عم جعفر يا فخيم، ويا سيدي، تحيّاتي ..
أشواقنا الهبطرش والذي منو..
شايفك تشيل وتصر في عِب أم درمان، غايتو كلامك كلو طاعم ومعقول، عِلا في حاجتين أكلت فيهن حق أهلنا ناس الجزيرة
الحاجة الأولى، المقتبس دا:
اقتباس:
|
و أول مطرب غنى بالإذاعة هو ... سرور ... ( أمدرمانى
|
غايتو البعرفو أنا، الحاج محمد أحمد سرور دا، من مواليد الجزيرة، وتحديداً قرية "ود المجذوب" شمال غرب مدني..
نعم رحل منها الي أم درمان، ولكنه سرعان ما عاد اليها
وعمل مراسلاً بمدرسة الأميرية مدني سنيناً عددا، وعمل أيضاً في شركة يملكها أحد الخواجات بمدني أنذاك ..
طبعاً قصّة عودته من أم درمان للجزيرة ليست في صالح أمدرمان
إذ يقولون إن بعض الناس حدثوا أباه قائلين: الولد مما جاء أمدرمان باظ وخِرب، وبقى جنو غنى .. فما كان من والده إلا أن أرسله لمدني!
اقتباس:
|
و أول مذيع سودانى هو ... عبيد عبد النور (أمدرمانى )
|
عبيد من مواليد أم درمان فعلاً، وتحديداً أب روف، لكنه نشأ وترعرع بالجزيرة في مدينة رفاعة، إذ نجده درس بها كل مراحله الدراسية، ما عدا كلية غردون
غايتو البقيّه ما عارفهم، لكن بيني وبينك لو فتشناهم يمكن نلقى فيهم نفس جاي من بعيد
وتقبل ودي الذي لا ينضب
