الأسايطة وصلوا - تعالوا نرحب بهم

[عكــود]

تسلم يا خال على فتح بوابات المرور على مصارعها . .
تعجبني والله

اليوم أيضا إنضم الأخ شاذلي صديق مرحب بيه
وأعتذر له هنا فقد رديت علي رسالته هكذا:
( مرحب بالأخت شذي صديق أرجو أن يطيب ليك المكان)
الشكية لله

أنا عاذرك وحاة الله . .
هو أصلو بيدا كده!

[عكــود]

العزيز عكود
تحياتي وشكري على هذا الترحيب الكريم بهذا الوجه الهاش الباش الباسم
أتمنا أن نكون على قدر كرم الضيافة إضافة ثرة لهذا الموقع
وإن قصرنا فأعذرونا ففي النهاية نحن قادمون من الصعيد
الذي هو خليط من أشياء كثيرة ........!
PM

تسلم يا كباشي يا خوي . .
ألف مرحب بيكم
وفي إنتظار عَقابكم

الصعيد خليط من أشياء كثيرة . . نعم،
أبرزها التواصل والمحنة.
وهكذا أراكم.

[عكــود]

معليش يا عكود يا سيد البوست لكين كنت باكلم البوس الكبير

أخد راحتك يا كيشو . .
ما هو البوست منّكم . .
وليكم

والخال ياهو الكبير.

[فيصل سعد]

حبابكم مليون جميعا يا اسايطة و نورتوا الديار.

[Kamal Mahjoob]

يا عكود عمري مية سنة ولسة ما بعرف ألف العمة زي عمتك السمحة دي

[منير]

المشاركة الأصلية كتبت بواسطة خالد الحاج

مرحب بالأحباب
وكبادرة ترحيب قمت بتنشيط عضوية دكتور كمتور
علي الرغم من أني أرسلت له طالبا الإسم كامل حسب الميثاق
لكن ملحوقة ..
اليوم أيضا إنضم الأخ شاذلي صديق مرحب بيه
وأعتذر له هنا فقد رديت علي رسالته هكذا:
( مرحب بالأخت شذي صديق أرجو أن يطيب ليك المكان)
الشكية لله

مرحب بإخوة أفاضل

الاخ خالد الحاج صاحب الدار السلام عليكم
والشكر الجزبل على الاستقبال والحفاوة السودانية وان شاء الله نكون عند حسن ظنكم بنا

[منير]

المشاركة الأصلية كتبت بواسطة Kamal Mahjoob

يا عكود عمري مية سنة ولسة ما بعرف ألف العمة زي عمتك السمحة دي

لكن ياكمال السفه ما بتخليك تلف العمه كويس

[كيشو]

المشاركة الأصلية كتبت بواسطة عكــود

تسلم يا خال على فتح بوابات المرور على مصارعها . .
تعجبني والله

أنا عاذرك وحاة الله . .
هو أصلو بيدا كده!

هو خالك جد ولا دي لغة كماسرة
تعرف يا عكود بقينا ما عارفين بيت العرس وين
وكمان الغزل وصل العمة

[عكــود]

المشاركة الأصلية كتبت بواسطة فيصل سعد

حبابكم مليون جميعا يا اسايطة و نورتوا الديار.

وسلام مربّع ليهم
يا فيصل.

[عكــود]

المشاركة الأصلية كتبت بواسطة Kamal Mahjoob

يا عكود عمري مية سنة ولسة ما بعرف ألف العمة زي عمتك السمحة دي

الله يكفيك شر اللف والدوران
يا كمال

العمّة ما تغلا عليك.

[عكــود]

المشاركة الأصلية كتبت بواسطة منير

الاخ خالد الحاج صاحب الدار السلام عليكم
والشكر الجزبل على الاستقبال والحفاوة السودانية وان شاء الله نكون عند حسن ظنكم بنا

ألف مرحب بيك يا منير . .
الدار داركم،

سفّة كمال أظنّها تاريخية.

[عكــود]

المشاركة الأصلية كتبت بواسطة كيشو

هو خالك جد ولا دي لغة كماسرة
تعرف يا عكود بقينا ما عارفين بيت العرس وين
وكمان الغزل وصل العمة

خالد يا كيشو . .
يعتبر خال الكل في سودانيات
ويناديه الجميع بها تحبّباً

رغم إنو ما قاعد يدورا من كل الناس
خاصة أنا وآخرين
قال من خشمنا يسمعها زي المفلعنّو بالدرّاب.
الشكيّة لله

[د/ كمتور]

أصحاب الدار / عكود ، خالد الحاج
يبدو أننا ( الأسايطة) وجدنا ضالتنا ونحن نجد هذا الترحيب الحار من إخوة أعزاء ، آملين أن نكون إضافة حقيقية لسودانيات0
ألف شكر عكود ، خالد على هذه الكلمات الرقيقة وباسمي أقترح منحكم العضوية( الأسيوطية )ويسعدنا اسهاماتكم0
والتحية للاسيوطي الرائع دكتورالزوول صاحب فكرة الاشتراك في سودانيات ولكيشو الذي تابع الفكرة إلى أن أصبحت واقعا0

[شبارقة]

شكراً يا صاحب الدار على الترحيب ..ويلا أفتحوا لينا الأبواب بالمواضيع المفيدة والممتعة وخلونا نخش معاكم حتى لا نكون زيادة عدد ...ونحن جاهزين ..وشكراً مرة تانية

[رأفت ميلاد]

المشاركة الأصلية كتبت بواسطة عكــود

أخوة أفاضل من خريجي جامعة أسيوط ألقوا عصا تسيارهم بديارنا . .
تزاملوا في زمن جميل فتحدثّت بإلفتهم والتفافهم بعضهم ببعض، المنابر.
تجدونهم هنا:
http://sudanyat.org/vb/showthread.php?t=6899

كلنا سعادة أن ينشروا ذلك الدفء بينهم وبيننا متدثّرين لحاف سودانيات.

ألف مرحب . .
كيشو
كمال محجوب
كباشي
مكي محمد الحسن

و أخيراً، الحاضر الغايب
الزوول
وآخرين/ات، ربما ما زالوا في الطريق.

مرحب بالأخوان الأسايطة
"أهلنا الأقباط بقولوا الأسايطة عينم حارة .. زى الرباطاب كدة
يعنى كان فيكم رباطابى قرى فى أسيوط .. يحمينا الله

الأخوان
كيشو
كمال محجوب
كباشي
مكي محمد الحسن
منير (مش أسيوطى برضو ؟)
د/ كمتور
ألف مرحب بيكم

تحياتى حبيبنا عكود