أفتحن البيبان والطاقة ..

[لنا جعفر]

المشاركة الأصلية كتبت بواسطة معتصم الطاهر

يا لنا
ازيك

أسع لو فضلت على حالتي القديمة .. مش أخير!!
حالة أن أجتر مداخلاتك و أبتسم دون رد ..
قلنا ليك " افتحن البيبان و الطاقة " مش "أفتحن النيران بلباقة "
قالت نقاط قصيرة قالت !!

فى كل ردودي أكتب عن واقع و حلم .. وتجاربي وآخرين و بعض من فهمي المغلق ..فلا تأخذيني بمحدودية تفكيرى

معتصم سلام مربع أوي
شوف يامعتصم حالتك القديمة كانت تسبب لي كثير من القلق وعدم الراحة بعدين ياخي انت عايز تبتسم براك ليه ماتخلينا نبتسم معاك فالمرء مرآة اخيه ولما تكتب بشوف تعبير يوريني موقعي من الاعراب
وبصحح نفسي وشططي من ردود افعالك ،انت سبق وان اتهمتني بالبخل في بوست احمد سليمان دلوقتي آن الأوان عشان ارد ليك التهمة انت مش بخلان بي صورة (زي ماقال المغني)......انت بخلان بالكلمة ياخي
بعدين والله معجبة جدا بي سجعك بتاع افتحن النيران بي لباقة ودي مابتجي الا من فنان
عاين يامعتصم انت لست صاحب فهم مغلق بالمرة وتفكيرك غير محدود والا ماكنت اصلا فتحت هذه الطاقة التي نفذنا منها......انا احترم واقدر واعتز بي مبادرتك هذه التي عجز عنها كثير من الذين يطرحون فكرا مغايرا للسايد فلا تغمط نفسك حقها فأنا احزنني ماادعيت على نفسك (بغير حق)
وانا لااراك ذلك .........
أنا ادري انك منفتح جدا على قضايانا وتتلمسها معنا وعذرا ان اصابك بعض رشاش غضبنا المكبوت وانفجاراتنا وان كنت ترانا هنا عصبة غاضبة أو فاتحي نيران أو ذوات اصوات عالية او منطق فهذا ليس منا وانما استمدينا قوة طرحنا من تراكم القهر والظلم وعدالة دعوانا فالفضل ليس لنا
لكن يامعتصم عندي ليك اقتراح
زمان كان في طريقة كتابة يعمل عليها احد اعمامي واسمها الاختزال سأحاول تذكرها والعمل بمقتضاها
تقول شنو انا ربنا سحب مني حاجات كتيرة وعوضني عنها بي شي وحيد هو بعض القدرة على التعبير عن نفسي والانشاء الكتيرة ودي مشكلة والله ماقادرة اتخلص منها
عموما انا دوما اسعى خلفك لاسمع رأيك فلاتلوذ بالصمت رجاء

