تنهيده

عمار مكى عمر حسن · 29-10-2007, 01:41 PM

اححيييييا
سمعتها هكذا
تلفت يمنه ويسرى
ورايتها
تحمل جريده ترفعها فوق راسها علها تقيها حر الهجير وهى تتجه نحو ظل شجره
راتنى فخفضت راسها خجلا لكننى بادرتها
الشمس حاره موش كدا؟
وكانها كانت الكلمه المنقذه
رفعت راسها وقالت ياريتنا من ناس ديلا مشيره لعربه فارهه ومظلله
اخير ليك الانت فيهو
هسى انت عندك قروش؟
لا كمان مدينه
كم
والله كتير قريب مليون
ضحكت عليها وقلت
الراكب العربيه دا كان شفتى بلاويهو تحمدى الله على نعمتو
اصلى انا بعرفو كان عندو تسويه مع بنك ...... اصلو كان شايل مرابحه لمشروع وهمى ولما اكتشفوهو شرد بره والجماعه اقنعو البنك يتنازل شويه وعملو ليهو تسويه ودفعو القروش لكن كتبوهو شيكات
اها وحصل شنو؟
جا راجع وبدا يدفع للجماعه شويه شويه لكن المساله عجزت معاهو والشيكات رجعت( ار دى)
اها؟
شرد تانى لكن الجماعه زاتم ضربو ليهو وعرضو عليهو يكتب شيكات بمبالغ اكبر مقابل شطب البلاغات
اها؟
قبل وكتب الشيكات وبدا يسدد لكن عجزت معاهو
وعمل شنو؟
شال مرابحه من بنك ...... وسدد بيها جزء
اها والباقى ؟
غلبو شرد تانى والبلاغات اطاقشت والفضايح ماليه الجرايد امر قبض من بنك ...... وطلب ارشاد من الشرطه ومذكرات للانتربول وايييييك حاجات كتيره بس فجاه جا راجع ودفع كل العليهو وكمان بزنس وعربيتو السمحه الشفتيها وسمعنا انو حيترشح للبرلمان وما معروف تحت تحت قالو الحاكم حيزوجو بتو اصلو واحد من الياورات بتاعين الحاكم قريبى وقال لى الايام دى العزومات ما تديك الدرب وبقت تاخد شكل خاص خاصه بعد ظهور بت الحاكم فى الصوره يعنى ما تستغربى كان سمعتى بيهو محافظ ولا معتمد
لكن ماعارف جاب قروشو دى من وين ؟
غايتو قريبى الياورو قال لى كان فى باكستان فى منطقه القبائل
ودى فيها قروش؟
اييييييك كما قريبى سمعو بتكلم عن امريكا الجنوبيه
ودى الا يلعب فيها كوره
كوره؟
والله انت طيبه
بالله؟ كمان شنو
قال لى لى قريبى ما خلا جمهوريه من جمهوريات الاتحاد السوفيتى سابقا
وديل ما جعانين ساكت
هم جعانين بس القروش راقده للبعرف يجيبها خاصه شغل الس....
شنو ؟
لا ولاحاجه
بس تعرف شكلو ماغريب على
اااي الايام دى بقدم برنامج فتاوى فى التلفزيون كمان نقلو صلاه الجمعه من جامع ال... وكان بخطب هناك
بس بس اتزكرت انا كمان شفتو فى رفع فراش ناس جيرانا بيعددماثر الفقيد وكيف كانو سوا فى افغانستان ايام الاستعمار السوفيتى مع المجاهدين بعدداك مشو كوسوفو والبوسنه وانهم الوحيدين المرقو من مذبحه سربريينتسيا ومشو بعداك الشيشان وكيف انهم كانو فى الاسر خاصه بعد ما عرفو انهم من الافغان العرب وكيف هربهم( الاخوان) لحد ما جو الصومال وقعدو مع ناس المحاكم اصلو المرحوم كان شيخ كبير
الله يرحمو
احححييييييا

omrashid · 02-11-2007, 02:03 AM

المشكلة الكبيره في الفتاوي

وقلبي علي وطني

عمار مكى عمر حسن · 07-11-2007, 02:10 PM

ام راشد
يديك العافيه
المشكله مش فى الفتاوى وبس ما هونحن بنقدر نفرز ولو مانحن فى العلماء الجدجد البقدرو
المشكله امتطاء الدين للوصول لمارب اخر خاصه وانو الشعب السودانى بسيط ودين وما تنسى مشكله الاميه
كتر خيرك

رأفت ميلاد · 07-11-2007, 03:58 PM

اقتباس:

المشاركة الأصلية كتبت بواسطة عمار مكى عمر حسن

المشكله مش فى الفتاوى وبس ما هونحن بنقدر نفرز ولو مانحن فى العلماء الجدجد البقدرو
المشكله امتطاء الدين للوصول لمارب اخر خاصه وانو الشعب السودانى بسيط ودين وما تنسى مشكله الاميه
كتر خيرك

احححييييييا
يا عمار مكى
الواحد يعضى صباعو لامن يقطعو .
قصتك دى حقيقية وما هزار . ناس زى ديل تتسلق الغنى والوجاهة والثقافة والصحافة .
بلد إنتكس وزمن نحس .. كيف الخلاص

تحياتى

عمار مكى عمر حسن · 10-11-2007, 06:48 AM

رافت
صباح الخير
الواحد يفهم انك ممكن تتسلق ويقولو عليك نفعى لكن بالدين؟؟؟؟
دا زى البدخل الجامع وهو جنب مع سبق الاصرار
يديك العافيه

