الغزل بمرابيع النجوم والشاعر عبد الله ود شوراني - الصفحة 4

فيصل سعد · 12-09-2007, 08:11 AM

[align=center]
حب ود شوراني للطربان (جمله) :

كتح الصافي علاك يا اب سناما رك
أبوك فارط الجدي الأخد الروينا وجك
على ست الصبا الدكانا قاطع اليك
رايف وفكفك الحسكة أم حديدا شك

ود العانس التحويرو
سمّح صوفتو
شديتو ونشق طوفو
وحدر مخلوفتو
قصدي الليله دهب البرته
اشوف منسوفتو
قبال فوقنا صقط المصري
تقرن فوفتو[/align]

عمرابي · 12-09-2007, 09:41 AM

أمتّع نفسي بالدهشة

خالد الحاج الله يديك العافية و أرجو افراز بوستات مختلفة لشعراء البادية

و ياريت لو فتحت لينا بوست تاني للشاعر (ود ضحوية) و (طه الضرير) و غيرهم من الهمباتة .

بالجد الناس ديل اثروا الساحة بأشعار قل ان يجود الزمان بمثلها

مشكور كتير علي البوست دا عشان لي زمن كايس لي اشعار ود شوراني اللذي تربطنه بأهلنا في المحمية قرابة و صداقات

خالد الحاج · 12-09-2007, 09:54 AM

اقتباس:

المشاركة الأصلية كتبت بواسطة المسافة

دا شغل بمزاج عالي يا خال
يديك العافية .. البوست دا ناقص شيخك الله يطراه بالخير.
بعدين مالك مدينا سيسي بالسيسي ما تزود الجرعة شوية
و التسجيل بتاع اسفاي الحقنا باللنك لو سمحت ظروفك.

ابقى طيب.

المسافة الزول الجميل سلام

القصيدة كبيرة جدا يا مسافة وتحتاج عناية شديدة وتشكيل للحروف .. وأخوك يسابق في الزمن اللئيم
لكن بنواصل فيه إن شاء الله .. وخليني أجيب ليك الأغنية كاملة وبخت ليك الرابط.
سلامات يا عمرابي
هلا بيك في رحاب قريبك ود شوراني
ويحصل خير يا عمرابي ربنا يقدرنا نكمل ده وبعديه حيكون الحردلو إن شاء الله.

يديكم العافية

التباري · 12-09-2007, 10:15 AM

العزيز خالد الحاج
أسمح لي أتدخل معاك وأتمنى ألا أخرب عليك وترتك دي
ود شوراني زولنا حبيبنا
ديل أهلي ناس غرب نهر أتبرا (عمق البطانة)
نحن بسمونا ناس البحر ... وهم ناس البطانة
لأننا أقرب الى المدن أتبرا والدامر

بمناسبة هذا الكاليندر
لكن أنا ما شفت كاليندر مكرب زي الظبتو عمك ودشوراني دا ...
الناس ديل يعرفوا الليلة اليوم الكم وفي أياتو من منازل القمر ...
والله مرة واحد قال لي: دي ما العينة الفلانية ، بكرة بحصل كدا وبعدو كدا وبعد كم يوم يحصل كدا ... نشرة جوية عديل ...
والله وصفو داك حصل بالنص ..
أسمح لي أوصف لك ود شوراني كان شكلو كيف ...
إن شفتو وما بتعرفو، ما تشتريه بي بصلة ...
إن نضم تعرف قيمته
فتتمنى ألا يسكت
كلام بسيط وعميق في نفس الوقت ...
يضع عصاه دوماً على كتفيه ، ويضع يديه عليها
يمشي مسرعاً بصورة ملحوظة ...
ملابسه قصيرة كثة، (جلابية في شكل عراقي)
يعتمر عمة قصيرة لا تكاد تغطي كل رأسه
وقد يستغني عنها أحياناً، لحية قصيرة جداً لا يهتم بها كثيراً
شعر ناعم قصير ، يتخلله الشيب
ربما عامل السن (لا يبدو عليه)
قوي البنية ، مربوع القامة ، دائري الوجه
لونه قمحي ... غامق قليلاً
وربما لا استطيع أن أوصفه كما يجب لأني رأيته في بداية الثمانينات وكنت صغيراً حينها...
حبك في قلوبنا كبير ضمنتي بجيبنا
نسماتك ترد الروح وتطفي لهيبنا
مسداري النظمتو عليك عرفتو بريبنا
إلا تقولي ود شوراني زولنا حبيبنا
ضمنتي : ضمنتيه
بريبنا: (يريبنا) أي يفضحنا
***
لتيبــاً زرعو في آخر العِيَن مو صيف
ردف باردو ونزل فوقو الكياقي أب هيف
فرقــها صبري ما خلالي فيهو طريف
لفظهــا حالي من مافيش يجيب الكيف

