الإحـــتفاء بالجـســــد

[Sahar]

لا فُضّ فُوكِ يا عزيزتي ميما
وقد قطعت جُهيزة قولَ كلّ خطيب

قد ذكرتِ وأفضتِ في القول
ذاك ما يعنيه الاحتفاءُ بالجسدِ

[مبر محمود]

طيب لو إفترضنا إنو الختان إحتفاء جسدي..هل هو مبالغة في إكرام الجسد؟!

سماح

الإحتفاء القاصدو أنا في النقطة دي هو الإحتفاء المجتمعي بجسد الفتاة
فالمجتمع يرى أن هذا الأمر ليس ختاناً بل "طهوراً"
يعني يا سماح أي حاجة بتتعمل في الجسد هنالك رؤيه ثقافية تقف خلفها
وطبعاً هذه الرؤية عند معتنقيها تمثل قمّة الإحتفاء

طيب لو إفترضنا إنو الختان إحتفاء جسدي..هل هو مبالغة في إكرام الجسد؟!

الأجابة عند الثقافة التي يستند عليها موضوع الختان بالتأكيد ستكون نعم
والحجة هي: قمة إكرام الجسد هي تطهيره

أها بعد كده بتكوني فهمتيني..ولّ شنو؟

[سماح محمد]

المشاركة الأصلية كتبت بواسطة مبر محمود

أها بعد كده بتكوني فهمتيني..ولّ شنو؟

فهمتك ..
رغم عدم ثقتي في المصطلحات

[أشتر]

المشاركة الأصلية كتبت بواسطة مبر محمود

مِما تبَّ قام حَاشَاهو ما إتْزَيّن
وغير حق العدل أنا أخويا ما أديّن
يوم ترّوا العيال دقْ سدرو وإتبيّن
تَمَ عدل سلامتو وللبِصل هيّنْ

هييييع
يعني كدا خلااااص شكّرتو ؟؟؟
طيب ليه احنا يا مبر ناخد مفاهيم مغلوطة ونبني عليها كلامنا ؟؟؟
لأني شايفك بتبني على حرف جرف هار ساي ..
يقوم يزلقنا نحو منزلق خطير لا نعرف روحنا بنتكلم عن جسد ولّ عن احتفائية بيهو ...
المثال دا ما أعتقد داخل في مفهومنا البنتكلم عنو ...
طيب الجلد عند اهلنا الجعليين هل هو احتفاء بالجسد ولّ بالشجاعة ؟؟؟
في اعتقادي الجسد في الحتة دي مغيّب تماما والمجلود غير ياكل نارو ما عندنا ليهو شيتن نقولو غير كلس ...
اها طيب الاحتفائية وين في كلام الزولة دي ؟؟؟
ولّ البشتنة والغبشة الزمن داك تعتبر احتفائية من منطلق اخشوشنو فان النعم لا تدوم ؟؟؟
اذا كانت بالمفهوم دا نقوم نشوف لينا خشونة نخشوشنا ساي ..
مع إنو الواحد داخل في برنامج (جِم) وكدا ...
وعضلاتنا تبش

[مبر محمود]

المشاركة الأصلية كتبت بواسطة أشتر

اها طيب الاحتفائية وين في كلام الزولة دي ؟؟؟
ولّ البشتنة والغبشة الزمن داك تعتبر احتفائية من منطلق اخشوشنو فان النعم لا تدوم ؟؟؟D

تحياتي مجدداً يا محمّد..
الزولة دي محتفية بأخوها علي طريقتها، وطبعاً الإحتفاء علي هذه الشاكلة لم تبتدعه هي، فهذا الضرب من الإحتفاء متوفر وراسخ في مفاهيمنا المجتمعية

طيب الجلد عند اهلنا الجعليين هل هو احتفاء بالجسد ولّ بالشجاعة ؟؟؟

عند الجعليين الجلد هو إحتفاءً بالشجاعة، ولكن نفس هذا الجلد في بعض الطقوس الهندية يعتبر إحتفاءً بالجسد، إذ إن الجلد يعتبر عندهم وسيلة لتطهير الجسد و تنقيته

[أشتر]

المشاركة الأصلية كتبت بواسطة معتصم الطاهر

اقتباس:
المشاركة الأصلية كتبت بواسطة تماضر حمزة






هذا عندما تسعى المرأة لإرضاء الرجل
وليس فرض معايير جمالية ترضى بها ..

