الـــــدحــــش ...بتعرفو ؟؟؟

imported_سمراء · 28-07-2010, 10:16 AM

تخريمة :
وحاة الله ياجماعه البوست ده كاتباهو ساااااى بث !مافى زول يوديهو جاى ولا جاى

اى بس ببداء بالتخريمة عشان ماتقومو تخرمو بى ساى ...
نخًش فى الموضوع الاساسى :

الدحش او (وليد الحمار) ده انا بريدو النصيحه ليك يا الله ...وموش كدة وبس بريد حتى البريدو

لانو بصراحه الدحش ياخوانا من اكتر الحيوانات (الصغيرة) براءة وجمال وعندو صفات جميلة ...
من صفات الدحش التمبوشة ده انو بسمع كلام امو فى كل الاحوال ..ومابسمع كلام ابوهو

بس ياجماعه فى ناس عندهم راى مخالف : ذى اخونا عبد اللطيف ده ، وده على فكرة قريبك ياعكود ...من ناس القرير ....بس زول ظريف

اقتباس:

الدحش هو اغبى من الحمار نفسه ، لانه الحمار بي كثرة التكرار يتعلم لدرجة ممكن تخت فوقه التمساحية وتديه سوط تمشي وراه بي ساعة تلقاه راجيك قدام الباب مشرف إضنيه .
اما الدحش حياته كلها يبرطع ، الخيط في الإبري ما يسويه ، مره قدام امه ومرة وراها ، و المشكلة ممكن يعطلك من مشوار مهم اذا زاغ في زريبي ولا لقاله دحوش يلعب معاهم ، تكوركلو ترجع تاني صاد ما في طريقة ليك ، والمشلكة الكبيرة لما يكبر ويبقى للتدريب ، عشان يريح امه شوية من مشاوير الدنيا الكتيري ، الحمار زمان زي الأتوس اسع في البلد ، الطاحونة والقش والبكيات وشيل الجرج والقلايب.
الوالدة الله يطراها بالخير زمان ترسلني ، اقولها ما ماشي اسع انا جيت من المشوار الفلاني ، تقولي الحمارة لم تلد جناها بيريحها !! ، كنت راقد واستعديت للنوم وفجاة إضني كشكشن يا ود محيريق ، تذكرت زميل لي في الصباء ، يوم الصباح جاء المدرسة ووشه كله مليان شوك حواجبه ، اضنيه وجضومه ،سالته آزول مالك ؟ قال لي البارح كنت بدرب في دحيشتنا!!

imported_سمراء · 28-07-2010, 10:52 AM

الدحش : داير ارحل من بلدنا افوتا امشي وماني راجع
داير اسيب احلام اهلنا الفي السواقي الماهو نافع
وفضلي انتي انكان رضيتي اكيد ابوي ماعندو مانع

الأم:انت عقلك ماكويس ولا جنك جاك راجع
ولايبقي عشان كبرت وماك داير تبقي طايع

الدحش: ياني الدحيش الكان مناكم لاقصير لاني ضالع
وماتقولي انا يمة سايبك شان احوم في السوق اطالع
ولا امشي هناك اغامر واكل اوساخ المصانع

الأم: انت ياك ولدي الصغير ولسة في قانوني تابع
وحتي لو سافرت نفرض تلقي الاف الموانع

الدحيش : ماتخافي علي يمة انا اصلي مخلوق للمواجع
وكان وصلت انا عدلي كارو هناك اجريبا واسارع
وكان لقيت الكارو يمة اماني فيها انا ماني بارع
واوعي تنسي انا برضي سامع بالصعيد مليان مزارع
نشفت ريقي الشقاوة و كتمت نفسي القطايع
يامكتف في البراود وياكمان سايقني شافع
وديمة اهاجر للطواحين البعيدة وديمة في النوريق اصارع
وياما كم قشا متمسح بالقيوف خاميهو طالع
امشي اوديهو واقيل جمبو جايع
يمة هوووي انا تب تعبت يمة سيبيني الاوادع

الأم: انت روق ياولدي فكر وفي قرارك ماتسارع

الدحش : ماخلاس العندي قلتو مابعيدو ومابراجع
واوعي باكر باكر انتي تقولي ليهم ولدي صايع
ولدك انت دحش مفتح وماهو تربات الشوارع
لاحصل في كوشة حمتة ولافي يوم قبضوني ضايع
لاحصل ودوني مربط لاتحت كان عندي دافع
بس خلاص انا بكرة راحل وللبلد تب ماني راجع
منقول من ناس القرير الحلوين

imported_الهداب · 28-07-2010, 10:57 AM

اقتباس:

المشاركة الأصلية كتبت بواسطة سمراء

الدحش او (وليد الحمار) ده انا بريدو النصيحه ليك يا الله ...