الكياقي: كيهك (شهر قبطي) شديد البرودة
ردف باردو: شرب مرة أخرى من السيول التي تنزل بعد توقف هطول المطر
الموية البتجي بالبارد : يعني ممكن يكون مافي مطر ويجيك سيل من مطراً بعيد

عندو مسدار تاني بداهو بالأبجدية أتمنى بعد تنتهي منو تنزلو برضو :
بالميم مايلــه نفسي عليها مشتاقالا
عسفت نوم عيوني وقلبي طاري مجالا
وصف اليخجــل الدرة العزيزة منالا
مهره مغتية وشتـــم النحاس قحالا

لك التحية

التباري · 13-09-2007, 07:55 PM

اقتباس:

المشاركة الأصلية كتبت بواسطة خالد الحاج

[align=center][U][size=6]

هذه الكلمة غير واضحة في الكتاب ولست متأكد تماما من كوني أوردتها صحيحة.

الأخ خالد
تحياتي
جنيبة الفارس الفوق المشمس هزّ
الكلمة التي أوردتها صحيحة تماماً: الجنيبة هي الخيل المتناسقة القوام
ويقصد أنها مهرة الفارس الذي يهز سيفه عند ضرب النحاس مرحباً بويلات الحرب
وقد هذه الكلمة وردت كثيراً في الشعر الشعبي كما قال عمك أحمد عوض الكريم أبو سن في واحدة من (مربوقاته):
الحويتو رب الناس وابن قُصيّ
سهران منو رايغ في موايقي حِصيّ
خدو وسيم وديسو معمعم النُصيّ
قوامو قوام جنيبة وعينو ظبية صيّ
أو ود شوراني حين يقول:
ظبية عنّس الريل المجازى هنونك
جنيبة خيل قيافة ولابسه والكون كونك
يا اميهية الصيف فى خلاك وبقونك
باب ليمك عرج واقف غفر كركونك
إذن الجنيبة : هي المُهرة (الحرة) الممشوقة القوام
واصل
متابعك باهتمام شديد

التباري · 24-09-2007, 08:32 AM

فوق
الى حين عودة الأخ خالد الحاج

بسمله · 24-09-2007, 11:12 AM

خرافى يا خالد الحاج

موسوعه غنيه مشاء الله

يديك العافيه

خالد الحاج · 24-09-2007, 11:31 AM

العزيز التباري
عساك طيب يا زول يا جميل
صدقني وجودك في البوست أعطاه روح بعد أن تكاسلت منه.
كان أستاذنا عالم عباس هو المتابع الأول والمصحح اللغوي فهاجر شرقا في موسم التباريح.
أنت تضيف الجميل فلا تتوقف أنا تعلمت منك هنا ولا تنسي ما أنا إلا (عرضحلجي ) في البوست ده يا تباري يا أخوي