منال العزيزة
كنت وعدتك بالرد وسأحاول الايفاء بوعدي هنا
شوفي يامنال
كما أن بصمات اليد الواحدة لاتشابه بعضها كذا البشر هم بامزجة وطوايا ونفوس مختلفة كما تعرفين وكنتاج طبيعي لذلك فالعلاقات لاتشابه بعضها وبالتالي لايمكننا وضع قاعدة محددة لافرازات العلاقات، لهذا السبب تحديدا أنا سمعت وصايا امي وبعض (المشلخات ) عند اقدامي على الزواج بنصف قلب ونصف عقل وزيرو رغبة ....كنت اعوّل فقط على قدرتي على التكيف وبعض الغرور وكنت مذاكرة جندر كويس ،هذه كانت كل حصيلتي ......ماانقذني من مماحكات الزواج ولعبة مكر مفر مقبل مدبر معا ...كان تاج السر والتعب الذي بذلناه معا لتسليط الضوء على زوايانا المظلمة ووضع دستور يحمي علاقتنا ونص الدستور على الشفافية التامة والحوار والاهم من الحوار العمل بما يسفر عنه الحوار يعني الصح هو البمشي بغض النظر عن اية جهة أتى.........وينص الدستور ايضا على حقنا في اخد اجازات من بعض لفترات يحتاجها صاحب الاقتراح فينا ..ونص الدستور على أن نكون اصدقاء بصدق وأن يرعى كلا منا اهتماماته وهواياته وافكاره وعلاقاته بلا حجر من الطرف الآخر ونص الدستور على احالة دعاوى الخلافات اليومية لمحكمة الصداقة وونسات نهايات الاسبوع وكتبنا عهدا على انفسنا الا ندع حياتنا تسير وفق العادة والمتعارف عليه .............وأمنّا على ان العلاقة بيننا لاتقوم على حقوق الاسرة وحوجات البيت العلاقة تقوم على حوجاتنا الذاتية وليس حوجات اسرتينا أو حتى اطفالنا ...
أنا دوما يدفعني اعتقاد يامنال وتاج معي ايضا أن علاقتنا مستهدفة وأن هناك اخطار عليها قد تكون هذه الاخطار نابعة منا نحن شخصيا والاحساس بالخطر والتربص هو ماجعلنا دوما متنبهين وحرسا شرسا لما يتهددنا
وبعد كل الاحتياطات فالاختلافات الطارئة تحدث لكن امتلاكك لحد أدنى من الوعي والقدرة على التحليل يعطيان مناعة ضد تحول الامور لمستعصيات
عندما تحس انك حر داخل علاقة زوجية فبأمكانك ان تبدع حياة وادعة وممنهجة فالحرية للاطراف تنعكس ايجابا على العلاقة
منال
انا ضد الوصفات الجاهزة فلكل علاقة خصوصياتها وعوامل نجاحها ........لكن الحرية والتفهم والوعي بالمحيط والترتيب النفسي والحضور محاور لاغنى عنها لرفد اي علاقة بالعافية والاطمئنان
خوضي تجربتك بتخطيط بعد توافر اقتناعك بأن هذا هو الشريك ودعي المخاوف .......ارفعي رأسك عاليا وكوني على يقين بقدراتك يقتنع العالم أنك قادرة.........انت جديرة بالحياة وانت ملكة نفسك فانطلقي
تلك اسلحة اعطيك اياها بدلا عن وصفات (المشلخات)

[معتصم الطاهر]

[align=center]الوصايا العشرون ..[/align]



[frame="5 80"][align=right][align=justify]ماانقذني من مماحكات الزواج ولعبة مكر مفر مقبل مدبر معا ...
* كان تاج السر
* والتعب الذي بذلناه معا لتسليط الضوء على زوايانا المظلمة
* ووضع دستور يحمي علاقتنا
*نص الدستور على الشفافية التامة والحوار
*والاهم من الحوار العمل بما يسفر عنه الحوار يعني الصح هو البمشي بغض النظر عن اية جهة أتى.........
* حقنا في اخد اجازات من بعض لفترات يحتاجها صاحب الاقتراح فينا ..
* نكون اصدقاء بصدق
*وأن يرعى كلا منا اهتماماته وهواياته وافكاره وعلاقاته بلا حجر من الطرف الآخر
* احالة دعاوى الخلافات اليومية لمحكمة الصداقة وونسات نهايات الاسبوع
* وكتبنا عهدا على انفسنا الا ندع حياتنا تسير وفق العادة والمتعارف عليه .............
* وأمنّا على ان العلاقة بيننا لاتقوم على حقوق الاسرة وحوجات البيت العلاقة
* تقوم على حوجاتنا الذاتية وليس حوجات اسرتينا أو حتى اطفالنا ...
* دوما يدفعني اعتقاد - وتاج - معي ايضا أن علاقتنا مستهدفة وأن هناك اخطار عليها قد تكون هذه الاخطار نابعة منا نحن شخصيا والاحساس بالخطر والتربص هو ماجعلنا دوما متنبهين وحرسا شرسا لما يتهددنا
* وبعد كل الاحتياطات فالاختلافات الطارئة تحدث لكن امتلاكك لحد أدنى من الوعي والقدرة على التحليل يعطيان مناعة ضد تحول الامور لمستعصيات
* عندما تحس انك حر داخل علاقة زوجية فبأمكانك ان تبدع حياة وادعة وممنهجة فالحرية للاطراف تنعكس ايجابا على العلاقة
* انا ضد الوصفات الجاهزة فلكل علاقة خصوصياتها وعوامل نجاحها
* .لكن الحرية والتفهم والوعي بالمحيط والترتيب النفسي والحضور محاور لاغنى عنها لرفد اي علاقة بالعافية والاطمئنان
* خوضي تجربتك بتخطيط بعد توافر اقتناعك بأن هذا هو الشريك ودعي المخاوف .......
* ارفعي رأسك عاليا وكوني على يقين بقدراتك يقتنع العالم أنك قادرة........
* .انت جديرة بالحياة وانت ملكة نفسك فانطلقي [/align][/align][/frame]

