غايتو ضيعنا زمنا في القراية زمان.. هل الشهادة الجامعية معيار للنجاح؟!!

[imported_Nour]

الاخ الامين سلام من الله عليك, الارزاق ما عندها علاقة بالشهادات كثير من رجال الاعمال الناجحين في السودان وكثير من البلدان لم يكونوا متعلمين او حملة شهادات عليا لكن الله وسع في رزقهم وفتح لهم الابواب كل حسب مايطرقه سوي كان حلال او حرام فمثلا رفيق الحريري في بداية حياته عمل معلما في السعودية وقبل وفاته يعتبر من اثرياء العرب, نسال الله ان يغنينا بحلاله عن حرامه وبفضله عمن سواه.

[imported_Amin Bushari]

التحية والشكر لكل المرور وحتما ساعود لكم فرداً فرده
بس في حاجة عايز اقولها انا ما حاسد عباس
ما في ناس كتار عملوا قروش ودي ارزاق من الله سبحانه وتعالى
وانا مؤمن ان الزول ما بياكل اكتر من رزقو القسمو ليهو الله
طريق عباس دا ساهل انك تبقي زول ارزقي وكضاب وبس
انا زعلان ما اتشرشحته زمان لا في المدرسة ولا في الجامعة
اها دي مش حاجة تزعل عليكم الله

[imported_رأفت ميلاد]

المشاركة الأصلية كتبت بواسطة حافظ حسين
أمين يا سنير سلام .... يا خي دي مغسة بالجد أنا أحكي ليك حاجتين ممكن تضحك هي كوميديا سوداء .....

عندنا قريبنا في البلد دا أصلاً ما وصل الثانوي ذاته .... و من البلد الخرطوم دي يكون شافاها مرة مرتين ... يعني محلي للدين .... المهم خش البوليس و بقي بتاع حركة ( جندي).... الزول دا هسي عنده بيت زي بيت أي أعيان في المدينة, عنده حافلة , و عربية صغيرة , بعمل لمرته البتلد كل سنة سماية بتور ( أي هو ما مرطب شديد لكن بمقاييس البلد هو في التوب).... مرة أمي جات زعلانة زعل ... شكلها أمي داير تقشر بينا وسط النسوان أنو أولادها قروا جامعة الخرطوم و هسي فيهم واحد بعمل في الدكتوارة .... طوالي أم بتاع الحركة لقمت ليك الحاجة حجر قالت ليها: و الله قراية الزمن دا بقت ما نافعة....... قلت لأمي انتي البوديك تتبوبري شنو كلام المرة دي صح

صاحبنا في الجامعة عندهم برضو ود جيرانهم خلي القصة في الثانوي و بقي غنيااااااااان .... أها صحبي دا للتعتر ليه ربد , أبوه عامل ليهو نفسيات : ود فلان دا ما أصغر منك شايفه عمل ليه بوكسي و صلح بيتهم إنت تقعد تربد ؟
ود ناس فلان دا أصغر منك شايفه عرس في أمان الله و انت تربد؟
وقت زهج شديد قال ليهو يا أبوي صلاح إدريس ما أصغر منك

تعرف يا حافظ أنت ماشى تعوقنى .. مفاخرة الأمهات دى ذكرتنى نكتة بت كلب .. كان فى عباس .. عباس حقنا ما بتاع اللمين ده .. كان لزيتو ليك بيها هنا أخد بيها شهر لى عملية الزايدة

[imported_Amin Bushari]

المشاركة الأصلية كتبت بواسطة زول الله

في أغنية اظنها بتقوووول ... براااي سويتا في نفسي وشنو كدا ماعارف
اها انت مادام شفت بي عينك .. البخليك قاعد في الخلا دا شنو ؟؟
ناس ماعندها نظر ابداً وكت الدراسة تتابعوهم و وكت الكاش تزوغو منهم ؟؟
غايتو

زول الله يا فنان

كيفك يا حبيب
كلامك مظبوط برااااااي سويتا في نفسي
وما اتشــرشحته كويس زمان
اســـي منو البارى التاني عليك الله
اريتني كان باريتو ياااااخ

[imported_Amin Bushari]

