راكوبة المجادعات.. النمة والدوباي

[عبد المنعم حضيري]

المشاركة الأصلية كتبت بواسطة سجمان

يطارش نداي نهب الظنون ماكلني
وكل ما اقول اتوب أشواقو تتعنكلني
يلجلج صبري بي لًجَنْ النضم لجّني
فرحان بي باللهج حتن يقول كجّني

كـل ما اقول أتــوب اشواقو تخلف ظنــي
ونيران الظنون فوق درب الهلاك ساقني
ممحــوق يا صبـر وكت أب لجينة يغنـي
فرحـــــان باللهيـج وكتيــن بـرا يشاغلنـي

[علاءالدين عبدالله الاحمر]

ضم جوانح الحشي جر شوك
البال كان صحي القلب مهلوك
الا عقابك ياوطن عشم البيترجوك
تصبح فسح بالهم متدفي بالرادوك


بنحي من امدر ونفتح الكراس
اصلو العلينا كتير بكتم الانفاس
اصلو العلينا صعب دوخ الاحساس
اصلو الدفق سيلو غالب علي المتراس
يانا الحداك الباز وياك الحدانا الساس

[علاءالدين عبدالله الاحمر]

المشاركة الأصلية كتبت بواسطة عبد المنعم حضيري

كـل ما اقول أتــوب اشواقو تخلف ظنــي
ونيران الظنون فوق درب الهلاك ساقني
ممحــوق يا صبـر وكت أب لجينة يغنـي
فرحـــــان باللهيـج وكتيــن بـرا يشاغلنـي

كل مانطراك نطرا الضرا وونساتو
الصحبة الفسيحة والقهوة تاج قعداتو
لكن سلام ياصبي ذمنك غلب عوجاتو
بقالك فانوسك نجم يلالي بلمعاتو
وسقفك ماهار وقع يئن بثقل حالاتو

[ابرا]

المشاركة الأصلية كتبت بواسطة سجمان

سكنتو الوريد فوق الوهم سكنّي
نظراتو المتل شُهب السمع سكّني
فعايل اشواقو زي هم اليتيم مسكني
أهدر كاللسد بي نظرة بس سكني

غايتوا عملا لله
الخنساء ذات فيس بوك


أنا ما اشتهيتك شان تكون
المتعة غاياتي في لقاك
ولا حلمت أكون معاك.. ساعة وأتناساو لقاك
ولا عرفت خطوط وجيهك
إلّا وإتمكّن هواك
عارفة انو اللحظة زايلة
وما دايمة برضو مع سواك
ولا حتّى شالتني الأماني سحابة مسنودة بسماك
متى مطرك وقع..
قبلو بتساقط هناك
وما ارتجيتك
ولا اتوهمت وعدك
شان أسرج الحلم
القلق
وتحقيقو يستعجل وفاك
أنا بس لقيتك: انت نبضات الفؤاد
بي ايدك اسباب الممات
مكيّف البال بي أوامرك
ومالك مزاجات الحياة
باقي لي أحوالي سيد
وتملكّك كل ضعف زاد
وجد?
كنت بتكاوي البعاد
ما قايلو بسقيك العناد
حصار هواك ما دامو زاد
بخنق القلب اللي راد
ومرات ليالي الفرقة أهون
من صباح والدو السهاد
بس
زي تقول سمّوك في جواي روح والنطفة كانت هي الميعاد
كلما ياطاني جمرك ألقى ريدك في ازدياد
الريدة ما دامت معاك أنا ناوي أقطعلك بلاد
بتذكرك مرّات معاي
صوت مديحك
شهيقي كل تنفسي
وصوت سؤالك: البينا جد بتقدسي?
ما قلت ليك مخلوق معاي قبل الميلاد..
أنا بس لقيت اني ما ملكي وبراي
لقيت:
بعضي معطون بي هواك وكلّي مملوك ليك براك!