قبلك وحدك ... والليلك هيلك ...!
فد مرة قومي أنتيميهو كمان ...!

imported_أشتر · 28-07-2010, 11:02 AM

اقتباس:

المشاركة الأصلية كتبت بواسطة سمراء

الدحش :

الدحيش : ماتخافي علي يمة انا اصلي مخلوق للمواجع
وكان وصلت انا عدلي كارو هناك اجريبا واسارع
وكان لقيت الكارو يمة اماني فيها انا ماني بارع
واوعي تنسي انا برضي سامع بالصعيد مليان مزارع
نشفت ريقي الشقاوة و كتمت نفسي القطايع
يامكتف في البراود وياكمان سايقني شافع
وديمة اهاجر للطواحين البعيدة وديمة في النوريق اصارع
وياما كم قشا متمسح بالقيوف خاميهو طالع
امشي اوديهو واقيل جمبو جايع
يمة هوووي انا تب تعبت يمة سيبيني الاوادع

خلاص كملت ؟؟؟؟
قبّلتو على الدحش ؟؟؟
شغل جميل والله ...
بس
البراود معناها شنو ؟؟؟

imported_hamza · 28-07-2010, 11:14 AM

اقتباس:

المشاركة الأصلية كتبت بواسطة أشتر

خلاص كملت ؟؟؟؟
قبّلتو على الدحش ؟؟؟
شغل جميل والله ...
بس
البراود معناها شنو ؟؟؟

البراود جمع بربندي .. والبربندي هو الوتد يا اشتر ...

والله أعلم ..

imported_hamza · 28-07-2010, 11:20 AM

عارفة يا سمراء انا بحب عيون الحمار جدا ...

فلو نظرنا للحمار بنظرة خارجة عن النمطية لوجدنا ان عيونه تتسم بكل النسب التي قيلت عن جمال العيون ....

فعيون الحمار ناصعة البياض ... وواسعة ...

ياخي الحمار دا جميل .... وجمالو انو بيخدم الناس من غير كلل ولا ملل ...

اما الدحيش دا كلامو براهو ...

شغب شديد وملامح مرحة وبريئة ...

imported_عثمان · 28-07-2010, 11:23 AM

سمراء والدحش

إنتي عارفة يا سمراء أول إجازة لي
رجعت السودان واحد صحبي قال لي
أها السعودية كيف قولتا ليهو والله ما سمحه
قال ليه قولتا ليهو ياخي مما مشيت لا شفت لي
فيها كلب يهوهو ولا غنماية ماشية ياخي حمار ما شفت فيها
بالله ما تميت كلامي جاء بتاع اللبن بحماره صحبي قال لي يا عثمان
يهو ده حمار أمشي بوسه

سمراء يا جننيتر سلامات

imported_سمراء · 28-07-2010, 11:38 AM

اقتباس:

المشاركة الأصلية كتبت بواسطة الهداب

قبلك وحدك ... والليلك هيلك ...!
فد مرة قومي أنتيميهو كمان ...!

مالو والله حايكون احسن انتيم !!
اقلاها الزول يأنتم ليهو حاجه بحبها

imported_سمراء · 28-07-2010, 11:40 AM

اقتباس:

المشاركة الأصلية كتبت بواسطة أشتر

خلاص كملت ؟؟؟؟
قبّلتو على الدحش ؟؟؟
شغل جميل والله ...
بس
البراود معناها شنو ؟؟؟

والله الدحوش ديل يا اشتر بريدهم لله فى لله

النعمنهم اتجاه واااااحد لابعرفو يصرو ...لا يضرو

اها اسع الكلمة دى ياها الوقفة ليك بس ؟؟
كان توديها للبرادو ...ماله مالافقة
السائق البرادو القلبى رادو

....وجع

imported_سمراء · 28-07-2010, 11:43 AM

اقتباس:

المشاركة الأصلية كتبت بواسطة hamza

عارفة يا سمراء انا بحب عيون الحمار جدا ...

فعيون الحمار ناصعة البياض ... وواسعة ...

