احمد محمد زين

[imported_سمراء]

المشاركة الأصلية كتبت بواسطة فتحي مسعد حنفي

كدي انتي في الأول بطلي اللخبتة عشان انتي عارفة كويس اني كل ما أقول ليهو شيل اللاب توب بتاعك هو البيرفض رفض بات وقال كدا ارتاح وبعدين الموضوع ما اللاب توب عشان عندو كمبيوتر ونت في المكتب وبرضو ما عايز يخش ويقرا السخف الحايم في المنتدي اليومين ديل..وأفتكر ما براهو عشان انا كنت اكتر زول بيكتب مداخلات قرفتا من الكتابة وأول ما أفتح المنتدي بيجيني طمام بطن وبقرا كم حاجة وبمرق..

ياعمو فتحى ياخ انا بهزر معاك وعارفه تمام التمام انو احمد اللابتوب بتاعو مابديهو زول نوهاااائى
بس حبيت اشاغلك وانا عارفه انو ماداير يخش عشان شنو ....

والله كلنا بنمص لينا ليمونه وبعداك بنخش عشان الطمام وكدة

[imported_أبو خليفه]

المشاركة الأصلية كتبت بواسطة فيصل سعد

و نسأل معكم عن دكتور احمد،
الاخ الحبيب، فاكهة هذا المنتدى،
عساه بالف خير و عافية ..

شكرا سارة، و التحايا
للجميع و الود و الاعزاز ..

فيصل ..
ليك وحشه يااااخ ..

[imported_جانيت]

سرورة يا حبي انتي
احمد تمام التمام
بس زهجة يومين كده وبتفك
ويرجع وانشاء الله لمن يرجع يلقى كل الناس اصابهم الوعي الكامل

احمد اشبه بالملاك
الاجواء الزي دي بيتاثر بيها وبتعكر صفو حياته

جد يحمل قلب طفل

[imported_فيصل سعد]

المشاركة الأصلية كتبت بواسطة أبو خليفه

أحياناً تضطرك الظروف لذلك ..
نسهلا بتسهل ..
وربك يسهلا ..

مرحب يا صاحب،
و ليك وحشة يا حبوب،
حمد الله سلامة ..

[imported_طارق صديق كانديك]

وينك يا حبيبنا .. !!

نشاركك السؤال يا شقيقة .. !!

مودتي لكما

[معتصم الطاهر]

[align=center][/align]

[align=center]مشرق الضحكة[/align]

[imported_عادل عسوم]

أحمد صديق عزيز
وهو رجل ويعرف قدر الرجال
دونه ايثار لايدع للأثرة الى نفسه مجالا
وله عطاء للآخرين لايأتيه المن والأذى من بين يديه ولامن خلفه
لاأزكيه على الله فهو جل وعلا يزكّي من يشاء
لكنها كلمة حريٌّ بي قولها في حقه ياسارة
تسلمي ياغالية

المشاركة الأصلية كتبت بواسطة سارة

طال علينا غيابكم والله يا حلوين
أخى الحبيب احمدزين افتقدك بشدة

عساك طيب يا راجل يا طيب

عشان خاطر الحلوين نرجع
سرورة يا اجمل الحلوين
[media]http://sudaniyat.net/up/uploading/batzkari.mp3[/media]
الشكر اجزله لكل الذين سالوا عني ... احبكم جميعا

المشاركة الأصلية كتبت بواسطة سمراء

ياعمو فتحى ياخ انا بهزر معاك وعارفه تمام التمام انو احمد اللابتوب بتاعو مابديهو زول نوهاااائى
بس حبيت اشاغلك وانا عارفه انو ماداير يخش عشان شنو ....

