خريجو جامعة أسيوط لمزيد من التواصل

[كيشو]

المشاركة الأصلية كتبت بواسطة عمر الأمين الأزرق

السلام عليكم جميعاً
أنا أطلب تمديد المهلة لأسباب فنية تتعلق بإرسال الصور

يا زول معاك لي يوم القيامة
انت ذاتك مشغول
أول شي وطنوا لينا القمح
واعملوا السدود في كل مكان حتى الجيران

[محمد ود الطيب]

الاسايطة صباح الخير
يبدو ان الموقع الجديد شتت الجهود قليلا ارجو ان الا يكون حقيقة
لكن ارجو الاتفاق حتي تتوحد الجهود
مع تحياتي للجميع

[الجيلي عبد الله الريح]

سلاآآآآم عليكم يا ناس ...اجمل ايام اسيوط هي تلك الايام التي تلي قدوم الاخوة من السودان بعد الاجازة الصيفية فيكون الجميع في قمة النشاط الاجتماعي والثقافي والرياضي والصقل....?وتكون الشقق في قمة النشاط ...الفلس لسه ماحصل..? ويكون الشباب في انتظار قدوم البرالمة والبرلومات...ثم حفلات استقبال البرالمة...الانتخابات.. اركان النقاش ...الاسبوع الثقافي..الاسر..المنافسات الرياضية..وهكذا الى ان تأتي امتحانات نصف العام ويعود الجميع الى القراية ام دق...? تذكرت ذلك بعد الاختفاء الكامل لبعض الاخوة من المنتدى...?والاختفاء شبه الكامل للبعض الآخر...حتى اخونا ميكي الذي يدفع دائما هذا المنتدى الى اول القائمة..اين انتم...? حتى سياسة التهديد مانفعت..مع ناس كيمو..والزول....

[الجيلي عبد الله الريح]

الاخ زهير الحاج المبارك واجهة طيبة جدا لكل الاخوة السودانيين وبالاخص خريجي اسيوط.. في مدينة جده وهو شعلة من النشاط لكل ضيوفه واحبائه... ويشكر على هذا المجهود الكبير في افتتاح البيت الثاني للاسايطه ونتمنى ان تعمر بيوت اسيوط وادعو كل الاخوة الغائبين والحاضرين ... تكتروا من زياراتكم...

[الجيلي عبد الله الريح]

المشاركة الأصلية كتبت بواسطة سيداحمد ابوشعر

صورة اليوم وبمنتهى الشفافية ومن غير رتوش ولا أصباغ .... والتعليق لكم !!!

سيد احمد ابو شعر...لك الف تحية...الجماعه يسخروا من الشيب ..واخرون خائفين منه...جايييكم جايييكم...وين حتمشو منو..بالله يا ابو السيد ناخد لينا شوية شيبات ونرجعك لي وراء شوية... شقة عبده جعيص ..عبد الخالق ثروت..ناس طارق عوض الكريم وقصة المصري الذي سرق الشقة ومسجل طارق وشريط عثمان اليمني..بالله احكيها لينا..

[الجيلي عبد الله الريح]

المشاركة الأصلية كتبت بواسطة عمر الأمين الأزرق

أنا الحمد لله عرفته وبعد جهدٍ جهيد - نشوف بتوع الإنعاش ديل يختبروا لينا أنفسهم

المشاركة الأصلية كتبت بواسطة مكي محمد الحسن

الاخ عمر الازرق ..بطل حركات بقيت عامل زي ناظر المدرسة ..يا اخوي الكبر فعلاً حصل الله يديم شباب الروح..
منتظرينك بي صورة شيخي ( كشكش ) ووعد الحر دين عليه..
http://sudaniyat.net/up/uploading/DSC00303.JPG

يا جماعة مالكم...?? عمر ده ماحسه قمه الشباب.. ماشاء الله...يعني الكرفته ديه ماعاجباكم ولا شنو...بالله ياعمر مكي يتطاول عليك ويقول ليك ناظر مدرسه.. وتسكت عليه..انا ما كنت عارف انك ناظر مدرسه والنظر ضعف.. وعندك عكاز في البيت...?