العزيزة بسملة
كل سنة وإنت طيبة
مرحب بعودتك

خالد الحاج · 24-09-2007, 12:00 PM

4- الخيرصان

[align=center]بَرْق الخِيْرصَان الفِي السًحَابه بْشَلٍعْ
اسْهَر نُومِي زِيف رُهْبُو البِيِبِدي مْقلًعْ
السًبَب المِحَرك نَارْ قُلُوبنا تْوَلًعْ
سَمْحا ماشٍي بِي تُوب الدًلع مُتْدَلٍعْ[/align]

تمتاز عينة الخيرصان بكثرة بروقها وشدة رعودها المتوالية مع قلة أمطارها .
فكأن برقها يفرق السحب ويمنع تراكمها وبالتالي يمنع نزول الأمطار لذلك قال ود شوراني
(برق الخيرصان الفي السحابه بشلع) فهذا البرق لم يسبب له غير السهر. ومما يدهشه هذا البرد القارس الذي يجيء في الخريف وهذه السحب الكثيرة المتراكمة ولا شيء تجلبه غير البرد الشديد. وأشار إلي ذلك السحاب المتلبد الكثيف الرهبة لأنه كثيف مخيف فما أعجبه ان ينزل بردا لا مطرا.
"أسهر نومي زيف رهبة البيبدي مقلع"
وفي هذا البرد القارس والمياه الكثيرة التي تجبر الإنسان علي الدخول في أغطية الصوف السميكة إذا بمحبوبته تمشي بتوب "الدلع" وهو ثوب خفيف يشف ويصف غير عابئ ببرد الخريف ...غير عابئ بالناس... وفي غني عن الجميع فهو سيد نفسه يخاصم من يشاء ويصالح من يشاء دون اعتبار لشيء
سوي هواه ومزاجه وهذا هو السبب الذي يحرق قلوب الناس .

التباري · 30-09-2007, 08:41 AM

يا زول ما تعجز
مالك وقفت ؟؟؟

التباري · 02-10-2007, 09:36 AM

أنذرك
يا خالد الحاج
وإلا أصبح البوست ملكاً لي
بوضع اليد

خالد الحاج · 02-10-2007, 12:35 PM

اقتباس:

المشاركة الأصلية كتبت بواسطة التباري

يا زول ما تعجز
مالك وقفت ؟؟؟

يشهد الله يا تباري كنت مشغول في إصدار عدد المجلة الثاني
وأخوك "أصابعينو" إتيبسو من الماوس الشكية لله.
برجع للبوست وأكملو لكن هو هدية مني ليك إفعل فيه ما تشاء
مثلك لا يضيف إلا جميل

التباري · 07-10-2007, 10:56 AM

فوق
فوق

التباري · 07-10-2007, 01:05 PM

(1)
حتى يعود الأخ خالد لهذا البوست : سأونسكم قليلاً بهذه المداخلات :

كما ذكرت سابقاً أن أهل البطانة يسموننا (ناس البحر) وهم (العرب)، أي نحن الأقرب الى (العمار) الى المدن وارتباطنا بعطبرة والدامر أكثر من ارتباطنا ببطن البطانة، نحن نميل أساساً الى الزراعة وهم يمتهنون الرعي وقليل من الزراعة على أطراف الوديان، ثم أنهم يرون أن لغتنا لا يعتد بها لتلوثها بشوائب الحضر، يرون أن شعرهم أجود (وهم محقون) وأكثر أصالة وبداوة من شعر أهلنا على النهر، ويرون أنهم أشد عزيمة وبأساً، ونحن (ناس بحر ساكت)، هي نظرة فيها شيء من اللوم والعتاب لتخلينا عنهم واتجاهنا صوب المدن..
مع ذلك برز من (البحر) على ضفاف الأتبراوي وفي داخل الدامر شعراء لا يشق لهم غبار وأفسح لهم شعراء العرب مكانتهم بينهم بكل أريحية ونبل، الجميل في هؤلاء العرب أنهم لا يغمطون الحق الأدبي ولا يستكثرونه على صاحبه، إذا أعجبهم شيء أبدوا إعجابهم، وإذا لم يعجبهم تركوه ونسوه، وهناك رأي بينهم (رغم أنه غير شائع) يقول أن أشعر أهل البادية هم الحردلو ثم علي عاكير، وهؤلاء يتجاوزن قامات سامقة مثل ود الشلهمة وود شوراني، ود أب سن والصادق ... الخ...
وإذا أعجبهم الشاعر لا يهتمون كثيراً بظرفه المكاني فـ مثلاً إبراهيم ود علي سليمان رغم إنه ينتمي لشعراء البحر (حسب تصنيفهم) إلا أنهم لا يعتبرونه كذلك، ربما لقربه من عمق البطانة فهو يقيم في قرية العبكة على ضفاف الأتبراوي حتى هذه اللحظة.