دى عيون ولا برندة مركز صحى

هسع ياحمزة لو قالو ليك عيونك ذى عيون الحمار يعنى مابتزعل ؟

والله انت زول زواااااق ....وزواغ
التنتين

imported_خالد الصائغ · 28-07-2010, 11:45 AM

ده كلام حقيقي يا سمرا

الشفع ديل حاجة رايعة و عالم جميل في كل الحيوانات

و في حيوانات كدة عندها شفع أروع من شفعنا زاتم

أنا شخصيا كانو بعجبوني الحملان و السخلان

لأنهم أكثر إلفة و حميمية من الدحوش

ياخ السخلة دي كائن جميل بشكل ما متخيل

و ما بتتخيلي مقدار الحزن و الإكتئاب الكانو بصيبو الواحد لمن يضبحو سخلة و لا عتود في البيت

كنتا طوالي بعمل إضراب عن الطعام

imported_سمراء · 28-07-2010, 11:46 AM

اقتباس:

المشاركة الأصلية كتبت بواسطة عثمان

سمراء والدحش

يهو ده حمار أمشي بوسه

سمراء يا جننيتر سلامات

[/size]

اها انشاءالله بعد البوسة ماعضاك

ياعثمان والله عالم الحمير ده عالم بصراحه ماساهل ...
ليه الناس دائما بتضهد الحمير والدحوش !!

اى نعم الدحش بمشى من غير تفكير ...ويداغش ساى بث
بس برضو ياخ بتراد

صورتى دى لقيته وين عليك الله

imported_أسامة معاوية الطيب · 28-07-2010, 11:48 AM

اقتباس:

المشاركة الأصلية كتبت بواسطة hamza

البراود جمع بربندي .. والبربندي هو الوتد يا اشتر ...

والله أعلم ..

اجابة خاطئة

البراود جمع برود ( بفتح الراء وكسر الواو ) والحقيقة أول مرة أسمع الجمع دا (براود )وهي القطعة من الأرض بعد نهاية موسم الزراعة تظل تنمو فيها حشائش طفيلية ... لحين إعادة استصلاحا ... ويبربطو فيها الدحوش عشان ياكلن ليهن سطر سطرين
والبربندي دا برضو بيقولو ليهو البروندي
ما عندي فكرة عن أصل الكلمات لكن المرجح انها نوبية

imported_سمراء · 28-07-2010, 11:51 AM

اقتباس:

المشاركة الأصلية كتبت بواسطة خالد الصائغ

ده كلام حقيقي يا سمرا

الشفع ديل حاجة رايعة و عالم جميل في كل الحيوانات

و في حيوانات كدة عندها شفع أروع من شفعنا زاتم

أنا شخصيا كانو بعجبوني الحملان و السخلان

لأنهم أكثر إلفة و حميمية من الدحوش

ياخ السخلة دي كائن جميل بشكل ما متخيل

و ما بتتخيلي مقدار الحزن و الإكتئاب الكانو بصيبو الواحد لمن يضبحو سخلة و لا عتود في البيت

كنتا طوالي بعمل إضراب عن الطعام

والله ياخالد انا طبعا بحب الحيوانات الصغيرة بصورة مبااالغ فيها !!
بدرجة اصلا مامكن تتخيلة
واى زول بقوم يزعجهم او يضربهم كنت بكرهو رسمى ...
وبالمناسبةاول يوم ادخل قسم بوليس كان بسبب كديسة صغيرة

لقيت شفع فى الحلة بضربوها
شلتها منهم وقمته ضربتهم ، اها اهلهم طواااالى ماكضبو فتحو فينى بلاغ

بالله الضابط قرب يكسرهم لمن عرف السبب كديسة !!

انا على فكرة لمن كنت صغيرة كان عندى 8 مابين سخيل وعتود

ومابخلى زول يقرب ليهم ولا يضبحهم
وكانو لمن يكونو ناويين عليهم
برسلونى ولا يخلونى نائمه ويرتكبو جريمتهم النكراء

imported_خالد الصائغ · 28-07-2010, 11:52 AM

اقتباس:

المشاركة الأصلية كتبت بواسطة أشتر

خلاص كملت ؟؟؟؟
قبّلتو على الدحش ؟؟؟
شغل جميل والله ...
بس
البراود معناها شنو ؟؟؟

البراود يا أشتر جمع برود ... بفتح الباء و تسكين الراء و فتح الواو

و البرود يطلق علي الأرض مكان الحواشة بعد حصاد المحصول

حيث يتم إستغلال الحشائش و القش الموجودين في أرض الحواشة بعد الحصاد كغذاء للحيوانات

