خريجو جامعة أسيوط لمزيد من التواصل

[الجيلي عبد الله الريح]

اخي عاصم شبارقة...وانت تتحفنا بالمفردات الدارجة السودانية التي هي من صميم بيئتنا وتراثنا الثر... اذكر اننا في القريات..ومعنا الاخ الطاهر التلب(شبارقة ايضا) واخونا د خالد واهله من البشاقرة ودائما ما يحتد النقاش ان شبرق وبشرق هم اولاد اعم وهم اصل الشبارقة والبشاقرة...افتينا ياعاصم بشاقرة... عفوا شبارقة....

[الجيلي عبد الله الريح]

ابو كساوي... ود سعد..حاج الماحي...البرعي... والكثير من الذين نظموا القصائد في مدح الرسول عليه الصلاة والسلام واصبح المديح جزء من التراث السوداني...حتى انه صار سبب في بعض الاحراجات عندما يصر حجاجنا ومعتمرونا السودانيين على ترديد المديح في الاراضي المقدسة فيسبب لهم بعض المضايقات هناك...كانت آلات المديح هي الطار في المقام الاول.. والصوت القوي الجميل...(مافيش ساوند سيستيم)... والآن اصبح ترديد المديح يصاحبه كل انواع التكنولوجيا الصوتية والمرئية....قد لا يقبل الناس ايام زمان المديح بالموسيقى ويستغرب الجميع ان المادح لابس بدله وكرفته...? رأيك شنو يا زوووول...

[كيشو]

المشاركة الأصلية كتبت بواسطة الجيلي عبد الله الريح

ابو كساوي... ود سعد..حاج الماحي...البرعي... والكثير من الذين نظموا القصائد في مدح الرسول عليه الصلاة والسلام واصبح المديح جزء من التراث السوداني...حتى انه صار سبب في بعض الاحراجات عندما يصر حجاجنا ومعتمرونا السودانيين على ترديد المديح في الاراضي المقدسة فيسبب لهم بعض المضايقات هناك...كانت آلات المديح هي الطار في المقام الاول.. والصوت القوي الجميل...(مافيش ساوند سيستيم)... والآن اصبح ترديد المديح يصاحبه كل انواع التكنولوجيا الصوتية والمرئية....قد لا يقبل الناس ايام زمان المديح بالموسيقى ويستغرب الجميع ان المادح لابس بدله وكرفته...? رأيك شنو يا زوووول...

قبال ما الزووول يقول رأيو:
هل رأيت المدايح الفيديوكليب؟ والله تشوف العجب العجاب، المداح بالجلابية والطار ولكنه يتقافز هنا وهناك ويجلس على السلالم وفي الحديقة وهاك يا مديح

[محمد ود الطيب]

د. كمتور حمد لله علي السلامة وان شاء الله العمرة مقبولة
د. الجيلي عودتك جاءت في مواعيده لانو اسمك كان يمشي لناس مراسي الشوق والله ود حلال
الزووول مشكور علي هذه المشاركات القوية وكذلك الغالي شبارقة
الايام دي طبعا مشغولين الامتحانات والتجهيز للسفر وغيرها
ود الجيلي موضوع المديح ده من غير طار وعمة وجلابية ما عرفو شنو وياحليل ود الماحي


جيلاني ذكر حار جدا في عزازة الشيخ التوم
العزاء وما العزاء الاسبوع الماضي صديق عمل حادث ذهبنا للبيت قريبو كان نايم جالو تلفون صحي ورد فورا قال مات وتعال شوف الحصل والرجل حي

[arbab]

الاعزاء سلام تانى جاءكم
فزع لك حسن العزاء
د. كمتور ربنا يتقبل من الجميع وبمناسبة كمال ونفير د الجيلى للبحث عنه غايتو انتو اشتغلو شغلكم وانا يادوب جاى من الدمازين ( تعلية الروصيرص) وقبائل القمز والامبررو - الهوسا و و .. وعندى عرق كارب يمرقو من بواطن الارض بس الموضوع يحتاج لحبة تمويل فكل الرجاء يادكتور ادى اولوية لنفرة التمويل قبل نفرة البحث.............
كيشو شبارقة ود الطيب وميكى .. انتو ماحاسين انو وقت مايظهر الجيلى يمبر الزوول... التقول مربوط فى ختراته .. لكن الحكاية فيها انه...... وبمناسبة البلابل نحن يادكتور الجيلى لازلنا نحفظ لعمار عباس (رجل المورده الخلوق) وسط الزهور متصور يرددها فى لحظة صفاء ولخاصته
تحياتى لكم

[كيشو]