أنا مثلا لا أحب المكياج فى المرأة .. و أكره أحمر الشفاه ..
بل أراه عدوى ..
أحب العطر .. ولكنى أحب رائحة المرأة كدحا .. ومرات أحبها مبوخة ..
أحب ريقها جدا ..لكنى أحب عسيلتها أكثر ..

فهل سعي ( امرأتى ) لإرضائى هو فرض معايير جمال من ناحيتى
أم هو حب لى ..

دى فى صالحك طبعا

طيب لو لبست عطر جديد .. ولون أجمل .. تحبه هي .. ألن أراها أجمل ..؟

فقط كونى جميلة .. سيكون ذلك معيار الجمال ..

عليكم الله شوفو الزول الحلو دا يا جماعة ...
اييييييك .. عوووووووووك يا باش ...
الناس حايمين في الحوش والبرندة إتا طواااالي مشيت تكابس داخل الغرف المظلمة والدهاليز التجيب الهردبيس ...
بقى عليك المثل البقول الواقفات خلهن اقرع الجافلات هعهعهعهعه عكستو طبعا لانك مطفشاتي كبير وبتدخل خلق الله في كستبانات عجيبة خلاس
شوفو الناس مشت وين والزول دا دخل بينا وين ؟؟؟
وكمان يختار محاورينو وبالتوبيك الدايرو !!!!!
إنا لله ياخ ...
عقدتني عديييل كدا والله يا باش هذه المرة ...
هي قوة العين من ضمن الجسد ولّ المسألة موضوع كراع في رقبة ؟؟؟

[أشتر]

المشاركة الأصلية كتبت بواسطة مبر محمود

تحياتي مجدداً يا محمّد..
الزولة دي محتفية بأخوها علي طريقتها، وطبعاً الإحتفاء علي هذه الشاكلة لم تبتدعه هي، فهذا الضرب من الإحتفاء متوفر وراسخ في مفاهيمنا المجتمعية


عند الجعليين الجلد هو إحتفاءً بالشجاعة، ولكن نفس هذا الجلد في بعض الطقوس الهندية يعتبر إحتفاءً بالجسد، إذ إن الجلد يعتبر عندهم وسيلة لتطهير الجسد و تنقيته

لامن نبني كلام على معتقد ما مقنع على الأقل بالنسبة لي دا بشوفو جوباك ساي يا مبر يا خوي ...
الشجاعة والكرم عندها ضروب كتيرة جدا في مجتمعنا لكن ناسنا ديل ما ربطوها بالعضلات المفتولة ولا البنية البتدي بُنية بقدر ما أطلقو عليها (الزول دا قلبو حار)
يعني عادي ممكن تلقى واحد كملان من لحم الدنيا لكن كاتالن لبوة
وطالما الجلد ما بقى احتفاء بجسد اذن الحنة والدلكة والخمرة ووووو برضو لحاجات في نفس يعقوبة الغرض منها نفس يعقوب ... ولو ملاحظ الكتير من امور النسوان موجهة تحديدا لنخرة رجل ما .. لدغدغة حاجات كدا ... ما فِت ؟؟؟
كدي خلينا في سودانا دا ولو عندنا زمن نشوف الهنود ديل عندهم شنو ...
تشرب ما تروى لو باريتم !!!!

