الأسايطة وصلوا - تعالوا نرحب بهم

[همس الشوق]

قولة سلام وتحية

وتسجيل حضور

[مكي محمد الحسن]

حلم الاماسي
شنو ..قولي باسم الله
بالسرعة دي سمعت كلام منير جئتي للاسايطة؟
بس هو ما قصد هنا قصدوا الشارع الجاي .. تلفي يمين في شمال
بتلقي البيت القامداموا كلب بيهوهو ومزيره ومضروب جير اصفر..
اها خليهو البيت البعدو داك تقوموي تسألي عن ناس :
خريجي جامعة أسيوط لمزيد من التواصل
تقومي تدقي الباب ..بتلقي عمك منير ده بيوزع في الحلاوة والشربات
كان خشيتي توف طوالي كده ... بتلقيني انا قاعد وماسك دفتر اشتراكات
كان ما دفعتي اشتراكك الله قال بي قولك معاي

وكل عام وانتي بخير

[كباشي]

المشاركة الأصلية كتبت بواسطة عكــود

فتحي مسعد،
الأسايطة يعجبوا والشاهد الـ ون/تو بتاعتك معاهم دي.

كبّاشي، منير، مكي، كيشو،
كل سنة وأنتم بألف خير . .
ومستمتع جدّاً بمداخلاتكم مع فتحي.

عبدالله عبد اللطيف،
ألف مرحب بيك، ومستلزمات الشيّة جاهزة ومعاها شربوت كمان.
بس لف العمّة بعد ده فات فيك الفوات . .
ومااا ظنّيتك تنقشها.

كل الود.

العزيز عكود لك الود والتحية
والله ياخي نحن المستمتعين بيكم ما قدرين نشوف غيركم قي كل الشبكة العنكبوتية
لكن بستم قنعته تب وصحيح فات الأوان العمة دي زي ركوب العجلة البكبر مابتعلمها كان شنو داك الناس ديل أضاعوا الفرص زمان وبعد ما بيض الشعر دايرين يغطوا بالعمم لا مافي طريقة

[منير]

المشاركة الأصلية كتبت بواسطة حلم الاماسي

قولة سلام وتحية

وتسجيل حضور

مرحب بيك الاخت حلم الاماسي
وياضيفنا لو زرتنا لوجدتنا نحن الضيوف وانت رب المنزل

[فتحي مسعد حنفي]

أما عن الاشتاذ فتحي مسعد فخليهو يغرق.. لو ما بعرف يعوم
ناس اسيوط دخلوه ليك في .. مصر يأخت بلادي يا شقيقة..
بعد شوية يبقوا ليك اتحادي ديمقراطي وختمي كمان!
ومرقوا بيهو في شندي ود تورشين...
وبعد شوية يمرقوا ليك حزب أمه وأنصاري كمان!
أما ناس منير ديل بيعوموا ليك بالواحد من الحماداب لي بحيرة ناصر
وارجعوا يخلوه ليك يهضرب ..
مصر والسودان حته واحد!
====
تعرف يا عكود ياهو دا البخللي الناس يقولوا الصعايدة عورا بشوفو الأمور دايما مقلوبة ومستنيين قال فتحي يغرقفتحي الطلع جدو المك نمر بالكضب راجيينو يبقي قال حزب امة واتحادي ديموقراطي وبكرة يطلع كمان حلاب تيس. ياخوي انا جدي أبو لمعة ذاتو ومايوهي أحمر بس تقول تمساح كبللو ذاتو وما تخاف علي أخوك الأسايطة خليهم يلعبو بي الأسوانيين المساكين لكين المصاروة ما بقدروا عليهم وأسأل أخوك خالد بقول ليك.

[عكــود]

منير
مكي
حلم الأماسي
كبّاشي

أهديكم وردي
واسمحوا لي بإهداء خاص لفتحي:

[align=center][media]http://www.3aza.com/upload/user_uploads/azrkamil83bb/Wardy_khaaaf.wma[/media][/align]
[align=center]الرابط هنـــــا[/align]

[همس الشوق]

المشاركة الأصلية كتبت بواسطة مكي محمد الحسن

حلم الاماسي
شنو ..قولي باسم الله
بالسرعة دي سمعت كلام منير جئتي للاسايطة؟
بس هو ما قصد هنا قصدوا الشارع الجاي .. تلفي يمين في شمال
بتلقي البيت القامداموا كلب بيهوهو ومزيره ومضروب جير اصفر..
اها خليهو البيت البعدو داك تقوموي تسألي عن ناس :
خريجي جامعة أسيوط لمزيد من التواصل
تقومي تدقي الباب ..بتلقي عمك منير ده بيوزع في الحلاوة والشربات
كان خشيتي توف طوالي كده ... بتلقيني انا قاعد وماسك دفتر اشتراكات
كان ما دفعتي اشتراكك الله قال بي قولك معاي


وكل عام وانتي بخير

اعمل شنو الاسايطه مالين البلد .... قلته اشوف اول باب وادخل



لكن صعبته علي الموضوع شديد

كان قلته لي عندنا كلبه سعرانه كان اخير من الاشتراك دا

[فتحي مسعد حنفي]

واسمحوا لي بإهداء خاص لفتحي

.الحبيب العضم عكود وأوعي تزعل من العضم دي وأنا قبال دا شرحت انو العكود هو العضم البيلعبوا بيهو شليل وأهلنا المصاروة قالوا فلان دا عضمة ناشفة يعني ما بينكسر.
وبعدين شكرا علي الهدية بس أنا ما بخاف وما خايف الا من دلجة الانتخابات الورطوني فيها بي خباثة ووراي شمعة.خليتوني أطلق سيقاني للريح وأمشي السودان وا خسارة
كنا بنبني الجنة ولما خلاص قربنا اتعرضت للغدر.

