خريجو جامعة أسيوط لمزيد من التواصل

[arbab]

الاسايطة سلامات
الجو ربيع ( بس عندنا حبت كتاحه او قولو هبوب) والجميع متلمين والليل الملجه اقصد البوست مليان من لذ وطاب ..... ويا د الجيلى اصلو الجزيرة فى السودان زمان قالو لينا هى قلبو النابض (وقلبو ده خت تحته ثلاث خطوط) والجزيرة فى اسيوط كانت فاتحه اشرعها وراميه ظلالها وفاتحه كمان قلوبها وعلاقاتها كانت مع الكل وبينى وبينك وزى ماقلت سابقا كانت لديها علاقة شويه حميمه مع الجمعية الزراعية .. اقصد الجمعية الطبيه....
ود الطيب الفوز لمن يكون بمجهود تحس بيه موش فوز الحمام الميت (لامواخذه يعنى)
ميكى تحياتى وشكرا ليك انت عارف فى ناس اتعودت تعاين بى عين واحده وقبل كم يوم طالعت فى احدى البوستات واحد منزل بعض الصور لمنطقة البحيرة وهى تغمرها المياه ويتحدث عن المساة وكان السد ده بدوه امبارح .. او كان السد ده حيولد كهرباء وبدون تخزين مياه .. عجبنى تعليق احدهم حينما طلب منه تنزيل لبعض الجوانب الايجابيه ... لكن زى ماقلت ليك زمان كنا بنعرف عين الحسود فيها العود.. زعين الساسه دساسه.... وعين الفتاة .. والعيون التى فى طرفها حور... ولدى نكته ظريفه عن العين العوره حرويها لك لاحقا....
منير... شبارقه تحياتى وياكيشو انا طالبك زيارة وعزومة قندهر او سوق الناقة قائمة وممكن تدعو معاك كمتور
تحياتى للجميع

[شبارقة]

المشاركة الأصلية كتبت بواسطة محمد ود الطيب

والله يا ود الطيب قريفتنا مرة واحدة وخليتنا نتمطق

[كيشو]

المشاركة الأصلية كتبت بواسطة arbab

الاسايطة سلامات
منير... شبارقه تحياتى وياكيشو انا طالبك زيارة وعزومة قندهر او سوق الناقة قائمة وممكن تدعو معاك كمتور تحياتى للجميع

الدعوة مقبولة

[شبارقة]

المشاركة الأصلية كتبت بواسطة arbab

الاسايطة سلامات
... ولدى نكته ظريفه عن العين العوره حرويها لك لاحقا....

تحياتى للجميع

[align=justify]الأرباب ...سلامات ..وكيفنك ..ومشتاقين

شفنا السد في التلفزيون ..حاجة تمام وترفع الرأس .. وكل ذو بصيرة يدرك أهمية هذه السدود وبالذات لما يتم إنشاؤها بعد دراسات مستفيضة ... لقد نشأت في حلفا الجديدة ودرست بها كل مراحلي الدراسية وكما تعلمون لهم ذكرى غير طيبة ومريرة مع السدود .... ونعلم جميعاً الفائدة العظيمة التي جناها المصريون من السد العالي وأهميته بالنسبة لهم ...نعم نحن السودانيون لم نستفد منه شئياً بل تضررنا ..ولكن هل هذا يقودنا إلى التخوف من سدودنا الداخلية التي تشيد الآن؟ هل نريد أن نهلك حرثنا ونسلنا بأيادينا .. ماهي المنافع وماهي المضار ...هل هو التمسك فقط بالأرض التي نشأنا عليها دون أن نتطور ... نحن للأسف شعب فينا بقايا من جهل وعدم إدراك وقصر نظر ... سدد الله خطاكم لما فيه خير الوطن والمواطن.... تخريمة: نحن في إنتظار النكتة [/align]

[شبارقة]

المشاركة الأصلية كتبت بواسطة كيشو

الدعوة مقبولة

[align=justify]براكم ؟ براكم ...بس ما تخنقوا [/align]

[arbab]

المشاركة الأصلية كتبت بواسطة شبارقة

[align=justify]الأرباب ...سلامات ..وكيفنك ..ومشتاقين

شفنا السد في التلفزيون ..حاجة تمام وترفع الرأس .. وكل ذو بصيرة يدرك أهمية هذه السدود وبالذات لما يتم إنشاؤها بعد دراسات مستفيضة ... تخريمة: نحن في إنتظار النكتة [/align]

