ود مدني

[imported_طارق الحسن محمد]

اقتباس:
المشاركة الأصلية كتبت بواسطة جيجي
غايتوا مدني دي كلها ماطلعت منها بشيء غير النيافة


الانبا جيجى
كيفك

[imported_عباس الشريف]

اقتباس:
المشاركة الأصلية كتبت بواسطة جيجي
عايك الله ياعباس ماتتعب روحك ساي


جيجي انا كان ما ضعيف امام البلوم كنت احتو معاك حت كمان دخل معاك طارق بعد ده نخلي البوست لي صاحبو بابكر غتس وين اليومين دي لا هو لا اشتر؟؟؟؟؟؟؟؟؟؟

[imported_أشتر]

المشاركة الأصلية كتبت بواسطة عباس الشريف

اقتباس:
المشاركة الأصلية كتبت بواسطة أشتر
دي المرة التالتة تجيب سيرة النيافة ...
يعني شنو النيافة يا ركس ؟؟؟
وشكرن ...


اشتر يا حنكوش البتشبه كاتب البوست كده اديتني فيك فرصة:
النيافه جاية من كلمة نيفه ومعني النيفه في المصطلحات الشعبيه وليس اللغه العربيه هي البقايا من الصوف والعظام وحوافر الارجل للحيوانات بمعني ان يقال لك (( امشي يا نيفه)) تعني يا بقايا حيوانات..... وهذه البقايا من ضلافين وصوف تتواجد بكثره في مصنع الكوارع والذي يطلق عليه النيافه والتي اشتقت منها كلمة نيفه ويقال لها في الحضر عندكم الكوارع ويتكون المصنع من ازيار جمع زير مصنوع من الفخار يستخدم غالبا في تبريد وحفظ المياه وهنا يستعمل في صناعة الكوارع بعد ان يتم دفنه في الارض وتكون النار التي يتم طبخ الكوارع بها تتكون من العظام ومخلفات الحيوان التي تزال قبل الطبخ ...... هذا هو معني النيافه يا شتوري

ايواااااا .. النيييفة ...
غايتو انا بعرف راس النيفة بس .. وشكلو قريب من راسك كدا هعهعههعهعهع
غلطان انا السألتك !!!
عملتها لينا كلها لغاويس .. وهردبيس ...
بس حتة زير يستعمل في صناعة الكوارع دي جديدة علي ...
هي بصنعوها يا اللخو !!!!!!
لوووول من هنا لى عندك هعهعهعهعه

[الرشيد اسماعيل محمود]

اقتباس:
المشاركة الأصلية كتبت بواسطة عباس الشريف

اشتر يا حنكوش البتشبه كاتب البوست

ياعباس الجملة دي ما واقعة لي من ناحية بلاغية..
كان احسن تقول:
أشتر ياكاتب البوست..
عشان يكون التشبيه بليغ..
هسع جملتك الفوق دي كل اركان التشبيه موجودة فيها.
التوقيع:
رشيد مركب مكنة رويعي.

[imported_عباس الشريف]

اقتباس:
المشاركة الأصلية كتبت بواسطة أشتر
ايواااااا .. النيييفة ...
غايتو انا بعرف راس النيفة بس .. وشكلو قريب من راسك كدا هعهعههعهعهع
غلطان انا السألتك !!!
عملتها لينا كلها لغاويس .. وهردبيس ...
بس حتة زير يستعمل في صناعة الكوارع دي جديدة علي ...
هي بصنعوها يا اللخو !!!!!!
لوووول من هنا لى عندك هعهعهعهعه


حبيبنا اشتر لذيذ زي الباسطه يا اللخو الرسين انواع حدد هههههههههههههههاي
بصنعوها بي لغة الحناكيش ونيفوها بلغة الشمس ونجضوها بلغة البلوم...تعرف يا اشتر اول ما ظهرت الكوارع الطريقة المثلي لي نجاضا الزير المدفون في الارض قول لي ليه الكرعين غالبية التكوين من العظام والعصب تحتاج لنار كثيرة لو الناس تابعت الفحم من الصعوبة تنجض لذا يتم استعمال الزير لامكانية احتفاظه بالحراره وهذه خاصية الفخار وتستعمل العظام والحجارة كوقود للنار وذلك من الناحية الاقتصادية ومن ناحية علمية العظام والحجارة تحتفظ بالنار لاطول فترة ممكنة .... نار وقودها الناس والحجارة .... ربنا اكفيك شرها يا اشتر