طبعا رديت ليك التحية اوفلاين فما تكترث للحتة دي كتير ...
وشكرا

[سمراء]

المشاركة الأصلية كتبت بواسطة جيجي

ياصديقتي كيف الاحتفاء به وهويرزخ في القيود؟لغة الجسد عندنا خرساء ومتأذية
فقط سميه حلم الاحتفاء بالجسد

جيجوش ياغالية ، استفذتنى المشاركة دى جداً وحسيت بيها مليانة كلام
فياريت شرح من وجهة نظرك ..
مع اعتمادى التام لكلامك من خلال " فهمى " الوصلنى
فقط ياريت مزيد من الضوء

[أشتر]

[info]ياصديقتي كيف الاحتفاء به وهويرزخ في القيود؟ لغة الجسد عندنا خرساء ومتأذية ...
فقط سميه حلم الاحتفاء بالجسد
[/info]

المشاركة الأصلية كتبت بواسطة سمراء

جيجوش ياغالية ، استفذتنى المشاركة دى جداً وحسيت بيها مليانة كلام
فياريت شرح من وجهة نظرك ..
مع اعتمادى التام لكلامك من خلال " فهمى " الوصلنى
فقط ياريت مزيد من الضوء

اقول ليك وجهة نظري أنا .. يا تخيب يا تصيب الهوى قسمة ونصيب ...
وعليك الله خليها تفكفك أحسن ...
قيود شنو يا جيجي ؟؟؟
كلامك دا بحمل مضمونين ونظرتين مختلفتين ..
الأولي تجاه نفسك ولو دي صاح تبقى عوجة كبيرة والعيب بعد كان في الجسد يبقى فييي عضمو دا ...
واذا بتقصدي بالقيود المفروضة من المجتمع يبقى هنا الاحتفاء ذاتي ولو قصرتي في روحك ياها العشتنة البقولوها ...
كون تكون خرساء ومتأذية دا برجع لطبيعة كل واحد وطريقة تعاملو مع الحولينو ...
في ناس آكتيڤ جدا إذا مشو واذا اتكلمو واذا قعدو سااااي كدا ...
حسي عليك الله لا بتقدري تجُرّي يد لا كراع في حركة لولوبية الغرض منها دوّر لينا الولد دا هعهعهعه ولا حتى تِنْتَنِي مثلا بالقوام اللادن ؟؟؟
بس بتبقى نظرة الرجل تجاه هذه اللغة محاطة بالكتير المثير الخطر !!! وفهمو ليها بطبيعة الحال بتوقف على نوعية الآكشن الطالع من خد الوردة وداخل في عصب الحواس الهش ...
دي ممكن نطلق عليها إيحاءات لحاجة كدا قد تكون حركة في شكل وردة معناها عبيري فاح .. أو أنا بشتتو وإتا لقطو ...
القيود يا جيجي سترة حال على كل حال في اعتقادي ... وما أعتقد الاحتفاء بيهو بكون على قارعة طريق إلا إذا عندك نية تجهجهي باكات الخلق المرخرخين اساسا ديل ...
غايتو
لغة خرساء قد تكون بالنسبة ليك لكنها !!! مسموعة جدا وبصوت جهوري كمان ...
ما لم يكن المتلقي زول رِمة ساي ...
وشكرن ...

[جيجي]

يلا يا اشتر سمعنا فهمك لكلامي
وكدي النشوف فهم سمراء
وياريت اخرين
بعدين بكب قصدي
بس ماتفرح شديد
ممكن نديك2 م10 ساااي مجاملة مني لاجتهادك الفزييييييييييييع دا

[سجمان]

