أنا كووووووووز وأمنجي كمان .. في زول عندو إعتراض ؟؟؟؟

[بابكر مخير]

يااااااااااااااااااااااااا سلام
كدآ الواحد إطمئنا
أنه زولي حيتنغنغ ويتهنا
وبعد التعب والكدح القصة جابت تمنها..
وإحنا بقآ عندنا سند، منهو نتشهى ونتمنى..
أنا عاوز عربية ذي الوعدوك في زمنها
لي طروقي "سنة" بي تمنها
ولي عزيز خطاب "فرزيان" تحلب لبنة بسمنها
وللباش جلسة قهوة "بنآ" بي محاسنها
وناس سمورة ونبروسة يصيبن كل المنآ
توحة وروفي ما محتاجين، أصله عشمهم حلم ذي "الشروق مرت من هنا"




كدي شوف لينا معاك طريقة،،
أصله حزبي عدمان التكتحة وقصته ما محرزة


بالله إتا
كوز مطرقع
وكمان أمنجي معفن

[ناصر يوسف]

المشاركة الأصلية كتبت بواسطة الوليد عمر

.......

المشكلة يا ناصر إنو السودانيين ديل ناس ما واضحين ، حتى مع أنفسهم ، المطروح معروف و سماته واضحة جداً ، لكن الواحد فيهم ما يقدر يجابه حتى نفسه بميوله و إنحيازاته النفسية و تبنياته لمنهج ما.

]
مشتاقون يا منجة .

.......

والله يا منقه وبعد السلام والشوق والريد والذي منو

تعرف أنا ما بفرق بين الناس وكل الناس هم أهلي

بس البيحيرني إنو بعض الناس خاتي نِقرها من نِقري بس لأني ما منتمي ليهم ليييييييييييييييه ....؟؟؟

لكن تِحت تِحت كده

بيعجبوني الشيوعيين أكتر والله العظيم مش في أفكارهم لأ ... في حياتهم العامه وبس

[ناصر يوسف]

المشاركة الأصلية كتبت بواسطة سناء مرسي

اقتباس:
المشاركة الأصلية كتبت بواسطة ناصر يوسف
انا زاتي يا ناصر ذيك سيم سيم لا انتماء لاي ماعون حزبي وانتمائي الاول لبلدي عبري الاتربيت فيها واتبلورت فيها شخصيتي (معليش مركبه مكنة عالم لغه عربيه مع اني من غير الناطقين)معليش حتقول جهويه او عنصريه بقبلها على كل حال وبعد داك بيجي انتمائي للسودان الكان مليون ميل ولاستراليا البلد الاحتوتني واسرتي وقدمت لينا كل الاتحرمنا منه في الوطن الكان حدادي مدادي من احترام وامان وعيش كريم بدون مّن او اذي.
في حتة معهد الموسيقى والمسرح شكلك بديتها في العمارات ولو كده تكون زاملت زوجي هناك بس هو كان في تانيه الوقت داك واتخارج من تانيه لوووووووول لا بكلاريوس ولا حتى دبلوم وبقى شغال منزيكا من من منازلهم
[/SIZE][/COLOR][/I]

سناء مرسي

كيفنك يا زولة وكيف الأسرة الكريمة

يا بت العم ما تشوفوا لينا طريقة معاكم في بلاد الكانقارو دي ينوبك ثواب جاااااااادي في المسعلة دي والله

أنا العمارت كنت بمشي بس هناك ... وحتي القصر برضو لما المعهد ودوهو هناك كنت بمشي وأتابع فقط

لكني بديت قراية سنة 87م بعد تضييع أكتر من أربعة سنوات من بعد إمتحان الشهادة ودخلت المعهد لما كان في شمبات الأراضي

تحياتي لبعلك الفنان وتحياتي عبره لأخوي الزول الفنان عاصم الطيب ولرفقة الألم دفعتي عاطف خيري وهم بطرفكم .. وكمان تحايا لعفيف برضو

تسلمي يا سناء

[ناصر يوسف]

المشاركة الأصلية كتبت بواسطة عبد العظيم الطاهر

أياااا حِزب الليكود العظيم

عبد العظيم

كيفنك يا سيد الكرم والجُود

ويا زول ما تجود علينا بما هو غير موجود من الشوش الختيتها لينا دي

[ناصر يوسف]

المشاركة الأصلية كتبت بواسطة أسامة معاوية الطيب

وأنا أقول الزول دا في المطار عرفني كيف ؟
سبحان الله ياخي

هي بسم الله

ماااااااا شُغلنا كمان نسوي شنو

تعرف نحن في الأمن العاطفي يا أسامه أووووووووووولاً بالتبادي بيدرسوك الفراسة في المحبة ..

وأووووووول دَرِس عنوانو

الما عندو محبة ما عندو الحبَة

يا أخوي أحبك في الله وبس

سلم لي علي العيال وأمهم

[ناصر يوسف]

المشاركة الأصلية كتبت بواسطة بابكر مخير

بالله إتا
كوز مطرقع
وكمان أمنجي معفن

تتخييييييييييييييييل !!!

حبيبنا الجميل جمال الجمال ذاتو

ياخي كيفنك وحياة الله مشتاق ليك ولي ونستك الممراحه ديك

[imported_وراق]

[QUOTE=ناصر يوسف;341473]

المشاركة الأصلية كتبت بواسطة وراق

قرط على كده يا ناصر وأوعك من شارع الظلط والبحر والشيوعيين

ووالله يا وراق يا ريتك لو تفهمني أكتر .... أقرِط علي كده كيفن ؟؟؟

وما وريتني رأيك صريح في مسألة الإقصاء بدون إنتماء دي

وشكراً للمعلومة الوافرة عن وائل غنيم وبرضو ما ورتنا المصدر ....