المشاركة الأصلية كتبت بواسطة ابراهيم عبدالعزيز

اللمين ياخوي والله مغستك مبررة مافي شك
بس انا بتفق مع كلام ابوك حلة عباس دي
استثناء وصدقني مابني علي باطل فهوباطل
يعني هسي ماصعب انك تجيب ليك شهادة
جامعية مضروبة وكم تكبيرة وكم تهليلة
وتنضمة لي جوقة اللصوص ديل
بس بتكون بتاكل حرام وبتربي اولادك
بالحرام وصدق الصادق المصدوق
صلي الله عليه وسلم كل سحت النار
اولى به .
وبدعومعاك من كل قلبي الله
يطيرالسجم ديل عشان الامور
تستقيم

ابراهيم عبد العــزيز

ســـلام يا صاحب ومغسة تشق عديييييييييل
سمح النصبر لامن الحال المايل دا يستعدل
الله يقلعهم قلع عــزيز مقتدر الليلة قبال بكرة

[imported_Amin Bushari]

المشاركة الأصلية كتبت بواسطة رأفت ميلاد

سلامات تانى يا أمين
تعرف أسألتك دى واردة وموضوع نقاش .. لكن والله عباس كـ(مثال) ما شغالة .. عباس مولود فساد ما كفاءة ونجاح .. كتر خيرو على التلاتة سوات القراهم فى الهند .. فى ناس ملط حتى من الثانوية وركبوا الكامرى ..

نعم فيهم النجح بعرق جبينو .. لكن بتكلم على ناس عباس الأتسلقوا على فقر الآخرين ..

النجاح فى الحياة العملية غير مرتبط بالتفوق الدراسى .. ويمكن لخريجين دفعة واحدة .. أحدهم متفوق والثانى على الحركرك .. يتفوق عليه فى الحياة العملية .. قد تحدث كفاءة أو صدفة أو حظ ..

كنت أعمل مع أخونا (محمد الكردى) .. الله يطراهو بالخير .. وكان مثال لرجل الأعمال الناجح والفاضل .. يوم كنت معاهو فى سيارتو فى مشوار شغل .. فجأة هدأ السرعة وقال لى (أنظر لذلك الرجل) رأيت قبطى مكحكح ضارباهو شمس حارة بحاول يقطع الشارع .. أستطرد محمد الكردى .. (الدنيا دى غريبة خلاس .. القبطى ده كان أولنا فى المدرسة أربعة سنوات بدون منافس .. وأتخرج من الجامعة بتفوق .. شغال فى الحكومة مدفون فى الملفات وماشى بى كرعيه فى الهجير ده .. ونحن الكنا خطوة أتنين مستحيل راكبين عربات مكندشة)

الحظ بلعب دورو .. لكن الله ما يديك حظ عباس .. وضراعك أخضر

رأفت حبابك تاني
كلامك خفف علي كتير تصــدق..
البنجح بعرق جبينو دا حلالو ورزقو بس جنس حالة عباس دي البتجنن
نوع الفاقــد التربوي بتاع الثانوية دا برضو عندي
جاري لزم الحيطة بالحيطة برضــو
شغال وراكب عربية آخــر موديل وكل يوم عندو 5 جالون بنزين
كل سنة بحج وبعمّـــر مرتين وكلو بالنثريات التقيلة
ايام ازمة البنزين كنا بنشــحد منو جالون جالونين
الحكاية مسألة قناعات عباس اختار طريقو الما بتناسب معاي
ولا مع قناعاتي الشخصية وعشان كدا انا زعلان على عدم الشرشحة زمان
ما كان لازم اقضي وقت كتير في المذاكرة وما لازم اجي الاول برضو

الله في يا راقت وشاكر تواجــدك

[imported_Amin Bushari]

المشاركة الأصلية كتبت بواسطة همس الشوق

تعرف يا اللمين يا اخوي في كتير من الاحيان الدراسة ما هي الضامنه لك مستقبل مادي مريح .. لانه الارزاق بيد الله ممكن يكون ليك وضع اجتماعي جميل وتفاخر به انك من جامعة الخرطوم ومهندس وهلمجرا .. برستيج يعني


