لعناية بعض أشباه الرجال

[imported_hatim ALi]

?????????????????????????????????????????????????? ?????????????????????????????????????????????????? ?????????????????????????????????????????????????? ????????????????????????


Sheleel this will not gaonna to an any end

if we keep it like that it will be just suspicious and whisper

in the backdoors who did and to whom he did that etc ......


I respect your anger here , but i do not think he will show

himself up here relying on the idea that you wont expose

the whole drama because of the feelings of the victims ,

what a cheep man

misery

[imported_نبراس السيد الدمرداش]

المشاركة الأصلية كتبت بواسطة بابكر عباس

ما عندي مانع تغلط فيني بس بما لا يخالف اللوائح
انا شايف أي حل حا تلجأ ليهو من غير ما الزميلات ديل يجن في البوست دا، حا يكون مخالف للوائح لانو حا يكون إتهام من غير دليل....

بابكر تحياتي
اتهام لمنو ؟؟شليل لا ذكر اسم راجل ولا مره
يبقى الشايف انو غلطان يجي يقول انا غلطان و ينبري يدافع عن نفسو

[بابكر عباس]

المشاركة الأصلية كتبت بواسطة نبراس السيد الدمرداش

بابكر تحياتي
اتهام لمنو ؟؟شليل لا ذكر اسم راجل ولا مره
يبقى الشايف انو غلطان يجي يقول انا غلطان و ينبري يدافع عن نفسو

حا تلجأ ليهو

حا دي تفيد المستقبل يا نبراس

[imported_سارة]

يقول أفلاطون: قمة الأدب أن يستحي الإنسان من نفسه.
و يقول سولون: أعظم الأسباب لدفع إساءة المسيء عنك, أن تنسى إساءته إليك.

من عاش بوجهين مات ولا وجه له

لا يوجد رجل فاشل ولكن يوجد رجل بدأ من القاع وبقى فيه




اللهم لا تمحننا لا تبلينا

[imported_نبراس السيد الدمرداش]

المشاركة الأصلية كتبت بواسطة سارة

يقول أفلاطون: قمة الأدب أن يستحي الإنسان من نفسه.
و يقول سولون: أعظم الأسباب لدفع إساءة المسيء عنك, أن تنسى إساءته إليك.

من عاش بوجهين مات ولا وجه له

لا يوجد رجل فاشل ولكن يوجد رجل بدأ من القاع وبقى فيه

اللهم لا تمحننا لا تبلينا

و سيظل فيه

[imported_جانيت]

المشاركة الأصلية كتبت بواسطة بابكر عباس

شليل سلامات
شكرا علي الغضبة المضرية
أعتقد دي فرصة جيدة جدا نأسس لمحاكمة إجتماعية في المنتدى دا...
الزميلات ديل يجن يسردن الوقائع أو الايحاء الوصلن من الزميل دا
و نديهو فرصة يدافع عن نفسو
الموضوع بتاع التحرش دا ما فيهو حساسية
إمراة تحرش بها رجل و هذا التحرش جريمة كبرى لا ينقص من قدرها شئ
بالعكس تعريته علنيا تزيد من ثقتها بنفسها و تزيل التأثير النفسي لعملية التحرش

فرصة انو الزميلات ديل يتعلمن كيف يدافعن عن نفسهن....

بابكر عباس
دعك من المحاكم الاجتماعيه لا تلزم اي منا
طبعا الزميلات المقصودات ما محتاجات للفرصة دي
لانهم واجهو مشكلتهم وعرفو يدافعو عن روحهم
وبوست شليل للدفاع عن اخواته ما عشان تجي انت وتفش فضولك لمعرفة الحصل
بالثرد في العام
شليل الكلام الاتقال في اي بت في المنتدى ما حيمر مرور الكرام
وثقو تمام الثقة كل واحدة قادرة تاخد حقها تالت ومتلت
وما هو الا كذب وبهتان