المشاركة الأصلية كتبت بواسطة jezabell

السلام عليكم ورحمة الله وبركاته
ممكن اشارك في الجسد الذي هو بعض من فناء ومشتتنو لينا في الصقيعة دا؟
ورغم انو الميت فقد روحو.. والكلام الاخلاق.. وإنا لله وإنا اليه راجعون..
الا انو دا ما بمنع الزول يدلي بدلوه في البئر التي ليست بذات قرار دي.. حيث انو الجمال دا يا اخوانا شي نسبي.. موش الموضوع عن جمال جسد المرأة او الرجل بشكل عام؟؟
الجمال الما داير ليو شرح داك زي القطع ايدين صويحبات امرأة العزيز.. ففهمنا احنا كدا طوالي صم لم وبدون اسهاب يجرح صيام الناس البقضوا عشان رمضان قرّب وكدا انو سيدنا يوسف عليه السلام كان سمح قاطع.. ورغم كدا يمكن لو كان ظهر في زمننا دا ما ياكل عيش مع ناس جونسينا او محسن خالد كما قالت
لانو كل فولة وليها كيال.. والما بعجب حامد يقدل بيو احمد

كدا بتهيأ لي موضوع الجسد اتحسم.. اها واصلو او افتحوا لينا بوست عن موضوع نور الاوضة لإنو بصراحة كدا شكلو هو الجاب الكنتكة دي كلها

من جديد جيت تاني تكسر صمتي بالنضم الحلو

والله كفى.. يلا شوفو لينا حاجة تانية

[سمراء]

المشاركة الأصلية كتبت بواسطة jezabell

السلام عليكم ورحمة الله وبركاته
ممكن اشارك في الجسد الذي هو بعض من فناء ومشتتنو لينا في الصقيعة دا؟
ورغم انو الميت فقد روحو.. والكلام الاخلاق.. وإنا لله وإنا اليه راجعون..
الا انو دا ما بمنع الزول يدلي بدلوه في البئر التي ليست بذات قرار دي.. حيث انو الجمال دا يا اخوانا شي نسبي.. موش الموضوع عن جمال جسد المرأة او الرجل بشكل عام؟؟
الجمال الما داير ليو شرح داك زي القطع ايدين صويحبات امرأة العزيز.. ففهمنا احنا كدا طوالي صم لم وبدون اسهاب يجرح صيام الناس البقضوا عشان رمضان قرّب وكدا انو سيدنا يوسف عليه السلام كان سمح قاطع.. ورغم كدا يمكن لو كان ظهر في زمننا دا ما ياكل عيش مع ناس جونسينا او محسن خالد كما قالت
لانو كل فولة وليها كيال.. والما بعجب حامد يقدل بيو احمد

كدا بتهيأ لي موضوع الجسد اتحسم.. اها واصلو او افتحوا لينا بوست عن موضوع نور الاوضة لإنو بصراحة كدا شكلو هو الجاب الكنتكة دي كلها

وحاة شيخى الصوت ده ماغريب على

[معتصم الطاهر]

اقتباس:
المشاركة الأصلية كتبت بواسطة أشتر

عليكم الله شوفو الزول الحلو دا يا جماعة ...
اييييييك .. عوووووووووك يا باش ...
الناس حايمين في الحوش والبرندة إتا طواااالي مشيت تكابس داخل الغرف المظلمة والدهاليز التجيب الهردبيس ...
بقى عليك المثل البقول الواقفات خلهن اقرع الجافلات هعهعهعهعه عكستو طبعا لانك مطفشاتي كبير وبتدخل خلق الله في كستبانات عجيبة خلاس
شوفو الناس مشت وين والزول دا دخل بينا وين ؟؟؟
وكمان يختار محاورينو وبالتوبيك الدايرو !!!!!
إنا لله ياخ ...
عقدتني عديييل كدا والله يا باش هذه المرة ...
هي قوة العين من ضمن الجسد ولّ المسألة موضوع كراع في رقبة ؟؟؟

أشتر يا أشتر ..يـــــــــــا أشتر
سكر و أكتر
يا زول أنا هنا ( التوبيك ) بتاعى الجسد من ناحية حسية إحتفاءا بالآخر المقابل ..
و لسه بناقش فى موضوع الجسد الأنثوى
وداخل ليك على جسد ( محسن خالد) .. مع الاعتذار لأى غيرة نسائية ..

فى جلسة مع عائلة أخرى قالت زوجة أحد المعارف ( المرَا بلا كرِش زى اللحاف بلا فرِش ) فأدركت لماذا يحب كثير من الرجال العنقريب الهبابي ..)