المشاركة الأصلية كتبت بواسطة لنا جعفر

تلك اسلحة اعطيك اياها بدلا عن وصفات (المشلخات)

[معتصم الطاهر]

المشاركة الأصلية كتبت بواسطة لنا جعفر

عاين يامعتصم انت لست صاحب فهم مغلق بالمرة وتفكيرك غير محدود والا ماكنت اصلا فتحت هذه الطاقة التي نفذنا منها......انا احترم واقدر واعتز بي مبادرتك هذه التي عجز عنها كثير من الذين يطرحون فكرا مغايرا للسايد فلا تغمط نفسك حقها فأنا احزنني ماادعيت على نفسك (بغير حق)
وانا لااراك ذلك .........
أنا ادري انك منفتح جدا على قضايانا وتتلمسها معنا وعذرا ان اصابك بعض رشاش غضبنا المكبوت وانفجاراتنا وان كنت ترانا هنا عصبة غاضبة أو فاتحي نيران أو ذوات اصوات عالية او منطق فهذا ليس منا وانما استمدينا قوة طرحنا من تراكم القهر والظلم وعدالة دعوانا فالفضل ليس لنا

أولا شكرا ..يا لنا و شهادة منك ترفع الراس ..

المشاركة الأصلية كتبت بواسطة لنا جعفر

لكن يامعتصم عندي ليك اقتراح
زمان كان في طريقة كتابة يعمل عليها احد اعمامي واسمها الاختزال سأحاول تذكرها والعمل بمقتضاها
تقول شنو انا ربنا سحب مني حاجات كتيرة وعوضني عنها بي شي وحيد هو بعض القدرة على التعبير عن نفسي والانشاء الكتيرة ودي مشكلة والله ماقادرة اتخلص منها
عموما انا دوما اسعى خلفك لاسمع رأيك فلاتلوذ بالصمت رجاء

أنا لا أشكو من طول مداخلاتك لأن ليس بها أى كلمة فائضة أو أضافية

أنا أشكو من كثرة طرحها فى مداخلة واحدة .. كأنها مقال
أنا ما عندى اسلوب تعبير زيك .. انا زول مندلق وبس ..

[منال]

المشاركة الأصلية كتبت بواسطة معتصم الطاهر

[align=center]الوصايا العشرون ..[/align]

[frame="5 80"][align=right][align=justify]ماانقذني من مماحكات الزواج ولعبة مكر مفر مقبل مدبر معا ...
* كان تاج السر
* والتعب الذي بذلناه معا لتسليط الضوء على زوايانا المظلمة
* ووضع دستور يحمي علاقتنا
*نص الدستور على الشفافية التامة والحوار
*والاهم من الحوار العمل بما يسفر عنه الحوار يعني الصح هو البمشي بغض النظر عن اية جهة أتى.........
* حقنا في اخد اجازات من بعض لفترات يحتاجها صاحب الاقتراح فينا ..
* نكون اصدقاء بصدق
*وأن يرعى كلا منا اهتماماته وهواياته وافكاره وعلاقاته بلا حجر من الطرف الآخر
* احالة دعاوى الخلافات اليومية لمحكمة الصداقة وونسات نهايات الاسبوع
* وكتبنا عهدا على انفسنا الا ندع حياتنا تسير وفق العادة والمتعارف عليه .............
* وأمنّا على ان العلاقة بيننا لاتقوم على حقوق الاسرة وحوجات البيت العلاقة
* تقوم على حوجاتنا الذاتية وليس حوجات اسرتينا أو حتى اطفالنا ...
* دوما يدفعني اعتقاد - وتاج - معي ايضا أن علاقتنا مستهدفة وأن هناك اخطار عليها قد تكون هذه الاخطار نابعة منا نحن شخصيا والاحساس بالخطر والتربص هو ماجعلنا دوما متنبهين وحرسا شرسا لما يتهددنا
* وبعد كل الاحتياطات فالاختلافات الطارئة تحدث لكن امتلاكك لحد أدنى من الوعي والقدرة على التحليل يعطيان مناعة ضد تحول الامور لمستعصيات
* عندما تحس انك حر داخل علاقة زوجية فبأمكانك ان تبدع حياة وادعة وممنهجة فالحرية للاطراف تنعكس ايجابا على العلاقة
* انا ضد الوصفات الجاهزة فلكل علاقة خصوصياتها وعوامل نجاحها
* .لكن الحرية والتفهم والوعي بالمحيط والترتيب النفسي والحضور محاور لاغنى عنها لرفد اي علاقة بالعافية والاطمئنان
* خوضي تجربتك بتخطيط بعد توافر اقتناعك بأن هذا هو الشريك ودعي المخاوف .......
* ارفعي رأسك عاليا وكوني على يقين بقدراتك يقتنع العالم أنك قادرة........
* .انت جديرة بالحياة وانت ملكة نفسك فانطلقي [/align][/align][/frame]