كسبناكم اخوان ياشليل واحمد زين
ابو اماني وعمو فتحي في مقام ابوي
ليكم احترام وانحناءة




بابكر عباس لو قاتلك الفضول شديد ممكن نعمل بوست تاني غير ده واي واحدة اتقال فيها حاجه تقولها
بس ماهنا المحل ده ما بيشبهو الفضول
والموضوع من منبع الجدية ليس للتهكم وابداء الاراء

[imported_سارة]

حبيبتى جانيت اقدر الظروف التى تمرون بها وانا معكم

فهونى على نفسك ياغالية

لا تجادل بليغاً ولا سفيهاً .. فالبليغ يغلبك والسفيه يؤذيك
,,,

حسن الخلق يستر كثيراً من السيئات كما أن سوء الخلق يغطى كثيراً من
الحسنات

[imported_جانيت]

المشاركة الأصلية كتبت بواسطة سارة

حبيبتى جانيت اقدر الظروف التى تمرون بها وانا معكم

فهونى على نفسك ياغالية

لا تجادل بليغاً ولا سفيهاً .. فالبليغ يغلبك والسفيه يؤذيك
,,,

حسن الخلق يستر كثيراً من السيئات كما أن سوء الخلق يغطى كثيراً من
الحسنات

سارة هي ظروف وبتعدي
والله انا كلامي مالي للاتاذوا حقيقي
موجوعه ليهم وختيت نفسي في محلهم
انا ما كنت الا قطرة في بحر
ونار قايده لا يعلم الا الله متى تطفأ

بسم الله الرحمن الرحيم
الأخ شليل ..
الأخوة المتداخلين ..

لا ينبغى أن نجعل من أعراض الناس مادة تلوكها الألسن ..
المنافحة عنها جهراً ربما تؤذى أيضاً .. ربما ..!!!
فليستمر البوست فى عمومياته ,, وإلا ستنتفى الحكمة منه ..
ويصبح خمراً ضررها أكبر من نفعها ..

سأتابع ,, وارجو الا يحيد عن مساره

[imported_عبدالعزيز عبدالله]

المشاركة الأصلية كتبت بواسطة شليل

حساسية الأمر ، تقتضي ألأ أذكر إسمك
وأعني بهذه الحساسية أن الموضوع المغتغت الذي تعيه وأعيه
إن إنحصر بيني وبينك بأي شكل من الأشكال
ثق أن هذه الدنيا ستكون ضيقة بالنسبة إليك..
ولن تجد مكاناً لتنام عليه..
لكنك إرتأيت أن تطال سهامك
من تعتقد أنهن لن يجاهرن بخطيئتك تجاههن
لإيمانك بأن هذا الواقع السخيف الذي خلق منك جلاداً ، ومنهن ضحايا
بإمكانك أن تمارس ما تيسًر من سخفك للنيل منهن
لكن هيهات..
ثق تماماً أنه حين تنتهي هذه الأحجية ،
إن ثبتت القرائن عليك
سأكون بمثابة لعنة تطاردك أينما حللت..
وستثبت الأيام من الذي ستسيخ مفاصله

اخي شليل
اتضامن مع بأن الموضوع لا يمكن بلعة تماما ... بل سيظل في القلب يحرق ... وألما علي من تم قذفيهم... لكن ما يهون الموضوع عندي هو ثقتي التامة في الاخوة والاعمام في السودان بقدرتهم علي علاج هذا الموضوع..