لكن الرزق سبحان الله الناس الداقشه دي بجري في ايدينها اكتر من ناس جامعة الخرطوم


قلته لي مرت صاحبك قالت ليكم يا ناس جامعة الخرطوم عملتوا شنو ؟؟؟؟

إنتهت منكم

همس الشـــوق

ســـلام ...
همس ربنا بقسم الارزاق بقــدر ونعم بالله
لكن لامن تشــوف زول أقل منك كفاءة وعلم ومتقدم عليك
دي هي الحــارة.. أنا لست نادم على الدراسة
ولكنني نادم اني ما اتشرشحته زمان
اســـكتي مرت صاحبي رباطابية فكتها فينا حااااااااااامضة
غايتو أنا رجعت من عندهم جيعان بعد العشاء
ناس عباس ديل بقــو لينا زي الحبشيات عندكم في الامارات
يـــااااخ وحات الله كل ما تذكر كلامك داك اموت من الضحك

كوني بخير

[imported_عابد عقيد]

الرجل الفاضل امين

المال ضُل ضَحَي ........
وتبقي السيرة الشريفة
عباسك باع اغلي ما يملكه البني ادم (الذمة) وقبض المال السايل من عرق الغلابة في جيوبو الناضحة .....
جنة عباس السجم اخير منها جحيم المتعبين .

تسلم

[imported_Amin Bushari]

المشاركة الأصلية كتبت بواسطة Nour

الاخ الامين سلام من الله عليك, الارزاق ما عندها علاقة بالشهادات كثير من رجال الاعمال الناجحين في السودان وكثير من البلدان لم يكونوا متعلمين او حملة شهادات عليا لكن الله وسع في رزقهم وفتح لهم الابواب كل حسب مايطرقه سوي كان حلال او حرام فمثلا رفيق الحريري في بداية حياته عمل معلما في السعودية وقبل وفاته يعتبر من اثرياء العرب, نسال الله ان يغنينا بحلاله عن حرامه وبفضله عمن سواه.

Nour

ســـلام ..كلام 100 100
الزول البكسب بعرق جبينو دا زول مبروك
والارزاق بيــد الله انا قصدي
زمان ضيقته على نفسي شــديد ولا شـــنو؟

تحاياي

[imported_Amin Bushari]

المشاركة الأصلية كتبت بواسطة عكــود

سلام يا أمين،

وكثيرون نعرفهم، أفضل منّا في كثير من النواحي،
ولكنّ الله فضّلنا عليهم في الرزق.

اللهم أغننا بحلالك عن حرامك
وبفضلك عمّن سواك

و الحمدلله.

الامير الحبيب عكــود

وعليكم والسلام .. عفوا لتاخري في الرد عليكم
عكود الارزاق بيد الله سبحانه وتعالى ولست بحاســد لعباس
عرق الجبين والكسب الحلال هو أعلى قيمة محترمة عندي
ولكنني يا عكــود قلت في العنوان : ضيعنا زمنا ولم نجني ما كنا
نطمح اليه وما يطمح اليه اهالينا والمعيار يا عكود في زمن الانقاذ
اصبح هو الولاء والقبلية وهذا قمة الظلم ولا شــــنو؟
ربنا يقسم الارزاق بقدر وهي مقدره ولا اعتراض على ذلك
احتجاجي على الظلم وعدم التمتع بوقتي زمن الطفولة والشباب
بفضل ما كان يمارسه الاهل على الابناء من اجل الدراسة
باختصار كدا حاسي اني ما لعبته كفاية...
حرص الاهل الزائد على الدراسة احيانا يكون مفرطا حتى لو لم تكن
لدى ابنهم الامكانات العقلية التي تحقق لهم ذلك النجاح

مرورك عطر البوست

[imported_همس الشوق]

المشاركة الأصلية كتبت بواسطة Amin Bushari

همس الشـــوق

ســـلام ...
همس ربنا بقسم الارزاق بقــدر ونعم بالله
لكن لامن تشــوف زول أقل منك كفاءة وعلم ومتقدم عليك
دي هي الحــارة.. أنا لست نادم على الدراسة
ولكنني نادم اني ما اتشرشحته زمان
اســـكتي مرت صاحبي رباطابية فكتها فينا حااااااااااامضة
غايتو أنا رجعت من عندهم جيعان بعد العشاء
ناس عباس ديل بقــو لينا زي الحبشيات عندكم في الامارات
يـــااااخ وحات الله كل ما تذكر كلامك داك اموت من الضحك