[محمد ود الطيب]

شكرا جيلاني مشاركتك دبت فينا النشاط وذكرتنا بأول أيام الدراسة . قد تكون بعيد الكورة او الدافوري لكني حريص علي تزويد منتصر ببعض اخبار المريخ ذلك الرائع الأحمر المتوهج



بداية العمل في الطابق الأول للرد كاستيل كما نحب ان نسميه في السودان




وهذا أجمل صورة رياضية معبرة لكابتن العجب قبل احرازه للهدف الافريقي القاري في الكونفدرالية الاخيرة



وهذه للاديب الرائع بركة

[محمد ود الطيب]

ود بركة لك الثانية وأنت صاحب ذلك القلم الرائع
أنا أقول فيها
ما بنسي ليلة كنا تايهين في سمر 00000 انا وانت والليل والقمر

فماذا انت قايل

[مكي محمد الحسن]

السلام عليكم يا صعايده
الاخ عمر الامين عثمان الازرق

السلام عليكم جميعاً
أنا أطلب تمديد المهلة لأسباب فنية تتعلق بإرسال الصور

بناءً علي طلبك ...قررنا مد المهلة التي انقضي اجلها حتي نتيح لك فرصة سبق خبري صوري اسيوطي.. بس ما يرقد ليك شيخي ( كشكش ) بالكلام المعسول ..
وبالمناسبة يا كيشو ماشاء الله ربنا يحفظ ابنائك ..لكن ما حا نقول ليك يخلق من الشبه ولا سبحان الله هذا الشبل من ذاك الاسد ..لانه ببساطة وجاهتوا دي ما من عندك !

د.الجيلي عبد الله الريح

المشاركة الأصلية كتبت بواسطة الجيلي عبد الله الريح

يا جماعة مالكم...?? عمر ده ماحسه قمه الشباب.. ماشاء الله...يعني الكرفته ديه ماعاجباكم ولا شنو...بالله ياعمر مكي يتطاول عليك ويقول ليك ناظر مدرسه.. وتسكت عليه..انا ما كنت عارف انك ناظر مدرسه والنظر ضعف.. وعندك عكاز في البيت...?

سلامات والله ليك وحشة ما تغيب وكثر من طلاتك ..ولكن شايفك شايتني ضفاري ..داير تعمل مديدة بيني وبين حبيبي ود الازرق ولا شنو؟؟ من تعليقك السابق الفوق ده..

تصحيح للدكتور الجيلي فيما جاء

الاخ زهير الحاج المبارك واجهة طيبة جدا لكل الاخوة السودانيين وبالاخص خريجي اسيوط.. في مدينة جده وهو شعلة من النشاط لكل ضيوفه واحبائه... ويشكر على هذا المجهود الكبير في افتتاح البيت الثاني للاسايطه ونتمنى ان تعمر بيوت اسيوط وادعو كل الاخوة الغائبين والحاضرين ... تكتروا من زياراتكم...

الاخ د.زهير الحاج مقيم بالمنطقة الشرقية في السعودية وليس بمدينة جده

الاخ ود الطيب
تحياتنا .. قبيل كنت بتكلم مع الاخ معاويه جاويش وقال سوف يلتقي بك قريباً في دبي وهو كما تعلم ولمعلومية الاخوة والاخوات الصعايدة مقيم بمدينة العين ...
علي فكرة حكاية المريخ والبطيخ والمحمولة جواً دي بنرد عليها بجعلكم دائماً وصيفاً لبطل الدوري ..

كما قال د.الجيلي ومحمد الطيب يا أخوانا انتوا وين صاحب البوست د.كمال محجوب وباقي الاخوة ..الحاج حمد الحاج..عادل جعفر ( ارباب ) منير العوض ..عبد العزيز بركة .. فزع .. موسي جديد ( وما فقدنا القعدات الجميلة يا موسي لانكم قاعدين معانا هنا ده بس ما تغيبوا) .. اسامه ابوشيبة ..د.منتصر.. اسامة مامون الامين ( ابوريم ) .. سيدأحمد ابوشعر ..كباشي الحاج ..د.الزوول ..عصام كيشو ..عاصم شبارقة..
وين الملايين وين الاسيوطيين ...وين وين...

[شبارقة]

المشاركة الأصلية كتبت بواسطة مكي محمد الحسن

يا أخوانا انتوا وين صاحب البوست د.كمال محجوب وباقي الاخوة ..الحاج حمد الحاج..عادل جعفر ( ارباب ) منير العوض ..عبد العزيز بركة .. فزع .. موسي جديد ( وما فقدنا القعدات الجميلة يا موسي لانكم قاعدين معانا هنا ده بس ما تغيبوا) .. اسامه ابوشيبة ..د.منتصر.. اسامة مامون الامين ( ابوريم ) .. سيدأحمد ابوشعر ..كباشي الحاج ..د.الزوول ..عصام كيشو ..عاصم شبارقة..
وين الملايين وين الاسيوطيين ...وين وين...