العزيزة لنا و الوصايا العشرون التى جملها عمو معتصم بالفريم شكرا فانت تزيدنى القا و جمالا ...

عندما تحس انك حر داخل علاقة زوجية فبأمكانك ان تبدع حياة وادعة وممنهجة فالحرية للاطراف تنعكس ايجابا على العلاقة
لكن الحرية والتفهم والوعي بالمحيط والترتيب النفسي والحضور محاور لاغنى عنها لرفد اي علاقة بالعافية والاطمئنان

عزيزتى لنا الشراكة فى العلاقات الانسانية التى تتوج بالزواج ... هل تقيد و تعتقل الحرية لكلا الطرفين ... حسب فهمى البسيط ان الحرية تقيدت منذ ان تخطيت منزل الاسرة بكل احكامه.. و كذلك هو اسرتو التى كان يتمتع بقدر كبير من الحرية و الحركة لرفع سهم الذكر على الانثى فى تربيتنا ... و تحت سقف الزوجية ان وجد المنزل الذى نتمتع بالخصوصية بداخله .. تظل الحرية مقيدة من الطرفين و نمتحنها حتى فى احتياجاتنا الذاتية و متطلبتنا .. بدأ بالنوم و الاكل و الراحة .. و القائمة تطول و لكن يظل الوعى بالمحيط و الترتيب النفسى هما المؤثر فى استمرار العلاقة ذاتها و مجابهتها للتحديات برغم الاحتياطات كما تفضلت و اوضحت ... و تظل لكن فى

بأمكانك ان تبدع حياة وادعة وممنهجة فالحرية للاطراف تنعكس ايجابا على العلاقة

..
و بجى تانى للحتة دى

[منال]

المشاركة الأصلية كتبت بواسطة معتصم الطاهر

أولا شكرا ..يا لنا و شهادة منك ترفع الراس ..



أنا لا أشكو من طول مداخلاتك لأن ليس بها أى كلمة فائضة أو أضافية

أنا أشكو من كثرة طرحها فى مداخلة واحدة .. كأنها مقال
أنا ما عندى اسلوب نعبير زيك .. انا زول مندلق ويس ..

يا زول يا راقى لا تشكو من الطرح ... و التعبير و المقال ... كلها اكيد انك قادر تعزيها لشنو بالضبط ... و انت الذى دعمتنا بالفكر و المثابرة و الطرح الموضوعى الواضح الشفيف .. منتظرة جيتك كتير وينك برغم المشغوليات ... قيل بخير .. وهابى ويك اند

[معتصم الطاهر]

المشاركة الأصلية كتبت بواسطة فتحي مسعد حنفي

:-- أي قصة حب قبل الزواج في رأيي نوع من فترة مراهقة وحب التملك لشيئ جميل عايزينو يكون لينا برانا..ة

أي زواج بيبدأ بفترة اسمها الفترة الحرجة وهي التلاتة سنين الأولي بعد الزواج ودي بتحصل فيها مشاكل كتيرة لاصطدام الطرفين بحقيقة الحياة الواقعية التي تختلف عن ما كان في تصورهم ولمعرفة كل من الطرفين للأشياء التي كانا يخفيانها عن بعض في فترة ما قبل الزواج كنوع من أنا لا أكذب ولكني أتجمل ..وبعد السنة الثالثة تبدأ الحياة الزوجية الحقيقية المعتمدة علي العقل والفهم.ومن هنا يبدأ التقييم لمدي نجاح أو فشل الحياة الزوجية..ودا اقتراحي في القضية كما قال عادل امام
D[/size][/color]

الكلام دا ما نفوتوا يا جماعةالتلات سنوات دى ممكن تمتد لى خمسة أو أكثر
و الكلام دا مهم .. حتى للاتزوجوا عن حب ..