[عبد المنعم حضيري]

المشاركة الأصلية كتبت بواسطة سجمان

الحال من بعض يا حبوب

الخاطر معاك للنم تعاود تاني
ننهل من غناك نماُ تزينو معاني
السجمان معاك زيك كتير بيعاني
موفور النضم كان جاك يروح ف ثواني

جيتك يا رفيق نمة وحديث وأغاني
جيتك ومعاي صاحبي وبنيتو أماني
شان النمّ نفير تراث اصيل سوداني
يلاكا يا سجمان نَخَتِر علي الكاتلاني

[سجمان]

المشاركة الأصلية كتبت بواسطة عبد المنعم حضيري

كـل ما اقول أتــوب اشواقو تخلف ظنــي
ونيران الظنون فوق درب الهلاك ساقني
ممحــوق يا صبـر وكت أب لجينة يغنـي
فرحـــــان باللهيـج وكتيــن بـرا يشاغلنـي

كل ما أقول أتوب من القوامو فتّني
فرع السيسبان من النسيم متّني
الوجد العليو بعد الضعف متّني
أخفاهو القلب عِلا الدموع فتّني

[سجمان]

المشاركة الأصلية كتبت بواسطة علاءالدين عبدالله الاحمر

كل مانطراك نطرا الضرا وونساتو
الصحبة الفسيحة والقهوة تاج قعداتو
لكن سلام ياصبي ذمنك غلب عوجاتو
بقالك فانوسك نجم يلالي بلمعاتو
وسقفك ماهار وقع يئن بثقل حالاتو

واقف ديدبان للوضوبو حلوفو
طِريتو مع الفجر عدل المزاج بي كيوفو
بارك يومي ست يامن غزتني طيوفو
الشال المنام يا خلي باترة سيوفو

[سجمان]

المشاركة الأصلية كتبت بواسطة عبد المنعم حضيري

جيتك يا رفيق نمة وحديث وأغاني
جيتك ومعاي صاحبي وبنيتو أماني
شان النمّ نفير تراث اصيل سوداني
يلاكا يا سجمان نَخَتِر علي الكاتلاني

الكاتلاني حول أعجز وصفها لساني
شوقا المتل مرمي ام وقاية رماني
ما عافيلا البقت شاركاني في شرياني
أنضم في الصلاة بي نمها وتغباني

[سجمان]

المشاركة الأصلية كتبت بواسطة ابرا

غايتوا عملا لله
الخنساء ذات فيس بوك


أنا ما اشتهيتك شان تكون
المتعة غاياتي في لقاك
ولا حلمت أكون معاك.. ساعة وأتناساو لقاك
ولا عرفت خطوط وجيهك
إلّا وإتمكّن هواك
عارفة انو اللحظة زايلة
وما دايمة برضو مع سواك
ولا حتّى شالتني الأماني سحابة مسنودة بسماك
متى مطرك وقع..
قبلو بتساقط هناك
وما ارتجيتك
ولا اتوهمت وعدك
شان أسرج الحلم
القلق
وتحقيقو يستعجل وفاك
أنا بس لقيتك: انت نبضات الفؤاد
بي ايدك اسباب الممات
مكيّف البال بي أوامرك
ومالك مزاجات الحياة
باقي لي أحوالي سيد
وتملكّك كل ضعف زاد
وجد?
كنت بتكاوي البعاد
ما قايلو بسقيك العناد
حصار هواك ما دامو زاد
بخنق القلب اللي راد
ومرات ليالي الفرقة أهون
من صباح والدو السهاد
بس
زي تقول سمّوك في جواي روح والنطفة كانت هي الميعاد
كلما ياطاني جمرك ألقى ريدك في ازدياد
الريدة ما دامت معاك أنا ناوي أقطعلك بلاد
بتذكرك مرّات معاي
صوت مديحك
شهيقي كل تنفسي
وصوت سؤالك: البينا جد بتقدسي?
ما قلت ليك مخلوق معاي قبل الميلاد..
أنا بس لقيت اني ما ملكي وبراي
لقيت:
بعضي معطون بي هواك وكلّي مملوك ليك براك!

[عبد المنعم حضيري]

المشاركة الأصلية كتبت بواسطة سجمان

كل ما أقول أتوب من القوامو فتّني
فرع السيسبان من النسيم متّني
الوجد العليو بعد الضعف متّني
أخفاهو القلب عِلا الدموع فتّني

الـزول السمـــح يا خلــي مـو مستنــي
فيهو أنم واوصف حسنو دا الساحرني
شفتــو وقفــت هيمانــاً أطـق في سنـي
إتلجلــج كلامــي ودمعــي طفّــر منـي

[سجمان]

المشاركة الأصلية كتبت بواسطة عبد المنعم حضيري

الـزول السمـــح يا خلــي مـو مستنــي
فيهو أنم واوصف حسنو دا الساحرني
شفتــو وقفــت هيمانــاً أطـق في سنـي
إتلجلــج كلامــي ودمعــي طفّــر منـي

ندية تراري مع الغروب طلعتّا - تها
ذات فاطراً يفوق شمس الله في طلعتّا - تها
الجافياني جلّيع النضم طبعتّا - تها
حافظ لي هواها وزمة هواي بلعتّا - تها

[آخـر المواني]

المشاركة الأصلية كتبت بواسطة سجمان

ندية تراري مع الغروب طلعتّا - تها
ذات فاطراً يفوق شمس الله في طلعتّا - تها
الجافياني جلّيع النضم طبعتّا - تها
حافظ لي هواها وزمة هواي بلعتّا - تها

ما ازيك




غايتو اتوكلت علي الله و ح اطرش ليك ما توصلت ليه عن جياتك للمنتدي هنا ..