كوني بخير

اللمين اخوي
هي فعلا حاره شديد

تعرف انا عندي قصه زي حقتك دي لكن كلا يغني على ليلاه

عندي صاحبتي قرينا الثانوي سواء هي زوله بتحب الحياة شديد جنها جكس وحب ما عندها شواغر ابدها تجكس اتنين تلات وانا عامله ليك ليها الناصح الأمين يا بت ما صاح ما كدا البت سمعه وعشان مستقبلك والكلام الخايب داك وهي تضحك علي تقول لي يا بت خليك تفتيحه ربنا لو كاتب لي عرس بنعرس خلينا نعيش حياتنا
وحاة الله يا اللمين البت امتحنا للجامعه لسه الشهادة ما ظهرت البت جاها ليك عريس مغندل وعرسها ليك داك يا العرس
اها ما قعدت معاهو ثلاته سنين حصل خلاف اطلقت ونحن شبكناها ليك برضو مواعظ ويا بت قرايتك بتنفعك وكلام عوير
اها جيت الامارات وخليتها مطلقه وفترة طويله انقطعته منها هسه مشيت السنه الفاتت سألته منها صديقتنا قالت لي اريتو حالك عررست تاني جاتني ليك ليك شايله في بطها وعندها اتنين
وبادرتني ليك بسؤال اها يا ست الفضيله ناويه تعرسي متين وادتني ليك درس في الاخلاق قالو ليك عاد قدرته اقول كلمه سكته سااااااااكت
كل القدرته عليهو قلته ليها كان الزمن رجع بي والله اتشرشح شرشحه
قالت لي قومي لفي ههههههههههههه
بقينا نحاحي في الحبش
قلته لي عجبتك هههههههههههه الفها ليك وتقوم تلف براك

[imported_Amin Bushari]

المشاركة الأصلية كتبت بواسطة حافظ حسين

أمين يا سنير سلام .... يا خي دي مغسة بالجد أنا أحكي ليك حاجتين ممكن تضحك هي كوميديا سوداء .....

عندنا قريبنا في البلد دا أصلاً ما وصل الثانوي ذاته .... و من البلد الخرطوم دي يكون شافاها مرة مرتين ... يعني محلي للدين .... المهم خش البوليس و بقي بتاع حركة ( جندي).... الزول دا هسي عنده بيت زي بيت أي أعيان في المدينة, عنده حافلة , و عربية صغيرة , بعمل لمرته البتلد كل سنة سماية بتور ( أي هو ما مرطب شديد لكن بمقاييس البلد هو في التوب).... مرة أمي جات زعلانة زعل ... شكلها أمي داير تقشر بينا وسط النسوان أنو أولادها قروا جامعة الخرطوم و هسي فيهم واحد بعمل في الدكتوارة .... طوالي أم بتاع الحركة لقمت ليك الحاجة حجر قالت ليها: و الله قراية الزمن دا بقت ما نافعة....... قلت لأمي انتي البوديك تتبوبري شنو كلام المرة دي صح

صاحبنا في الجامعة عندهم برضو ود جيرانهم خلي القصة في الثانوي و بقي غنيااااااااان .... أها صحبي دا للتعتر ليه ربد , أبوه عامل ليهو نفسيات : ود فلان دا ما أصغر منك شايفه عمل ليه بوكسي و صلح بيتهم إنت تقعد تربد ؟
ود ناس فلان دا أصغر منك شايفه عرس في أمان الله و انت تربد؟
وقت زهج شديد قال ليهو يا أبوي صلاح إدريس ما أصغر منك

