المُخنثين ملو البلد

[imported_فتحي مسعد حنفي]

المشاركة الأصلية كتبت بواسطة الرباطابي

ود عمي تاخ ،،،،،،،، ناصر يوسف ........

الزول داير يدي راي مخالف وحلقوم معكوس بالباكورت لكن خايف يخش تصنيف الفيفا

خاصة في وجود عم فتحي البتاوق للبوست وراجي شماتة .........

ياناصر في ذكرك للأسباب اغفلت العامل البيولوجي وهو - لعمرك - عام مهم

وحتى العوامل الاجتماعية ليست بالجدار الصلب الذي نحملهم هم مسئولية بنائه .....

الفترة التي قضيتها في جدة وكما ذكر خالي رأفت (وكية في جدو حنفي ) اصابتني بشئ من القرف ربما لأني كنت انظر لهم من منظوري القروي الذكوري الذي يرى الرجل أسدا هصورا ، يشخط وينطر فكيف يكون لينا؟!!

وكانت ايضا مشكلة انهم يجدون في بعضهم متنفسا جنسيا نظرا لغياب الجكس يعني مازي قوم لوط ماخدين الحكاية مزاج ....

بعد مارجعت البلد شفت النوع التاني ، النوع اللي أنا بشوفوا يااما ضحية يااما اخد خيارو ..

هؤلاء قوم مثلنا ياناصر لكنهم اتخذوا خيارا ....

كانت لي معهم ونسات وقهوات وغنا ........

أيام في العباسية وابروف ....

الجاك بلانس الحدادين

الكبجاب ......

وجاييك بكوم حكاوي بس اللذة

خارج النص :آثرت أن تكون عودتي في بوستك أنت ،
حق لي أن اطأطئ وحق لك أن تذر التراب على رأسي
لك العتبى حتى أستغيث ....

هسة باللاي يامهند ياهو دا الجابك..أنا بصراحة ابتديت أفتكر انو المرا المعرسا دي ياها من الجنس التالت عفيت منها ...طبلتك بي طبلة مصدية وحرمتك المرقة والغريبة طبلت معاك الهدندوي ود همد المرمد..أها في مرا أرجل من كدا وتقول لي جنس تالت..أمال دا شنو ولا الجنس دا الا يكون في الجنس
ما عيب ياراجل أجي وأقعد 48 يوم في الخرطوم قربت آخد فييهم الجنسية السودانية سي جديد وما أقابلك.لا والغريبة قعدت أفتش فيك وسألت منك الحلبي سيد ماركاتو قال لي الزول دا أظنو مرتو مانعاهو يجي عندنا.بالله شوف فضيحتك وصلت لي وين
غايتو فاضل شنو ونحسبك من جماعة ناصر ديل..وكمان خايفني أشمت فيك..شماتة شنو تاني وانت أوراقك كلها انكشفت لا خليت جاك بالانس ولا كبجاب وما فضل ليك الا ممدوح وكيجاب..ديل أسأل منهم العجايز بوروك منو..
غايتو بعد دا الا أجيب ليك شيخ الرباطاب شوقي بدري يتفاهم معاك يمكن يهديك

حاشية:
انت ياخوي ما عارف الفرق بين اللزة واللذة

[imported_مهند الخطيب]

أنا بصراحة ابتديت أفتكر انو المرا المعرسا دي ياها من الجنس التالت عفيت منها ...طبلتك بي طبلة مصدية وحرمتك المرقة والغريبة طبلت معاك الهدندوي ود همد المرمد..أها في مرا أرجل من كدا وتقول لي جنس تالت..

الكلام الفوق ده انا مافهمتو أو أحسن أكون مافهمتو ، أو حأعتبر انو اتكتب بعد الساعة اتناشر ، أو بعد الكاس التالت يا عم فتحي .......

وذلك الى حين ....

[imported_فتحي مسعد حنفي]

المشاركة الأصلية كتبت بواسطة الرباطابي

الكلام الفوق ده انا مافهمتو أو أحسن أكون مافهمتو ، أو حأعتبر انو اتكتب بعد الساعة اتناشر ، أو بعد الكاس التالت يا عم فتحي .......

وذلك الى حين ....

خلاص أشرحو ليك وأكسب فيك الأجر :كلامي معناهو مرتك بي مية راجل بعيدا عن الجانب الجنسي العرفت تقعدك في البيت وحتي صاحبك اختفي..أما حكاية الجنس التالت فدي جات من مجريات البوست يعني حاجة كدا تتناسب مع البوست عشان ما يقولو طلعنا من الموضوع..
بعدين ياخ انت عارفني تايب لا كاس ولا دوري الا ياها حبة السمسمية البتذوقا لما تكون متوفرة بس أنا اعتمدت علي ذكاءك وقرايتك للبين السطور الأظن القفلة أثرت فيهم وبقي تفكيرك مونو بعد ما كان ستيريو..أوعي تقول دي كمان ما فاهما ولا تقوم برضو تفهما غلط..وتقول لي أحسن أكون ما فاهما

[imported_Hassan Farah]

الشاعرد. محمد بادي ( السنجك ) شاعر كبير معروف وموضوع هذه القصيدة واقعة حصلت للشاعر ابان دراسته في جامعة الخرطوم عندما سخر من منظره الريفي أحد الحناكيش .فقال له :ـ
هوى يا وليد يا دلوعة يا مرنوعة
أعدل إيدك المفدوعة
واتلحلح واقيف دغرى وواس صدرك
مع صدرى واتشدّع
ليك الحق
شان ولدوك فوق اسفنج
و أول جديد سوهو ليك بالبنج
وهسع هوايتك إنك تلعب البنق بونق
وليك الحق عشان فطموك بعد مازدتا فوق سنتين
وفى سن عشرة نومك كان على الليدين
غطاك بالشاش وفرشك بحرير الصين
والبتدورو كلو بتلقى غاب قوسين
ابوك مليان وجيبو سمين وقلبو سمين
وفاتحلك حساب فى البنك والتأمين