[imported_عباس الشريف]

اقتباس:
المشاركة الأصلية كتبت بواسطة الرشيد اسماعيل محمود
ياعباس الجملة دي ما واقعة لي من ناحية بلاغية..
كان احسن تقول:
أشتر ياكاتب البوست..
عشان يكون التشبيه بليغ..
هسع جملتك الفوق دي كل اركان التشبيه موجودة فيها.
التوقيع:

رشيد مركب مكنة رويعي.

حبيبنا الرشيد ارجع لي عنوان البوست الاساسي الكاتبو منوا ولا انت عايز تشبكني مع بابكر حسي اجي ادرع فيني
مكنتك عينة يا فردة.........

[بابكر عباس]

اقتباس:

المشاركة الأصلية كتبت بواسطة الرشيد اسماعيل محمود
ياعباس الجملة دي ما واقعة لي من ناحية بلاغية..

القراية في حد ذاتا جزء من كماليات النصوص وتجليها..
بلا قراءة جيدة يظل النص مجرد حروف ميتة..
القراءات هي ما يُحيي موات النَص..

[imported_عباس الشريف]

اقتباس:
المشاركة الأصلية كتبت بواسطة بابكر عباس
اقتباس:
القراية في حد ذاتا جزء من كماليات النصوص وتجليها..
بلا قراءة جيدة يظل النص مجرد حروف ميتة..

القراءات هي ما يُحيي موات النَص
..شايف يا الرشيد قول واحد بدل انشبك في جيجي واشتر وطارق اهو جاني متلب محمد جانا مال تغشانا

[بابكر عباس]

اقتباس:

المشاركة الأصلية كتبت بواسطة عباس الشريف
شايف يا الرشيد قول واحد بدل انشبك في جيجي واشتر وطارق اهو جاني متلب محمد جانا مال تغشانا

عباس انت البوست دا حقك،
تفضل يا خفيف الظل
و رش من غير تعاين زول..

بس المثقفين ديل خليهم لي..
غايتو يا جانيت:
الله يعينك على ملاح الورق..

[imported_عباس الشريف]

اقتباس:
المشاركة الأصلية كتبت بواسطة بابكر عباس
اقتباس:
عباس انت البوست دا حقك،
تفضل يا خفيف الظل
و رش من غير تعاين زول..

بس المثقفين ديل خليهم لي..
غايتو يا جانيت:
الله يعينك على ملاح الورق..




البيت محروس وستوا تكوس!!!!!!!!! الكان مقعدني حرستوا ليك يلا شوف حكاية النيفه دي.......
كان خلصته ومشيت تاخذ ليك زوقه ما بحلك مني غير تقفلوا بي طبلة تاني بتلقاني داخل ليك

[الرشيد اسماعيل محمود]

اقتباس:
المشاركة الأصلية كتبت بواسطة بابكر عباس
اقتباس:
القراية في حد ذاتا جزء من كماليات النصوص وتجليها..
بلا قراءة جيدة يظل النص مجرد حروف ميتة..
القراءات هي ما يُحيي موات النَص..

والشكر موصول للمدعو (حمَاد)

[اشرف السر]

This is beautiful Forum, beautiful Sudanyat

[imported_عصام محمد الحسن]

بوست شحمااااان وغنياااان
أرجو أن يستمر السرد الممتع
عن مدني الجمال والتاريخ

[imported_عصام محمد الحسن]

المشاركة الأصلية كتبت بواسطة رأفت ميلاد

لما البوح يفتح يا أسامة الكضب حرام .. ولّ عندك رقابة على الكبيوتر .. يعنى فى مشوارك ده ما جبت سيرة الليثى

فى زمنا داك تاج السر الملك بكون حايم بى سرواله لسة .. زقاقاته ياتا دى ؟ .. نحن كنا جيل الرفض .. يعنى زقاقاته كانت غميثة أكتر من حى الصقور وتوتو ماتا

