عندما (يكلكلك ) عصام محمد نور

[imported_قمر دورين]

المشاركة الأصلية كتبت بواسطة عمار مكى عمر حسن

بس يا قمر دورين الكلام دا متوفر فى مناطق تانيه ما فيها المكون القتصادى ولا حتى هى مدينه كبيره زى الدبيبه مثلا ودونك سيد خليفه - مبارك حسن بركات - احمد المصطفى والقائمه تطول

[align=center]لك التحيّة مرة أخرى أخ عمّار.....
لذلك تجدني أشرت عند بداية مداخلتي بأنّ الفنّ في السودان ليس محدوداً في منطقة بعينها بقولي...[/align]

المشاركة الأصلية كتبت بواسطة قمر دورين

[align=center]
وحتى لا نجحف حقّ أهل الفنّ....فالسودان يفيض إبداعاً بجهاته الأربعة.[/align]

[align=center]ولكأنّ نهر النيل يسقي بجريانه دماء أهله إبداعاً وروعة....
حتى العوامل الجينية أو بيئية المنشأ أو الأسباب الأخرى التي تحرّك الإبداع الكامن في النفس البشرية...
فيتفجّر نثراً..شعراً.. غناءاً.... الخ...ليست حكراً على مدينة معيّنة ...[/align]
[align=center]وننتظر أيضاً إجابة من أهل الخبرة لمعرفة السرّ الكامن لكثرة إنجاب مدينة ود مدني للفنّ والجمال..

وأرشّح مثلاً كبداية طيّبة استاذنا رأفت ميلاد!!
فقد قرأت له مداخلة قبلاً تشفّ عن الوفير روعة لهذه المدينة الراقية.

وأيضاً بقيّة العقد الفريد من أهل مدني الجميلة...حتى تعمّ الفائدة !

[/align]

[imported_طارق صديق كانديك]

هذا العصام محمد نور .. يكلكل طواااالي .. !!
جميل والله جميل جدا .. !!

تحياتي ليهو وليك ولمحبيه .. !!

[imported_رأفت ميلاد]

المشاركة الأصلية كتبت بواسطة قمر دورين

[align=center]لك التحيّة مرة أخرى أخ عمّار.....
لذلك تجدني أشرت عند بداية مداخلتي بأنّ الفنّ في السودان ليس محدوداً في منطقة بعينها بقولي...[/align]

[align=center]ولكأنّ نهر النيل يسقي بجريانه دماء أهله إبداعاً وروعة....
حتى العوامل الجينية أو بيئية المنشأ أو الأسباب الأخرى التي تحرّك الإبداع الكامن في النفس البشرية...
فيتفجّر نثراً..شعراً.. غناءاً.... الخ...ليست حكراً على مدينة معيّنة ...[/align]
[align=center]وننتظر أيضاً إجابة من أهل الخبرة لمعرفة السرّ الكامن لكثرة إنجاب مدينة ود مدني للفنّ والجمال..

وأرشّح مثلاً كبداية طيّبة استاذنا رأفت ميلاد!!
فقد قرأت له مداخلة قبلاً تشفّ عن الوفير روعة لهذه المدينة الراقية.

وأيضاً بقيّة العقد الفريد من أهل مدني الجميلة...حتى تعمّ الفائدة !

[/align]

حباب قمر دورين ومنورة
لكن إنتى كده فضلتى فضلة ..

المشاركة الأصلية كتبت بواسطة قمر دورين

[align=center]
تحيّاتي أخ عمّار...
غايتوا إلاّ نسأل ود الأمين...
وحتى لا نجحف حقّ أهل الفنّ....فالسودان يفيض إبداعاً بجهاته الأربعة.
لكن دعنا نركّز على مدينة ود مدني....
ولديّ فقط إجابة جنينية لذا هي مجرّد محاولة وعلى حسب ما يتوفّر لديّ من معلومات
إلى أن يظهر من يفيدنا في ذلك خير إفادة!!
ود مدني....خليل فرح ، الشاعر جمال عبد الرحيم ، الكاشف ،ود الأمين ، عبد العزيز المبارك...الخ
من رموز الفنّ السوداني فبالتأكيد هذا كله لم يأتي من فراغ!!
فالجينات الوراثية لها تأثير كبير والبيئة والمحيط بشكل عام ...
ومتى ما توفّرت الموهبة وكذلك تنميتها ..والظروف المناسبة والمساعدة ...ولد الإبداع....

ولا ننسى بأنّ الجمال بشكل عام وبكل صوره يا أخ عمّار محرّض رئيسي للإبداع أينما كان!!!

ود مدني الجميلة أيضاً منذ القدم كانت عاصمة أيام الحكم التركي ومن الطبيعي أن تكثر وتزدهر في العواصم
حركة النمو بشتى السبل إقتصاديّاً و ثقافيّاً وغير ذلك فجذبت الكثيرين وانتعشت
خاصة بعد أن أسسها الشيخ السنّي رحمه الله...فتوافد الثقافات المختلفة عمل على تهيئة
الظروف الإبداعية ولا ننسى مشروع الجزيرة!