وليك الحق
عشان ما خضتا فى وحل المطر والطين
ومن الترعة ما سويت شراب الهين
وما قيلتا فى ضل دومة بى فرعين
وما شاققتا عرق النيل مع الوزين
وليك الحق
عشان ادمنتا عيشة اللين
مشي الاسفلت ما جربتو بالكرعين
ركوب اللورى فى شمساً تصر العين
وما عانيت وقوف الصف وراء التموين
عشان يا انتى ما بتدرى سجل ابواتك البدرى
دحين اسمع .. أقيف واسمع
سماك الباكى مجدو الزال
يا ما كانوا تحتوا رجال
ابوخنجر وابوشوتال
والصقر البجيك خوجال
صوتن كان يمين جلجال
ومكسيين كمال وجلال
لكن الزمن اسرع
سيفن بلحس الفقره
وما كان برضو بالحقرة
وكانوا بضبحوا الشقره
وكانوا بضوقو العادوه نوم الكوع
وكانوا بموتوا فى شان حرمة المفزوع

الجعلى اب شرابا حار وقالوا بعدى يومو خنق
والشايقى البياكل النار وفوقو نحاسو متخنق
ودرفون البجا الصقار حاقب سيفوا ياكل الشق
والغرباوى عينو شرار وكضب القال عندو عرق
والنيلى البعرفوا كتار على كتل الأسود جرّق
والبطحانى والشكرى وغيرهم من أهل فخرى
ومنهم أصلى لا بشبع ولا بقنع

هوي يا وليد

[imported_Hassan Farah]

((هوى يا وليد يا دلوعة يا مرنوعة
أعدل إيدك المفدوعة))---
هى هكذا كما قال الشاعر--- وينو شوقى بدرى-- علشان يخت النقط فوق الحروف--هانت الزلابيا

[ناصر يوسف]

المشاركة الأصلية كتبت بواسطة الرباطابي

ود عمي تاخ ،،،،،،،، ناصر يوسف ........

ياناصر في ذكرك للأسباب اغفلت العامل البيولوجي وهو - لعمرك - عام مهم

وحتى العوامل الاجتماعية ليست بالجدار الصلب الذي نحملهم هم مسئولية بنائه .....



خارج النص :آثرت أن تكون عودتي في بوستك أنت ،
حق لي أن اطأطئ وحق لك أن تذر التراب على رأسي
لك العتبى حتى أستغيث ....

[align=right]العزيز مهند تحيةً واحتراماً [/align]
[align=right]أنا لم أغفل العامل البايولوجي متقصداً ذلك .. بيد أنني قد أفسحتُ المجال لأقلامكم لكي تدلف إلي براحات التحليل لهذه الظاهرة القبيحةِ في نظري


وأمّا عن طأطأةِ الرأسُ فلا ...

أو فإنني أرفضُ الطأطأةِ

والتأتأةِ

والثأثأة

واللَهلَهةِ عند العرب

بيد أنّ لي في الحريق فُسحةً من الزمن .. لم تنتهي تلكم العَشَرَةُ بعدُ ومصطفي سعيد قد جاء سعيداً وقد بزر في جوفِ الحبيبةِ بعضُ التمني

إذن فلربما نلتقي قريباً بين ردهاتِ الزمن القمئ جداً تحايا لود سلفاب وأُمُه الحبيبة[/align]

[imported_خالد الحاج]

إزيك يا ناصر
طبعا أنا وخالك عزيز عندنا محن مع الجماعة ال "نص كم" هنا ..
ولما تجي يا صاحب نوريك (الخناثة) الماها خمج

عندنا بوست مشترك أنا وشوقي بدري في س.أونلاين قبل سبعة سنوات .. وحياتك قامت مظاهرة عديل وقالوا أنا والكاشف أخوي شوقي (فاسقين)

[align=center][flash=http://www.youtube.com/v/Y7m-j6PaTlg&hl=nl_NL&autoplay=1]WIDTH=550 HEIGHT=450[/flash][/align]

[ناصر يوسف]

[align=right]الأستاذ حسن فرح

تحية واحترام


لكن عجبتني مرنوعه دي بالحيييييييييييل[/align]

[ناصر يوسف]

المشاركة الأصلية كتبت بواسطة خالد الحاج

إزيك يا ناصر
طبعا أنا وخالك عزيز عندنا محن مع الجماعة ال "نص كم" هنا ..
ولما تجي يا صاحب نوريك (الخناثة) الماها خمج عندنا بوست مشترك أنا وشوقي بدري في س.أونلاين قبل سبعة سنوات .. وحياتك قامت مظاهرة عديل وقالوا أنا والكاشف أخوي شوقي (فاسقين)

[align=center][flash=http://www.youtube.com/v/Y7m-j6PaTlg&hl=nl_NL&autoplay=1]WIDTH=550 HEIGHT=450[/flash][/align]

[align=right]إلا نوريك دي يا بن عمي

وأنا حماقتي أحمق وأعمق من حقتك ديك

بقوم أعوق ليكم واحداً فيهم وتجيني الشرطة الهولندية ومحكمة الجنايات الدولية بتاعة ناس أوكامبو ديلك ..





تحايا شحمانات [/align]