الشباب السمحين :
طارق كانديك ، أروى ، مزونه الما رحبت بيها وخجلان منها ، شبارقه ، زول الله ، أحمد محمد صلاح ، الفطن الوسيم ، سميه آدم ، قوت القلوب
عفارم والله.. لو وصل عددنا ل 50 بنقدر نخطط كويس ، وبنقدر نسوق المحورين بشكل كويس ، محور مرضى السرطان ، وكفالة اليتيم..
سعيد بإضافاتكم ومقترحاتكم ،
بداية برحب بمزونه ، وبتمنى ليها طيب الإقامة وسط أخوانا وأخواتا..
زول الله : مكسب والله مبادرتك ، وبتخفف كتير من الأعباء ، خصوصاً نحن في بداية مشوارنا ، فبالتأكيد حنستعين بيك.. خليك قريب..
أحمد محمد صلاح : تسلم على الكلام السمح القلتو في أخوك .. الفكره دي قد تكون دارت في مخيلة ناس كتار ، لكن ما لقوا ليها وكت ، أو ما نضجت عندهم.. وأنا واحد من الناس ديل ، إللي ما نضجت عندي الفكرة ، وأهو بتنضج بمداخلات الإخوة والأخوات..
أهلين بسمية آدم ، وبالتأكيد حنستفيد من خبرتك في المنظمات ، وحنستفيد من علاقاتك الإكتسبتيها..
الفطن الوسيم :شكراً ليك .. ملاحظتك في محلها.. وياريت د/ هيفاء تديني الأوكي عشان أحذف الأسماء ،
لاحقاً بعد ما نترتب ، ياريت نتفق إنو لمن نستعرض حالة نستعيض عنها بإختصارات حروف أ.أ.م ( مثلاً )..
أستاذة هويدا : إن شاء الله ما حيتغتس الشغل ده ، بوجودك ووجود كل الإخوة والأخوات..
ياسر رجع وللا لسًه !
|
