يا حاجة دوقي لينا كاروشة

[imported_عباس الشريف]

المشاركة الأصلية كتبت بواسطة الجيلى أحمد

قلت لى كيف ياركس..
يقنت

طبعآ ياركس , صاحبك دا حتى عربيتو خاتى فيها مبخر , شوفتا كيف


الزول الخرفان بتاع الهارمونى
انت لسه الكرسى الأسود الشين دا ماغيرتو ؟

طيب ما تقول لي كده يا ابوالجل
احنا ماشين للبعيد ليه مفروض نعوق الناس الفي الميدان بعد داك نشوف ناس الكنبه.
عشان كده اتحيرت في الزول الزي القذافي حرس بلوم

[آيات مبارك]

اقتباس:
المشاركة الأصلية كتبت بواسطة الجيلى أحمد
معقولة بس ياآيات
سوء تغذية ؟

دى بكونو بعلفو فيها لمدة نص سنة
سوء التغذية بكون عند العريس





ثم مشتاقين شديد والله

ياجيلوش بالاكتر والله ..هاهاها منو القاليك بنتحمل فراق عينيك.. سوري أقصد منو القاليك والله في عروسات لرجال من دعاة النشاف والعصرنة والمصرنة ..عاوزنهم كده وطبعاً هم النوع العامل زي حيط(ة دار الرياضة )فالعريس إذن ترميه الثلاثة اسبابأعلاه الفلس والكبكبة والجقمة

[imported_ابرا]

المشاركة الأصلية كتبت بواسطة عباس الشريف

طيب ما تقول لي كده يا ابوالجل
احنا ماشين للبعيد ليه مفروض نعوق الناس الفي الميدان بعد داك نشوف ناس الكنبه.
عشان كده اتحيرت في الزول الزي القذافي حرس بلوم

كدا بتغتس حجرنا وبطل اللعب الضاغط دا بتعوقنا في الانكل

[imported_عباس الشريف]

المشاركة الأصلية كتبت بواسطة زهير ابو سوار

كيفك عباس ود الشريف ..
تخيل انا مفتكرك من جيل الإنقاذ ..
لكن طلعت من جيل الأستقلال ..
دي اغنيات قدييييييييمي ضمة ..
ويطرشنا عاد ويقدد اضنينا ..
ما سمعنا بيها ..

زهير سلامات يا الحبيب
ياخي انت ما متابع القديم كلو جاء جديد يا حبيبنا احنا جيل ثورة مايو الجات للغلابة ابونا نميري وامنا اسيا
العجب حبيبي والكرب الساده طلعت تاني بعد اختفت من زمن الحقيبه والفنان ابو داؤد .... ود عثمان بالله طلب خاص لحقنا العجب حبيبي بصوت ابوداؤد

[youtube]http://www.youtube.com/watch?v=wnMqpTz1F4M[/youtube]

[imported_عباس الشريف]

المشاركة الأصلية كتبت بواسطة سماح محمد

ياعبس..
إنت وبتهظر منك خوف..تقوم تقلب جادي!

خلاص الروب..وعشان خاطر ودعثمان

سماح ما ممكن تسحبي كده خليك زي علي عبدالله صالح اتزاوقي لما احنا نعرق مرحلة الصورة والاسكايب دي بعيده ليه انتي خوافه كده .
كلامك صاح احيانا الهظار بقلب جد.
اها كان قلب جد رايك شنو ؟؟؟؟؟؟؟؟

[imported_عباس الشريف]

المشاركة الأصلية كتبت بواسطة زول خرافي

كدا بتغتس حجرنا وبطل اللعب الضاغط دا بتعوقنا في الانكل

خرافي وجيه والبلد ضيقه

[imported_سماح محمد]

المشاركة الأصلية كتبت بواسطة عباس الشريف

كلامك صاح احيانا الهظار بقلب جد.
اها كان قلب جد رايك شنو ؟؟؟؟؟؟؟؟

فهمتكم ..فهمتكم.. (بإحساس بي علي)
دايرين تعملو لي زنقة زنقة (دي بالسوداني)..