[معتصم الطاهر]

[align=left]

All he wants is the basic love, companionship, warmth and fun of a good wife and mother. He wants to be able to bring his friends home unexpectedly and find the house in order, a meal miraculously brought out of the hat without any fuss, and a warm welcome for everyone.

A man is the envy of his friends if he has a wife who does not greet him at the door saying, “Why didn’t you ring me and say you were bringing someone home?” He likes to know she’ll say, “What nice friends you have,” instead of “I can’t think why you bother about that awful bore….besides he doesn’t stop drinking. He hasn’t left a drop in the house.”

She sees that his clothes are always spotless and well pressed. Looking at him, his friends know that he has a good wife because he always looks well-groomed and his expression is contented.

There are some women who can’t wait to tell their husbands what kind of day they had, what they bought, what their neighbors had to say. Every woman might as well accept the fact that to make a marriage work she must put her husband first. Before she tackles her own affairs she should ask tenderly, gaily, kindly, brightly, thoughtfully, according to type, what his day was like. There are plenty of wives who complain that their husbands never tell them a thing. Are they sure it isn’t their own fault?

A wise woman plans for her man in an encouraging way. She won’t ever say, “Why can’t you earn as much as Bill Jones? You started at the same time and he makes twice as much as you do.” This is fatal. She’ll say instead, “Fancy that silly old Bill Jones doing so well. I bet he wouldn’t have got there without your help, darling….I’m really proud of you.”

With this wonderful spur, she’ll gently lead her husband the way she wants him to go, tactfully, with a word of praise. She neither pushes nor persuades. She simply angles whenever she sees the opportunities until, in the end, he takes the bit between his teeth and bolts just where he has been led; but he still thinks it was his idea and she is happy with his male misapprehension.

The sensible wife dodges sarcasm unless she is really witty. She may be so capable that she would make a strong man wilt, but she plays up her feminine weaknesses. While she does most things well - she never makes it a point to do so - she never neglects her appearance. She never seems to have moments with her hair in curlers, her make-up messy, or her face all greasy. She manages this sort of thing when her husband is at work.

She is probably a little extravagant - it’s the only way to be impeccable, whatever anyone may say.

And tired though she is from bringing up the children and all the other chores, she somehow or other manages to appear bright and interested to her husband when he arrives home. She never puts the children before her husband, but gives them a lot of loving when father’s not about; and she builds up a picture in her children’s mind that their father is a wonderful man.

She never nags - it’s the quickest route to the divorce courts, and even grounds for divorce in these days. She often flatters, but never so much that she appears false, and she never picks on her husband’s weaknesses unless as an indulgent joke.

She realizes that no one ever really outgrows their weaknesses but knows that a slight awareness of them isn’t a bad idea. He might overcome them one day. She didn’t marry the man with the idea of changing him. She just makes the most of the things she likes about her man.

From Woman’s World. circa 1950s

[/align]

دا كلام سنة 1950

[معتصم الطاهر]