ود علي سليمان يقول:
فرشوت قبّل السبعات وطلق الفوف
سكّن قلبي وحاحة وزلازل وخوف
يا العوض العيون ظلَمَني من الشوف
وانقطع الوصال من القناها أب روف

فشعراء البحر المجيدون الذين سمح لهم العرب بالدخول في قواميسهم هم أقلة وشعرهم به صبغة حضرية بائنة، ويمكنني أن أقول كلما ابتعد شعراء البحر بشعرهم عن المدينة كلما كان حظهم أوفر في الدخول الى قلوب وعقول العرب (ود علي سليمان نموذجاً).

مثلاً أنظر الى فضل الله ود عاشميق من قرية العمراب يمدح جمله الشهير (صافي اللون):
إتقلبن تقول الإنقليسي الشارب
إيدك مابية زورك حالفة من الغارب
صنديد ما بتهم من البزح والقارب
زي الفي المتمة على القديمة بحارب

ثم يقول :

يا راحة الركوب الفي السفر ما إتمرَّك
يا ديك النعام الفي الطرب ما إتَّرك
يا ديزل بلاد برة القدير في جرَّك
يوم بي حسبة في بيت في الصِفيّا مبرَّك

الفاتح · 08-10-2007, 08:37 AM

up..
الخال الجميل.. يسعد أيامك.. التحيًه ليك أولاًلطريقة عرضك وإهتمامك بالتفسير
ثانياً لتأريخك هذا التراث.
إعتاد شعراء البطانه أن يخاطبوا" جملهم" لكن أن يخاطبهم هذا الجمل فهذا بيت القصيد:

قال لي..ضارع الفَرَقَه المنّسَّلْ جدو
بوريك دِكة الضارب الشباب لاحدو
أكان تقدر على رسنى المريب شدو
بدرى الليلة عِِدُّو بمسكك في يدو-----

ضارع الفرقة: وصف للجمل ولعل الوصف للسرعة
المنسل جدو: مأصل ومعروفين جدوده
بوريك: سأريك
دِكه: مضارب أو مسكن
الضارب الشباب لاحدو: يعني ماخدا البرنجية على البنات
البيت الأخير وعد من الجمل لصاحبه بانه سيوصله إلى محبوبته وقتا بدري شرط انو صاحبو يقدر علي ما يستصحب هذا الجري السريع من مخاطر..

12-09-2007, 08:11 AM	#[46]
فيصل سعد :: كــاتب نشــط::	[align=center] حب ود شوراني للطربان (جمله) : كتح الصافي علاك يا اب سناما رك أبوك فارط الجدي الأخد الروينا وجك على ست الصبا الدكانا قاطع اليك رايف وفكفك الحسكة أم حديدا شك ود العانس التحويرو سمّح صوفتو شديتو ونشق طوفو وحدر مخلوفتو قصدي الليله دهب البرته اشوف منسوفتو قبال فوقنا صقط المصري تقرن فوفتو[/align]
فيصل سعد :: كــاتب نشــط::	التوقيع: اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة

12-09-2007, 09:41 AM	#[47]
عمرابي :: كــاتب نشــط::	أمتّع نفسي بالدهشة خالد الحاج الله يديك العافية و أرجو افراز بوستات مختلفة لشعراء البادية و ياريت لو فتحت لينا بوست تاني للشاعر (ود ضحوية) و (طه الضرير) و غيرهم من الهمباتة . بالجد الناس ديل اثروا الساحة بأشعار قل ان يجود الزمان بمثلها مشكور كتير علي البوست دا عشان لي زمن كايس لي اشعار ود شوراني اللذي تربطنه بأهلنا في المحمية قرابة و صداقات
عمرابي :: كــاتب نشــط::

12-09-2007, 10:15 AM	#[49]
التباري :: كــاتب جديـــد ::	العزيز خالد الحاج أسمح لي أتدخل معاك وأتمنى ألا أخرب عليك وترتك دي ود شوراني زولنا حبيبنا ديل أهلي ناس غرب نهر أتبرا (عمق البطانة) نحن بسمونا ناس البحر ... وهم ناس البطانة لأننا أقرب الى المدن أتبرا والدامر بمناسبة هذا الكاليندر لكن أنا ما شفت كاليندر مكرب زي الظبتو عمك ودشوراني دا ... الناس ديل يعرفوا الليلة اليوم الكم وفي أياتو من منازل القمر ... والله مرة واحد قال لي: دي ما العينة الفلانية ، بكرة بحصل كدا وبعدو كدا وبعد كم يوم يحصل كدا ... نشرة جوية عديل ... والله وصفو داك حصل بالنص .. أسمح لي أوصف لك ود شوراني كان شكلو كيف ... إن شفتو وما بتعرفو، ما تشتريه بي بصلة ... إن نضم تعرف قيمته فتتمنى ألا يسكت كلام بسيط وعميق في نفس الوقت ... يضع عصاه دوماً على كتفيه ، ويضع يديه عليها يمشي مسرعاً بصورة ملحوظة ... ملابسه قصيرة كثة، (جلابية في شكل عراقي) يعتمر عمة قصيرة لا تكاد تغطي كل رأسه وقد يستغني عنها أحياناً، لحية قصيرة جداً لا يهتم بها كثيراً شعر ناعم قصير ، يتخلله الشيب ربما عامل السن (لا يبدو عليه) قوي البنية ، مربوع القامة ، دائري الوجه لونه قمحي ... غامق قليلاً وربما لا استطيع أن أوصفه كما يجب لأني رأيته في بداية الثمانينات وكنت صغيراً حينها... حبك في قلوبنا كبير ضمنتي بجيبنا نسماتك ترد الروح وتطفي لهيبنا مسداري النظمتو عليك عرفتو بريبنا إلا تقولي ود شوراني زولنا حبيبنا ضمنتي : ضمنتيه بريبنا: (يريبنا) أي يفضحنا *** لتيبــاً زرعو في آخر العِيَن مو صيف ردف باردو ونزل فوقو الكياقي أب هيف فرقــها صبري ما خلالي فيهو طريف لفظهــا حالي من مافيش يجيب الكيف الكياقي: كيهك (شهر قبطي) شديد البرودة ردف باردو: شرب مرة أخرى من السيول التي تنزل بعد توقف هطول المطر الموية البتجي بالبارد : يعني ممكن يكون مافي مطر ويجيك سيل من مطراً بعيد عندو مسدار تاني بداهو بالأبجدية أتمنى بعد تنتهي منو تنزلو برضو : بالميم مايلــه نفسي عليها مشتاقالا عسفت نوم عيوني وقلبي طاري مجالا وصف اليخجــل الدرة العزيزة منالا مهره مغتية وشتـــم النحاس قحالا لك التحية
التباري :: كــاتب جديـــد ::

24-09-2007, 08:32 AM	#[51]
التباري :: كــاتب جديـــد ::	فوق الى حين عودة الأخ خالد الحاج
التباري :: كــاتب جديـــد ::

