راكوبة المجادعات.. النمة والدوباي

[مي هاشم]

حليلكم يا الندامى اشتقت لي لماتكم
مشتهية الجدع معاو كمان نماتكم
قليبي يوت بيجاي والله تب ما فاتكم
علاّ رويسي كابس..بس قولوا لي شماتكم*


شماتكم:من ظنني زغت وجريت!

المشاركة الأصلية كتبت بواسطة مي هاشم

شماتكم:من ظنني زغت وجريت!

الكلام اظنو عانيني يا اللخت؟؟؟
سمح .... اصبري لي بجيك بالتقيل عشان اطفشك مرة واحدة

[مي هاشم]

المشاركة الأصلية كتبت بواسطة أحمد محمد زين حسين

الكلام اظنو عانيني يا اللخت؟؟؟
سمح .... اصبري لي بجيك بالتقيل عشان اطفشك مرة واحدة[/color][/font][/size][/B]

الفي قليبو شيتن قالو ليهو الحرقص
قسم بالله براااااهو يمشي ويرقص
لا عنيتك لا عبد الله لا حت مرقص
بس نشوف قول منو المكسر وبنقص



أمرق لا برة

[imported_طارق صديق كانديك]

المشاركة الأصلية كتبت بواسطة مي هاشم

حليلكم يا الندامى اشتقت لي لماتكم
مشتهية الجدع معاو كمان نماتكم
قليبي يوت بيجاي والله تب ما فاتكم
علاّ رويسي كابس..بس قولوا لي شماتكم*


شماتكم:من ظنني زغت وجريت!

حباب المي حباب ست الحروف الكايلة
الشمات هديل ناس نحنا ايدنا الطايلة
ود الزين يبر وعدو يجيك بالشايلة
وود كانديك يقنطر في القباب المايلة

تحياتي يا رفيقة المسدار الجميل .. !!

[مي هاشم]

المشاركة الأصلية كتبت بواسطة طارق صديق كانديك

حباب المي حباب ست الحروف الكايلة
الشمات هديل ناس نحنا ايدنا الطايلة
ود الزين يبر وعدو يجيك بالشايلة
وود كانديك يقنطر في القباب المايلة

تحياتي يا رفيقة المسدار الجميل .. !!

حبابك أخوي والله ليك مشتاقة
والشمات يمين ما يصبرو كان نتلاقا
ود الزين حروفو أنا لي لمّتن فرتاقه
وود كانديك اخير تبقالك معاي رفاقه*

*تفادياً للجهجهة والمناقرة..

[imported_عمار مكى عمر حسن]

فيصل ودسعد
يا زول جميل سودانى
ريدك ما اتنسى
جوه الضمير نادانى
غزاز فى الضمير
يوم طيفك يتلقانى
اتمنى المنام
والنوم جفل جافانى

[imported_عمار مكى عمر حسن]

يا حليل ناس شليل
زولا بدورو كلامو
من طول البعاد
بتمنى لو نسامو
من بعد السهاد
يهدينى منو سلامو

[imported_عمار مكى عمر حسن]

يا فخرى ود الزين
وين القطينه حليلا
من تمرق جنوب
قلبك يرف ها شيلا
شقيش دون سبب
تمرق تدور تهميلا
لو عارف وراك
الدمعه كابه هميله
لو عارف الوراك
الغربه ما بتمشيلا

[مي هاشم]

المشاركة الأصلية كتبت بواسطة عمار مكى عمر حسن

يا فخرى ود الزين
وين القطينه حليلا
من تمرق جنوب
قلبك يرف ها شيلا
شقيش دون سبب
تمرق تدور تهميلا
لو عارف وراك
الدمعه كابه هميله
لو عارف الوراك
الغربه ما بتمشيلا

عمار أخوي كيفنك آآوليد مكّي
لا تحزن على فخري.. الرسول كان تبكي
ونفسك أرحما قول ليها لا تتشكّي
باكر تب يعود والغربة بيها يحكّي

[مي هاشم]

المشاركة الأصلية كتبت بواسطة عمار مكى عمر حسن

يا حليل ناس شليل
زولا بدورو كلامو
من طول البعاد
بتمنى لو نسامو
من بعد السهاد
يهدينى منو سلامو

عمار أخوي..حليلك إتْ آآيابا
من طول الغياب لشليل بقيت تتشابا
نومك سهّدو وبشتن حالك الــ ..كترابه
شاحده الكريم تلقاهو قبل خرابا*

*قبل خراب الدنيا أي قبل الممات(الله يطول أعماركم)

[مي هاشم]

المشاركة الأصلية كتبت بواسطة عمار مكى عمر حسن

فيصل ودسعد
يا زول جميل سودانى
ريدك ما اتنسى
جوه الضمير نادانى
غزاز فى الضمير
يوم طيفك يتلقانى
اتمنى المنام
والنوم جفل جافانى

ريد ود سعد في الضمير اتغزّ
مكانتو عالية وليهو خالصة معزّه
ده الجفّل منامك خلاهو منك فزّ
ساءلة الكريم تلقاو ليهو هزّ ورزّ

[imported_عمار مكى عمر حسن]

بت هاشم المقدام
زولا اسد فى زمنو
كاشيهم عديل
الجوهو ديك
والكمنو
يا سوو الفزيز
يا سيفو فيهم
ضمنو


هييييييع

[imported_عمار مكى عمر حسن]

المشاركة الأصلية كتبت بواسطة مي هاشم

ريد ود سعد في الضمير اتغزّ
مكانتو عالية وليهو خالصة معزّه
ده الجفّل منامك خلاهو منك فزّ
ساءلة الكريم تلقاو ليهو هزّ ورزّ

خمره هواك يامى
لافه الرويس حامياهو
يعرض فى الهزيز
شبال حسانو اباهو
معروف منهن
زولا عديل حباهو
ريدا غير شراب
قومه الرويس
مانعاهو

[imported_عبدالدين سلامه]

في المسرح لقيت أحباب مكانم جوه
وبي حرب المعيز جلستنا كانت سوّا
إحساس ناس عزاز خشو الفليب بي قوه
حبيتهم بجد يارب تديم الخوه

المشاركة الأصلية كتبت بواسطة عبدالدين سلامه

في المسرح لقيت أحباب مكانم جوه
وبي حرب المعيز جلستنا كانت سوّا
إحساس ناس عزاز خشو الفليب بي قوه
حبيتهم بجد يارب تديم الخوه

عبدالدين سلام يا اخوي كيف اخباركـ
تتعلــى ويكون دايمــا رفيع مقداركـ
للمسرح دوام نمشي ونكوس اخباركـ
ما يطول الغياب ارجع تعــال لدياركـ