شكرا

[بابكر عباس]

المشاركة الأصلية كتبت بواسطة جانيت

بابكر عباس
وبوست شليل للدفاع عن اخواته ما عشان تجي انت وتفش فضولك لمعرفة الحصل
بالثرد في العام

بابكر عباس لو قاتلك الفضول شديد

جانيت سلامات
كلامك دا فيهو قسوة غير مبررة
الحصل دا يا جانيت بختنا في إمتحان أخلاقي كبير,
في جانب منو فروسية شليل و أي زول طبيعي سمع بالقصة دي و الانفعال الطبيعي تجاه هذا السلوك
و في الجانب التاني العهد الاتعاهدناهو في المنتدى دا و كتبناهو في شكل لوائح و البتحتم علينا عدم إتهام أي حد بدون إثبات...
لو عندك حل قوليهو لي.....
بدل إتهامك لي بانني بفتش في أخبار الناس لمجرد إختلافي علي طريقة معالجة الموضوع من جانب شليل..

[imported_أميرى]

شليل سلامات

بابكر عباس قال

بالعكس تعريته علنيا تزيد من ثقتها بنفسها و تزيل التأثير النفسي لعملية التحرش
فرصة انو الزميلات ديل يتعلمن كيف يدافعن عن نفسهن....

بعدين مي هاشم جات قالت

نحن لا نملك أن نحاكم أي شخص لأنه كل زول بيحكم نفسه وتصرفاته..خاصة في الأمور الزي دي..
واذا فتحنا باب حكايات ووقائع حندخل في ده كذاب وانا صادق وعندها الامور حتجوط وما حتكون في فايده لأي زول..صدقني..

بس المحاكمة تمت ولا شنو!!

بعدين شليل جا وقال

أسمع يا بابكر أنا زهجان شديد ، وخايف أغلط عليك .. جني جن الحلول الزعاطه الزي دي .. محاكمة إجتماعية بتاعة الساعة كم ؟،

وغلطت عليه تصدق

ونبراس جات وردت علي بابكر وقالت

يبقى الشايف انو غلطان يجي يقول انا غلطان و ينبري يدافع عن نفسو

دة نظام قضائي لم نسمع به من قبل..ربما في القمر

وجانيت جات وقالت لي بابكر

وبوست شليل للدفاع عن اخواته ما عشان تجي انت وتفش فضولك لمعرفة الحصل
بس ماهنا المحل ده ما بيشبهو الفضول
والموضوع من منبع الجدية ليس للتهكم وابداء الاراء

قسوة شديدة يا فتاة واي موضوع قابل لكل الاحتمالات
فلا تضعي المقياس انتي وتمرريه علي الجميع

ــــــ
في الآخر كدة زول قال كلام شين وقبيح في أخواته الهنا يا تقولوا اسموا عديل وتوجهوا شكوي رسمية
للادارة ويتم في حقوا الاجراء المناسب ويتم عزلوا وحصاروا من بقية الاعضاء لغاية مايمرق من هنا براه...
يا ما تجوا توجهوا الناس البتتداخل وتقسوا عليهم وتحاكموا نواياهم

ـــــ
في الآخر اتضح إنو المنتدي عبارة عن ماسنجر داخلي كبير تتداول فيه الأسرار وناس قريعتي راحت الفاتهم درس العصر ادوهم علي راسهم لأنو كلامهم مابغطي معاكم ولا ماشي في إتجاهكم

ــــــــ
القسوة علي بابكر عباس هنا غير مبررة روحكم محرقاكم من الشتمكم واساء الادب في حقكم
هنا ما المكان المناسب عشان نقرا صفحة سقوط البعض بالغتغتة والكلام الني

ــــــ
وياشليل يا اخوي أغضب ما شاء لك ولا تنسي إنوا البنيات ديل ما أخواتك براك
والآخرين الماغضبوا ديل أعزرهم ياااخ أكيد ما وصلتهم النشرة الداخلية
وإلا أكيد كانوا حيغضبوا لي أخواتهم ولا شنو؟؟

[imported_ZEIN ABDALLA]

المشاركة الأصلية كتبت بواسطة أميرى

شليل سلامات

ــــــ
في الآخر كدة زول قال كلام شين وقبيح في أخواته الهنا يا تقولوا اسموا عديل وتوجهوا شكوي رسمية
للادارة ويتم في حقوا الاجراء المناسب ويتم عزلوا وحصاروا من بقية الاعضاء لغاية مايمرق من هنا براه...
يا ما تجوا توجهوا الناس البتتداخل وتقسوا عليهم وتحاكموا نواياهم