ههههههههههههههههه
والله يا برلوم ضحكته جنس ضحك
قلت لي الحاجة مشت تتشوبر يااااخ والله يحق ليها
اولاد امثالكم يرفعوا الراس ويشـــرفوا لكن الزمن هو الكعب يا صاحبي
ولا صاحبك دا رد ليهم رد افحهم بالجـــد
نحكي ليك واحدة برضـــو عندنا واحــد صاحبنا في الحلة امتحن امكن 10 مرات
للشهادة الســـوادنية لغاية ما بقى عندو ارشيف من الصــور عندهم
في النهاية قنع من خيرا فيها وقلب ليك اكل ونوم في البيت
اها ابوه وامهم يشـــوفنا ليك ماشين الجامعة وجايين من الجامعة
ويلا شبكوه ليك: يا ولد قوم شوف ليك شغلة
القراية خليتها قـــوم فتش ليك شغل زي ولد عثمان جارنا دا
الموال دا استمر كتير معاهو وصاحبنا لامن زهج ليك منهم
قال: شبكتونا قوم اشتغل قوم اشتغل زي ود عثمان
ود عثمان شغال في حق ابوه انتوا وينو حقكم عشان اشتغل ليكم فيه
المهم في النهاية ربنا فتح عليهو واشتغل حرس جامعي
اســـي بقى رئيس الحرس الجامعي واتزوج وولد كمان
بس يا حافظ عليك آمالنا العراض ديك مش انتهت كلها؟

[imported_الأغبش]

المشاركة الأصلية كتبت بواسطة Amin Bushari

(5)
نجي لموضوعنا الاســاسي ودعــوني أطرح هذا الأسئلة:

- هل الدراسة هي المعيار لنجاح الشخص في حياته العامه؟
- هل اي واحد فيكم ممكن يعمل زي ابوي ويحرم أولاده احلى سنين عمرهم؟
- هل تفرق لو درست في الخرطوم او اكسفورد او اي جامعة اقليمية زي حقات ابراهيم أحمد عمر بتاعات ثورة التعليم العالي ديل؟
- في ناس يجبرون ابناءهم على ضرورة دخول كليات معينة فهل هذا صحيح؟

جد يا جماعة قناعاتي تزعزعت بما أراه اليوم وعند مقارنة حالي باحوال بعض زملائي
ودي مشكلة شائعة وممتدة ومتكرره في كل بيت وكل اســـرة.
عندي صاحبي بتو عمرها 8 سنوات قال ليها قدامي: يا بت انا أقل من جامعة الخرطوم وطب ما بقبل منك اية حاجة تانية.. محل ابوك قرأ وتخرج!!
غرس فيها الحاجة دي وبقت ماشه معاها
طيب لو ما دخلت الخرطوم العمل شنو؟
ما تنســـوا عند زيارة والدتي والدي في رمضان الماضي قلت له يا ابوي زمان حرمتنا اللعب والدراسة والدراسة أهو درسنا شوف ناس عباس وصلوا وين ونحن وين؟

ابوي قال: يا ولدي دي حالة استثنائية وفي النهاية لا يصح إلا الصحيح
الانقاذ دي لو مشت الامور بتستقيم؟
اها انا اســي اناضل عشان الانقاذ تنقلع (الله يقلعها) عشان الامور تستقيم مش؟
ناس عباس الهبروا ليهم ملايين ديل تعيشهم لي اولاد أولادهم ممكن نتميز عليهم في يوم من الايام؟
يا باشمهندس يا باشمهندس .. الهندسة تطير عيشتها قال ليك!!