شبارقة لك التحايا والود
ياسيدى شكرا وكتر خيرك.. انت عارف مافى بلد فى العالم لديه مساقط مائية لم تقم بالاستفاده منها ... ومصر القريبه ده قبل انشاء السد العالى انشاءت سد اسوان ثم السد العالى وزى ماقلت شوف التنمية التى احدثها السد العالى من توفير طاقة ومن توفير قنوات رى خضرت الصحارى .. الحديث يطول ... واعدكم فى القريب احدثكم عن تجربة سد مروى وليس لدى مانع من التطرق للسلبيات والايجابيات.....
بمناسبة النكته.. مهداه للجميع .. فى اتنين اخوان واحد فيهم اعور ذهبو للصيد ... شافو غزال ... الاعور نشن للغزال... التانى قال ليه ياخى انت منشن فينى ولا فى الغزال ... الاعور قال ليه كيفن منشن فيك....
انا منشن فى الغزال ..... قال ليه لو ده تنشينك ياك الضاربنى عديل....

[muntasir hassan]

[img]http://[/img]

المشاركة الأصلية كتبت بواسطة مكي محمد الحسن

السلام عليكم
الاخوة والاخوات الصعايدة متشكرين علي المباركات بالمولوده ( شهد ) ...
مرحباً بالاخوة ناس الجمعية الطبية الصيدلية وبهذه المناسبة اهديكم هذه الصورة
الدكتور/ عبد المنعم أبو المعالي الصديق - دفعة د.عادل قريش ويعرف كل من د.صلاح كرجويل ود.منتصر وكثيرين ...طبعاً ناس د.الزوول ود.الجيلي ديل كان حكوا راسهم الشائب ده مليون سنة ما حا يعرفوه لانه ببساطة كده ..من الدفع القدامهم بسنوات ...
دورك جاء يا شيخي ( كيشو ) صور بالالوان والزخارف ومن القضارف ..

الاخ مكى لك تحياتى والاسره ارجو ان تبلغ تحياتى للاخ العزيز د ابو المعالى وهو من الاخوه الاعزاء من حلة حمد وارجو ان تفيدنى برغم تلفونه يامكى عندى صور لزيرتى لللاخ ابوشيبه لكن نسيت بنزلوها كيف معليش عامل اسن ياارباب والله انتم مفخره للسودان والواحد سعيد ان احد زملاء الدراسه يشارك فى هذا الانجاز ياود الطيب انا بتفرج فى هلال مريخ ونحن مغلوبين واحد بس مامحسوب لانه من علا زهره

[اسامه عثمان" ابوشيبة"]

المشاركة الأصلية كتبت بواسطة منير

الاخ ابو شيبة حمد لله على السلامة وان شاء الله ربنا يعينك على قراية الكبر
ما قلت لى بتين ماشي السودان عشان نخلي ناس الحياة الطالبية يتوصو بيك

ههههههههههههههههههههههههههههههههههههههههه

ايه بالله يا منير .. شوف لينا واسطة بالذات مع ناس الجمارك .. لانو جايب معاي قندرانات لدفع عجلة التنمية .. بس ماتبقي التوصية اياها و يقوموا يشيلوا قندراناتي ويودوني في سلقط ملقط ..

الأخ ..عاصم ..في نية لزيارة السعودية في رمضان .. تحديدا في نهاية شهر 9 .. جهزوا المندي ..

المشاركة الأصلية كتبت بواسطة muntasir hassan

[img]http://[/img]

يامكى عندى صور لزيرتى لللاخ ابوشيبه لكن نسيت بنزلوها كيف معليش عامل اسن ياارباب والله انتم مفخره للسودان والواحد سعيد ان احد زملاء الدراسه يشارك فى هذا الانجاز

يا د. منتصر بعد ما ساهرت بي اليوم داك وان بشرح ليك كيف تنزل الصور ..تقول لي نسيت..
فشلتنا والله ..
فعلا يا باشمهندس عادل انت مفخرة لينا كلنا .. وفعلا لعب البنق بونق جاب نتيجة .

عارف يا د. الجيلي .. وانا بأقرأء ردك .. أتخيلتك واقف قدامي بشحمك ولحمك .. وقميصك الأصفر..
أديني تلفونك خلينا نسربع معاك شوية ..

