برنامج أغاني و أغاني/ النسخة ال11

[imported_زول الله]

تسجيل حضور ضعيف نوعاً ما

ونفس الشعور مع اشرف السر

السنة دي كبيسة اظنها

ثم ازييكم وعساكم فاينين








اقول قولي هذا واستغفرالله لي........................

[imported_أمير الأمين]

المشاركة الأصلية كتبت بواسطة عكــود

سلام يا أمير،

رغم إحباطك، تراك متابع .
دحين ما عصرت علي السقيد ده شويي؟
الزول غناي ومجوّد، والعبرة مش بالكم، زي ما قال عمك قدور في حلقة أمس، علاوة على الأغاني المتفائلة، زي ما قال عمك الزوول.

أبو عركي، حبابو وعندو جمهورو، بس بصراحة ربنا قدر ما حاولت (لا محاولة لا محاولتين) إتكيّف لغناهو، غلبني تب!
يكون العيب في إضني الكبار ديل؟

تحياتي

ما متابع بس بعاين بطرف العين اشوف الولد الغناى هانى لو قدم حاجة
بعده بقلب فى القنوات لحد ما النشوة تروح
بعدين احبطتنى جدا بكلامك عن عركى شكلك ما كنت بتعشق وانت فى شبابك

[imported_أمير الأمين]

المشاركة الأصلية كتبت بواسطة زهور

صدقت يا الامير كلامك فى محلو نفخة وفلهمة شديدة السواى مو حداث السر قدور سمع شنو ما سمع اى شى غير برامج الإذاعة زماااااان بالنهار وهسه فالقنا بيها

مرحب يا زهور عليك الله اقنعى لى اخوى الكاشف دا
بعدين عمنا السر بدور فى نفس حلقة الاغانى
البقدمها من كم سنة .. مع اضافة بعض التوابل بس
طبعا روح البرنامج الجميلات اها من
ما مشن روح البرنامج طلعت

[imported_أمير الأمين]

المشاركة الأصلية كتبت بواسطة زول الله

تسجيل حضور ضعيف نوعاً ما

ونفس الشعور مع اشرف السر

السنة دي كبيسة اظنها

ثم ازييكم وعساكم فاينين








اقول قولي هذا واستغفرالله لي........................

ازيك يا فنان
وشهر مبارك

[عكــود]

ترحيب خاص وتعظيم سلام للفنان زول الله؛
ليك وحشة والله وافتقدناك

[عكــود]

المشاركة الأصلية كتبت بواسطة أمير الأمين

بعدين احبطتنى جدا بكلامك عن عركى شكلك ما كنت بتعشق وانت فى شبابك

والله يا أمير، أبو عركي ده بسمع فيه من زمن عرس دكتور علي عبد الله طه (الشقيق الأكبر للعوض) ولدو هسع مهندس قديم وبناتو عرّسن.
حفلة العرس كانت في الوابورات بحري وكان معاهو النور الجيلاني وبله حامد؛ لكن لي يوم الليلة ما قدرت والله .. عاد أكضّب عليك!

[عكــود]

اليوم الحلقة كانت عن الأغاني السودانية باللغة العربية الفصحى، وعمك قدور اختار نماذج.

صراحة ما فيهم زول أجاد غير هدى عربي، حتى مكارم الأشادت بيها جيجي ما كان مفهوم منها ولا كلمة من الأغنية الغنتها، إلا الزول يكون حافظ الأغنية ويتابعها بالإحساس ساكت.

مهاب، رغم صوتو الجميل، لكن محاولاتو في غناء أبو داؤود بتغتّس حجرو، أداءه كان باهت جداً ولا يشبه حتى "شذا" ابو داؤود.
حسين الصادق برضو ما كان موفق في أغنية كابلي "شذا زهر ولا زهر".

من أجمل الأغاني بالفصحى، ما عارف ليه عمك قدور ما جابها كنموذج، رائعة التاج مصطفى ورباعيات عمر الخيّام:
ونديم همت في غرته
وسقاني الراح من راحته
كلما استيقظ من سكرته
جذب الزق إليه واتكأ
وسقاني أربعاً في أربعِ

كان تكون تحفة ويا سلام!
لو غنّاها هاني عابدين.