الله يقطع الهندسة والدكترة الفقر دي

يلا تعالوا قولوا لي رأيكم شـــنو؟

أمين تحية واحترام ..
سأرد علي مل ظللته بالأحمر أولاً وسآتي للبقية لاحقاً ..
بما أن (راس السوط لحقني هنا) فقد درست بإحدي الجامعات الأقليمية التي تحدثت عنها بإزدراء هنا ..ولو كنت مصراً علي دخول جامعة الخرطوم كعقدة كما يفعل كثيرون لأعدت الامتحان مرة ثانية لكني آثرت المواصلة وتسجيل (اسكور وقتها)بأن أكون أول من يدخل من السنة الأولي مممن أعرف ..ورغم رفض خالي خريج جامعة الخرطوم واصلت .. وتخرجت بتفوق والحمد لله ..
حضرت لمواصلة الماجستير بجامعة الخرطوم وقتها متأخراً بعد التقديم وأذكر أن رئيس القسم قال لنا (أها قبلناكم ان شاء الله تنجحو) ..ولأن نظام دراستنا بكلاريوس عام أربعة سنوات كان لزاما ان ندرس سنة تمهيدية وفيها يدمج طلاب التمهيدي مع طلاب السنة الخامسة ..وبكل الفخر (لأن الموضع كذلك) كنت وزميلتي من نفس الجامعة نشرح لطلاب الخرطوم وغيرها من الجامعات مقررات كاملة لم يسمعوا بها فقد درسنا 66 مقرراً بينما درسوا هم 24 مقرر ..كنا 35 طالاب وعند الامتحان أصبحنا 15 فقط والبقية انسحبت ..وعند النتيجة نجحنا 4 فقط والخامس نجحه المجلس ..وكنت الأول وزميلتي الثانية ..
وفي الماجستير كان نفس السيناريو من نحجوا بدون ملاحق كانوا 8 فقط أنا وزميلتي منهم والبقية منهم من فُصل ومنهم من نجح في الملحق.. وفي البحوث التكميلية كنت أول من ناقش البحث ..وفي مناقشة بحث زميلتي سألها الممتحن الخارجي سؤالاً واحداً فقط (منو استاذك ؟؟)وعندما أجابت بأنه الدكتور المشرف عليها قال له (أقصد أستاذك في البكلاريوس ) ..
رئيس القسم الذي قال مقولته تلك عند بداية تقديمنا كان الممتحن الداخلي لي في الماجستير ..ثم مشرفي في الدكتوراة التي سجلتها بتلك الجامعة (الإقليمية) ..

في ماجستير علوم الحسوب بالنيلين ولأكثر من خمس دفعات متتالية كان الخمسة الأوائل من خريجي كليتنا ..
خريجو الهندسة أيضا تفوقوا علي طلاب الخرطوم في الماجستير في جامعة الخرطوم .أعرف أحدهم وهو الآن في ماليزيا يحضر للدكتوراة ..

خلاصة القول أنني درست بالخرطوم أكثر من دراستي بالجامعة الاقليمية ورغم إعترافي بها كأم للجامعات السودانية لكن تستفزني عنجهية خرييجيها أحياناً ..
كتبت بوست هنا من قبل عن الجامعات السودانية وكنت أتوقع أن يُثار فيه مثل هذا الحديث عن مستويات الجامعات السودانية لكن للأسف لم ترد فيه ولا مشاركة واحدة وتراجع للصفحات الخلفية ..

سأعود لبقية الموضوع لاحقاً...

[imported_همس الشوق]

المشاركة الأصلية كتبت بواسطة الأغبش

أمين تحية واحترام ..
سأرد علي مل ظللته بالأحمر أولاً وسآتي للبقية لاحقاً ..
بما أن (راس السوط لحقني هنا) فقد درست بإحدي الجامعات الأقليمية التي تحدثت عنها بإزدراء هنا ..ولو كنت مصراً علي دخول جامعة الخرطوم كعقدة كما يفعل كثيرون لأعدت الامتحان مرة ثانية لكني آثرت المواصلة وتسجيل (اسكور وقتها)بأن أكون أول من يدخل من السنة الأولي مممن أعرف ..ورغم رفض خالي خريج جامعة الخرطوم واصلت .. وتخرجت بتفوق والحمد لله ..
حضرت لمواصلة الماجستير بجامعة الخرطوم وقتها متأخراً بعد التقديم وأذكر أن رئيس القسم قال لنا (أها قبلناكم ان شاء الله تنجحو) ..ولأن نظام دراستنا بكلاريوس عام أربعة سنوات كان لزاما ان ندرس سنة تمهيدية وفيها يدمج طلاب التمهيدي مع طلاب السنة الخامسة ..وبكل الفخر (لأن الموضع كذلك) كنت وزميلتي من نفس الجامعة نشرح لطلاب الخرطوم وغيرها من الجامعات مقررات كاملة لم يسمعوا بها فقد درسنا 66 مقرراً بينما درسوا هم 24 مقرر ..كنا 35 طالاب وعند الامتحان أصبحنا 15 فقط والبقية انسحبت ..وعند النتيجة نجحنا 4 فقط والخامس نجحه المجلس ..وكنت الأول وزميلتي الثانية ..
وفي الماجستير كان نفس السيناريو من نحجوا بدون ملاحق كانوا 8 فقط أنا وزميلتي منهم والبقية منهم من فُصل ومنهم من نجح في الملحق.. وفي البحوث التكميلية كنت أول من ناقش البحث ..وفي مناقشة بحث زميلتي سألها الممتحن الخارجي سؤالاً واحداً فقط (منو استاذك ؟؟)وعندما أجابت بأنه الدكتور المشرف عليها قال له (أقصد أستاذك في البكلاريوس ) ..
رئيس القسم الذي قال مقولته تلك عند بداية تقديمنا كان الممتحن الداخلي لي في الماجستير ..ثم مشرفي في الدكتوراة التي سجلتها بتلك الجامعة (الإقليمية) ..