[frame="5 80"][align=right][align=justify]ماانقذني من مماحكات الزواج ولعبة مكر مفر مقبل مدبر معا ...
* كان تاج السر
* والتعب الذي بذلناه معا لتسليط الضوء على زوايانا المظلمة
* ووضع دستور يحمي علاقتنا
*نص الدستور على الشفافية التامة والحوار
*والاهم من الحوار العمل بما يسفر عنه الحوار يعني الصح هو البمشي بغض النظر عن اية جهة أتى.........
* حقنا في اخد اجازات من بعض لفترات يحتاجها صاحب الاقتراح فينا ..
* نكون اصدقاء بصدق
*وأن يرعى كلا منا اهتماماته وهواياته وافكاره وعلاقاته بلا حجر من الطرف الآخر
* احالة دعاوى الخلافات اليومية لمحكمة الصداقة وونسات نهايات الاسبوع
* وكتبنا عهدا على انفسنا الا ندع حياتنا تسير وفق العادة والمتعارف عليه .............
* وأمنّا على ان العلاقة بيننا لاتقوم على حقوق الاسرة وحوجات البيت العلاقة
* تقوم على حوجاتنا الذاتية وليس حوجات اسرتينا أو حتى اطفالنا ...
* دوما يدفعني اعتقاد - وتاج - معي ايضا أن علاقتنا مستهدفة وأن هناك اخطار عليها قد تكون هذه الاخطار نابعة منا نحن شخصيا والاحساس بالخطر والتربص هو ماجعلنا دوما متنبهين وحرسا شرسا لما يتهددنا
* وبعد كل الاحتياطات فالاختلافات الطارئة تحدث لكن امتلاكك لحد أدنى من الوعي والقدرة على التحليل يعطيان مناعة ضد تحول الامور لمستعصيات
* عندما تحس انك حر داخل علاقة زوجية فبأمكانك ان تبدع حياة وادعة وممنهجة فالحرية للاطراف تنعكس ايجابا على العلاقة
* انا ضد الوصفات الجاهزة فلكل علاقة خصوصياتها وعوامل نجاحها
* .لكن الحرية والتفهم والوعي بالمحيط والترتيب النفسي والحضور محاور لاغنى عنها لرفد اي علاقة بالعافية والاطمئنان
* خوضي تجربتك بتخطيط بعد توافر اقتناعك بأن هذا هو الشريك ودعي المخاوف .......
* ارفعي رأسك عاليا وكوني على يقين بقدراتك يقتنع العالم أنك قادرة........
* .انت جديرة بالحياة وانت ملكة نفسك فانطلقي [/align][/align][/frame]


طيب يا جماعة دايرين نحلل الكلام الفوق دا الكبتو الزول دي فى الماعون دا و فرتكت ..ا ..
وأنا حأشيل شيلتي فى الورطة دي ..
وطبعا أنا مورط .. من بداية البوست دا ..

[frame="5 80"][align=right][align=justify]ماانقذني من مماحكات الزواج ولعبة مكر مفر مقبل مدبر معا ...
* كان تاج السر
[/align][/align][/frame]


طبعا بدأت لنا قولها بمقدمة كويسة هي .."أن ما حدث هو انقاذ من الورطة .. وطبعا ما قاصدة ورطة الزواج بل ورطة مماحكات الزواج ..
يعنى الزولة دى عارفة انو فى حاجات حتحصل .. فى لعبة القط والفار وبظرافتها قامت سمتها مكر مفر ..

اول حاجة كان تاج السر

يعنى اختيار الزوج هو البداية
طيب اختيار تاج السر دا بنى على كم ركن وكم سريقة ؟ .. قبل العشرين ركن ديل ..
ما هو دا الجنن .. بسملة و منال ..

[معتصم الطاهر]

[frame="5 80"][align=right][align=justify]
* والتعب الذي بذلناه معا لتسليط الضوء على زوايانا المظلمة
* ووضع دستور يحمي علاقتنا
[/align][/align][/frame]
أها يا جماعة بعد اختيار " تاج" - وتاج حيكون رمز لتاج عز أي بنت .. مش "تاج السر" لكن رمز للاختيار .. والقرار .. أها بعد تاجك قعد فى راسك " وفوق راسك برضو " و ممكن يكون محكّر فى القلب ..

أها ولأنو الحكاية ما انتهت بالزواج - اللفظ الفظ البيعنى انتهاء الحب -
الحكاية تكون ابتدت بالزواج و ناس بيقولوا اتوجت بالزواج .. أها لو اتوجت باختيار " تاج" "وتاجة "
يكون يا دار دخلك خير ..و نقول ابتدت بالزواج ..
ومن هنا بيبدأ البنيان لأنو إتأسس على الصاح باختيار التاج .. يعنى تاجنا هنا هو ساسنا ..

