تلفونة ومدك بة فى القريب
العاجل ود عسوم لى عودة وقدلة ابداها بالميرغنية واختمها بحلتنا ابوخمسة محطة فرافيشو.

[imported_Sana Mursi]

المشاركة الأصلية كتبت بواسطة نورالدين الفحل

سيد البيت ازيك علاقة كسلا بنخيل الشمال ممتدة والدى اللة يطراة بالخير احضر شتلة بركاوى
من الجزيرة مساوى ضربت جذورها ومدت جريدها حد السماء فى فضاء كسلا حلة ابوخمسة
والعجوة امرها عجيب عند اهلنا الهدندوة يضيفون عليها بعض الزيت ويأكلونها مع شرب القهوة
وتضاف ايضا الى السلات والقرار وفى كسلا مايفوتك سلات مطعم العم عطية والعم ود النجار
الاخ سناء محمد حفظ اللة من ساكنى حى الترعة وسط شارع المدرسة وهو الان بالخرطوم
حيث يعمل مع شقيقة الاصغر يحى و سوف احاول الحصول على تلفونة ومدك بة فى القريب
العاجل ود عسوم لى عودة وقدلة ابداها بالميرغنية واختمها بحلتنا ابوخمسة محطة فرافيشو.

يا سلام عليك يا سلام ربنا يجازيك بالخير ومستنيه تليفونه وليك الف شكر
مودتي

[imported_عادل عسوم]

المشاركة الأصلية كتبت بواسطة سناء مرسي

الاخ عادل ابن كسلا الجميله انا ما زرتها لكن شفت جمالها فيديو وصور وفي الاغاني التي تحكي عن جمال كسلا.
حماي متزوج من ال الفكي من كسلا وعندي ناس رايحين مني من زمن وهم من كسلا الجميله ومن اهمهم محمد حفظ الله محمد من حي المدارس وهو زميل وصديق عزيز وكنا متواصلين لكن فجاءة اخباره انقطعت واحر عهدي بيه كان في جيزان السعوديه( احد المسارح) وكان ناوي يهاجر للسويد . ياريت لو بتعرف شئ عن الزول ده تدينا اخباره.
وليك الف شكر والقومه لي كسلا

سعيد أيما سعادة بالطلة البهية غاليتنا سناء وسعيد أكثر بأن ساهم المتصفح في أيجادك لخبر عن عزيز تبحثين عنه...
آل الفكي جيران لأسرة عمي عيس عسوم ولنا نسب معهم...
أهديك هذه:

[align=center][flash=http://www.youtube.com/v/Ijjix0_2KbY&hl=en&fs=1" type]WIDTH=400 HEIGHT=350[/flash][/align]

[imported_عادل عسوم]

المشاركة الأصلية كتبت بواسطة نورالدين الفحل

سيد البيت ازيك علاقة كسلا بنخيل الشمال ممتدة والدى اللة يطراة بالخير احضر شتلة بركاوى
من الجزيرة مساوى ضربت جذورها ومدت جريدها حد السماء فى فضاء كسلا حلة ابوخمسة
والعجوة امرها عجيب عند اهلنا الهدندوة يضيفون عليها بعض الزيت ويأكلونها مع شرب القهوة
وتضاف ايضا الى السلات والقرار وفى كسلا مايفوتك سلات مطعم العم عطية والعم ود النجار
الاخ سناء محمد حفظ اللة من ساكنى حى الترعة وسط شارع المدرسة وهو الان بالخرطوم
حيث يعمل مع شقيقة الاصغر يحى و سوف احاول الحصول على تلفونة ومدك بة فى القريب
العاجل ود عسوم لى عودة وقدلة ابداها بالميرغنية واختمها بحلتنا ابوخمسة محطة فرافيشو.

نور الدين الفحل ياغالي
مرحبا بك مجملا للمتصفح ومضيفا و(قادلا)
الشكر لك ياعزيز على السبق بخبر محمد حفظ الله...
لعلك قريب لصديقي الحسن سر الختم وهو زميل لي في جامعة أم القرى
أنتظر العودة الكريمة
مودتي

[imported_عادل عسوم]

المشاركة الأصلية كتبت بواسطة عادل عسوم

نور الدين الفحل ياغالي
مرحبا بك مجملا للمتصفح ومضيفا و(قادلا)
الشكر لك ياعزيز على السبق بخبر محمد حفظ الله...
لعلك قريب لصديقي الحسن سر الختم وهو زميل لي في جامعة أم القرى
أنتظر العودة الكريمة والى حين ذلك اليك ذات الأغنية بصوت الرائعة أسرار بابكر
مودتي

