اقتباس:
المشاركة الأصلية كتبت بواسطة أمين محمد سليمان
شليل يا حبيبنا ... سلام ياخي و لعلك طيب - غايتو لو عرفت حتة عنوان البوست ما عندو علاقة بموضوع البوست مزعله الناس في شنو كنت ارتحت جدا ... المشكلة شنو يا شليل إنو العنوان ما يطابق الموضوع ؟!!
- قصة إنو البوست ده اتفتح في س.أونلاين :
1- هل يمنع إنو بوست اتفتح في س.أونلاين ما يتفتح هنا ؟ أفهم إنو زول يقول لي ياخي بوستك ده إنت فتحتو هنا قبل كده ... لكن ما بفهم إنو زول يقول لي إنت فتحت بوستك ده في س. أونلاين ما تفتحو هنا لاننا ما عارفين سبب فتحك ليه هناك شنو !!
2- إنت لو متابع س.أونلاين أو عندك فيها عضوية ما كل الناس هنا عندها عضوية أو متابعة كل ما يكتب هناك .
3- أنا بديت بالحاجات الفي بوستي في س.أونلاين و كنت مواصل عشان أضيف حاجات جديدة لكن جات قصة إعترافات هشام و بقي مافي سبب للكلام ده ... يعني البوست ده ما هو نفس البوست الفي س.أونلاين ... ممكن يكون إمتداد ليهو ..
4- بتكون قريت مداخلاتي لخالد الغالي و مبر عن سبب فتح البوست فلا داعي لتكرارها .
- البوست ما عندو علاقة عن وجود الخالق و لا مقصود بيها هداية هشام أو حتي الرد علي تساؤلاتو بالتالي مافي منطق في ايراد محتوي بوستي ده في بوست هشام .
-----------------------
بالجمبة كده : صورة بروفايلك دي أظنها لدكتور عماد الأمين رحمة الله رحمة واسعة ... و أنا الزول ده ما بعرفو ولا سمعت بيهو إلا لمن توفي قبل كم سنة، لكن قريت كلام أصحابو - بخاري ... أمجد فريد... موسي قمر بوبا ...خالد عويس ... إلخ - كانت حاجة تقطع القلب ... أول مره أكون مفجوع لوفاة زول لا بعرفو لا شفتو لا سمعت بيه ... و كونك حتي الان خاتي صورتو في بروفايلك بتقول كتير عنك و عنو ... رحمه الله رحمة واسعة و تقبله في خيار من عنده ..
|
صباح الخير يا بروف.. كيف أحوالك
- معليش يابنج.. إلا حنكك ما سنين في إنو مافي مشكلة إنو عنوان البوست ما يطابق الموضوع ؟ هسع لو كتبت بوست أعلنت فيهو سقوط حكومة المؤتمر الوطني وموضوعي كان سقوط الثلج في الجاده رقم 48 بمدينة شنب النمله بتعفوا لي
مابتعفوا لي ولا حاجه.. الواحد بيخش المنبر ده والمزًه - بفتح الميم - جمبو ، بالطريقة دي حتشرعوا لينا نلفها والله.
- عفوا إذا ما قدرت أوضَح نقطتي رقم 2 : قصدت يا بروف إنو الناس الفي الحله دي ما معنيين بالصراعات الفي الحله الغادي لأنو ما عندنا فكره عن منشأ الصراع ده ، هل كان فيهو مقصًات وللا خالي مقصًات ، إلخ
- معليش.. قريت ردك لمبر وخالد غالي وما إلتقطت حجه قويه.
- بتسائل معاك عن سبب توقيف هشام آدم ، وبرجو من الإداره إذا وقفت زول تشير للماده إللي تم تجاوزها عشان الناس تعرف الحاصل شنو
---
نعم صورة البروفايل تخص الزول الجميل الإسمو عماد الأمين ، الله يرحمو ويحسن إليه