تحياتي لبقية العقد الاسيوطي الفريد ..

[شبارقة]

المشاركة الأصلية كتبت بواسطة اسامه عثمان" ابوشيبة"

الأخ ..عاصم ..في نية لزيارة السعودية في رمضان .. تحديدا في نهاية شهر 9 .. جهزوا المندي ..

تحياتي لبقية العقد الاسيوطي الفريد ..

[align=justify]عزيزنا الغالي ود أبو شيبة .... مرحب بيك وحبابك .. ومن هسع شال النور ظلل بيتنا ... وبإذن الله ح نتشرف بيك و بزيارتك ... قف ..المندي والمظبي والكبسه جاهزين وكمان قرص وتركين و ملوحة (كلو موجود عندنا زي ما أنت عارف) عشان تتمطق ولعابك يسيل من هسع [/align]
تخريمة بمناسبة التِمِتطِق واللعاب واحد قال لواحدة : لما شفتك ريقي جمه
قالت ليهو : إجمجمن عينيك ! أنا ليمونايه ليك ؟

[الزوول]

المشاركة الأصلية كتبت بواسطة الزوول

كدي يا الجيلي أ ديكم الخبر ده
وأرجع لك
خاصة أنني عثرت على وثائق قديمة مع أخونا العوض
تفضح بلا شك
أن نزعة الشعرالخنفشاري الذي تمارسه في هذا البوست
ليست طارئة
وانما هي متأصلة منذ القدم
وقريباً سيتم نشرها على الملأ
......................

السلام عليكم
أها يا الجيلي
كلام الوثائق جاك
ولكن قبله لا بد من تبيان قصة الشعر الخنفشاري
الذي سآتي به
فقد بلغني ايها الجمع السعيد
أن أخانا العوض وفي بدايات التسعينات كان يسكن بناحية المغتربين ببحري
وكان يسكن لوحدهً
يعمل بصيدلية الصافية – بحري صباحاً
ثم بصيدلية المشرق – المؤسسة – بحري ليلاً
وكانت العمارة التي يسكنها خالية بأكملها... إلا منه
و شراذم الأسايطة الذين أدمنوا التظليل
أو االذين تنقطع بهم سبل المواصلات الشحيحة في ذلك الوقت إلى مدني أو الحصاحيصا ....الخ
أغرب الأشياء
أن العوض كان قد عقد اتفاقية عجيبة مع مالك صيدلية المشرق العم صديق صاحب العمة الأنيقة
ووضع شروطاً أعجب
وهو أن كل يوم تقطع فيه الكهرباء
أو تذاع فيه كورة في التلفزيون
فالعوض معفي من العمل في ذلك اليوم
ولا ادري كيف بمكن لمالك الصيدلية أن يرضى بمثل هذه الشروط
ولكنه السودان العجيب !!!!
.......................
أتى الجيلي (عبدالله زكريا) كما كانو يدعونه
وبمعيته عبدالمجيد الطريفي(بيجن )
وسيف اليزل
ويبدو أن السبل قد تقطعت بهم ، ليقضوا الليلة مع العوض
ولكنهم باءوا بالفشل
وبعد أن ارهقهم المشي جيئة وذهاباً من المؤسسة والى المغتربين
واستبد بهم الغضب والجوع
فما كان من شيطان الشعر الخنفشاري
الا أن هبط علي أخونا الجيلي
قالهمه هذه القصيدة في هجاء العوض
والتي تقول:




غايتو الكويس في قصيدتك دي يا الجيلي
انو خطك سمح

[شبارقة]

المشاركة الأصلية كتبت بواسطة الجيلي عبد الله الريح

الاخ عاصم شبارقة لك الف تحية وانا معجب كثير جدا بمقتنياتك التراثيه السودانية الاصيله.... انا والله ماعارف من اين اتى اسم حنتوب...? لكني اسألك عن معني هذه الاسماء ومن اين اتت :القريقريب..كردقيلي...ود رعية.. توتي.. كرتوب.. التكيلات...كلكول...وآمل من ساكن كلكول ان يطل علينا ..اشتقنالك...