كل التقدير
وأتمنى حقّاً من أهل العلم أن يثروا الموضوع ويجيبوا بشكل أكبر على هذا السؤال.[/align]

كلام حلو ..
مدنى طلع منها فعلاً فطاحلة فى الشعر والفن والغناء .. محمد الأمين من قرية ود النعيم .. حكيت فى إحدى البوستات كان بلحن لينا أناشيد المدرسة ونحن فى مدرسة ود النعيم الإولية .. غايتو منك عرفت عبد العزيز المبارك من مدنى .. أبوعركى البخيت طبعاً من مدنى وذكرت يوم كان حارس المرمى فى الدافورى وبقعد يغنى هندى وماجايب خبر القون .. الأغنية الخالدة "من أرض المحنة ومن قلب الجزيرة" للفنان محمد مسكين .. ويوجد فنانين مشاهير فى منى لم يخرجوا منها مثل لعيبة كورة وصلوا العالمية بلعبهم خارج السودان ولم يخرجوا من مدنى إلا لدعم الفريق القومى .. أذكر منهم جعفر ود النوبة الذى لم أر لاعب بقدراته إلا أمين زكى لاعب الهلال .. من هؤلاء الفنانين أبو سنبل وذكرته مع الكورة لاًنه لاعب كبير وهو أحد أشقاء القلة أخوان .. ولكى لا أعدى سريعاً من الكرة أود أن أذكر حارس المرمى السر بدوى الذى كانت يتدرب بقبض الحمام ..
نعود للغناء وصراحة عرفت عصام محمد نور من مدنى هنا وسعدت جدآ لأنه من الذين يكلكلنى غنائه يا عمار مكى .. وصدقت فإن الإبداع ليس حظراً على منطقة .. صديقى محمد طه القدال من قرية حليوة فى الجزيرة التى يعرفها بعض أهل مدنى .. لكن يظل الحب للحبيب الأول ..
أما الخليل ما تجيبى لينا الهوا مع ناس أمدرمان .. هو من مدنى لكن كان غالطتيهم بطلعوه حلفاى من أندينا ..
شكرآ على النفاج .. وشيخ السنى قالوا المساء بقطع البحر بتبروكته لى حنتوب ويرجع بيها صباحاً .. قال بت فى مدنى يا حرقت يا غرقت

يطول الكلام ومدنى فى القلب
شكراً يا قمر

[imported_قمر دورين]

المشاركة الأصلية كتبت بواسطة رأفت ميلاد

[B][size=5]
كلام حلو ..
مدنى طلع منها فعلاً فطاحلة فى الشعر والفن والغناء ..
أما الخليل ما تجيبى لينا الهوا مع ناس أمدرمان .. هو من مدنى لكن كان غالطتيهم بطلعوه حلفاى من أندينا ..
شكراً يا قمر

[align=center]

وشكراً على حضورك هنا يا أستاذ رأفت و ردّك الجميل ...
يعني برضو ننتظر تأكيد ولا كيف!!
وفي النهاية كلّو وكما قال الشاعر محمد عثمان عبد الرحيم ( أنا سوداني أنا)!

كلّ التقدير[/align]

[imported_محمد الامين]

على ذكر أم درمان والخليل
ماهـــو عارف قدمو المفارق بصوت أسرار بابكر
أسرار دى برضو بتكلكل العصب الـــرُهاف

[media]http://www.youtube.com/v/JmvpbAUzG1Y&hl=en&fs=1[/media]

[بابكر مخير]

المشاركة الأصلية كتبت بواسطة عمار مكى عمر حسن

عصام محمد نور
كل ما اسمعه (يكلكلنى) حتى اننى اعيد الاغنيه او اسمعه يغنى اخرى
عليكم الله اسمعو دى

حيرت افكارى معاك
انت وينك وين ياروحى

الحبيب عمار
سلام
بالله والغريبة!؟
أنا بجعر...
إييييييييييييييييييييييييييييه

وبعدها عشانك إتا
تعرف الحبيب؟؟
قدر ما مصطفى السني حاول يقنعني،،
وقفتا ليا،،
دووت

[imported_طارق صديق كانديك]

المشاركة الأصلية كتبت بواسطة عبدالعزيز عبدالله

والله يا عمار انت عاوز تتكلكل براك....

(رأي شخصي) والله ابو صلعة دى ما قاعد ارتاح ليهو نهائي هو ووليد زاكي الدين ومين كدة درماس وخالد الصحافة و عادل مسلم....

اللأخ عبدالعزيز

رمضان كريم ياحلو ..

والله حاجة عجيبة .. طيب بتسمع منو .. (( وارغو )) .. ؟

تحياتي ياجميل ... !!

