محكمة البلطجة الدولية تعترف بالتدبير لاختطاف طائرة مدنية

[Mohamed E. Seliaman]

http://www.aljazeera.net/NR/exeres/4...ECCD1B6EC9.htm

[عمرابي]

الاخ العزيز

هذه محكمة القرصنة الدولية ولا عجب

تحاكم علي اختطاف الطائرات

و تخطف الطائرات

تحارب الارهاب و تقوم به


ولا حول ولا قوة الا بالله

[بابكر مخير]

الأحباء
محمد صاحب البوست وعمرابي العزيز المتداخل الأول
لكم التحايا في طرح موضوع من النظرة الأولى يبدو أنكم على الف حق ولكن بالتفحص والنظر لقوانيين ملاحقة المجرمين تظل الغيوم على حقيقة الأمر.
لابد وأننا نذكر عمليات خطف الفيتشيين (مين كدا ومين كدا فيتش بتاعيين سربيا)، حين إمتنعت حكومتهم من تسليمهم للمحمكة الدولية لمقاضاتهم في ذبح الف الكسوفيين.
كانت المحاولات جارية لعمل الشئ نفسه لليبين المتهميين بتفجر الطائرة وإزهاق أرواح المئات لكن الحكومة الليبية كانت أحكم وسلمتهم؛ برئ واحد وحكم الثاني.
للملاحقات الجنائية المحاكم دايمن تبحث عن طرق دغرية لمثول المتهميين أمامها وإلا إستصدار قرار من المحكمة لجلب المتهم بشتى الأساليب ودي ما بتكون قرصنة،، دي بتكون القانون ياخد مجراهو.
وفي أغلب الأحيان أي شخص يشعر بأن التهمة الموجهة له غير مستندة على حقائق بيقوم وبكل شجاعة يسلم نفسو للمحكمة ويبرئ ساحتو،،،، إلا أكان الزول دا عامل ليهو عملة فعليه بيقوم يشرد ويدسدس.
بفتكر السيد الوزير وبما أنه برئ من التهم الموجهة ليهو؟؟؟!!!! يقوم يسلم نفسو ويقضي ليهم كم يوم إجازة في أوربا (الجو هناك الايام دي لطيف وما حار ذي السودان) ويشوف ناس المحمكة دي ويلغمهم حجر.
وبعدها الحكومة ما حتقصر، السفارات في أوربا كلها رهن إشارتو،،، ضيافة وعربية سفارة ومنصرفات متغطية ومصاريف جيب وتسويق وحتى ممكن كمان شيلة لزوم الزوجة الجديدة،،،،
ما همو حيكون فضى وعاوز يجدد حياتو وسريرو الدبل
يا سعادة الوزير
سلم، تسلم
والسلام عليكم

[الفاتح]

وزير سوداني ينفي وقائع إعلان الجنائية الدولية محاولة خطفه ؟؟؟؟؟

[طارق الحسن محمد]

هى جات على طيارة

!!!!!!!
ياخى ديل خطفو بلد
بحالها

[منال]

التاريخ /9\6\2008
النمرة \م\د\د- 205
الوصف\ خارجي


نداء عاجل

في اطار التعاون بين منبردارفور الديمقراطي DDF و المحكمة الجنائية الدولية ICC في جمع وتوفير الادلة عن مرتكبي الجرائم ضد الانسانية في دارفور يطلب المنبر من نشطاء حقوق الانسان في الداخل والخارج وكل مواطني وشعب السودان في توفير بيانات ومعلومات عن شخص يعتقد و يشتبه في انه امر \وشارك في مجزرة الخميس يونيو 2008 - في جامعة الخرطوم يسمي (امير المجاهدين منزر موسي - او ابا منزر) امير (اتحاد قوي المسلمين "اقم" ) في جامعة الخرطوم - وامام مسجد في احدي مدن الخرطوم - عضو المؤتمر الشعبي سابقا - شارك في مجازر دارفور في منطقة "سربا وصليعة" ومجزرة" كرنوي" وظهر ايضا في تلفزيون السودان يحمل مدفع كلاش ويكبر ويهلل ويعتقد انه ايضا قام باعدام طالب من دارفور في امدرمان DDF اعدام الطالب في جامعة امدرمان الاسلامية \ محمد احمد ابراهيم 24 سنة من مدينة نيالا .وقد اصدر المنبر بيانا في ذلك .
وثبت بالدليل انه قام بتكفير طالب عضو في حركة حق في جامعة الخرطوم قبل ايم فقط من مجزرة جامعة الخرطوم بحق طلاب دارفور.

ولدي مقابلة ضحايا المجزرة من قبل مكتب مراقبة حقوق الانسان افاد (الضحايا والشهود) وسجل في فيديو وانزل علي موقع "يوتيوب" ان "المنزر قد امر جيوش المليشيات والمجاهدين بحرق داخليات ابناء دارفور وقتل وضرب كل ابناء دارفور ورميهم من اعلي الطوابق في داخلية " الرهد" مجمع الوسط في جامعة الخرطوم.

واذا تعتبر كل هذه الاعمال اعمالا مكملة لجرائم التطهير العرقي وجرائم تصب في "دعم العنصرية" من شانها تؤدي بصاحبها الي ان يكون مطلوبا للعدالة الدولية نطلب من الجميع توفير بيانات ومعلومات وصور عنه تمهيدا لارسالها الي مكتب المدعي العام في المحكمة الجنائية الدولية.

معا من اجل عدم الافلات من العقاب
معا من اجل توثيق كل الجرائم ضد الانسانية في دارفور و السودان والعالم

معا من اجل محاكمة المنزر في المحكمة الجنائية الدولية


نستقبل كل المراسلات علي العنوان التالي

[email protected]

صورة الي :

الصحف ووكالات الاعلام المحلية والدولية

بعثة الامم المتحدة في السودان

بعثة الاتحاد الافريقي والامم المتحدة في دارفور

منظمة العفو الدولية

منظمة مراقبة حقوق الانسان

الثلاثاء 9\6\2008

منبر دارفور الديمقراطي

Darfur Democratic Forum – DDF

مكتب مراقبة حقوق الانسان

برضو فى مجرم جديد و عايزين المحكمة الدولية تقبض عليهو وهو يحوم و يبرطع فى الخرطوم و يقتل ... ( و عندو بودى قارد من افراد الامن السودانى ) و ممكن يكون امام جامع ... و الله مهازل يا اوغاد

[بابكر مخير]

المشاركة الأصلية كتبت بواسطة منال

التاريخ /9\6\2008
النمرة \م\د\د- 205
برضو فى مجرم جديد و عايزين المحكمة الدولية تقبض عليهو وهو يحوم و يبرطع فى الخرطوم و يقتل ... ( و عندو بودى قارد من افراد الامن السودانى ) و ممكن يكون امام جامع ... و الله مهازل يا اوغاد [/font][/color]

أحييييييييييييييييييا
والله؛ حرقة شديدة يا بنيتي