24-09-2007, 11:12 AM	#[52]
بسمله :: كــاتب نشــط::	خرافى يا خالد الحاج موسوعه غنيه مشاء الله يديك العافيه
بسمله :: كــاتب نشــط::

24-09-2007, 11:31 AM	#[53]
خالد الحاج :: كــاتب نشــط::	العزيز التباري عساك طيب يا زول يا جميل صدقني وجودك في البوست أعطاه روح بعد أن تكاسلت منه. كان أستاذنا عالم عباس هو المتابع الأول والمصحح اللغوي فهاجر شرقا في موسم التباريح. أنت تضيف الجميل فلا تتوقف أنا تعلمت منك هنا ولا تنسي ما أنا إلا (عرضحلجي ) في البوست ده يا تباري يا أخوي العزيزة بسملة كل سنة وإنت طيبة مرحب بعودتك
خالد الحاج :: كــاتب نشــط::	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

24-09-2007, 12:00 PM	#[54]
خالد الحاج :: كــاتب نشــط::	4- الخيرصان [align=center]بَرْق الخِيْرصَان الفِي السًحَابه بْشَلٍعْ اسْهَر نُومِي زِيف رُهْبُو البِيِبِدي مْقلًعْ السًبَب المِحَرك نَارْ قُلُوبنا تْوَلًعْ سَمْحا ماشٍي بِي تُوب الدًلع مُتْدَلٍعْ[/align] تمتاز عينة الخيرصان بكثرة بروقها وشدة رعودها المتوالية مع قلة أمطارها . فكأن برقها يفرق السحب ويمنع تراكمها وبالتالي يمنع نزول الأمطار لذلك قال ود شوراني (برق الخيرصان الفي السحابه بشلع) فهذا البرق لم يسبب له غير السهر. ومما يدهشه هذا البرد القارس الذي يجيء في الخريف وهذه السحب الكثيرة المتراكمة ولا شيء تجلبه غير البرد الشديد. وأشار إلي ذلك السحاب المتلبد الكثيف الرهبة لأنه كثيف مخيف فما أعجبه ان ينزل بردا لا مطرا. "أسهر نومي زيف رهبة البيبدي مقلع" وفي هذا البرد القارس والمياه الكثيرة التي تجبر الإنسان علي الدخول في أغطية الصوف السميكة إذا بمحبوبته تمشي بتوب "الدلع" وهو ثوب خفيف يشف ويصف غير عابئ ببرد الخريف ...غير عابئ بالناس... وفي غني عن الجميع فهو سيد نفسه يخاصم من يشاء ويصالح من يشاء دون اعتبار لشيء سوي هواه ومزاجه وهذا هو السبب الذي يحرق قلوب الناس .
خالد الحاج :: كــاتب نشــط::	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

30-09-2007, 08:41 AM	#[55]
التباري :: كــاتب جديـــد ::	يا زول ما تعجز مالك وقفت ؟؟؟
التباري :: كــاتب جديـــد ::

02-10-2007, 09:36 AM	#[56]
التباري :: كــاتب جديـــد ::	أنذرك يا خالد الحاج وإلا أصبح البوست ملكاً لي بوضع اليد
التباري :: كــاتب جديـــد ::

07-10-2007, 10:56 AM	#[58]
التباري :: كــاتب جديـــد ::	فوق فوق
التباري :: كــاتب جديـــد ::

