*** مصطلحات عامّية سودانية *** - الصفحة 36

mohamed merghani · 18-01-2008, 08:01 AM

اقتباس:

المشاركة الأصلية كتبت بواسطة شبارقة

الكركجيًه : تراب البحر
الشرشه : الجزء الزائد من الظفر
الشقيقيّل : PASS
أم سَيْ سَيْ : نوع من أنواع الفيران (سوداء اللون)
الساسوْيه : القطعة الصغيرة من القزازة المكسرة
الخُس : PASSph[m [size=5][color=#0000FF]
السْيداب :راح لي - يمشي ويجيني[size=5][color=#0000FF]]
الهدّام : الجزء الذي يتهدم من قيفة البحر
أُم بَحَتيْ : الصبرة التي تحفر بيوتها تحت الأرض
القدون :PASS

الخُس : PASSph[m حاجة كدة زى الراكوبة او القطية
السْيداب :راح لي - يمشي ويجينيعنقريب يصنع من القنا ولحاء الشجر

بابكر مخير · 18-01-2008, 08:57 AM

الضُل
الإضينا
الضُقل
الضقِل

فيصل سعد · 18-01-2008, 09:31 AM

اقتباس:

المشاركة الأصلية كتبت بواسطة شبارقة

أها ..... سلام جاكم ...وهاكم:

1- النفاج (تشديد النون)

2- السلبابه أو الخلاله

3- الرقراق

4- أم مالبينا

5- الماروق

النفاج دا يا الحبيب الباب الداخلي بين البيوت القاعدة في الحيشان الكبيرة ... و دي اسأل منها اولاد الحيشان التلاتة طبعا نحنا

و ناس جدودنا مخير و كدة

اما نفاج محجوب شريف فداك باب براو اسأل منه الخال بجيهك تب

ما تبقى رقراق ، ابقى يا ضل يا شموس يا شبارقة و اظنو وقع ليك؟؟ الباقين Pass

mohamed merghani · 18-01-2008, 09:11 PM

اقتباس:

المشاركة الأصلية كتبت بواسطة Babiker Mukhayer

الضُل
الإضينا
الضُقل
الضقِل

الاضينا ....
ما فينا الاضينة ومانا قلّة كتار
نصلى الحارة نحن نوجّب البتّار
-- ------------------------------------
المثل القديم مالك تقول ودّر لو
ما قالو الاضينة أمفتو واتعضّر لو
------------------------------------
الضقل بضم الضاد و القاف تطلق على قصير القامة
أما بفتح الضاد والقاف فهو عصا قصيرة يلعب بها الصبية سكّج بكّج
أما بفتح الضاد وكسر القاف فهو تنطيط الكورة بالرجل دون ان تلامس الارض

الفاتح · 19-01-2008, 07:42 AM

اقتباس:

المشاركة الأصلية كتبت بواسطة mohamed merghani

الخُس : PASSph[m حاجة كدة زى الراكوبة او القطية
السْيداب :راح لي - يمشي ويجينيعنقريب يصنع من القنا ولحاء الشجر

سلام بتاعكم..
الخُس= التُكُل=المطبخ
أُم سَيْ سَيْ=طائر أسود ذو منقار وأرجل طوال يتحرك بسرعة ويلتقط الدود بسرعة أكبر.
الشقيْقيّل= الزنبور= حشره تتحاوم عادةً حول شجرة الحنّاء.
أُم بحَتَيْ: مهنة يمتهنها المزارعين تتمثًل في إزلة الأشجار الغير مرغوب فيها من جذورها لتوسعة البلدات وتتم العملية بالحفر عميقاً وإشعال النيران تحت الشجره المراد تبحيتها.
القدون= ميزان العجله.

فيصل سعد · 19-01-2008, 08:11 AM

وجب السؤال عن اخونا محمد ابو عاقلة مسجل غياب و ان شاء الله يكون طيب. كذلك الجنس اللطيف عموم زايغ و لابد؟؟ الحاصل شنو ؟؟
المعلم شبارقة رجاء مراجعة المصطلحات التي لم تشرح معانيها و دورها تاني..
انا متذكر بابكر مخير سألك عن الماندولا؟ فحقو تسكو يجي يشرحها!!