غايتو لي فترة لاحظت انك بتجي ناطي للمنتدي وللبوست دا بالذات لم تجي سيرة معينة كدا

انت علي كيفك قايل






وبي مناسبة "جياتك" دي أهدي أغنية البلابل للبلومة الجابتك

[علاءالدين عبدالله الاحمر]

المشاركة الأصلية كتبت بواسطة سجمان

واقف ديدبان للوضوبو حلوفو
طِريتو مع الفجر عدل المزاج بي كيوفو
بارك يومي ست يامن غزتني طيوفو
الشال المنام يا خلي باترة سيوفو

قادر ربي فوقو كنانة اللبن طارنو
بشي جميري والع سهارتي يوت راجنو
السبب الخلاني انبش عقابو اظنو
طاري الامنيات بشوفتو.بيطاردنو

[احمد زين]

لقيت مربع لود الرضي عجبني وهناك بعض الناس نسبوه للمحلق
المربع ده بيقول
اكتب يافقير ما تقول مريضك طاب
من الجات زحت ستارة الباب
انا ما بطيب ان بلعت كـــــــــــــتاب
ارفع يا فقير قلمك مليتو تراب .
لكن. انا شايف الرواية دي ركيكة لا بتشبه المحلق ولا ود الرضي
والصحيح
أكتب يا فقير ما تقول مريضك طاب
ما شُفت القبيل جابْتَ السَّلام بالباب؟
رقَّت من وَسِط وغِلدت مع القُرقاب
فِكرك انشغل، قـلمك مَليتو تـراب!!

اها نحن مالنا ومال المحلق وود الرضي ذاتو
نقول قولنا برانا واهل النم لا يفوتو لا يموتو

اكتب يا فقير كان الكتبتو بداوي
وامحا محايتك اسقيني التزيدني بلاوي
ام ديساً مع حدود الكفل متساوي
سبب امراضي والجن الفقيرو يلاوي

بخرات الشيوخ ما بتشفي من علاتي
وتعبان الطبيب سهران علي انجلاتي
من الصدرو مدفع هيروشيما العاتي
صِبِحْ مرضان وفاقد عقلي ناسي صلاتي

[عبد المنعم حضيري]

المشاركة الأصلية كتبت بواسطة احمد زين

لقيت مربع لود الرضي عجبني وهناك بعض الناس نسبوه للمحلق
المربع ده بيقول
اكتب يافقير ما تقول مريضك طاب
من الجات زحت ستارة الباب
انا ما بطيب ان بلعت كـــــــــــــتاب
ارفع يا فقير قلمك مليتو تراب .
لكن. انا شايف الرواية دي ركيكة لا بتشبه المحلق ولا ود الرضي
والصحيح
أكتب يا فقير ما تقول مريضك طاب
ما شُفت القبيل جابْتَ السَّلام بالباب؟
رقَّت من وَسِط وغِلدت مع القُرقاب
فِكرك انشغل، قـلمك مَليتو تـراب!!

اها نحن مالنا ومال المحلق وود الرضي ذاتو
نقول قولنا برانا واهل النم لا يفوتو لا يموتو

اكتب يا فقير كان الكتبتو بداوي
وامحا محايتك اسقيني التزيدني بلاوي
اب ديساً مع حدود الكفل متساوي
سبب امراضي والجن الفقيرو يلاوي

بخرات الشيوخ ما بتشفي من علاتي
وتعبان الطبيب سهران علي انجلاتي
من الصدرو مدفع هيروشيما العاتي
صِبِحْ مرضان وفاقد عقلي ناسي صلاتي

أحمد زين نضم جاب القوافي تتاتي
تعبان والطبيب ما عرفو سر آهاتي
بخرات الشيوخ ما جَاكَرَن جمراتي
والنم في الغرام جهجه علي حياتي


جَاكَرَن:نافسن من منافسة