[زهور]

السر قدور شنو عرفو قدر ده

[زهور]

بتابع من اليوتيوب يعنى اسمع الناس بتكلموا عن غنية بحبها او بتهمنى أقوم اشوف الحلقة قلت اشوف من قلبى عقبالك يا راسى يازين
لقيت حسين الصادق شغال فيها على كيفو كلها خطر فى خطر
قال
دلال الحرائر الغر النواضر ربات الخطر والصاح هى الخفر
بالمناسبة غنا الكابلى ده داير استاذ عربى يشرحو للأولاد ديل .
ما تخربوا الغنا الراقى وما تخربوا مزاجنا

[ناصر يوسف]

المشاركة الأصلية كتبت بواسطة زهور

بتابع من اليوتيوب يعنى اسمع الناس بتكلموا عن غنية بحبها او بتهمنى أقوم اشوف الحلقة قلت اشوف من قلبى عقبالك يا راسى يازين
لقيت حسين الصادق شغال فيها على كيفو كلها خطر فى خطر
قال
دلال الحرائر الغر النواضر ربات الخطر والصاح هى الخفر
بالمناسبة غنا الكابلى ده داير استاذ عربى يشرحو للأولاد ديل .
ما تخربوا الغنا الراقى وما تخربوا مزاجنا

حبابك يا زهور في بيتك

يبدو إني موعود بقلم باتِع شديد ياخ

حبابك تب



زول الله وامير الامين ( أصبروا لي ياخ )

[زهور]

حبابك الف يا ناصر يوسف وأسعدنى جدا ترحابك

[imported_جيجي]

غيرك انت وامي الحاجي
مافيش مخلوق مسموحلو يغني
______
وعاد شن لي غير ابكي واغني

ويا سلاام ياطيرالجني ياخ

[عكــود]

حلقة اليوم كانت مليئة بالإبداع والتفاعل الجميل.

منتصر وهدى وطلال وأحمد الصادق أجادوا بدرجات متفاوتة؛
لكن الملاحظ إنهم ما عملوا بروفات كفاية.

مسك الختام، كما أشارت جيجي، كانت أغنية طير الجنّي وتفاعل الجميع معها؛ والتحية لعوض أحمودي وهو يعتلي المنصة للمشاركة مع بقية الفنانين والكورس.

ود النصري كان نجماً.

[imported_الزوول]

اختلاف تام معاك يا أباذر
أثبت محمد النصري أن الذكاء في الاختيار ينقصه بشكل كبير وأكاد ان أقول انه يفقده كلياً
هذه الفرصة في عرض ما لديك من ابداع في برنامج جماهيري مشاهد كما ان حلقاته تتداول في الانترنت لزمن طويل ... لا تتكرر
يجب أن (تفرش) كل انتاجك الغنائي أمامك ومنذ بدايتك ويمكنك أن تتجاوز حتى ما يخصك الى عموم التراث لتأتي بافضل ما انتجت لتعرضه هنا وليس أن تسمعنا جديدك فالمقام ليس مقام عرض جديد أعمالك..
يجب أن تختار من الشعرأقواه وأصدقه وأكثره تعبيرا وبلاغة
وهل هناك مثل أشعار الراحل الضخم حِمّيد؟؟؟
ثم يجب ان تختار الحان مختلفة وليست الحانك فاختيارك رغماً عنك سيدخل في خانة التكرار حتى ولو حاولت التنوع .
انت مثلا يا اباذر متابع جيد بحكم أشياء كثيرة
هل يمكن أن تخبرنا كم من اختيارات النصري (طقش أضانك) قبل كدي ؟؟
وينا ... لوري الخزين ؟
وين ... الخدير الشال وبدّع
حتى ولو قلنا حاجات متل ست الدار ممنوعة
سوقني معاك يا حمام
اين كلمات سيدأحمد عبدالحميد وألحانه المميزة؟
أين كلمات محمد أحمد الحبيب الرائعة
زولنا فاشل ... فشل تام

[imported_أمير الأمين]

لاسف فى نظرى النصرى ما عندو كاريزما فنان مفروض يخلع بدلة التربال دى ويدخل فى شخصية فنان حقيقى بكل الرصيد العندو لو داير يبقى فنان لكل لسودانيين ذى القبلو النعام وكرم الله الخ لكن يقعد يكرر فى نفسه وألحانه وحتى حركات الشيالين ح يظن فنان شايقى بس