يا زول الأنثى الضعيفة/الرشيقة/البانة/السيسبانة/المفراكة .. عندها محبيها و عندها معجبيها و عندها امتيازاتا الجنسية .. و بدون تعداد ..

الأنثى السمينة/المليانة/الملظلظة/المدبدبة/المدغلبة/ ..كما يقول " مجدى" مرة ضبِح .. عندها معجبيها و جزاريها

والانثى الميسونية .. كما وصف ميسون .. عوووووووووك ..كب ولا تحسب ..

وفوق ديل كلهن .. الانثى الايقاع .. ما مشكلة الحجم ولا الشكل ..
البتحترم جسدها و بتعرف متين يكون مطر و متيل يكون سيل و متين يكون رشاش و متين يكون سقيا .. ومتين يكون صحراء .. ( صحراء دى شُكُر) ..

[جيجي]

المشاركة الأصلية كتبت بواسطة سمراء

وحاة شيخى الصوت ده ماغريب على

الامتحان كشفوا سجمان

[عبد الجليل سليمان]

ليس على هذا النحو ( من وجهة نظري)،
فالختان لا يمكن أبداً أن يكون احتفاءً بالجسد، لأنه معكوس ذلك تماماً، هو قهر للجسد وسجنه في زنزانة (مفهمومية/ أو مفاهيمية، كما يقول المثقفاتية)، متينة، متعلقة بالشرف في ظاهرها، و في باطنها ثقافة ذكورية تحاول السيطرة والإستيلاء على أجساد النساء وقمعها، لأن الجسد الحر بالضرورة يحمل (دماغاً) حراً، هم يريدون (الكل) الذي يحرك الجسد وهو (الدماغ/ يمكننا أن قول العقل/ المخ ..الخ)، و يسطون تدريجياً على أجزاء منه، يبترونها ويشونهها، مستخدمين مبررات فجة كالشرف، والشرف المتعلق بالجسد هو الأداة الأكثر لمعاناً ومثولاً لقمعه.
()

مبر ، صديقنا الشغوف بالمعرفة، الدقيق العبارات، قال أن (البطان) إحتفاء بقيمة معنوية (الشجاعة) لكن هذا الإحتفاء يتم عبر قهر الجسد، وكأنما الشجاعة مصدرها الجسد كمادة، أنا بالطبع لا اعتبر هذا نوعا من الإحتفاء، فالإحتفاء فعل يتم بعيداً عن القهر والعنف، حتى الشلوخ ليس فيها احتفاء بالجسد، طقس الهنود الذي أورده (مبر)، هو في الغالب طقس ديني لتطهير الجسد مما يعتقد أنها خطايا ارتكبها صاحبه، وهذا طقسِ ديني قمعي، فالتطهير لا يتم بهذا الشكل، لأن الجسد هو (مادة) مأمور (عبد مأمور)، يحركة الدماغ، فكان من الأجد للجعليين والهنود (مباطنة) أدمغتهم لتطهيرها وبث القيم فيها، لماذا (يعاينون) الفيل ويطعنون ظله.
()
الاحتفاء بالجسد ينطلق من (لغته)، التي تتخذ من حاسة اللمس مركزاً مهماً، والإ،سان في سيرورته طور من حاسة اللمس تطويراً مذهلاً، الإحساس بملمس كتف أو ظهرصديق/ صديقة (أثناء السلام)، تحسس أصابعهن/ أصابعهم، ثم الرقص وترويض الجسد من غلوائه، واللبس حين يتعمد إظهار أجزاء فاتنة من الجسد، والتعري النسبي على الشواطئ، و ...... ما لا آخر له من الأمثلة، لكن الجنس يمثل (الحفلة الكبيره)، بالجسد. فهو أقصى درجة للإحتفاء ما لم يتم بقهر (دعارة/ اغتصاب( أو (استغلال). وسلامتكم.