خريجو جامعة أسيوط لمزيد من التواصل

[كيشو]

المشاركة الأصلية كتبت بواسطة الجيلي عبد الله الريح

حقيقة تلك الشقة التي ضمت عصام كيشو..عبد المنعم ابراهيم الضو..طارق شبو..رمزي عثمان سعيد..خالد التجاني.. والمدعو قمر..كانت من اغرب الشقق الاسيوطية..لانها ضمت مجموعة متنافرة متجانسة في آن واحد...قد تتوقع الغريب والجديد والجميل في آن واحد...قد تضحك وتزعل منهم وتطق من الزعل ولا يهمهم...ممكن تبدأ قصة او موضوع وتجد رمزي يتم ليك الموضوع ببساطه ويقدم ليك الحلول والاقتراحات..والافتراضات...اما طارق شبو فقد يسلم عليك دون ان ينطق بكلمة واحدة ويقعد يحمر فيك....فجأة يجيك قمر ناطي ...ياساتر...وعبد المنعم يكتب ويخط في جريدة الاسرة والشقة معا...واخونا كيشو قد تجده وسط هذه المعمعه يقنع في عبد الرحمن خليفة..او حسن الشيخ...او ابو قرون..بضرورة الالتفاف حول قوى الشعب العاملة وتضييق الفرصة على الانتهازية والاهتمام بالمظهر العام...العاقل الوحيد اظنه خالد التجاني....التحية لكل من كان يوما يعرف عم فوزي والنميس..وشركة قلته....وفريال...وابوتيج...

يا دكتور الجيلي
خالد عاقل هذه صفة اكتسبها وسنحافظ ليه عليها، ولكن أتمنى ليك معاه شوية حِجة وغلاط عشان تآمن

[الجيلي عبد الله الريح]

المشاركة الأصلية كتبت بواسطة ابوريم

الزول
ازيك ..............بسرعة كدة
قصدك شارع الجمهورية مش الهلالي

اعتقد مافي داعي ياابوريم تخش في غلاط مع الزول في اسماء الشوارع والمحلات والحارات حسه لو سألوك وقالوا ليك وين شادر السمك في اسيوط بتعرفه وين ...? بعدين الزول ده رجل بتاع توثيق وكل شئ عنده ليه الاثبات المادي...انت لما جيت اسيوط لقيت اسمه شارع الجمهورية..ولا تعرف اسم الهلالي....قرض على كده وماتخلي الزول يزعل منك...نحن ما صدقنا لمينا فيه...

[كيشو]

المشاركة الأصلية كتبت بواسطة الجيلي عبد الله الريح

حقيقة تلك الشقة التي ضمت عصام كيشو..عبد المنعم ابراهيم الضو..طارق شبو..رمزي عثمان سعيد..خالد التجاني.. والمدعو قمر..كانت من اغرب الشقق الاسيوطية..لانها ضمت مجموعة متنافرة متجانسة في آن واحد...قد تتوقع الغريب والجديد والجميل في آن واحد...قد تضحك وتزعل منهم وتطق من الزعل ولا يهمهم...ممكن تبدأ قصة او موضوع وتجد رمزي يتم ليك الموضوع ببساطه ويقدم ليك الحلول والاقتراحات..والافتراضات...اما طارق شبو فقد يسلم عليك دون ان ينطق بكلمة واحدة ويقعد يحمر فيك....فجأة يجيك قمر ناطي ...ياساتر...وعبد المنعم يكتب ويخط في جريدة الاسرة والشقة معا...واخونا كيشو قد تجده وسط هذه المعمعه يقنع في عبد الرحمن خليفة..او حسن الشيخ...او ابو قرون..بضرورة الالتفاف حول قوى الشعب العاملة وتضييق الفرصة على الانتهازية والاهتمام بالمظهر العام...العاقل الوحيد اظنه خالد التجاني....التحية لكل من كان يوما يعرف عم فوزي والنميس..وشركة قلته....وفريال...وابوتيج...

شكرا يا الجيلي رفعت من قدراتي، لكين يا جماعة خلو ا بالكم معاي وختو الفرسان التلاتة الملونين ديل وعاينو ليهم كويس وجاوبوني علي سؤالي دا:
ديل يقنعوهم بي وين؟
ثم يا جيلي:
لو ما رايك في خالد التجاني كنت قربت تاخد النمرة الكاملة، انت كنت ساكن معانا ونحنا ما جايبين خبر؟

[د/ كمتور]