ـــــ
في الآخر اتضح إنو المنتدي عبارة عن ماسنجر داخلي كبير تتداول فيه الأسرار وناس قريعتي راحت الفاتهم درس العصر ادوهم علي راسهم لأنو كلامهم مابغطي معاكم ولا ماشي في إتجاهكم

ــــــــ
القسوة علي بابكر عباس هنا غير مبررة روحكم محرقاكم من الشتمكم واساء الادب في حقكم
هنا ما المكان المناسب عشان نقرا صفحة سقوط البعض بالغتغتة والكلام الني

ــــــ
وياشليل يا اخوي أغضب ما شاء لك ولا تنسي إنوا البنيات ديل ما أخواتك براك
والآخرين الماغضبوا ديل أعزرهم ياااخ أكيد ما وصلتهم النشرة الداخلية
وإلا أكيد كانوا حيغضبوا لي أخواتهم ولا شنو؟؟

اميرى ...اطلع بسرعة بره







.

[imported_hatim ALi]

المشاركة الأصلية كتبت بواسطة أميرى

ش
ــــــــ
القسوة علي بابكر عباس هنا غير مبررة روحكم محرقاكم من الشتمكم واساء الادب في حقكم
هنا ما المكان المناسب عشان نقرا صفحة سقوط البعض بالغتغتة والكلام الني

يعني نفهم كدا يا اميري موضوعك هنا

كلو القسوة

على صاحبك بابكر ؟

بابكر ما فاهم او فاهم و عامل فيها رايح

وانتا ذاتك عامل فيها رايح

وقراء المنتدى خلي الاعضاء

حايكونوا فاهمين دا

منو خليكم انتو

الاتنين القاعدين هنا

معظم الوقت

بعدين ياخي البنات ديل تمت الاساءة لهن

اساءة بالغة من انسان لا يراعي عشرة و لا زمالة

ولا اخلاق و لا اعراف و لا دين ياخي

(الكلام دا انا فهمتو من كلام شليل و مداخلاتهن الغاضبة اعلاه ، عشان ما تشبكني مسنجر
داخلي و بتاع .............)

ردت فعل جانيت او اي اخت هنا مبررة و مفهومة ، انسان مجرد من الضمير و الانسانية

شغال يلوك في سيرهن و يسئ اليهن ، انفعالهن دا ابسط شي و معاهم الف حق و الف عذر

لانه شكلوا بيستغل صمتهن خوف الشمشرة و من اجل سترة الحال للتمادي في الاساءة اليهن

دا انسان منحط و مريض نفسي و معقد كبير و عندة عقدة من البنات و عاوز يسيئ للبنت

البكتكتب في المنتديات و يحطمها و يشوه سمعتها لانها بتخليهو بشعر بمكانتها العالية مقابل

مكانته المنحطة


صدق شيخ محمود لمن قال :

مهما حاولتوا تعروهم و تكشفوهم ما حاتقدروا زي ما هم حايفضحوا نفسهم

و قد كان


_________________


ملاحظة

المحير عدد الذين ادانوا هذا العمل المفضوح قلة

[imported_أميرى]

يعني نفهم كدا يا اميري موضوعك هنا

كلو القسوة

على صاحبك بابكر ؟

تصدق

وانتا ذاتك عامل فيها رايح

ومروحني مالك يا جنا
ماحبابو الروحان وحاتك في الضلمة دي

ـــــــ
ياحاتم أنا كتبت كلام كتير ياااخ ومروتي مابتسمح لي بي سطور زيادة
فالله يرضي عليك ارجع اقرا كلامي تاني والمرة دي شيل القطنة من اضانك
عشان الصدي وكدة....

وحبابك يا اخوي في اي وقت