والله كلنا بنمص لينا ليمونه وبعداك بنخش عشان الطمام وكدة

انت عارفة عني ده كلو بالله؟؟؟؟؟

اول شئ عم فتحي ده لو طلب روحي ما غالية عليهو
راجل يستاهل اي حاجة سمحة عشان هو ذاتو سمح ونضيف دواخل
ولا انت عايزاني اسيب الراجل يمشي يفتش محلات الانترنيت بعد عمرو ده ؟؟؟
طيب نحن فايدتنا شنو يا اللخت... اصحاب ضحك وقرقرابة ساي كده؟؟؟؟
وبيني وبينك والانتي ما عارفاهو المانعني ادخل المنتدى ما الكوماج الفيهو!!
البحصل من ناس المنتدى بره المنتدى أدهى وأمر وبطمم بطن الليمونة ذاتها

[imported_جانيت]

المشاركة الأصلية كتبت بواسطة أحمد محمد زين حسين

انت عارفة عني ده كلو بالله؟؟؟؟؟

اول شئ عم فتحي ده لو طلب روحي ما غالية عليهو
راجل يستاهل اي حاجة سمحة عشان هو ذاتو سمح ونضيف دواخل
ولا انت عايزاني اسيب الراجل يمشي يفتش محلات الانترنيت بعد عمرو ده ؟؟؟
طيب نحن فايدتنا شنو يا اللخت... اصحاب ضحك وقرقرابة ساي كده؟؟؟؟
وبيني وبينك والانتي ما عارفاهو المانعني ادخل المنتدى ما الكوماج الفيهو!!
البحصل من ناس المنتدى بره المنتدى أدهى وأمر وبطمم بطن الليمونة ذاتها

لعمري انت رجل والرجال قليل

والله يخليك ويحفظك بتعرف في الاصول
وعمو فتحي يستاهل اكتر من اللابتوب لانه زول بيتحب وترتاح ليه
وكبيرنا وليه احترامه وتقديره

تخريمة :
انت الليمونه كمان بقت بطنها بتطم

[imported_الوسيلة محمد النعيم]

فيك الخير يا امينة
تحياتي لك ولابن عمي الجميل دكتور احمد
كل الود لك وله والتحية

[imported_مجلس إدارة سودانيات]

ألف مرحب بعودتك يا أحمد . .
ولا تطوّل عنّنا الغيبات رجاءً.

شكراً سارة واسمحي لنا بالترحيب بأخينا الوسيلة محمد النعيم،
وله العتبى في الترحيب المتأخّر.

[imported_صلاح الدين هجو النحاس]

مرحب بالغاليين اهو دا سودانيات المحبه والوصل
يا عزيز يابوحميد ماجاب يوم عزوفك وانقطاعك من المنابر
وتحياتى لكل اعضاء سودانيات
مجلس سودانيات والخال وواولاد مسعد وسروره
لكم حبى ومودتى

[imported_نبراس السيد الدمرداش]

وبيني وبينك والانتي ما عارفاهو المانعني ادخل المنتدى ما الكوماج الفيهو!!
البحصل من ناس المنتدى بره المنتدى أدهى وأمر وبطمم بطن الليمونة ذاتها

اول شيء حمدا لله على السلامه
تانيا ترفع وكن كما عهدتك دائما
وبالمناسبه شوال ليمون ما بحلك

[الرشيد اسماعيل محمود]

المشاركة الأصلية كتبت بواسطة أحمد محمد زين حسين

انت عارفة عني ده كلو بالله؟؟؟؟؟

اول شئ عم فتحي ده لو طلب روحي ما غالية عليهو
راجل يستاهل اي حاجة سمحة عشان هو ذاتو سمح ونضيف دواخل
ولا انت عايزاني اسيب الراجل يمشي يفتش محلات الانترنيت بعد عمرو ده ؟؟؟
طيب نحن فايدتنا شنو يا اللخت... اصحاب ضحك وقرقرابة ساي كده؟؟؟؟
وبيني وبينك والانتي ما عارفاهو المانعني ادخل المنتدى ما الكوماج الفيهو!!
البحصل من ناس المنتدى بره المنتدى أدهى وأمر وبطمم بطن الليمونة ذاتها

اولا حمدالله علي السلامة ياحبوب
تانيا..يعني الموضوع وصل برا الملعب..؟؟
طيب وكت الموضوع برا المنتدي..علاقة الجوة شنو ياحبوب..؟؟
وليه حارمنا منك يعني..؟؟
انا والله مرات كدة بفهم الاشارات سريع..
غايتو ربطت حاجات في راسي فضل تدفر لي سطر في الخاص
والباقي بتمو براي..؟ قلت شنو..؟؟
يادكتور في الغرب في مثل بقول: تإيشي كتير تشيفي كتير..
ترجمتو للحناكيش..البعيش كتير حيشوف كتير.
فلا تبتئس ياحبيب.