المشاركة الأصلية كتبت بواسطة عبدالله عبداللطيف

أخونا شبارقه والكوكبه الجميله
السلام عليكم ورحمة الله وبركاته
أها لتحديث الذاكره
الخلف د. خالد ابراهيم وبجواره د. جعفر الفكي أو الفلكي كما كان يحلو لنا أن نناديه
أمامهم من اليسار شخصنا الضعيف والنايم د. عامر حسن د. منتصر ( أكيد كان بيشتم الزول البيصور ) ثم الأخ عمر مرزوق ( تجاره ) وتحت ( نص رأس ) أخونا طارق عبدالعال (تجاره )
وعشان نحرك الذاكره أكثر ( قبل ما تروح خالص ) هاك الصورة دي

ونظرا للتخلف التقني لدينا تقوموا تكبروا الصوره بطريقتكم ( سريع المره دي يا مكي قبل ما زول يسبقك ) وبالمناسبة يا مكي حاولت الإتصال بك ولكن تلفونك زي ما قال أخونا الجعول ( ما بدي أي أقوال ).
د.منتصر انشاء الله تكون لقيت الرساله ياخوي أنا ما قادر أعرف فارق التوقيت عشان الزول يعرف الوقت المناسب للإتصال ( نوع آخر من التخلف ).
سلام للكل

تحياتي الحارة للجميع وأخص الأديب الرائع ع العزيز ساكن ومزيداً من الإبداع 0
ويقني أن لديك الكثير الجميل فيما كان محوره أسيوط يا ريت تتحفنا به ولو أسبوعياً0

أشكر بستم على هذا التوضيح الذي ينم عن ذاكرة حديدية لا تتضاهى فلك التحية0

سؤال بري ( جاد ) للدكتور الجيلي يا ريت تعطينا معلومتين أو أكثر عن د/ خالد إبراهيم البارز في الصورة كما اسماه بستم ، اشئ في نفس يعقوب0

[محمدعابدين]

ياناس هووووووووووووووووووى
ابحث عن كباشششى........
ما غريبة .. عارفوو طوييييييييييييييييييييييل
لكن اتا كمان قصييييييييييييييييير
ارجو الاتصال ( 0122210631)
و abuosman [email protected]

عمناالجيلي ازيك
بدون تحيز للزول دي تاني دقسة يقع فيها معاي
ما مسألة غلاط ولكن شارع الهلالي البنعرفو وكل الناس هنا بيعرفوه هو الذي يبدأمن مزلقان محطة القطارفندق ريم علي يمينك وبدر علي شمالك وينتهي عند شارع النيل
اما شادر السمك فهو في القصيرية-امتداد شارع 26يوليوالذي يبدا من النفق الكبير ويتجه غربا مش كدة؟

[الجيلي عبد الله الريح]

سؤال بري ( جاد ) للدكتور الجيلي يا ريت تعطينا معلومتين أو أكثر عن د/ خالد إبراهيم البارز في الصورة كما اسماه بستم ، اشئ في نفس يعقوب0[/color][/QUOTE]
بالحيل يا د.كمتور بديك المعلومة عن خالد ود ابراهيم ودحاج علي الجعلي/ الخرطوم/ومن المتمة امان...كان دفعتنا...خانته كانت لاعب وسط...وعنده كدارة سوداء....قصرت معاك...?? وكان السكرتير الرياضي للاسرة....مرة كان عندهم امتحانات... وفرش المصلاية عشان يصلي العصر..وفعلا صلى العصر.......جهرا....???

[الجيلي عبد الله الريح]

المشاركة الأصلية كتبت بواسطة ابوريم

عمناالجيلي ازيك
بدون تحيز للزول دي تاني دقسة يقع فيها معاي
ما مسألة غلاط ولكن شارع الهلالي البنعرفو وكل الناس هنا بيعرفوه هو الذي يبدأمن مزلقان محطة القطارفندق ريم علي يمينك وبدر علي شمالك وينتهي عند شارع النيل
اما شادر السمك فهو في القصيرية-امتداد شارع 26يوليوالذي يبدا من النفق الكبير ويتجه غربا مش كدة؟

ماشاء الله عليك يا ابوريم طالما عرفت شادر السمك والقصيرية والمجاهدين ودرنكة.... ماعندك عوجه تب...ابشر... الزول ده لقى ليه زول تاني ختير...?انت خليك لابد كده وانا بدردق ليك الزول لغايه ما نجيبه ...في الخط...ابحث معي عن( كيم او كلكول).. وابو شيبه..وكباشي...

[الجيلي عبد الله الريح]

ياجماعه انتو في اجازة نص السنة ولا في دور سبتمبر.....وين الحلوين يا أخوانا....وين السمحين يا اهلنا......مافي حته رساله واحده....ياالرحتو طولتو....اوع تطول الميعاد....بالله ياطير قبل ماتشرب تمر على بيت صغير....اصحى يا بريش.....وينك يا الزول انجدنا...

[الجيلي عبد الله الريح]

ورق العنب صباحي....ورق العنب صباحي...ورق العنب صبآآآآآحييييي.. روبابيكيا....