[align=center]
[flash=http://www.youtube.com/v/lxJMdvVbtw8&hl=en&fs=1" type]WIDTH=400 HEIGHT=350[/flash][/align]

[imported_عادل عسوم]

[align=center][media]http://www.youtube.com/v/BDv0M2MuOJM&hl=en&fs=1" type[/media][/align]

[imported_محمدعلى عبدالله الشريف]

أه
يا
كســــــــلا
ماذا انت فاعلا بنا يا عادل عسوم
كسلا يا حبيبة مسكونة اغنيات
يا تاجوج
تلك المدينة
التى ترفض ان تبارحها
علاقتى بتلك الحبيبة شكل تانى فنحنا فى بورتسودان نعتبر كسلا هى الحبيبة الغايبة فى دلاهيز الحضور
كسلا
اه
تعودنا عندما تهب نسمات الصيف ويشهر سيفه فينا نحن سكان تلك المدينة الميناء تكون وجهتنا الى تلك الحبيبة التى تضمنا بشوق وحب .
نتوجه فى صباحا باكر الى محطة المواصلات(السوق الشعبى ) نحزم امتعتنا وكل الاشياء الجميلة فقط نترك بورتسودان لنعود لها شوقا من جديد.
بعد رحلة نص اليوم او اواخر نهاره تبدا معالم ذالك المارد الشامخ يلعن حدود الاندهاش ونهايات الرحلة الى مدينة الجمال
اه يا
كسلا
وعلى مشارف مدخلها تكون ريبا نتوجه الى داخل المدينة وانت فى طريق الدخول يستقبلك الشامخ توتيل باسطا ذراعيه فى ترحيب .
تعودنا عندما ندخل كسلا اولا لازم نتعشا(فول عند عمك ادريس الفوالى)
ونشرب شاى لبن مقنن مع عمنا سليمان فى موقف المواصلات وبعد ذالك نفكر الى اين نحنا ذاهبون فى الغالب ما تكون وجهتنا السواقى الجنوبية منزل العم (بركة جبريل) والد الاستاذ طارق بركة جبريل حيث يبد ترحالنا من هناك فى البلد الحبيبة
ونواصــــــــــــــــــــــل
عفوا اسمح لى عزيزى عادل عسوم با ن استريح فى ظلال كسلا فى هذا البوست الجميل ونحكى ذكرياته فينـــــا
اه كسلا
نواصل

[imported_عادل عسوم]

المشاركة الأصلية كتبت بواسطة محمدعلى عبدالله الشريف

عفوا اسمح لى عزيزى عادل عسوم با ن استريح فى ظلال كسلا فى هذا البوست الجميل ونحكى ذكرياته فينـــــا
اه كسلا
نواصل

الجميل ود الشريف
نفرد لك البُسُط ياعزيز
وينساب لك القاش
وتهفو اليك أشجار السواقي
وتغرد لك طيور حي الرملة
راقية لغتك وماتع سياقك ياعزيزي
حلو المنى وترحيب بعودتك الميمونة
مودتي

[imported_ابوريم]

عادل
مشتاقين وتلفونك مقفل
لعل المانع خير
........

قال الرجل بأن جدهم الكبير (ذاك الشيخ) رأى رؤية في منامه (تكررت كثيرا) بأن ماردا من مردة الشياطين يمسك بأطراف أرض كسلا ليقتلعها ويهرب بها...وبالفعل بدأت كامل الأرض تقتلع من جذورها ولم يتبق الا جذور كثيفة هي التي ثبّتت الأرض فأعجزت المارد عن أقتلاع أرض كسلا والهروب بها بعيدا!...
يقول الرجل بأن جده ذاك قد تتبع (في رؤياه تلك) مسار تلك الجذور فوجدها لأشجار النخيل في أرض الشايقية في الشمال ...
لذلك كانت وصيته بأن نحبب الشايقية في كسلا ليسكنوها أذ هم الذين سيبعدون عنها الشيطان!!!...

قلت لي ادروب قال ليكم الشواطين منو والشوايقة منو؟

[imported_عادل عسوم]

المشاركة الأصلية كتبت بواسطة ابوريم

عادل
مشتاقين وتلفونك مقفل
لعل المانع خير
........