28-07-2010, 10:52 AM	#[2]
imported_سمراء :: كــاتب نشــط::	الدحش : داير ارحل من بلدنا افوتا امشي وماني راجع داير اسيب احلام اهلنا الفي السواقي الماهو نافع وفضلي انتي انكان رضيتي اكيد ابوي ماعندو مانع الأم:انت عقلك ماكويس ولا جنك جاك راجع ولايبقي عشان كبرت وماك داير تبقي طايع الدحش: ياني الدحيش الكان مناكم لاقصير لاني ضالع وماتقولي انا يمة سايبك شان احوم في السوق اطالع ولا امشي هناك اغامر واكل اوساخ المصانع الأم: انت ياك ولدي الصغير ولسة في قانوني تابع وحتي لو سافرت نفرض تلقي الاف الموانع الدحيش : ماتخافي علي يمة انا اصلي مخلوق للمواجع وكان وصلت انا عدلي كارو هناك اجريبا واسارع وكان لقيت الكارو يمة اماني فيها انا ماني بارع واوعي تنسي انا برضي سامع بالصعيد مليان مزارع نشفت ريقي الشقاوة و كتمت نفسي القطايع يامكتف في البراود وياكمان سايقني شافع وديمة اهاجر للطواحين البعيدة وديمة في النوريق اصارع وياما كم قشا متمسح بالقيوف خاميهو طالع امشي اوديهو واقيل جمبو جايع يمة هوووي انا تب تعبت يمة سيبيني الاوادع الأم: انت روق ياولدي فكر وفي قرارك ماتسارع الدحش : ماخلاس العندي قلتو مابعيدو ومابراجع واوعي باكر باكر انتي تقولي ليهم ولدي صايع ولدك انت دحش مفتح وماهو تربات الشوارع لاحصل في كوشة حمتة ولافي يوم قبضوني ضايع لاحصل ودوني مربط لاتحت كان عندي دافع بس خلاص انا بكرة راحل وللبلد تب ماني راجع منقول من ناس القرير الحلوين
imported_سمراء :: كــاتب نشــط::	التوقيع: [SIGPIC]غيرنا التوقيع عشان النور قال طويل اها كدة كيف ؟ [/SIGPIC]

28-07-2010, 11:20 AM	#[6]
imported_hamza :: كــاتب نشــط::	عارفة يا سمراء انا بحب عيون الحمار جدا ... فلو نظرنا للحمار بنظرة خارجة عن النمطية لوجدنا ان عيونه تتسم بكل النسب التي قيلت عن جمال العيون .... فعيون الحمار ناصعة البياض ... وواسعة ... ياخي الحمار دا جميل .... وجمالو انو بيخدم الناس من غير كلل ولا ملل ... اما الدحيش دا كلامو براهو ... شغب شديد وملامح مرحة وبريئة ...
imported_hamza :: كــاتب نشــط::	التوقيع: مازال الوقت سانحا لابتكار ألوان لاتقبل الاندماج ، لها خاصية الامتصاص بقوّة.....(سلمي زيادة)

28-07-2010, 11:23 AM	#[7]
imported_عثمان :: كــاتب نشــط::	سمراء والدحش إنتي عارفة يا سمراء أول إجازة لي رجعت السودان واحد صحبي قال لي أها السعودية كيف قولتا ليهو والله ما سمحه قال ليه قولتا ليهو ياخي مما مشيت لا شفت لي فيها كلب يهوهو ولا غنماية ماشية ياخي حمار ما شفت فيها بالله ما تميت كلامي جاء بتاع اللبن بحماره صحبي قال لي يا عثمان يهو ده حمار أمشي بوسه سمراء يا جننيتر سلامات
imported_عثمان :: كــاتب نشــط::

28-07-2010, 11:45 AM	#[11]
imported_خالد الصائغ :: كــاتب نشــط::	ده كلام حقيقي يا سمرا الشفع ديل حاجة رايعة و عالم جميل في كل الحيوانات و في حيوانات كدة عندها شفع أروع من شفعنا زاتم أنا شخصيا كانو بعجبوني الحملان و السخلان لأنهم أكثر إلفة و حميمية من الدحوش ياخ السخلة دي كائن جميل بشكل ما متخيل و ما بتتخيلي مقدار الحزن و الإكتئاب الكانو بصيبو الواحد لمن يضبحو سخلة و لا عتود في البيت كنتا طوالي بعمل إضراب عن الطعام
imported_خالد الصائغ :: كــاتب نشــط::	التوقيع: هنا أصل ما بيني و بيني و ما بيني و الآخر http://khalidal-saeq.blogspot.com/