المشاركة الأصلية كتبت بواسطة arbab

الاعزاء سلام تانى جاءكم
كيشو شبارقة ود الطيب وميكى .. انتو ماحاسين انو وقت مايظهر الجيلى يمبر الزوول... التقول مربوط فى ختراته .. لكن الحكاية فيها انه...... تحياتى لكم

لازم تحرجونا ياجماعة، دي ما رسالة لندن

[الجيلي عبد الله الريح]

المشاركة الأصلية كتبت بواسطة arbab

الاعزاء سلام تانى جاءكم
فزع لك حسن العزاء
د. كمتور ربنا يتقبل من الجميع وبمناسبة كمال ونفير د الجيلى للبحث عنه غايتو انتو اشتغلو شغلكم وانا يادوب جاى من الدمازين ( تعلية الروصيرص) وقبائل القمز والامبررو - الهوسا و و .. وعندى عرق كارب يمرقو من بواطن الارض بس الموضوع يحتاج لحبة تمويل فكل الرجاء يادكتور ادى اولوية لنفرة التمويل قبل نفرة البحث.............
كيشو شبارقة ود الطيب وميكى .. انتو ماحاسين انو وقت مايظهر الجيلى يمبر الزوول... التقول مربوط فى ختراته .. لكن الحكاية فيها انه...... وبمناسبة البلابل نحن يادكتور الجيلى لازلنا نحفظ لعمار عباس (رجل المورده الخلوق) وسط الزهور متصور يرددها فى لحظة صفاء ولخاصته
تحياتى لكم

والله يا عادل جبت ليك حاجه عجيبه جدا من الدمازين....عرووووق ساكت...تعرف يا ود ارباب ناس الخزانات والسدود ديل بعملو حاجات عجيبه جدا... شغالين بس ..عالي... واطي.. اصلو ماعندكم حاجة في النص...زمان ايام حفر الترع والكباري في مشروع الجزيرة والمناقل كانت الناس تحكي عن الدبايب (والنصايب) التي صاحبت حفر الترع وأن سواقين (الكراكات) فيهم من اصبح اطرش من صوت الدبيب القطعتو الكراكة...?? ومن اصبح اعمى او مجنون نتيجة تهديم البيت الحارسو الدبيب (جان حارس ليه دهب)..? انا بقول الكلام ده لي كيمو الغائب وبعدين نحن ما مسعولين عن اي تصرف من ود الارباب بتاع الخزانات والسدود والنصايب ...بالله يا ود الارباب كمال ده ما عايز ليه جلد سحلية...شوف ليه كراع ام شبتو عشان نكتفو فيها...

[الجيلي عبد الله الريح]

المشاركة الأصلية كتبت بواسطة كيشو

لازم تحرجونا ياجماعة، دي ما رسالة لندن

مربوطة... وسيك سيك معلق فيك.... سمح التوب وما لاقاني اجمل منو...
حلو التوب ..
وسمح التوب...
وسيد التوب يكون كيفنو...

رساله لندن ديه من اجمل وافخر الثياب ومصنوع من اجود انواع القطن السوداني...?? وكان شئ اساسي في شيلة العريس...وعدد رسالات لندن في الشيلة هو معدل النمو الاقتصادي للعريس...واهتمامه بالعروس وكده.... رأيك شنو يا ود الطيب..نحن لينا مدة من الصالات والهجات....والشيلات... وعريسنا ساير يا ود القبايل للبندورا ليه...

[الزوول]

السلام عليكم
كدي يا الجيلي أ ديكم الخبر ده
وأرجع لك
خاصة أنني عثرت على وثائق قديمة مع أخونا العوض
تفضح بلا شك
أن نزعة الشعرالخنفشاري الذي تمارسه في هذا البوست
ليست طارئة
وانما هي متأصلة منذ القدم
وقريباً سيتم نشرها على الملأ
......................
الخبر
بلغني ايها الجمع السعيد
أن الأسيوطية
السندس
بنت
أخونا
الأسيوطي الصيدلي الأمدرماني ( الود أرو)
محمد بن عوض الله آل الطيب
قد أحرزت المركز الثالث بمجموع وقدره 277
التهاني لمحمد عوض الله الطيب ( السعودية)
ولكل الأسايطة
.........
لمن لم تسعفه ذاكرته
ها هو محمد عوض الله الطيب
أو بالأحرى
الذي كان

[كيشو]

مبروك يا دكتور، وعقبال دكتورة السندس بعد كم سنة
شكراً يا الزول، وما رديت لي بخصوص عوض

[الزوول]