[align=justify]دكتورنا سلامات وكيفنك

1- حنتوب :- كان هناك في قديم الزمان رهط يسكنون المنطقة وكانوا بتاعين مرايس زول فيهم تلقاهو واعي مافي ... وأتي إليهم بعض ممن هداهم الله ممن حولهم وطلبوا من هولاء القوم أن يتوبوا ويرجعوا إلى جادة الصواب ويتركوا المريسه فكان جواب الرهط دائماً: ح نتوب ...إن شاء الله ح نتوب وهكذا إلى يومنا هذا نسأل الله أن يهديهم ويتوب عليهم

2- كردقيلي : هي أصلاً كُر تكيلي والقصة تحكى أنه كان هناك إمرأه لديها تكل من من القش والقصب وفي يوم من الأيام دخلت عليهو بعض الأغنام والأبقار الجائعه فتركته أثراً بعد عين ...وكانت المرأة تردد دائماً : كُر تكيلي ..كُر تكيلي ..وهو كان في نفس المنطقة التي أصبحت الآن كردقيلي ما بين الشبارقة ومدني [/align]

[align=justify]3- التكيلات : المعنى واضح ... تصغير تكل هو تِكيل وكانت المنطقة مكونة من عدة تكيلات وهكذا كان يشار إليها... وهناك من يجمع التكل على تكله ولذلك تجد بعض القرى تسمى التكله ... وجنب ناس كلكول في التكله رفاعه والتكله أبشر ويمكنك القياس على ذلك [/align]

[شبارقة]

المشاركة الأصلية كتبت بواسطة الزوول

السلام عليكم
غايتو الكويس في قصيدتك دي يا الجيلي
انو خطك سمح

[align=justify]القصيدة وينا يا زولنا ؟[/align]

[مكي محمد الحسن]

المشاركة الأصلية كتبت بواسطة الزوول

السلام عليكم
أها يا الجيلي
كلام الوثائق جاك
ولكن قبله لا بد من تبيان قصة الشعر الخنفشاري
الذي سآتي به
فقد بلغني ايها الجمع السعيد
أن أخانا العوض وفي بدايات التسعينات كان يسكن بناحية المغتربين ببحري
وكان يسكن لوحدهً
يعمل بصيدلية الصافية – بحري صباحاً
ثم بصيدلية المشرق – المؤسسة – بحري ليلاً
وكانت العمارة التي يسكنها خالية بأكملها... إلا منه
و شراذم الأسايطة الذين أدمنوا التظليل
أو االذين تنقطع بهم سبل المواصلات الشحيحة في ذلك الوقت إلى مدني أو الحصاحيصا ....الخ
أغرب الأشياء
أن العوض كان قد عقد اتفاقية عجيبة مع مالك صيدلية المشرق العم صديق صاحب العمة الأنيقة
ووضع شروطاً أعجب
وهو أن كل يوم تقطع فيه الكهرباء
أو تذاع فيه كورة في التلفزيون
فالعوض معفي من العمل في ذلك اليوم
ولا ادري كيف بمكن لمالك الصيدلية أن يرضى بمثل هذه الشروط
ولكنه السودان العجيب !!!!
.......................
أتى الجيلي (عبدالله زكريا) كما كانو يدعونه
وبمعيته عبدالمجيد الطريفي(بيجن )
وسيف اليزل
ويبدو أن السبل قد تقطعت بهم ، ليقضوا الليلة مع العوض
ولكنهم باءوا بالفشل
وبعد أن ارهقهم المشي جيئة وذهاباً من المؤسسة والى المغتربين
واستبد بهم الغضب والجوع
فما كان من شيطان الشعر الخنفشاري
الا أن هبط علي أخونا الجيلي
قالهمه هذه القصيدة في هجاء العوض
والتي تقول:




غايتو الكويس في قصيدتك دي يا الجيلي
انو خطك سمح

السلام عليكم يا صعايدة
حمداً لله علي سلامة الطلة يا اسامة عثمان
د.الجيلي ود. الزوول طلتكم مع بعض والله حلوة ..نفس الخطوط وتبادل الذكريات ( فوله وانقسمت نصفين ) ..
اها يا د.الزوول بعد نشرك لهذه القصيدة من ( الشعر الخنفشاري ) أو الحلمنتيشي المرتجل للاخ د. الجيلي الريح ..زمان في البيت القديم قلت بأن د.الجيلي كان يقرض الشعر ..أخونا الاستاذ الدكتور البروف كمال محجوب ابن كلكول الغائب أنكر عليه ذلك واتهمني بالخرف..فتأملوا حال وخرف من هذا هو السؤال؟!