بمناسبة أولاد المصارين البيض .. لما جيت بركات كنت فى الثانوى .. كنا قبلها بنجى من ود الشافعى بالقطر ونركب بص الطلبة من بركات .. أول يوم جيت بركات كان من المدرسة .. زميلنا يوسف العراقى قادنى بيتنا .. ووعدنى يضمنى لى فريق الفدائيين .. إتضح إنه فريق حى العمال .. وبين أولاد الموظفين وأولاد العمال معارك طاحنة .. وأولاد الموظفين عندهم فريق إسمه الجوهرة .. المعارك من العمال قائدا إسمه الرشيد طمبل ومن الموظفين عادل أمين عبدالله (سمساعة لاحقاً) وده أشرس من ده .. بدت المعارك فينى .. سبتهم الإتنين ومشيت نادى العمال .. كان حدث وكسر للقاعدة وعمل زوبعة من الطرفين .. شوية شوية بدوا يتسللوا وصلاح أمين عبدالله بقى حارس المرمى الأول وعادل ومصطفى ومحجوب طمبل كانوا أشهر اللعيبة .. وأنتهت دوامة موظفين وعمال ..
فى واحد من أولاد الدرجة زميلنا فى سودانيز أون لاين مابعرفه .. إداخل معاى وقال لى (كان أنت رأفت ميلاد البلبس كم طويل وبخت القميص بى بره وسفته دقار .. أول مرة أشوف شرامى من أولاد الموظفين)

نحن يا الكاشف تربة داخليات وأولاد خلا ساكت .. سمعت بى جعفر (جيفارا) .. قبال نجى مدنى كان إسمه (شكينيبة) أها ده دفعتنا .. ويحلو الكلام

كان بابكر عباس أدانى وش بحكى ليك بلاوى مدنى .. من موسى الثعلب لى فاطنة شهاوى مروراً بود الفتلى .. المصيبة يا أسامة بسكت لامن الكلام يكون كبار كبار شعراء وفنانين .. بحب أحكى عن الأبواب الخلفية وصغار الناس فى مراكزم والكبار فى كرامتم .. وأحداث يتم تجاوزا للتجميل ما بقدر أفطها فهى معالم حقيقية .. حتى نار حاج سعيد الداير أى واحد من الأولاد يطفيها

شن قولكم .. نجر ولا نوم على الستة

تحياتي للعزيز رأفت ميلاد

نحن يا الكاشف تربة داخليات وأولاد خلا ساكت .. سمعت بى جعفر (جيفارا) .. قبال نجى مدنى كان إسمه (شكينيبة)

جعفر ابراهيم سيداحمد (جيفارا) ده شخصية مباااالغة ... شاعر من طراز فريد من النوع البتلقاهو يكتب ويعفص الورق ويرميهو جنبو لحدي ما يبقي تل ... وعندو أغاني كتيرة أغلبا غناها أخوهو الاكبر رحمة الله عليه السر ابراهيم.
شكينيبة ده لقب اخوهو الاكبر منو أحمد. طبعا جيفارا إشتغل في الجمارك ووصل لحدي رتبة عقيد ونزلوهو الصالح العام وشغلو في الجمارك مليان بالقصص والحكاوي والطرائف وهو زول مصادم جدا جدا ونزيه لي حد العباطة .. في فترة كان مسئول من جمارك حنتوب .. التجار رسلو لي اهلو قالو ليهم الزول ده بنقتلو ليكم... ده طبعا بعد ما اعيتهم الحيلة معاهو.
غايتو الكلام عن جيفارا وقصصو ما بتنتهي ... لو عاينتا ليهو هسي بتلقي سنونو القدام مكسرة ... كسروها ليهو ناس الامن بتاع نميري .. لانو كان مصادم ولديح.

[اشرف السر]

مدني

يكفي أنها مدني..
ثقافة.. وادب ورياضة.. وتماسك نسيج اجتماعي
ووعي سياسي قل أن تجده في هذا الزمن..

التحية لمدني وحواريها وكل من سكن فيها..