29-10-2007, 01:41 PM	#[1]
عمار مكى عمر حسن :: كــاتب نشــط::	تنهيده اححيييييا سمعتها هكذا تلفت يمنه ويسرى ورايتها تحمل جريده ترفعها فوق راسها علها تقيها حر الهجير وهى تتجه نحو ظل شجره راتنى فخفضت راسها خجلا لكننى بادرتها الشمس حاره موش كدا؟ وكانها كانت الكلمه المنقذه رفعت راسها وقالت ياريتنا من ناس ديلا مشيره لعربه فارهه ومظلله اخير ليك الانت فيهو هسى انت عندك قروش؟ لا كمان مدينه كم والله كتير قريب مليون ضحكت عليها وقلت الراكب العربيه دا كان شفتى بلاويهو تحمدى الله على نعمتو اصلى انا بعرفو كان عندو تسويه مع بنك ...... اصلو كان شايل مرابحه لمشروع وهمى ولما اكتشفوهو شرد بره والجماعه اقنعو البنك يتنازل شويه وعملو ليهو تسويه ودفعو القروش لكن كتبوهو شيكات اها وحصل شنو؟ جا راجع وبدا يدفع للجماعه شويه شويه لكن المساله عجزت معاهو والشيكات رجعت( ار دى) اها؟ شرد تانى لكن الجماعه زاتم ضربو ليهو وعرضو عليهو يكتب شيكات بمبالغ اكبر مقابل شطب البلاغات اها؟ قبل وكتب الشيكات وبدا يسدد لكن عجزت معاهو وعمل شنو؟ شال مرابحه من بنك ...... وسدد بيها جزء اها والباقى ؟ غلبو شرد تانى والبلاغات اطاقشت والفضايح ماليه الجرايد امر قبض من بنك ...... وطلب ارشاد من الشرطه ومذكرات للانتربول وايييييك حاجات كتيره بس فجاه جا راجع ودفع كل العليهو وكمان بزنس وعربيتو السمحه الشفتيها وسمعنا انو حيترشح للبرلمان وما معروف تحت تحت قالو الحاكم حيزوجو بتو اصلو واحد من الياورات بتاعين الحاكم قريبى وقال لى الايام دى العزومات ما تديك الدرب وبقت تاخد شكل خاص خاصه بعد ظهور بت الحاكم فى الصوره يعنى ما تستغربى كان سمعتى بيهو محافظ ولا معتمد لكن ماعارف جاب قروشو دى من وين ؟ غايتو قريبى الياورو قال لى كان فى باكستان فى منطقه القبائل ودى فيها قروش؟ اييييييك كما قريبى سمعو بتكلم عن امريكا الجنوبيه ودى الا يلعب فيها كوره كوره؟ والله انت طيبه بالله؟ كمان شنو قال لى لى قريبى ما خلا جمهوريه من جمهوريات الاتحاد السوفيتى سابقا وديل ما جعانين ساكت هم جعانين بس القروش راقده للبعرف يجيبها خاصه شغل الس.... شنو ؟ لا ولاحاجه بس تعرف شكلو ماغريب على اااي الايام دى بقدم برنامج فتاوى فى التلفزيون كمان نقلو صلاه الجمعه من جامع ال... وكان بخطب هناك بس بس اتزكرت انا كمان شفتو فى رفع فراش ناس جيرانا بيعددماثر الفقيد وكيف كانو سوا فى افغانستان ايام الاستعمار السوفيتى مع المجاهدين بعدداك مشو كوسوفو والبوسنه وانهم الوحيدين المرقو من مذبحه سربريينتسيا ومشو بعداك الشيشان وكيف انهم كانو فى الاسر خاصه بعد ما عرفو انهم من الافغان العرب وكيف هربهم( الاخوان) لحد ما جو الصومال وقعدو مع ناس المحاكم اصلو المرحوم كان شيخ كبير الله يرحمو احححييييييا التعديل الأخير تم بواسطة عمار مكى عمر حسن ; 30-10-2007 الساعة 06:07 AM.
عمار مكى عمر حسن :: كــاتب نشــط::	التوقيع: sudany

02-11-2007, 02:03 AM	#[2]
omrashid :: كــاتب نشــط::	المشكلة الكبيره في الفتاوي وقلبي علي وطني
omrashid :: كــاتب نشــط::

07-11-2007, 02:10 PM	#[3]
عمار مكى عمر حسن :: كــاتب نشــط::	ام راشد يديك العافيه المشكله مش فى الفتاوى وبس ما هونحن بنقدر نفرز ولو مانحن فى العلماء الجدجد البقدرو المشكله امتطاء الدين للوصول لمارب اخر خاصه وانو الشعب السودانى بسيط ودين وما تنسى مشكله الاميه كتر خيرك
عمار مكى عمر حسن :: كــاتب نشــط::	التوقيع: sudany

10-11-2007, 06:48 AM	#[5]
عمار مكى عمر حسن :: كــاتب نشــط::	رافت صباح الخير الواحد يفهم انك ممكن تتسلق ويقولو عليك نفعى لكن بالدين؟؟؟؟ دا زى البدخل الجامع وهو جنب مع سبق الاصرار يديك العافيه
عمار مكى عمر حسن :: كــاتب نشــط::	التوقيع: sudany