[align=justify]أنا غايتو قاعد يومياً معاكم ... لكن زي ما عارفين عشان نتداخل معاكم عايزين لينا ذاكرة لانو الذاكرة عندنا بقت بتقوم دفرة ... والدفرة بتاعتنا هي الصور ... فنزلوا لينا الصور لغاية من نجيب ليكم صورنا من السودان ...وأدونا فندقكم ندق ونديكم وكان ما أديتونا كاروشة تأكلكم [/align]

[كيشو]

المشاركة الأصلية كتبت بواسطة شبارقة

[align=justify]أنا غايتو قاعد يومياً معاكم ... لكن زي ما عارفين عشان نتداخل معاكم عايزين لينا ذاكرة لانو الذاكرة عندنا بقت بتقوم دفرة ... والدفرة بتاعتنا هي الصور ... فنزلوا لينا الصور لغاية من نجيب ليكم صورنا من السودان ...وأدونا فندقكم ندق ونديكم وكان ما أديتونا كاروشة تأكلكم [/align]

ما تكتب عن كاروشة أسيوط
نحنا موجودين وضد الرحيل
كمال شايفو بيدخل ولكن بعيد من الصفحة دي، ويا جماعة الصفحة دي ما بتاعت كمال
ما تنزل صور الأولاد يا عاصم

[شبارقة]

المشاركة الأصلية كتبت بواسطة كيشو

ما تكتب عن كاروشة أسيوط
نحنا موجودين وضد الرحيل
كمال شايفو بيدخل ولكن بعيد من الصفحة دي، ويا جماعة الصفحة دي ما بتاعت كمال
ما تنزل صور الأولاد يا عاصم

[align=justify]والله ذكرتني كاروشة أسيوط وبالذات لمن كنا بر المة ..هي الكاروشة بتصيب البرالمة ليه؟

وأنا أبو بنيات ولو دخلت على بوست أطفال سودانيات حتلاقيهن محكرات بهناك ..ويا ريت تنزل صورة محمود بهناك لزوم التعارف بين الأطفال وكده .... وتقبل تحيات ربيع الشيخ الذي هاتفته بالأمس [/align]

[د/ كمتور]

المشاركة الأصلية كتبت بواسطة محمد ود الطيب

شكرا جيلاني مشاركتك دبت فينا النشاط وذكرتنا بأول أيام الدراسة . قد تكون بعيد الكورة او الدافوري لكني حريص علي تزويد منتصر ببعض اخبار المريخ ذلك الرائع الأحمر المتوهج



بداية العمل في الطابق الأول للرد كاستيل كما نحب ان نسميه في السودان




وهذا أجمل صورة رياضية معبرة لكابتن العجب قبل احرازه للهدف الافريقي القاري في الكونفدرالية الاخيرة



وهذه للاديب الرائع بركة

مبروك لشعب المريخ0
رغم عشقنا للأزرق الوهاج - إلا أنه سرنا جداً أن يبدأ مجلس إدارة المريخ في طابقه الأول0
وهذا إن دل إنما يدل على وعي إدارة المريخ بقيادة الوالي وهي تولي اهتمامها بمنشئات المريخ وها هي تصل مرحلة الطابق الثاني للأستاد0
ولا شك أن كل ذلك يصب في صالح الكرة السودانية وتطورها0
ولعل هذا ما تفتقده إدارة الهلال وهي ما فتئت تفتعل المشاكل والخلافات مع الاتحاد العام0
فهنيئاً لك أخي محمد الطيب ولشعب المريخ وحقاً لكم أن تتباهوا بذلك0
وبهذه المناسبة نقول لصلاح إدريس رئيس مجلس إدارة الهلال ( نظرة للمنشئات)

[د/ كمتور]

المشاركة الأصلية كتبت بواسطة كيشو

ما تكتب عن كاروشة أسيوط
نحنا موجودين وضد الرحيل
كمال شايفو بيدخل ولكن بعيد من الصفحة دي، ويا جماعة الصفحة دي ما بتاعت كمال
ما تنزل صور الأولاد يا عاصم

تسليماتي وأشواقي لك مولانا كيشو0
إن ما ذكرته عن د/ كمال محجوب كلام ( خطير)0
نرجو مزيداً من التوضيح0

[محمد ود الطيب]

موضوع غياب الرباعي أصبح مقلق ياااااااااااااامكوك



لمن يحصل علي صورة لمولانا كيشو


اذا حصلت عليها اتصل بنا علي هذا الرقم