المشاركة الأصلية كتبت بواسطة كيشو

شكراً يا الزول، وما رديت لي بخصوص عوض

السلام عليكم
ما نسيتك يا كيشو
كدي خلينا نخلص من سيرة محمد عوض الله وبرجع لك
..............
طبعاً ناس الكورة يذكروا تماماً
أن الجمعية الطبية الصيدلية كانت تملك فريقاً جيد الأفراد
ولكنه كفريق كان يعاني من عدة مشاكل خاصة أن أفراد الجمعية كانوا قليلي العدد ( مقارنة بتجارة وزراعة وتربية)
كما أن حراسة المرمي مشكلة دائمة
تناوب عليها عادل قريش ، الجيلي عبدالله الريح ومحمد عوض الله الطيب
محمد عوض الله الطيب كان أبعدهم عن هذا المجال
ولكنها الحوجة
من قصصه الكثيرة
إنه كان وهو حارساً لمرمى الجمعية
كثيراً ما ينسى نفسه
ويسرح حتى يصل أحيانا قريباً من دائرة السنتر
ثم عندما تنعكس الهجمة على الجمعية
ينتبه فيرجع سريعاً الى مرماه
فى احدى المباريات مع شيكان
وهو في (سرحته) المعتادة متقدماُ عن مرماه
اذا بعثمان طه يخطف الكرة ويعكس الهجمة سريعاً
ويتقهقر محمد عوض الله سريعاً بظهره الى مرماه
ويتخلص عثمان طه من المدافعين وينفرد بالمرمى
ويهدف كرة صاروخية باتجاه محمد عوض الله الذي لا يستطيع الإمساك بها
ولكن كانت المفاجأة
أن محمد عوض الله وفي تقهقره السريع هذا
ابتعد عن المرمي ووقف خارج الخشبات
وأظن أن عثمان طه لم ينتبه لهذا
فهدف باتجاه الحارس الذي كان يقف بالأوت
وترك المرمى الخالي
وبذا أنقذ محمد عوض الله الجمعية من هدف محقق

[د/ كمتور]

أعزائي الأسايطة - سلام

عاد د/ الزوول وأطل د/ الجيلي بطلعته البهية 0
وبعودتهما عادت الروح - باسلوبهما المموسق وكلامهما الشجي0

[كباشي]

المشاركة الأصلية كتبت بواسطة كيشو

الحبيب كباشي
لازم نموت عشان نشوفكم

كيشو والجميع تحياتي
وياخي لا والله ما كدا نحن في شوق لكم ونحن بينكم لكنها الظروف التي لم تسعفمنا بمناجاتكم الحبيبة لقلوبنا فمع ظروف العمل في البيت إبني معتز صدق انا هسع ما قادر اكتب أيده في الكييبورد اكتب ويمسح أو يطفي الجهاز ويجري ولا حول ولا قوة إلأ بالله

[الجيلي عبد الله الريح]

والله يا الزول ضحكتني ...لدرجة ناس البيت جو يشوفو الزول ده مالو...? تعرف محمد عوض الله سألناهو بعد المباراة...قال الشمس جهرتو كمان...وما شاف الكورة ..? مرة الميز كان عليه وأظنك عارف الحكاية ديه عندما اخرج البيضة من الثلاجة وعصرها على اساس انها ليمونه...ولم يكتف بذلك بل احتج كمان ..يا جماعه ليه تختوا البيض مع الليمون...

[الجيلي عبد الله الريح]

..............
طبعاً ناس الكورة يذكروا تماماً
أن الجمعية الطبية الصيدلية كانت تملك فريقاً جيد الأفراد
ولكنه كفريق كان يعاني من عدة مشاكل خاصة أن أفراد الجمعية كانوا قليلي العدد ( مقارنة بتجارة وزراعة وتربية)
كما أن حراسة المرمي مشكلة دائمة
تناوب عليها عادل قريش ، الجيلي عبدالله الريح ومحمد عوض الله الطيب
محمد عوض الله الطيب كان أبعدهم عن هذا المجال
ولكنها الحوجة

انت كان خانتك شنو في فريق الجمعية...?.. ورينا يا الزول...? في الهجوم ولا الدفاع...? ولا شغال تحكيم مع كرجويل...? النور عبد الله عثمان بيطرة في كورة عالية مشتركة مع كرجويل...يصطدم بالاخ كرجو في الجو...ويعود النور الى الارض وقد تغير شكله تماما..?الانف تحولت تماما الى الناحية اليسرى..? بسرعة الى المستشفى الجامعي: كسر بكل عظام الانف..جبيرة للانف.. غياب عن الكلية...سنه ياكرجويل..الهيد كده يا بلاش....