انضممت اليكم

[imported_ودالقصاص]

المشاركة الأصلية كتبت بواسطة عمر عبدالكريم

حبابك قصاص
اخوك زيك وجاي
كرت لسه ورقتي ماإتفكت

تسلم اخوي عمر عبد الكريم

كرت ...ورقتى ... اتفكت
المفردات دى ذكرتني جماعة كدا احبابنا اصحاب الخيال الواسع
ومرة في واحد منهم ابوه كان امام مسجد في الموردة واتوفى ناس المسجد بقوه امام بدل ابوه اها في اول صلاة جمعة كان بتكلم عن المسلم العصري وما يحمله في جيبه ويدخل يده في جيبه ويطلع قلم ويقول يستخدم في الكتابة اها يدخل ويطلع لمن نكت من جيبه ورقة برنسيس قام قال ورقة برنسيس تستخدم لنظافة النظارة ونظف نضارتو ونزل من المنبر النزلة الياها .
دمت

[imported_ودالقصاص]

gooo

المشاركة الأصلية كتبت بواسطة هاشم طـه

تعرف يا فتحي .. كتير بتحسـر إنو الأجيال البتكتب معانا حسع دي ماعاشت الزمن الجميل زيّـنا ، بيسمعوهو حكايات .. يعني لما الواحد يسمعك بتتكلم عن ال G.B. يقول ليك دي عيادة دكتور؟ .. وإذا كلمتو عن الأتيـنيـه وللا ال CYMS , وللا الدونبوسكـو .. بيفتكرك بتتكلم عن هنولولو ..، حسع حينط واحد منهم يسألك الألغاز دي شنو يا جماعة ..؟
خليهم يرموا سماعاتم .. دي أجيال ما تركت ليها الأنظمة الإتولدوا في ظلها غير الشمار والواحد ما بيلومهم .. بالعكس بشعر بتعاطف ومحبة ليهم .. الفرق إنو نحن أخدنا زمنـّا وهـم أخـدهم الزمـن..
لك الحب

[imported_ودالقصاص]

المشاركة الأصلية كتبت بواسطة رشا حاتم

[size=5]هنا قمة البلاغة..
يااااااااااهو حالنا دوت كوم وردوم يا هاشم.. وصفتنا فأجدت وعلى الاجيال القادمة مراعاة فروق التدهور..


ود القصاص مرحب بيك وبي انضمامك.. فاضل نشوف نضميك [/size
]

تسلمي اختي رشا حاتم ومشكورة ..وربك يسهل

[imported_فتحي مسعد حنفي]

المشاركة الأصلية كتبت بواسطة ودالقصاص

فرق اجيال يا اخ فتحي

وبعدين قص بالمعني الامدرماني وبين قوسين امدرمان القديمة

تحياتي

في الحقيقة دا فرق جفرافيا ومصطلحات شعوب ولذا وجب التوضيح مع انو الناس العايشين في الخليج فاهمين المعني وحسب علمي ناس امدرمان الزمان بيقصوا اللسان الطويل..
أما ناس الخليج فديل لامن يقولوا فلان دا بيقص علينا معناها فلان دا بيستهبلنا والمقص هو الشخص المسكين الدايمن بينضحك عليهو ولا شنو يا شبارقة

[بابكر مخير]

المشاركة الأصلية كتبت بواسطة هاشم طـه

لا يا أبو الفتوح .. الكلام ده بقى لازمه أكتر من نصية .. أكيد بتعرف ولد بابكر الديب .. وأبراهيم كبير .. وعادل ميرزا بيكون دفعتك .. يعني لفيت على الثلاثة مدارس .. سمير سعيد أصغر من جمال .. ويمكن تكون بتعرف نصر الدين حسن سعد .. وحسن دقدق .. وأبو الرمم ... وفيس الهورس (عادل) ..
كدي لما نتقابل يوم 23 .. بس لو القاهرة برد كلمني من حسع أغير النوع ..

أولن تبادي
الحبيب ود القصاص
سلام،،
تعرف إتا العملته، ليا سنين بحاول فيهو
بحاول أحرك جبل سرميك، وزن الجلة، بوسع الحلة
بحاول الملم بحر ولا أقول ليك محيط في فنجان الجبنة
بحاول أرسم في القمرا وأبرد كباية شاي في عين الشمس
بحاول أخلي شوقي بدري يشارك في بوستات غير بوستاتو والندر يرد فيها على المتداخلين،
حاولتا أثبت جبل اللكوم والجلي المردو
لكني فشلتا،،
تبقى جيتك يابا
هزمتني بي فرح وغلبتني بسعادة
مرحب بيك الف، مليون وترليونات ذي الصادق بيها الكونجرس لي "ولدنا أوباما"
وعن إذنك ومن فضلك سماح عاوز أدخل علي حباني ديل بي جاي وعندك يا الكريم ود أمدرمان،،
توحة، هشومي والسجانة، الفيتيحاب وبالعكس
شفتو ليكم زول قلبه في حتة وعقله فحتة بعيدين من جسمو ولساتو عايش؟؟
دي مشكلتي، لكن ربنا عز وجل، لطف بي حالي ويظهر باكر وبعيد من جسدي الإتنين ديل حيتلاقو،،
هنيئا ليا بإجتماع الإتنين في بقعتن واحدة
ما فيها برتاح العقل بالإنشغال عن تعب القلب وفيها برتاح القلب عن الإنشغال بهم العقل،،
وأنا أصلي شعاري الرافعو؛
أتعب ياجسد، ريح البال والقلب
ريدتي ليكم إتلفحو بيها إن كان سقط وشروها مرطبة إن كان الجو هناك حآر

[imported_ودالقصاص]

المشاركة الأصلية كتبت بواسطة بابكر مخير

أولن تبادي
الحبيب ود القصاص
سلام،،
تعرف إتا العملته، ليا سنين بحاول فيهو
بحاول أحرك جبل سرميك، وزن الجلة، بوسع الحلة
بحاول الملم بحر ولا أقول ليك محيط في فنجان الجبنة
بحاول أرسم في القمرا وأبرد كباية شاي في عين الشمس
بحاول أخلي شوقي بدري يشارك في بوستات غير بوستاتو والندر يرد فيها على المتداخلين،
حاولتا أثبت جبل اللكوم والجلي المردو
لكني فشلتا،،
تبقى جيتك يابا
هزمتني بي فرح وغلبتني بسعادة
مرحب بيك الف، مليون وترليونات ذي الصادق بيها الكونجرس لي "ولدنا أوباما"
وعن إذنك ومن فضلك سماح عاوز أدخل علي حباني ديل بي جاي وعندك يا الكريم ود أمدرمان،،
توحة، هشومي والسجانة، الفيتيحاب وبالعكس
شفتو ليكم زول قلبه في حتة وعقله فحتة بعيدين من جسمو ولساتو عايش؟؟
دي مشكلتي، لكن ربنا عز وجل، لطف بي حالي ويظهر باكر وبعيد من جسدي الإتنين ديل حيتلاقو،،
هنيئا ليا بإجتماع الإتنين في بقعتن واحدة
ما فيها برتاح العقل بالإنشغال عن تعب القلب وفيها برتاح القلب عن الإنشغال بهم العقل،،
وأنا أصلي شعاري الرافعو؛
أتعب ياجسد، ريح البال والقلب
ريدتي ليكم إتلفحو بيها إن كان سقط وشروها مربطة إن كان الجو هناك حآر

الاخ بابكر
تسلم ياالغلي مادا الحمل التقيل زاااتو ربك يهون
تسلم