*** مصطلحات عامّية سودانية ***

[شبارقة]

المشاركة الأصلية كتبت بواسطة منال

دايرة اعرف المجدلية شنو

المجدلية هي مريم فعلاً كما قال الأخ ود أبو عاقلة ولكنها ليست مريم العذراء ..بل هي مريم أخرى وهي من تلاميذ المسيح ويقال هي أول من آمنت به من النساء وهي أول الذين ذهبوا لقبره (حسب ما تعتقده الكنيسة)

وهناك أغنية مشهورة لمصطفى سيد أحمد هي (مريم الأخرى) وردت فيها كلمة المجدلية
لكن يا منال هل هذه الكلمة من مصطلحاتنا العامية ؟

[منال]

المشاركة الأصلية كتبت بواسطة محمد أبوعاقلة

هي ما قالت كدا ... لكن جات منك ... والمسامح كريم (وش محنبك لمن غلط)


غايتو انا بعرف انو لقب مريم العذراء ... لكن الكلمة في حد زاتا ما بعرفا


وانا قدرت و وديت وجيت ... وعرفتها
حكاية خطيرة جد ... لكن المشكلة شطحت وخايف شطحتي توديني تاني محل جيت
وبدوري احول الحتة دي لشبارقة
عسى ولعل !!!

انت ماك عارف انو القرد فى عين امو غزال - عشت للتسامح

كدى قول مشيت وين فى الاول ... بعدين نخليك للمحل الجيت منو
تسلم كتير ومعاك شبارقة

[منال]

المشاركة الأصلية كتبت بواسطة شبارقة

المجدلية هي مريم فعلاً كما قال الأخ ود أبو عاقلة ولكنها ليست مريم العذراء ..بل هي مريم أخرى وهي من تلاميذ المسيح ويقال هي أول من آمنت به من النساء وهي أول الذين ذهبوا لقبره (حسب ما تعتقده الكنيسة)

وهناك أغنية مشهورة لمصطفى سيد أحمد هي (مريم الأخرى) وردت فيها كلمة المجدلية
لكن يا منال هل هذه الكلمة من مصطلحاتنا العامية ؟

شبارقة
كيفنك كدى
اها عاد وريتنى فى مريم الاخرى امكن تكون هى المجدلية
(حسب ما تعتقده الكنيسة)حلوة دى

كدى خلينى ابدا بعدين ما قلت لى الراجل الدلدول مالو

[شبارقة]

المشاركة الأصلية كتبت بواسطة منال

لكن تعرف انا فكرت فى شنو الرطانة كمان اصل شيايقية ما برطن

يا زوله قولي بسم الله ...يطرشنا في رطانة الشايقية ...إنت أظنك شايقية تايوان

[منال]

المشاركة الأصلية كتبت بواسطة فيصل سعد

منو يا منو
الدلدول المطيع البمشي بكلام الناس عديم الرأي و القرار و الضمير و الحكمة "حمانا الله" و ما تبقي ليهو دلوكة يعني ما تسمعي كلامه دائما و ما تطيعيه علي عماء و ما تكوني دلدولة زيو. تمام يا قلب!!

سلامات يا فيصل
الشوق كميات - كيف السنة الجديدة عندكم - تعود عليك بالخير و العافية و نشوفك تقدل فى الخرتوم

لكن عليك الله الراجل دلدول ده فى ولا جنو طناش يعنى قلبو ميت
اهديك قول شاعرنا طه القدال

روح يابه وابقى قفاك لا تعاين و لا تعاين على موطاك و لا تندم على خطو تمنى مشيتو لقدام وابقى العاتى زى سنطتنا وزى صبرا نلوك فوق مرو زى الزان ولا شيتن نزل فى الجوف و لابرجع ولا بنزاح
الباقى انت عارفو

[شبارقة]

المشاركة الأصلية كتبت بواسطة منال

شبارقة
كيفنك كدى
ما قلت لى الراجل الدلدول مالو

الراجل الدلدول هو الراجل العوقه ...هو الراجل العُره (ولادة الكوده واللاكوده) كفاية ولا أزيدك؟

[أشتر]

