*** مطارحة شعرية و نثرية غناء و خواطر - دعوة للتواصل و المودة ***

[منال]

المشاركة الأصلية كتبت بواسطة فيصل سعد

[align=center]ده ود عمي وده ضريب دمي
انت شنو طفيلي دخيل [/align]

لي وين تمش...
نار النضال لو تنهبش ..
توقد سنون .. المتعبين
تعقد زفاف آخر ضمير ..
إتباع مقنن بالقرش

سورى لتكرار السبب الكونكشن ردئ بس الرسالة ما اتحذفت

[منال]

المشاركة الأصلية كتبت بواسطة فيصل سعد

[align=center]ده ود عمي وده ضريب دمي
انت شنو طفيلي دخيل [/align]

لي وين تمش...
نار النضال لو تنهبش ..
توقد سنون .. المتعبين
تعقد زفاف آخر ضمير ..
إتباع مقنن بالقرش

[منال]

المشاركة الأصلية كتبت بواسطة فيصل سعد

[align=center]ده ود عمي وده ضريب دمي
انت شنو طفيلي دخيل [/align]

لي وين تمش...
نار النضال لو تنهبش ..
توقد سنون .. المتعبين
تعقد زفاف آخر ضمير ..
إتباع مقنن بالقرش

[فيصل سعد]

[align=center]شيدنابك دور ومدائن
حندكنابك حز الريح
حركنابك شوقنا الكامن
أو قلنابك ..
ظل مطّامن
إنو حيشرق فجر العالم
بي بني آدم
طيِّب ... وآمن
ونفضل نطلق
نار الغنية
تالا الذمم الخاتي نظامن
تنسف ونجرف
دبش الدنيا
وغَش الفجر الكاذب
لامِن
تبرق
ويمرق
شخب الباكر
وتضوي سماك
يا يومه التامن [/align]

[منال]

شليل ما راح .. شليل ما فات
شليل عند المسورو حرق بقالو حصاد
شليل فوق التقانت قام خدار وبلاد
شليل مشوار.. شليل مسدار
شليلنا أرضنا يا جنيات
شليل قائم نصاصي الليل يتمتم ليلو وردية
حرازنا شليل .. شليلنا دليب
شليلنا دليل على البلدات بعد درب التبلدية
شليل ما راح .. شليل ما فات
مزارع بات على عشقين تراب بلدو
وسماح فوق بت مزارعية

[فيصل سعد]

تبرد غبينتك ولوعتك ..
طول الأزل
ويا روعتك لامن تجادل دمعتك
دائماً تكون فوق العيون
مرحيبة بالداخل عليك من دنيتك
عبّيت مصابيح الصباح
ببياض ضميرك ونيتك
بعرق جبينك وبنيتك
وبالشمشِ ماروق الرجال
وجّت جنائن غنيتك
ما كان رحيلك غير دليل
للجايي ماسك سكتك
يا شدو عصفورنا البسيط
كل الحلوق إتوكتك
إن ماب تبيت فوق السبيط
طوِّل مسافة ركتك
ما صمتك مطراً غتيت
لا ريح لديح .. يوم سكتك

[منال]

عينيك مدن
منسية فى كتب التواريخ والزمن
عينيك وطن
مشدود على وتر التباريح والشجن
مشدود على حروف الكتابة
مكدود عَنا .. ومكتول صبابة
وفيهو حطّ النيل .. سكنْ

[فيصل سعد]

المشاركة الأصلية كتبت بواسطة منال

عينيك مدن
منسية فى كتب التواريخ والزمن
عينيك وطن
مشدود على وتر التباريح والشجن
مشدود على حروف الكتابة
مكدود عَنا .. ومكتول صبابة
وفيهو حطّ النيل .. سكنْ

نحبّك من طرف من جم
برغم قطائع الإملاق
ماب تنذم .. علاقة دم
وفاء وتاريخ على الإطلاق
إذا ما الغربة لمتنا
على ذات الخلق وأخلاق
وطن وين كان في ذمتنا
فكيف يبقى الزمن فرّاق
هي الأشواق ..
وما بين السماء والأرض
مد أشواق
وما طال المطر بيصب
طبيعي إنو البحر .. ما راق
كما إنو العكار من طين
كمان من طين
يجي الروّاق
صحيح إنو المطر رائق
ولكن السحاب قد ضاق
خبارو الريح بشِن سائق
وكت كبد التراب مشتاق
إذا ما العشق منسابق
ومنطابق على الأعماق
كذلك حضرة العشاق
مع غيبوبة الأشواق

[بابكر مخير]

قالو الأيام تمر
ولساتك في مقتبل العمر
الحبيب
قدر حاولت أبارك ليك سن الزهر
إلا البوست بتاع الخال ما إنستر
لا فتح ولا خلاني أدخل أمر

كل عام وإنتا بالف خير وتزيد جمال وصحة وبركة وعافية
يهنيك بجناك وأم جناك ويديك قدر ما ليك من نية صافية

[فيصل سعد]

شكرا ليك يا دوك يا الحبيب الحبوب


رغم بهاظة وعظمة فقدك
إلا إنو الحياة ما وقفت
إلا إنو في ناس بيغنو
عشان تخضر الأرض النشفت
ناس من بعدك بعضها بعضك
أرضها أرضك وناس لا عرفت
ليك لا سمعت بيك وتكنُّو
غناك الليهُن ماشي عليهُن
تتلافاهو الريح وتفنُّوا

[mohamed merghani]

المشاركة الأصلية كتبت بواسطة فيصل سعد

شكرا ليك يا دوك يا الحبيب الحبوب


رغم بهاظة وعظمة فقدك
إلا إنو الحياة ما وقفت
إلا إنو في ناس بيغنو
عشان تخضر الأرض النشفت
ناس من بعدك بعضها بعضك
أرضها أرضك وناس لا عرفت
ليك لا سمعت بيك وتكنُّو
غناك الليهُن ماشي عليهُن
تتلافاهو الريح وتفنُّوا

نوم العين شرد هربان أريت يا عين يعود أمسك
تزول الغربة وأسبابا وأكون بديارنا مستمسك
رحلت بعيد وشوق أم در فى ديرو فؤادى متنسّك
ومكتوب لى أعيش بعدك قلب مجروح وزول هوم سك

[فيصل سعد]

[align=center]كان نفسي قولك من زمان بالشايلو في عيني معزة و في القلب
ريدا بخاف الغربة و الشوق و الحنين[/align]

[منال]

المشاركة الأصلية كتبت بواسطة mohamed merghani

نوم العين شرد هربان أريت يا عين يعود أمسك
تزول الغربة وأسبابا وأكون بديارنا مستمسك
رحلت بعيد وشوق أم در فى ديرو فؤادى متنسّك
ومكتوب لى أعيش بعدك قلب مجروح وزول هوم سك

كل ما الريح تطارد الموج ازيد اصرار
واغير سكة التيار واقول يا انت يا اغرق

[فيصل سعد]

[align=center]قلت ليها و ايدي في ايديها دمعة حزن سالت
جاي منك و ماشي ليك يا مدائن غربة طالت
لو مدارات نجمي ضلت سكة السفر استحالت
كوني في دربي الحقيقة الليها ديمة مشاعري سالت[/align]

[منال]

تلوّح لى .. مدن عينيك
وترفع لى منارة بسمتك .. سارية
وبديت أحلم