[بابكر عباس]

المشاركة الأصلية كتبت بواسطة عبدالعزيز عبدالله

والله يا عمار انت عاوز تتكلكل براك....
(رأي شخصي) والله ابو صلعة دى ما قاعد ارتاح ليهو نهائي هو ووليد زاكي الدين ومين كدة درماس وخالد الصحافة و عادل مسلم....

الأخ/ عبد العزيز
رمضان كريم
شوف يا عبد العزيز والله ناس مدني دبل ما برضوا خالص في عصام ده و بعتبروهو بعد الكاشف مباشرة و قصة الذوق الفني لو ما كانت شخصية كنا عملنا معاك شكلة كبيرة خلاص...

عليك الله يا عبد العزيز ادينا فرصة نخليك تشوف عصام ده بعين تانية....
الليلة دي بعد الإفطار عصام حا يغني مع قدور في البي إن تي في، عليك الله ما تخت السفة أو تبدأ في شرب القهوة الا بعد البرنامج ده يبدأ و شوف الزول ده بغني و هو مرتاح كيف؟!! ما ببذل أي مجهود و هو بغني.... غني ساهل ما في أي زول بناقسو في الطريقة دي..

و لو بعد الحلقة دي لسع في رأئك، لازم تشوف ليك فكي... باقي لي الجبال بتاعتكم دي مسكونة!

[imported_عبدالعزيز عبدالله]

المشاركة الأصلية كتبت بواسطة بابكر عباس

الأخ/ عبد العزيز
رمضان كريم
شوف يا عبد العزيز والله ناس مدني دبل ما برضوا خالص في عصام ده و بعتبروهو بعد الكاشف مباشرة و قصة الذوق الفني لو ما كانت شخصية كنا عملنا معاك شكلة كبيرة خلاص...

عليك الله يا عبد العزيز ادينا فرصة نخليك تشوف عصام ده بعين تانية....
الليلة دي بعد الإفطار عصام حا يغني مع قدور في البي إن تي في، عليك الله ما تخت السفة أو تبدأ في شرب القهوة الا بعد البرنامج ده يبدأ و شوف الزول ده بغني و هو مرتاح كيف؟!! ما ببذل أي مجهود و هو بغني.... غني ساهل ما في أي زول بناقسو في الطريقة دي..

و لو بعد الحلقة دي لسع في رأئك، لازم تشوف ليك فكي... باقي لي الجبال بتاعتكم دي مسكونة!

بابكر اخوي ...
تخيل انا من مواليد مدني وعشت في مدني فترة جميلة خلاص...



اسمع يا بابكر ... كلو ولا سفتي ..... وهسه انت بي طريقتك دي قاعد تهضم في متعتي الشخصية ... وانا حاقدم عريضة بعد العيد في الجنائية.... شيل شيلتك....
ــــــــــــــــــــــــــــــــــــــــــــــــــ ـــ



تعرف يا الحبيب طارق كانديك
تعرف انا حقول ليك منو القاعد اسمعهم....
1- عثمان حسين
2- محمد الامين
3- ابو داؤود
ثم احيانا محمد وردي

ديل الكبار....

اما الصغار:
عاصم البنا
فرفور


ولما اكون زهجان وقرفان ....
بشغل اقرب فلاش بتاع ناس حنانة والخوة بقت عفانة

[imported_عمار مكى عمر حسن]

عبد العزيز
ازيك
عارف عصام دا مما اسمعو بحس بى انو الفن لسه بخير
غنا بالراحه وطرب اصيل بس بحترم اضانك لانها بتسمع غيرو
على العموم مداخله اعتقد انها فتحت حوار ثر
شكرا

[imported_عمار مكى عمر حسن]

ود اللمين
شكرا على الاغنيه الجميله
واصل عليك الله

[imported_عمار مكى عمر حسن]

بابكر عباس
طارق
قمر دورين
عمنا رافت
رمضان كريم وشكرا على حضوركم الانيق
بس عايزدراسه نقديه لغنا عصام كمان ماتنسونا من صالح الغنيات

[imported_عمار مكى عمر حسن]

فيصل سعد
ازيك ياخ ورمضان كريم
لسه منتظر الكتير
ما تنسى

[imported_بسمله]

المشاركة الأصلية كتبت بواسطة قمر دورين

[align=center]الأداء المتميّز والصوت الهاديء والإختيار الجيّد
وكذلك الأسلوب الجاد مع الغناء، نجده ماثلاً في الفنّان عصام محمد نور...

لك التحيّة أخ عمّار
وللفنّان عصام محمد نور
ولمدني الجميلة التي أنجبت الكثير من أهل الفن والجمال.[/align]

شكرا

[imported_عمار مكى عمر حسن]

عدنا والعود احمد
لكل 1لاحباب
كل سنه وانتو طيبين
حنبقى قاعدين وبمناسبه عصام و العيد اهديكم
حيرت افكارى معاك