و يبدأ

تسليط الضوء على الزوايا المظلمة

... زى ما قالت لنا ..
والزوايا المظلمة شنو ؟؟

انا ما عارف زوايا ناس لنا وتاج لكن زوايا الناس الحولي المظلمة كانت ..
1 - الشعورفى قصر شهر العسل:
وانو ما ممكن يمتد فى احسن احوالو لحدى الحمل للمتفائلين وللمتفائلات سنتيتن .
يا جماعة تجديد العسل كل يوم بحركات بسيطة.
مسك اليد ..
المسح على الخدين ..
فرك الظهر أو لمسه ..
الابتسامة حين الدخول على الطرف الثاني ..
و الهدايا بدون مناسبة ..
دا غير المناسبات

2 - نحن وناس البيت
- اهلك وأهلو - وشعوركم بانكم مرتبطين بالبيت الأول أكثر من البيت دا .. يعنى الراجل داير برضو يكون مسئول عن بيت ابوهو وهي لسه بت أمها .. و ناسين انو ابوهم وامهم فى يوم ما كانو من عائلتين وكونوا عائلة جديدة . و طبعا من أول خميس الغدا عند ناس امي أو ناس أبوى و بتبدأ بالعزومة و تنتهي بالارتباط ببرنامج ثابت .

3- الجنس ..
تخيلوا تجيك واحدة تقول ليك لأول مرة بعد كم شهر أو كم سنة تكون يادوبك وصلت مرحلة النشوى القصوى ( ORGASM ) أو يادوبك قلعت هدومها مع راجلها والنور مولع.. خلينا من باقي التفاصيل الحميمة المطلوبة .. يا جماعة الانفتاح فى الجنس وانارة الزوايا المظلمة الدخلنا فيها المجتمع ما بنمرق منها إلا بالصراحة .. طيب لو ما صارحتا /صارحتى شريك فراشك تصارحي منو ..
ومنو القال ليكم الختان بمنع الوصول للنشوة..
أو واحد يقول ليك مليت .. أو الزولة دى جامدة .. طيب ما تحركها ياخي .. غالبك تعرف مواطن واماكن و مفاتيح الشفرة .. حاجة غريبة ..
ونصيحة .. للجميع.. بالله جدووا الاماكن ..

4- التجمل للنصف الآخر ..
ودا عيب كبير فى الرجال و شوية فى النساء ..
مافى راجل بلبس عشان مرتو أو يتعطّر وهو داخل البيت أو داخل الفراش ..
ما فى راجل بلبس كويس عشان يتغدى مع زوجتو فى البيت ..
الزوجة تتمكيج للخروج .. وعلى كدا أوزن ..
معانا زميلة .. غازلها زوجها فى الشارع و ما عارف انها زوجتو .. طبعا لأنها واعية و فاهمة اعتبرت انو دا قمة الجمال منو .. و هي زولة سمحة و ما عملت من الحاجة دى إلا مثل للعلاقة المتفاهمة والمبنية على الجمال والفهم ..

5- تخيلو انو قلة المال ابدا ما مشكلة .. لكن توزيعه هو المشكلة .. قليل او كثير ..

6-الماضي ..
( ودى نقطة برجع ليها بالتفصيل) .. لكن باختصار اذا كان الطرف الآخر ما بذكر الماضي بتاعو ما فى داعي نذكرو ليهو .. ولو بتذكرو كتير .. دى مهمة الطرف الثاني ..كيف تنسيهو/تنسيها ليهو بدون ما تحكها معاهو ..

و حاجات تانية برجع ليها لكن قبل ما أمشى اقول ليكم الحل فى النقطة الثالثة

وضع دستور ..

يا جماعة دى شراكة شنو البمنع نخت ليها ضوابط واضحة .. و بصراحة مش المسكوت عنه ..
و ممكن نكتبها كمان ..
نحن مش بنكتب عقد الزواج .. طيب ليه ما نخت ليه تفاصيل .

[ناصر يوسف]

ديشششششششششششششششششششششششششششششششششششك ده كلللللللللللللللللو فاتني !!!!!!!