مدنا بالمصدر لو سمحت يا وراق بالله عليك

[COLOR="Blue"][SIZE="4"]يا ناصر
اتهام غنيم بالماسونية متداول وبكثرة في النت
انت كدي قوقل فقط وائل غنيم الما وقوقل بتم ليك الناقصة


وده واحد من المصادر
http://twitemail.com/email/14244736/...88%D9%86%D9%8A
وبخصوص قرط على كده فأخونا فخري شرحها ليك

انت كده في السليم خليك علي كدا

اما بخصوص الانتماء والاقصاء، فبقول ليك طالما (لك) رأي في مواقف سياسية، فأنت (منتمي جزئياً)، أعلنت ذلك ام لم تعلنه

مثال: هل أنت (مع) أو (ضد) العلمانية؟

[imported_محمد فرح]

تسجيل حضور
وإستمتاع بالسرد

مؤونة عام من الود

[imported_طارق الحسن محمد]

تجاهل

[imported_ابرا]

ناصر الكووووووووووووووووووز وانا اقول الود مدردم مالو

[imported_بله محمد الفاضل]

لا أعرف حقيقة
لم يصر الناس على وضع بعضهم في قوالب
ولماذا لا يقبلون بأن هناك أشخاص لا ينتمون إلى أي حزب
وأعتقد بأن الأمر يعود إلى البيئة التي نشأنا فيها
حيث لا يمكن أن تجد أحداً لا ينتمي إلى أحد الفريقين
الأمة والاتحادي
وبذلك فإن ما يجري عقب ذلك بعد ظهور أحزاب أخرى في الساحة
هو أن كل شخص بالغ راشد
هو منتم بالضرورة إلى جهة ما
وإن أعلنت وصرخت بأنك لا تنتمي لا إلى هذا ولا إلى ذاك

شخصياً يصعب تصنيفي
فلدي لحية ضخمة حالياً
لكنما لا تصرف عندي يجعل بمقدور أحدهم أن يقول عني مثلاً
أنصار سنة/مطوع
أو
كوز
وتصرفاتي بدخاني الذي يعبئ السماء ومغالطاتي الملولوة
تضيفني إلى أي جهة من الجهات اليسارية
وهلم جرا

ما أود قوله
أتفق تماماً في أن السودان بغالبيته العظمى لا ينتمي إلى حزب بعينه عن اقتناع ودراية تامة
وإنما هي التبعية والمصالح والشوفونية في الغالب التي تحدد ذلك

بلدنا بلد جميل وأخضر
لكن نحن الضائعين ومضيعنو


محبتي

[imported_Sana Mursi]

اقتباس:
المشاركة الأصلية كتبت بواسطة ناصر يوسف
سناء مرسي

كيفنك يا زولة وكيف الأسرة الكريمة

يا بت العم ما تشوفوا لينا طريقة معاكم في بلاد الكانقارو دي ينوبك ثواب جاااااااادي في المسعلة دي والله

أنا العمارت كنت بمشي بس هناك ... وحتي القصر برضو لما المعهد ودوهو هناك كنت بمشي وأتابع فقط

لكني بديت قراية سنة 87م بعد تضييع أكتر من أربعة سنوات من بعد إمتحان الشهادة ودخلت المعهد لما كان في شمبات الأراضي

تحياتي لبعلك الفنان وتحياتي عبره لأخوي الزول الفنان عاصم الطيب ولرفقة الألم دفعتي عاطف خيري وهم بطرفكم .. وكمان تحايا لعفيف برضو

تسلمي يا سناء



تحياتي بتوصل للشاعر الجميل عاطف خيري الفنان المبدع عاصم ولبعلي الوصل امس من السودان الشقيق.
انا زاتي استغربت كيف كيف سنة70 كنت سبعه وفي نفس الوقت عاصرت المعهد في العمارات.
بالنسبه للجيه لبلد الكانغرو والابوريجنال فده لو جادي فيه جدا نوريك تسوي شنو زاتو ونحنا في ديك الساعه والبلد القاره لو ما شالتك نشيك جوه نني العين.
تسلم من كل شر

[ناصر يوسف]

[QUOTE=وراق;341604]

المشاركة الأصلية كتبت بواسطة ناصر يوسف

[COLOR="Blue"][SIZE="4"]
اما بخصوص الانتماء والاقصاء، فبقول ليك طالما (لك) رأي في مواقف سياسية، فأنت (منتمي جزئياً)، أعلنت ذلك ام لم تعلنه

مثال: هل أنت (مع) أو (ضد) العلمانية؟

العلمانية دي يعني شنووووووووووو ؟؟؟ جايه من علمني يعلمني علمانية ولا شنووووووووو بالضبط ؟؟؟



وبياتو فهم قلت ومتيقن خااااااااااااالص بإنو أي زول عندو رأي في مواقف سياسية ولا مواقف مواصلات أم بده ....

يبقي لااااااااازم يكون منتمي سياسياً ؟؟؟؟

لأني شايفك أوردت المعله دي كدي وكانو حقيقة ومُسَلَم بيها ؟؟؟

[ناصر يوسف]

المشاركة الأصلية كتبت بواسطة محمد فرح

تسجيل حضور
وإستمتاع بالسرد

مؤونة عام من الود

شكراً لحضورك يا زول

بس ماوقعت لي مسعلة الإستمتاع دي والله

[ناصر يوسف]

المشاركة الأصلية كتبت بواسطة طارق الحسن محمد

تجاهل

توااااااااااصُـــــــــــــــــــــل