قلت لي ادروب قال ليكم الشواطين منو والشوايقة منو؟

الغالي أبو ريم
0504909723
أدروب (الشيطان) الشافو جدُّو كان واااحد بس
أما الشواطين (الكتار) ديل بقا يكونو شوفة شايفا أنتا براك
ذكرتني بي حكاية (بجامع الشين في كلٍّ دي) بي نكتة ظريفة...
قيل (والعهدة على الراوي)
لم يكن الود متصلا بين المرحوم البروف عبدالله الطيب والأديب الدكتور محمد أبراهيم الشوش ...
سُئِل البروف عن السبب في ذلك فقال:
أما رأيتم تكأكُئِ الشِّينات عليه؟!
شينان في اسمه
وشين الشايقية
وشين الشيوعية
...
مالك يازول داير تجيب لينا المشاكل

[imported_فيصل سعد]

[align=center]اهل الجبل احساس
رقة و سلامة ذوق
زورهم عشان تعرف
معنى الحياة و تروق
شجر الاراك رويان
و الطير يغرد فوق
و التاكا في عزو
بعيد و ما ملحوق

عطشان انا و مشتاق
لخضرة الوادي
لنغمة الساقية
و ترنيمة الشادي
يا نسمة يا مارة
طربانة تتهادي
يا ريت على جناحك
العودة لبلادي

نرحل متين نحن
لخوة الاحباب
و على ضفاف القاش
الجنة تفتح باب
ظروفنا حاكمانا
نرحل نعيش اغراب
شايفنه قدامنا
بحر الاماني سراب

قضيت سنين عمري
بين الدروب رحال
مشيت بلاد و بلاد
زاد رحلتي الآمال
شفت الجمال لكن
ما مر بي جمال
يشبه جمال كسلا
و يشبه نخيلها الشال

[rams]http://sudaniana.com/music/song_listen_7124_1[/rams]

سلامات يا حبيبنا و وضيئنا عادل عسوم ، لك التحية على هذا البوست ، و الذي اعتقد جازما بانه من اروع كتاباتك هنا، محفوفا بالشوق و الحنين و الذكريات ..

و هذه تحفة اخرى لا تغلى عليك و ضيوفك الكرام هنا :

القاش القاش يا ناس
القاش عظيم يا ناس

[rams]http://sudaniana.com/music/song_listen_509_1[/rams]

يديك العافية ،،
و حتما نعود ..

[/align]

[imported_محمدعلى عبدالله الشريف]

المشاركة الأصلية كتبت بواسطة عادل عسوم

الجميل ود الشريف
نفرد لك البُسُط ياعزيز
وينساب لك القاش
وتهفو اليك أشجار السواقي
وتغرد لك طيور حي الرملة
راقية لغتك وماتع سياقك ياعزيزي
حلو المنى وترحيب بعودتك الميمونة
مودتي

الانيق عادل عسوم
اناقة المرغنى الكسلاوى
لك التحية
وتسلم على الترحيب

يصبح بنا الصبح واول اشراقاتة صوت العصافير رايحة اللبن المقنن اصوات الابقار وصوت اقدام الحصين على شارع الاسفلت تعلن ذالك الايقاع الجميل تحس بها وهو يركض داخل قلبك .وانت تصارع ملاية او بطانية النعاس ولكن تغلب عليك صحيان المجموعة الذى كان شرطها او هو شرط معروف فى كل سفرية لنا بان يصحى اول من قام باقى المجموعة .
دائما نكرم فى كل صباح بترمسية الشاى باللبن مع بواقى خبز العشاء او يتكرم واحد من الشباب بان يحضر كم عيشة من اقرب فرن وتنتهى تلك الطقوس الصباحية ونتسابق الى اداة فرايض الخروج من حمام الى اخره ونتوقف عند حافة الطريق الاسفلت الذى لا يبعد كثيرا من مدخل البيت بحكم وقوع بيت حبيبنا طارق بركة بالقرب من الشارع العام .وعلى اول ( برنسة )وهو يطلق على البوكس ذات الصندوق من الخلف لحمل الركاب .تكون وجهتنا الى
الموقف العام او السوق وعند نزولنا لا بد ان نمارس طقس صباحى لا بد منه وتكون اول وجهتنا صوب قهوة الرياضين كما يحلو لسكان كسلا ان يطلقو عليها
تلك القهوة الى يخطلت العامل مع الموظف الغفير مع المدير العسكرى مع شخص بالامس كان مخمورا الاستاذ مع الطالب ساعات الصباح الاولة فقط بعد ذالك داخل المدرسة كل فى وظيفته اجمل مافى تلك القهوة وعند جلوسك مباشرة ياتى عامل الاورنيش او ماسح الاحزية حتى واذا لا تملك حق الاورنيش تلك هى المسامحة التى تمتاز بها كسلا .
وبعد تناول الجبنة وبعض المكيفات التى تكون ادوات تواصل ما بين الجبنة وتواصل الراس يكون البحث عن العمل لنا قصص مع هذا العمــــــــل داخل كسلا. نقطة سطر جديد
نــــــواصل
عذرا عادل
تلك كسلا وما تفعلها بننا