أشتر · 19-01-2008, 11:23 AM

اقتباس:

المشاركة الأصلية كتبت بواسطة فيصل سعد

وجب السؤال عن اخونا محمد ابو عاقلة مسجل غياب و ان شاء الله يكون طيب. كذلك الجنس اللطيف عموم زايغ و لابد؟؟ الحاصل شنو ؟؟

دي الإرادة
ونحن ما بنقدر نجابه المستحيل
غصباً عني (أغيب) وغصباً عنك (تسأل)
الاغنية دي شغالة حاليا وفايتة اضاني
اها واقفين وين ... والزنقة بت كلب

بابكر مخير · 19-01-2008, 12:33 PM

اقتباس:

المشاركة الأصلية كتبت بواسطة محمد أبوعاقلة

والزنقة بت كلب

سؤال

كم نوع من أنواع الزنقة تعرف ؟؟؟؟؟؟

شبارقة · 19-01-2008, 06:04 PM

اقتباس:

المشاركة الأصلية كتبت بواسطة فيصل سعد

المعلم شبارقة رجاء مراجعة المصطلحات التي لم تشرح معانيها و دورها تاني..
انا متذكر بابكر مخير سألك عن الماندولا؟ فحقو تسكو يجي يشرحها!!

يخيل لي أنو الماندولا هي الماندلين (آلة موسيقية) لغاية ما يلحقنا عمنا ود مخير الما بتحير وما بتحير إلا مغير.. ودمتم سالمين.

أشتر · 19-01-2008, 08:23 PM

اقتباس:

المشاركة الأصلية كتبت بواسطة Babiker Mukhayer

سؤال

كم نوع من أنواع الزنقة تعرف ؟؟؟؟؟؟

سؤالك محير يا مخير !!!!!
أول حاجة ومهمة جداً ...
زنقة سؤالك ...
وزنقة الإشارة ...
وزنقة ابن ماجة ... (أحياء المغرب بسموها زنقة)
وزنقة السبيلين ...
وزنقة الحرامي ...

بابكر مخير · 19-01-2008, 09:24 PM

ود ميرغني الحبيب
ما شاء الله عليك

اقتباس:

المشاركة الأصلية كتبت بواسطة mohamed merghani

الضقل بضم الضاد و القاف تطلق على قصير القامة
أما بفتح الضاد والقاف فهو عصا قصيرة يلعب بها الصبية سكّج بكّج
أما بفتح الضاد وكسر القاف فهو تنطيط الكورة بالرجل دون ان تلامس الارض

طيب بس ملحق صغيروني،،، هل ممكن ضقل تبقى دقل
ما إحنا مثلن عندنا لخبتت الحروف "ذي ما بتقول دنقلاوي، ممكن برضو يتقال ضنقلاوي"
يديك الف عافية وفيت النضمي حقو وإستوفيت الشكر على الشرح

اقتباس:

المشاركة الأصلية كتبت بواسطة شبارقة

يخيل لي أنو الماندولا هي الماندلين (آلة موسيقية) لغاية ما يلحقنا عمنا ود مخير الما بتحير وما بتحير إلا مغير.. ودمتم سالمين.

يعني الحبيب دي لو تسمح أقول ليك فيها شبا قة (بعد حزف حرف الراء،، حتى تنطق بما يشابه "شو بآ" وهو ما يعني أيش بآ وتقال لتعرف بالسوداني مخلوط بالمصري؛ شنو بآآ)
المندولا وغرب السودان والغبش وأهلي،،، بالغتا وتجي تقول ليا: المندلين.
يا أخي إحنا العود ما لينا فيهو وحتى الربابة والطنبور جونا مع الجلابة
المهم المندولا بمفهوم المكان: مطعم في قلب مدينة لندن؛ وحسب أهل الغرب هي إناء مربوط بالطعام
ودا السبب الخلى سيد مطعم المندولا يسميهو بلإسم دا، لأنو أصولو من غرب السودان.
على آي حال من يرى غير ذلك!!!! ممكن ليهو أن يغير وعهد مني أني ما بكون متحير ولا متغير

أبوعاقلة الحبيب

اقتباس:

المشاركة الأصلية كتبت بواسطة محمد أبوعاقلة

سؤالك محير يا مخير !!!!!
أول حاجة ومهمة جداً ...
زنقة سؤالك ...
وزنقة الإشارة ...
وزنقة ابن ماجة ... (أحياء المغرب بسموها زنقة)
وزنقة السبيلين ...
وزنقة الحرامي ...