[كيشو]

المشاركة الأصلية كتبت بواسطة مكي محمد الحسن

السلام عليكم يا صعايدة
حمداً لله علي سلامة الطلة يا اسامة عثمان
د.الجيلي ود. الزوول طلتكم مع بعض والله حلوة ..نفس الخطوط وتبادل الذكريات ( فوله وانقسمت نصفين ) ..
اها يا د.الزوول بعد نشرك لهذه القصيدة من ( الشعر الخنفشاري ) أو الحلمنتيشي المرتجل للاخ د. الجيلي الريح ..زمان في البيت القديم قلت بأن د.الجيلي كان يقرض الشعر ..أخونا الاستاذ الدكتور البروف كمال محجوب ابن كلكول الغائب أنكر عليه ذلك واتهمني بالخرف..فتأملوا حال وخرف من هذا هو السؤال؟!

د. الجيلي كان شاعرياً في المجتمع الأسيوطي أكثر منه شاعراً، وكانت يعجبني إلقاؤه لقصيدة "رسالة في ليلة التنفيذ" لهاشم رفاعي، وأذكر للجيلي قصة طويلة يحكيها في شهر وأكثر إذا سمح مزاجه
ومن الذين اشتهروا في مجتمعات الأسايطة أخونا عمر الأزرق بقصيدة بلقيس لنزار قباني
ومن الذين اشتهروا علي حسن بأغنية الشوق والريد
ومن الذين اشتهروا مكي محمد الحسن بفانيلته "تحرمني منك"
ومن الذين اشتهروا ميسرة علام بعقد الندوات ذات العدد لتحليل رواية الطيب صالح "عرس الزين" حتى إنه أطلق على زميلنا المشاغب عبد الرحمن القرشي لقب بطل الرواية "مصفى سعيد"
ومن الذين اشتهروا ؟؟؟؟؟؟؟؟؟

[muntasir hassan]

المشاركة الأصلية كتبت بواسطة الزوول

السلام عليكم
أها يا الجيلي
كلام الوثائق جاك
ولكن قبله لا بد من تبيان قصة الشعر الخنفشاري
الذي سآتي به
فقد بلغني ايها الجمع السعيد
أن أخانا العوض وفي بدايات التسعينات كان يسكن بناحية المغتربين ببحري
وكان يسكن لوحدهً
يعمل بصيدلية الصافية – بحري صباحاً
ثم بصيدلية المشرق – المؤسسة – بحري ليلاً
وكانت العمارة التي يسكنها خالية بأكملها... إلا منه
و شراذم الأسايطة الذين أدمنوا التظليل
أو االذين تنقطع بهم سبل المواصلات الشحيحة في ذلك الوقت إلى مدني أو الحصاحيصا ....الخ
أغرب الأشياء
أن العوض كان قد عقد اتفاقية عجيبة مع مالك صيدلية المشرق العم صديق صاحب العمة الأنيقة
ووضع شروطاً أعجب
وهو أن كل يوم تقطع فيه الكهرباء
أو تذاع فيه كورة في التلفزيون
فالعوض معفي من العمل في ذلك اليوم
ولا ادري كيف بمكن لمالك الصيدلية أن يرضى بمثل هذه الشروط
ولكنه السودان العجيب !!!!
.......................
أتى الجيلي (عبدالله زكريا) كما كانو يدعونه
وبمعيته عبدالمجيد الطريفي(بيجن )
وسيف اليزل
ويبدو أن السبل قد تقطعت بهم ، ليقضوا الليلة مع العوض
ولكنهم باءوا بالفشل
وبعد أن ارهقهم المشي جيئة وذهاباً من المؤسسة والى المغتربين
واستبد بهم الغضب والجوع
فما كان من شيطان الشعر الخنفشاري
الا أن هبط علي أخونا الجيلي
قالهمه هذه القصيدة في هجاء العوض
والتي تقول:




غايتو الكويس في قصيدتك دي يا الجيلي
انو خطك سمح

اكيد اخونا العوض لم يكن موجود لانه كان بلقط الرزق بالبيجو الاصفر ولارايك شنو ياغزال على قول اخونا عادل قريش يازول ماقلنا ليكم اشرحوا لينا الصور بنزلوها كيف ياسامه ادينا عنوانك خلينا نرسلهم ليك وانت اتصرف