الله معاكم

[آيات مبارك]

اقتباس:
المشاركة الأصلية كتبت بواسطة عباس الشريف
العروس بتقع لمقياس قوة العريس زول شيله و ل فالصو (( نظام فضائح قدام خلق الله))
العريس بقع من عدم الصبر .... والعريس ما بنوم غلبو الصبر صاحي وغلبو النوم يا نااااااس



هههه أنت ماشوفته الفضايح .. قيل لي والعهدة على الراوي ... أنه العروس زمااان كانوا بقطعوا ليها الرحط قدام الجامع .. وأبو العروس يتقدم المصلين ليأخذ بيد الأمام عشان يحضر قطع الرحط .. فذكر لي محاكياً أبو العروس ..
وهو رافع راسة إحم إحم.. أتفضل ياشيخنا بي جاي ..فيأتي الشيخ وبقية الرهط
لرؤية مايدور.. وكأن شيئاً لم يكن ..

[imported_عباس الشريف]

المشاركة الأصلية كتبت بواسطة سماح محمد

فهمتكم ..فهمتكم.. (بإحساس بي علي)
دايرين تعملو لي زنقة زنقة (دي بالسوداني)..

الله معاكم

اشتغلي بي سياسة حلف الناتو مناورات عسكريه هجمات بالطيران لو الموضوع لفق معاك لو ما لفق قولي الحل العسكري صعب وشتتي

[imported_عباس الشريف]

المشاركة الأصلية كتبت بواسطة آيات

اقتباس:
المشاركة الأصلية كتبت بواسطة عباس الشريف
العروس بتقع لمقياس قوة العريس زول شيله و ل فالصو (( نظام فضائح قدام خلق الله))
العريس بقع من عدم الصبر .... والعريس ما بنوم غلبو الصبر صاحي وغلبو النوم يا نااااااس



هههه أنت ماشوفته الفضايح .. قيل لي والعهدة على الراوي ... أنه العروس زمااان كانوا بقطعوا ليها الرحط قدام الجامع .. وأبو العروس يتقدم المصلين ليأخذ بيد الأمام عشان يحضر قطع الرحط .. فذكر لي محاكياً أبو العروس ..
وهو رافع راسة إحم إحم.. أتفضل ياشيخنا بي جاي ..فيأتي الشيخ وبقية الرهط
لرؤية مايدور.. وكأن شيئاً لم يكن ..

الفضائح يا ايات عدم القروش حسي قطع رحط ورقيص عروس دي من الحاجات المكلفه اكتر من العرس .يت حجز صالة بى عشاها او مرطباتها,والعروس عندها ثلاثة لبسات وكل وحدة اغلى من التانية ممكن الفستان الواحد بكل تكاليفه مبلغ وقدره ,ناهيك عن التعليمة وهى بمبلغ وقدرو وايضاً فنانة يوم الرقيص ومعدات الجرتق دي الاسباب المخليه الناس تخاف.

[imported_زهير ابو سوار]

اقتباس:
المشاركة الأصلية كتبت بواسطة عباس الشريف
زهير سلامات يا الحبيب
ياخي انت ما متابع القديم كلو جاء جديد يا حبيبنا احنا جيل ثورة مايو الجات للغلابة ابونا نميري وامنا اسيا
العجب حبيبي والكرب الساده طلعت تاني بعد اختفت من زمن الحقيبه والفنان ابو داؤد .... ود عثمان بالله طلب خاص لحقنا العجب حبيبي بصوت ابوداؤد

[youtube]http://www.youtube.com/watch?v=wnMqpTz1F4M[/youtube]



كمان يا ود الشريف العجب حبيبي دي لو سمعتها من نادر خضر ترمي في الشوك ..
مسعووووول من الخير ..
وين فجر المشارق ..

[imported_الاصمعي]

نطالب بتحويل عباس الشريف وطارق الحسن الي لجنة الانضباط

[عبدالمنعم الطيب حسن]

غزلية
وين الرايقة
يا الفنية
ناري الليلة غزلية

عباس سلامات
هل المقطع اعلاه جزء من اغنية
ام اغاني بنات تتحور كلماتها من حلة لاخرى
في حلتنا في اغنية فيها مقطع يقول
احب سامي الوسيلة
تغنيها البنات في الحفلات
وسامي دا بكون قاعد
يتكشم
سامي لم يتجوز حتى الان
لسع شباب
واحب سامي الوسيلة
وطارق الحسن ذاتو

[imported_عباس الشريف]

المشاركة الأصلية كتبت بواسطة الاصمعي

نطالب بتحويل عباس الشريف وطارق الحسن الي لجنة الانضباط

الاصمعي سلامات
لجنة انضباطك دي لو فيها بنات تكون زي السكر خليك مع الكرتون ده بتاع الشرطية البت

[imported_عباس الشريف]