إتخيل ليا زنقة في المغرب معناها شارع أو زقاق
(كلها اسبوع قضيتو في المغرب زمان والمعلومة من وكت داك)
لكني والله، لمن أتخلعتا،،، أنا ما كنت قايل الزنقة دي مزنوقة في زنقات كتيرة كدي
كتر الف خيرك مرقتني من جنس زنقة

فتحي مسعد حنفي · 20-01-2008, 06:12 AM

اقتباس:

المشاركة الأصلية كتبت بواسطة شبارقة

أها ..... سلام جاكم ...وهاكم:

1- النفاج (تشديد النون)

2- السلبابه أو الخلاله

3- الرقراق

4- أم مالبينا

5- الماروق

5- الماروق هو السماد
4- ام مالبينا هو جزء من معدة الخروف يستعمل في الطبخ
3-الرقراق هو الظل
1- النفاج هو فتحة في الحائط لتصريف ماء المطر
2- السلباية أو الخلالة هو مسلة خشبية تستعمل في المشاط

فتحي مسعد حنفي · 20-01-2008, 06:21 AM

[QUOTE=Babiker Mukhayer;87288]ود ميرغني الحبيب
ما شاء الله عليك

المندولا وغرب السودان والغبش وأهلي،،، بالغتا وتجي تقول ليا: المندلين.
يا أخي إحنا العود ما لينا فيهو وحتى الربابة والطنبور جونا مع (الجلابة)

شكرا يابابكر علي استعمالك لكلمة جلابة هنا لانها بتثبت كلامي القلت فيهو انو الجلابة لا يقصد بها جالبي الرقيق فقط كما يصر البعض علي ربطها بتجارة الرقيق

بابكر مخير · 20-01-2008, 07:33 AM

اقتباس:

المشاركة الأصلية كتبت بواسطة فتحي مسعد حنفي

5- الماروق هو السماد
4- ام مالبينا هو جزء من معدة الخروف يستعمل في الطبخ
3-الرقراق هو الظل
1- النفاج هو فتحة في الحائط لتصريف ماء المطر
2- السلباية أو الخلالة هو مسلة خشبية تستعمل في المشاط

خد
الترك والهنود

طيب بالمناسبة دي:
حلبي
جلابي
أهل ود العوض
فريق فنقر
الحواتا
مايرنو
المسالمة
سلافة
والسالفاب
من القائل وما مناسبة المقولة:::::
الفي ألب في ألب يا كنيسة الرب

شبارقة · 20-01-2008, 08:47 AM

اقتباس:

المشاركة الأصلية كتبت بواسطة محمد أبوعاقلة

سؤالك محير يا مخير !!!!!
أول حاجة ومهمة جداً ...
زنقة سؤالك ...
وزنقة الإشارة ...
وزنقة ابن ماجة ... (أحياء المغرب بسموها زنقة)
وزنقة السبيلين ...
وزنقة الحرامي ...

وأنا أضيف ليهن : زنقة كلب في طاحونة (زنقة سودانية)

وزنقة الستات (زنقة مصرية)

18-01-2008, 08:57 AM	#[527]
بابكر مخير :: كــاتب نشــط::	الضُل الإضينا الضُقل الضقِل
بابكر مخير :: كــاتب نشــط::	التوقيع:

19-01-2008, 08:11 AM	#[531]
فيصل سعد :: كــاتب نشــط::	وجب السؤال عن اخونا محمد ابو عاقلة مسجل غياب و ان شاء الله يكون طيب. كذلك الجنس اللطيف عموم زايغ و لابد؟؟ الحاصل شنو ؟؟ المعلم شبارقة رجاء مراجعة المصطلحات التي لم تشرح معانيها و دورها تاني.. انا متذكر بابكر مخير سألك عن الماندولا؟ فحقو تسكو يجي يشرحها!!
فيصل سعد :: كــاتب نشــط::	التوقيع: اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة

20-01-2008, 06:21 AM	#[538]
فتحي مسعد حنفي :: كــاتب نشــط::	[QUOTE=Babiker Mukhayer;87288]ود ميرغني الحبيب ما شاء الله عليك المندولا وغرب السودان والغبش وأهلي،،، بالغتا وتجي تقول ليا: المندلين. يا أخي إحنا العود ما لينا فيهو وحتى الربابة والطنبور جونا مع (الجلابة) شكرا يابابكر علي استعمالك لكلمة جلابة هنا لانها بتثبت كلامي القلت فيهو انو الجلابة لا يقصد بها جالبي الرقيق فقط كما يصر البعض علي ربطها بتجارة الرقيق
فتحي مسعد حنفي :: كــاتب نشــط::	التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..