[مزمل فزع]

د.الجيلى ،د.كمتور
متعكم الله بالعافيه
اضافة معلومات عن الاخ/خالد ابراهيم حاج على ، هو حفيد آخر نظار عموم الجعليين فى منطقة شندى والمتمة ، عَمِل بالكويت قبل أن تموت وقبل أن تبعث بعد تخرجه من أسيوط ، وبعد اجتياح العراق للكويت عاد الى السودان ومنها الى بريطانيا فى مطلع التسعينات ، حيث استقر فيها الى مابعد عام 2002 ، التقيت به فى آخر عام1994 فى لندن ، وقتها كان قد بدأ العمل شريكاً مع أحد اللبنانيين فى صيدلية الملك التى تقع فى شارع ادجوارد الشهير بالوجود العربى ، وكانت صيدليته قريبة من محل اقامتى فى تلك الفترة مما أتاحت لنا التواصل مرة أخرى، وأعتقد انه كان غير سعيد مع شريكه فى الصيدلية على حسب قوله، بعدها فتح صيدلية ومركز طبى فى منطقة كوينز وى فى وسط لندن، وقرر بعدها الرجوع الى السودان لفتح مجموعة من الصيدليات فى أنحاء العاصمة المختلفة وأعتقد انه توفق فى هذا المشروع الذى خطط له، وربنا يوفقه ويوفق الجميع أن شاء الله، متزوج من كريمة اللواء معاش/منير حمد وكان السكرتير الاول للرئيس السابق جعفر نميرى أبان فترة مايو، تعرضت زوجته وأحد أبنائه الى حادث حركة مروع فى أطراف لندن العام الماضى وتوفيت قريبته التى كانت تقود السياره عليها الرحمه وتعرضت زوجته وابنه لبعض الاصابات وتماثلا للشفاء الحمد لله.

[د/ كمتور]

[QUOTE=[/QUOTE]

تحياتي وأشواقي لك عزيزي د/ الجيلي
وهكذا العهد بك0
سؤال ثاني هل لك أن تفصل لنا أسماء من في هذه الصورة من الجمعية الطبية الصيدلية ، حيث لم أعرف سوى منتصر0

اين أنتم يا هؤلاء - كفاية غياب0

[د/ كمتور]

المشاركة الأصلية كتبت بواسطة الزوول

...............
من أجل أبنائي
...............



...............

عزيزي د/ الجيلي

هذه هي الصورة التي أعنيها والتي لم يتبين لي غير د/ منتصر حسن0

[د/ كمتور]

شكراً شكراً عزيزي ود فزع على هذه المعلومات عن د/ خالد إبراهيم0
ولعل سؤالي أين يقيم د/ خالد إبراهيم ؟

فهل لا زال مقيماً في المملكة المتحدة أم السودان0

[كيشو]

المشاركة الأصلية كتبت بواسطة مزمل فزع

د.الجيلى ،د.كمتور
متعكم الله بالعافيه
اضافة معلومات عن الاخ/خالد ابراهيم حاج على ، هو حفيد آخر نظار عموم الجعليين فى منطقة شندى والمتمة ، عَمِل بالكويت قبل أن تموت وقبل أن تبعث بعد تخرجه من أسيوط ، وبعد اجتياح العراق للكويت عاد الى السودان ومنها الى بريطانيا فى مطلع التسعينات ، حيث استقر فيها الى مابعد عام 2002 ، التقيت به فى آخر عام1994 فى لندن ، وقتها كان قد بدأ العمل شريكاً مع أحد اللبنانيين فى صيدلية الملك التى تقع فى شارع ادجوارد الشهير بالوجود العربى ، وكانت صيدليته قريبة من محل اقامتى فى تلك الفترة مما أتاحت لنا التواصل مرة أخرى، وأعتقد انه كان غير سعيد مع شريكه فى الصيدلية على حسب قوله، بعدها فتح صيدلية ومركز طبى فى منطقة كوينز وى فى وسط لندن، وقرر بعدها الرجوع الى السودان لفتح مجموعة من الصيدليات فى أنحاء العاصمة المختلفة وأعتقد انه توفق فى هذا المشروع الذى خطط له، وربنا يوفقه ويوفق الجميع أن شاء الله، متزوج من كريمة اللواء معاش/منير حمد وكان السكرتير الاول للرئيس السابق جعفر نميرى أبان فترة مايو، تعرضت زوجته وأحد أبنائه الى حادث حركة مروع فى أطراف لندن العام الماضى وتوفيت قريبته التى كانت تقود السياره عليها الرحمه وتعرضت زوجته وابنه لبعض الاصابات وتماثلا للشفاء الحمد لله.

هو عمل إيه؟
يا مزمل الزول دا كان عندو عجلة خضراء؟