وأنا مافي ولا لافي في شارع مافي وعاينت لقيتكم إنتو الفي الظاهر أصلاً إنو الشارع مُمَوَه فيكم ومخفي

شباااااااااب وعواجييييييييز إزيكم وليكم أشواقي وبحبكم جت عليكم رجال ونسوان

أها ناس الجندر ما تنطوا لي في حلقومي


نسوان من نسااااااااااء ونون النسوة أني أعزُ النساء


.. طيب أها هاكم قولي:
(1)

بسم الله الرحمن الرحيم

(ومن آياتِهِ أن خَلَقَ لكُم مِن أنفُسِكُم أزواجاً لِتسكِنوا إليها وجعل بينكم موَدَةً ورحمَه)

صدق الله العظيم


ولكم أن تتمعنوا في أربع كلماتٍ جاءت في الآية الكريمة:


أنفسكم


لتسكنوا


مودةً


رحمة



(2)


قلت لها قبل أن أتزوجها وحتي قبل أن ألتقيها :


أحتاجُكِ إمرأةً تُدفِئني من صقيعِ النِساءِ فَكُلُ النِساء دُونَكِ شِتاءٌ هباءٌ غباء


(3)


قال محمد المكي إبراهيم يوماً ما : كُلُ الرِجال المتزوجونَ عُشاق

[منال]

المشاركة الأصلية كتبت بواسطة معتصم الطاهر

[B][align=right][align=justify]

و حاجات تانية برجع ليها لكن قبل ما أمشى اقول ليكم الحل فى النقطة الثالثة
يا جماعة دى شراكة شنو البمنع نخت ليها ضوابط واضحة .. و بصراحة مش المسكوت عنه ..
و ممكن نكتبها كمان ..
نحن مش بنكتب عقد الزواج .. طيب ليه ما نخت ليه تفاصيل .[/size]

اها يا عمو معتصم ورينا الشراكة دى بنكونها كيف و نبنيها قشة ...قشة و النخت التفاصيل دى ما فى العقد عشان الجماعة يرضو فى النوت باد تكفى لعلنا نتذكرها مرة مرة و نقدر نعاين ليها و نعرف نحنا اى الشركيين ماشين كيف و الى وين عشان الاستمرارية و التواصل ... كدى استمر والله يديك العافية و يخليك لينا ... تاج ... شاية وراية زى ما بتقول حبوبة...

[منال]

المشاركة الأصلية كتبت بواسطة Nasir Yousif

[color=#FF0000قلت لها قبل أن أتزوجها وحتي قبل أن ألتقيها :


أحتاجُكِ إمرأةً تُدفِئني من صقيعِ النِساءِ فَكُلُ النِساء دُونَكِ شِتاءٌ هباءٌ غباء
يا ناصر طبعا اسهل حاجة تقول كلام غزل معسول لذيييييييييذ قبل ان تلتقيها ... و انتو جكس .. و لكن ده كلو بروح وين بعد ما تتزوج و يمر عليك شهرين (3)


قال محمد المكي إبراهيم يوماً ما : كُلُ الرِجال المتزوجونَ عُشاق [/B][/size][/font]

غايتو الكلام ده الا عند شاعرنا ده براهو و زيهو عشرة بيتعدوا كمان

[معتصم الطاهر]

المشاركة الأصلية كتبت بواسطة منال

اها يا عمو معتصم ورينا الشراكة دى بنكونها كيف و نبنيها قشة ...قشة و النخت التفاصيل دى ما فى العقد عشان الجماعة يرضو فى النوت باد تكفى لعلنا نتذكرها مرة مرة و نقدر نعاين ليها و نعرف نحنا اى الشركيين ماشين كيف و الى وين عشان الاستمرارية و التواصل ... كدى استمر والله يديك العافية و يخليك لينا ... تاج ... شاية وراية زى ما بتقول حبوبة...

كدى أسألي مجرب

محول مع التوصية ..

يعني "لنا جعفر " توريك كيف اتفقوا على التفاصيل ..

[لنا جعفر]

معتصم
تحايا وود انت ومنال وناصر الماعرفني ده
ياخوي انا جاياك بس منتظرة تخلص
ماحااقاطعك حسه
لكن جيت اسلم واقول ليكم أنا قريبة
كده واصل التشريح
لكن لاعرفناك طبيب شرعي ولامداوي جروح ولابتاع هندسة
كده ارسى ليك على بر
وانا هنا قاعدة حارساك
ودي للجميع
يامنال ترقيتك الجاية حاتكون لي درجة نكير

[ناصر يوسف]

المشاركة الأصلية كتبت بواسطة لنا جعفر

معتصم
تحايا وود انت ومنال وناصر الماعرفني ده

منو الفي الباب ده ؟؟؟ وما بين أماني جعفر الجوالها ما بيرد ولنا جعفر يبقي الإسم الثاني قاسمٌ مُشترك وروروووووووووك أنا في الشَرَك