07-10-2007, 01:05 PM	#[59]
التباري :: كــاتب جديـــد ::	(1) حتى يعود الأخ خالد لهذا البوست : سأونسكم قليلاً بهذه المداخلات : كما ذكرت سابقاً أن أهل البطانة يسموننا (ناس البحر) وهم (العرب)، أي نحن الأقرب الى (العمار) الى المدن وارتباطنا بعطبرة والدامر أكثر من ارتباطنا ببطن البطانة، نحن نميل أساساً الى الزراعة وهم يمتهنون الرعي وقليل من الزراعة على أطراف الوديان، ثم أنهم يرون أن لغتنا لا يعتد بها لتلوثها بشوائب الحضر، يرون أن شعرهم أجود (وهم محقون) وأكثر أصالة وبداوة من شعر أهلنا على النهر، ويرون أنهم أشد عزيمة وبأساً، ونحن (ناس بحر ساكت)، هي نظرة فيها شيء من اللوم والعتاب لتخلينا عنهم واتجاهنا صوب المدن.. مع ذلك برز من (البحر) على ضفاف الأتبراوي وفي داخل الدامر شعراء لا يشق لهم غبار وأفسح لهم شعراء العرب مكانتهم بينهم بكل أريحية ونبل، الجميل في هؤلاء العرب أنهم لا يغمطون الحق الأدبي ولا يستكثرونه على صاحبه، إذا أعجبهم شيء أبدوا إعجابهم، وإذا لم يعجبهم تركوه ونسوه، وهناك رأي بينهم (رغم أنه غير شائع) يقول أن أشعر أهل البادية هم الحردلو ثم علي عاكير، وهؤلاء يتجاوزن قامات سامقة مثل ود الشلهمة وود شوراني، ود أب سن والصادق ... الخ... وإذا أعجبهم الشاعر لا يهتمون كثيراً بظرفه المكاني فـ مثلاً إبراهيم ود علي سليمان رغم إنه ينتمي لشعراء البحر (حسب تصنيفهم) إلا أنهم لا يعتبرونه كذلك، ربما لقربه من عمق البطانة فهو يقيم في قرية العبكة على ضفاف الأتبراوي حتى هذه اللحظة. ود علي سليمان يقول: فرشوت قبّل السبعات وطلق الفوف سكّن قلبي وحاحة وزلازل وخوف يا العوض العيون ظلَمَني من الشوف وانقطع الوصال من القناها أب روف فشعراء البحر المجيدون الذين سمح لهم العرب بالدخول في قواميسهم هم أقلة وشعرهم به صبغة حضرية بائنة، ويمكنني أن أقول كلما ابتعد شعراء البحر بشعرهم عن المدينة كلما كان حظهم أوفر في الدخول الى قلوب وعقول العرب (ود علي سليمان نموذجاً). مثلاً أنظر الى فضل الله ود عاشميق من قرية العمراب يمدح جمله الشهير (صافي اللون): إتقلبن تقول الإنقليسي الشارب إيدك مابية زورك حالفة من الغارب صنديد ما بتهم من البزح والقارب زي الفي المتمة على القديمة بحارب ثم يقول : يا راحة الركوب الفي السفر ما إتمرَّك يا ديك النعام الفي الطرب ما إتَّرك يا ديزل بلاد برة القدير في جرَّك يوم بي حسبة في بيت في الصِفيّا مبرَّك
التباري :: كــاتب جديـــد ::

08-10-2007, 08:37 AM	#[60]
الفاتح :: كــاتب نشــط::	up.. الخال الجميل.. يسعد أيامك.. التحيًه ليك أولاًلطريقة عرضك وإهتمامك بالتفسير ثانياً لتأريخك هذا التراث. إعتاد شعراء البطانه أن يخاطبوا" جملهم" لكن أن يخاطبهم هذا الجمل فهذا بيت القصيد: قال لي..ضارع الفَرَقَه المنّسَّلْ جدو بوريك دِكة الضارب الشباب لاحدو أكان تقدر على رسنى المريب شدو بدرى الليلة عِِدُّو بمسكك في يدو----- ضارع الفرقة: وصف للجمل ولعل الوصف للسرعة المنسل جدو: مأصل ومعروفين جدوده بوريك: سأريك دِكه: مضارب أو مسكن الضارب الشباب لاحدو: يعني ماخدا البرنجية على البنات البيت الأخير وعد من الجمل لصاحبه بانه سيوصله إلى محبوبته وقتا بدري شرط انو صاحبو يقدر علي ما يستصحب هذا الجري السريع من مخاطر..
الفاتح :: كــاتب نشــط::