[شبارقة]

المشاركة الأصلية كتبت بواسطة حلم الاماسي

قولة سلام وتحية

وتسجيل حضور

مرحب بيك يا أغنية ود اللمين وشكراً على الترحيب بنا

[فتحي مسعد حنفي]

المشاركة الأصلية كتبت بواسطة شبارقة

مرحب بيك يا أغنية ود اللمين وشكراً على الترحيب بنا

محتاجين شرح وتوضيح احنا ناس عجايز فهمنا بقي تعبان

[كيشو]

المشاركة الأصلية كتبت بواسطة kabashi

والله ياكيشو هادي الشورة القلبنا دليلة البرلوم الأرباب صلاح الزين سعد دا ما قادر أذكر قصتي معاه أبداً .. لكن مادام فيها عبدالله ودسعد و القاتل ود تورشين لا شك هي كتلة أهلنا في المتمة وماعليك على مسؤليتي أوردها وإذا كنت خائف من زعل الأنصار أنا أصلو ما قاعد إضارة من البقوله توقد نار وتصبح رماد

المشاركة الأصلية كتبت بواسطة فتحي مسعد حنفي

يازول اكتب وما تخاف احنا الجعليين ولاد شندي ما بنخاف من زول والحقيقة بنقولا ولو علي رقابنا وناس المتمة ديل فيهم جدنا نوح وجنينتو الفيها أحلي منقة في السودان.

المشاركة الأصلية كتبت بواسطة فتحي مسعد حنفي

محتاجين شرح وتوضيح احنا ناس عجايز فهمنا بقي تعبان

يا كباشي
رايك لسه ما اتغير، والقصة انت خلاص اتذكرتها، والحمد لله البرلوم مرق بي جلدو من لسانك
وعم فتحي
عندنا واحد ابنته ذات العشر سنوات ما زالت مستغربة من الأتراك الذين بنوا كبري المك نمر (بالمناسبة البت جعلية)

[كيشو]

المشاركة الأصلية كتبت بواسطة فتحي مسعد حنفي

واسمحوا لي بإهداء خاص لفتحي

.الحبيب العضم عكود
وبعدين شكرا علي الهدية بس أنا ما بخاف وما خايف الا من دلجة الانتخابات الورطوني فيها بي خباثة ووراي شمعة.خليتوني أطلق سيقاني للريح وأمشي السودان وا خسارة
كنا بنبني الجنة ولما خلاص قربنا اتعرضت للغدر.

الانتخابات دي يا بو مسعد لو خسرتها حنخليك زعيم المعارضة، وبعدين تمشي السودان خسران أحسن ليك من تمشي ربحان خاصة مع الضرائب الجديدة
انا ماشي السودان بعد أقل من اسبوعين وخسران لي صوت أديتك ليه، إيه رايك نعمل تجمع هناك

[كيشو]

المشاركة الأصلية كتبت بواسطة عكــود

فتحي مسعد،
الأسايطة يعجبوا والشاهد الـ ون/تو بتاعتك معاهم دي.

كبّاشي، منير، مكي، كيشو،
كل سنة وأنتم بألف خير . .
ومستمتع جدّاً بمداخلاتكم مع فتحي.

كل الود.

يا عكود
ما زلت تشجع فينا لنعمر هذا البوست
والزوول بي هناك يضحك علينا برضو
محكمتكم وين؟

[منير]

المشاركة الأصلية كتبت بواسطة عكــود

منير
مكي
حلم الأماسي
كبّاشي

أهديكم وردي
واسمحوا لي بإهداء خاص لفتحي:

[align=center]الرابط هنـــــا[/align]

الهدية مقبولة
تعرف يا اخ عكود عندما كنت في اسيوط كنت احتفظ بمكتبة غنائية للاستاذ محمد وردي ونسخ اصلية
كنت طلبت من المرحوم الطيب محمد الطيب ان يسجل اغنيات الفنان محمد وردي من الاذاعة
قال لى بس جيب لى شرائط فاضية وفعلا سجل معظم اغنيات وردي

سلام يا منير،
قمت بمسح الأغنية من الإقتباس الفي مداخلتك، منعاً للتشويش في الصفحة.
أعذرني،

عكــود

[د/ كمتور]

ترحيب آخر ملؤه الود والتقدير بحلم الأماسي0
وحبابك ألف في شباك الأسايطة ( العكسيوطي) إشارة لصاحبه الهاش الباش عكود0

بعد التداول قررنا نحن الأسايطة إسقاط ما ذهب إليه مكي بسدادك رسوم الاشتراك ، فكان رأي الغالبية إعفائك من رسم الاشتراك ومن ثم الترحيب بك كجزء لا يتجزأ من الأسايطة 0
نامل أن نراك في باب الأسايطة0