في ماجستير علوم الحسوب بالنيلين ولأكثر من خمس دفعات متتالية كان الخمسة الأوائل من خريجي كليتنا ..
خريجو الهندسة أيضا تفوقوا علي طلاب الخرطوم في الماجستير في جامعة الخرطوم .أعرف أحدهم وهو الآن في ماليزيا يحضر للدكتوراة ..

خلاصة القول أنني درست بالخرطوم أكثر من دراستي بالجامعة الاقليمية ورغم إعترافي بها كأم للجامعات السودانية لكن تستفزني عنجهية خرييجيها أحياناً ..
كتبت بوست هنا من قبل عن الجامعات السودانية وكنت أتوقع أن يُثار فيه مثل هذا الحديث عن مستويات الجامعات السودانية لكن للأسف لم ترد فيه ولا مشاركة واحدة وتراجع للصفحات الخلفية ..

سأعود لبقية الموضوع لاحقاً...

دقيقه يا اخوي شيل نفسك عشان السكري وكدا يا دكتور
اللمين اخوي دا زعلان عشان عباس السايق الكامري
وهو يا حبه عيني متغرب في السعوديه
ولي حسه ما عرس
ههههههههههههه

ياخ جامعة الخرطوم دي بالمناسبه مستواها ما أصبح زي زمان بس اللهم برستيج

تعرف يا الاغبش عندي بت اختي دخلت اداب ...
البت كان قلته ليها زحي من الدرب تقول ليك
انتي قايلاني انا بقرا وين
في جامعة الخرطوم
اتخيل

[imported_الأغبش]

المشاركة الأصلية كتبت بواسطة همس الشوق

دقيقه يا اخوي شيل نفسك عشان السكري وكدا يا دكتور
اللمين اخوي دا زعلان عشان عباس السايق الكامري
وهو يا حبه عيني متغرب في السعوديه
ولي حسه ما عرس
ههههههههههههه

ياخ جامعة الخرطوم دي بالمناسبه مستواها ما أصبح زي زمان بس اللهم برستيج

تعرف يا الاغبش عندي بت اختي دخلت اداب ...
البت كان قلته ليها زي من الدرب تقول لي
انتي قايلاني انا بقرا وين
في جامعة الخرطوم
اتخيل

يابت انا رايق وفايق الليلة ..
انتي عارفه ..امين خلط بين اكتر من موضوع هنا ..
يعني في ناس ما بعرفو يفكو الخط ومن أغنى اغنياء البلد ..دي واحدة
وفي ناس متعلمين وغير متعلمين ركبو الموجه وتابعو الحكومة وبرضو اصبحو اغنياء ..وده موضع تاني
وفي ناس تخصصاتهم تصنف في مرتبه أقل من تخصصات تانية واصبحو أغني من اصحاب التخصصات الأعلي ..ودي تالته

وفي حكاية الاختلاف في الجامعات دي برضو وضوع رابع ..

شفتي امين ده شربكها كيف ..

قلتي لي بت اختك فاكاها في روحها خليها تفرح ياخي لما تتخرج وتقد في صف العطاله راجيها احباط كتيييييييييير ..