المشاركة الأصلية كتبت بواسطة فيصل سعد

عندما يرخي الفقري الحبل مؤكد ان الفريسة جديرة بالاهتمام؟

وانت طلعت افقر منو (هذه بتلك وما عندك حبل زاتو) واللبدة عندك ... اها دي اللفة الأنا ذكرتها في مستهل حديثي كما ورد ... لكن لقيتك ... دفّاااااااااان

المشاركة الأصلية كتبت بواسطة فيصل سعد

[size=5و هكذا نهاية الجغمسة و بداية الرجفي و كل العصافير نيام..[/size]

غايتو تباشير الرجفي ظهرت علاماتو الصغرى بهناك ... وفي اعتقادي علاماتو الكبرى بتكون عينك يا تاجر ... وكل ككو يلبس أم جكو ...
والعصافير النايمة ليها شنو ... وتيري يا همامة وركّي
ركّي في أي زنكي ...

[شبارقة]

المشاركة الأصلية كتبت بواسطة حلم الاماسي

تصدق ابو عاقله دا حنكوش ساااااااااااكت من شعره المسبسب دا

تغنى زكي عبد الكريم وقال : ما مجرد أمل ..وشوية غزل ...وإيه لازم الزعل
ويار يت يا فردة لو كان شعري سبيبي زيك ..أها سبيبي وقرقدي ديل مصادرهم وأصلهم شنو؟

[منال]

المشاركة الأصلية كتبت بواسطة شبارقة

يا زوله قولي بسم الله ...يطرشنا في رطانة الشايقية ...إنت أظنك شايقية تايوان

شبارقة اديها صنة و كدى عيد القراية ل ما برطن تانى انت شفتها كيف بالكحلى انا شياقية لندن
يعنى الا اكتب لست برطانة ...

رووووووووق المنقة

[أشتر]

المشاركة الأصلية كتبت بواسطة منال

انت ماك عارف انو القرد فى عين امو غزال - عشت للتسامح

شوفي يا ماما ... الغزال قال ليك رفعتي معنوياتو اوانطة ... لحين اشعار آخر

المشاركة الأصلية كتبت بواسطة منال

كدى قول مشيت وين فى الاول ... بعدين نخليك للمحل الجيت منو
تسلم كتير ومعاك شبارقة

لو كنت عاوز اقول كان قلت ... ولكل أمرى ما نوي ... والنية كانت نيّة

[أشتر]

المشاركة الأصلية كتبت بواسطة شبارقة

أها سبيبي وقرقدي ديل مصادرهم وأصلهم شنو؟

غايتو غير الراس ما شايف لي مصدر تاني ... وبعض السحب المتفرقة

[شبارقة]

المشاركة الأصلية كتبت بواسطة منال

الانجاز نخلى بعيد للجماعة

هووووي .....يكا ...قالوا في المثل : ألمي هامي ما لعب قعوي أها شنو الألمي؟ وشنو الهامي ؟ وشنو القعوي؟

[شبارقة]

قال ليها : لما شفتك ريقي جمه
ردت عليهو بزعل : إجمجمن عينيك أنا ليمونايه ليك
أها الجمّام ده شنو ؟

[أشتر]

المشاركة الأصلية كتبت بواسطة شبارقة

هووووي .....يكا ...قالوا في المثل : ألمي هامي ما لعب قعوي أها شنو الألمي؟ وشنو الهامي ؟ وشنو القعوي؟

ألمي ... يعني الما بلكنة البطانة ... المش ... اللي ما
هامي ... هم
لعب ... كان مفروض تشدد العين بدل تصرها لمنال ... اي يلعّبالقعوي ... الضفادع ... والبعض يطلقون عليها (القعونجة) وهذه عامية ركيكة كما ذكر البروف الراحل عبدالله الطيب عليه رحمة الله
يعني زي المثل البقول الفايق يهمز امو ودا من الأمثال الشينة ...

[أشتر]

المشاركة الأصلية كتبت بواسطة شبارقة

قال ليها : لما شفتك ريقي جمه
ردت عليهو بزعل : إجمجمن عينيك أنا ليمونايه ليك
أها الجمّام ده شنو ؟

الجمّام ... المياه الجوفية القريبة من السطح على ما اعتقد