غايتو يا عبد الوهاب، لو وردي كان عارفك بتدغمس ليهو تأبينو كدا؛ قطع شك ما كان مات ليك

[ناصر يوسف]

المشاركة الأصلية كتبت بواسطة بابكر عباس

المشكلة يا كيشو، الريموت بتاع الرسيفر خربان ومن العصر، جبت الفول المدمس، وصحن العنب و إشتريت لي سامسونق قالاكسي لزوم النت من الكنبة، وظبط الرسيفر باليد على النيل الأزرق، أها القومة لتغيير القناة بقت لي صعبة!
المهم، البركة في صحن العنب البارد والمدمس

جِنِس غايتو عليكم يا ناس الجلاكسي !!!!

ناس تشتري جلاكسي وناس ما قادرة تشتري ليها فول ،،،

عاين لي هنا يا ود عباس ،،، ياخي ما تشتري لينا 3310 ينوبك ثواب ياخ
النعنمو كدي جوالنا الذي أتانا من أخٍ كريم أصابه بعضُ الوهن وشاشته كل يومين تلاته مغيرنها بالشئ الفلاني

فشنو يا عمك ،،، 3310 بس لأنو ( حُمار شُغُل )
ثُمُ إنو ياخي عبد الوهاب صاحبي ده أنا ما برضي فيه ترا ،،،
فشنوووووووو ،،،

أرعي بقيدك وأكل فولك المُدَمَس ده واندمس نوم وكتين عبد الهاب ده ما عاجبك ياخ

[رأفت ميلاد]

أنتو عبد الوهاب ده منو

ركبونا صوت وصورة ناس .. بابكر ما قادر يقوم يغير الصحن على قول ود حمد العنب ده ماطبيعى

بعدين ويكيبيديا شنو يا الزوول .. واحد أسمو الخرسانة والتانى مررو .. وعند الشوام فسدق العبيد

[Hassan Farah]

اقتباس:
المشاركة الأصلية كتبت بواسطة رأفت ميلاد
أنتو عبد الوهاب ده منو

ركبونا صوت وصورة ناس .. بابكر ما قادر يقوم يغير الصحن على قول ود حمد العنب ده ماطبيعى

بعدين ويكيبيديا شنو يا الزوول .. واحد أسمو الخرسانة والتانى مررو .. وعند الشوام فسدق العبيد
-----------------------------------------
انت وينك يا عجيز يومك سعيد
عبدالوهاب وردى ابن المرحوم يا اخى... كان المايسترو بتاع الاوركستر فى الحفلة يا ريت واحد ينزل الفديو

[أبوبكر عباس]

المشاركة الأصلية كتبت بواسطة Osman Hamad

إنتَ يابابكر لِزوم الــ Samsung Galaxy ليك شنو والرموت بتاع الرسيفر خربان
سؤال شمارى: العِنب دا سائل؟

يا الله يا عثمان حامد!
يا سيدي، أنا ساكن في منطقة راقية جدا بدبي، أجد صعوبة شديدة في توفير الحاجات الكشا مشا زي إسبيرات الريموتات، لكن زي القلاكسى واللي منو من الكمبيوتر وبتلاتة كليكات بيكون جرس البيت الموسيقي نغّم (بالقديم ضرب) عن وصول المطلوب...
عليك الله ما تزعلني أكثر من كدا...
هسع عشان نجيب ريموت جديد إستعنّا بالصديق ياسر كبوش الذي يسكن الفجيرة عشان يجيبو لينا معاهو وفنجرة منو بدل واحد جاب لينا تلاتة...
والله صُحبة الناس البلدي ديل، عندها حوبا

[أبوبكر عباس]

المشاركة الأصلية كتبت بواسطة ابوبكر حسن

ثم تانيا من الذى زين لكم القالاكسى المسأله فيها انّ , انت ونسيبك الاتنين شايلين جالكسى فى اسبوع واحد

تشابه عليك البقر يا بكور
شن قاب لقاب؟!

[أبوبكر عباس]

المشاركة الأصلية كتبت بواسطة معتصم الطاهر

غايتو فى " قوون" وردى شخصيا

و بستف ليك عبد الوهاب مباشرة

والله يا معتصم، أولاد الفنانين والشعرا؛ متعبين خالص

[أبوبكر عباس]

المشاركة الأصلية كتبت بواسطة الزوول

...
سلامات يا بابكر
الفول المدمس ده هو الفول حقنا المعلوم ده (الفول المصري)
البنضيف عليهو الجبنة والشمار والزيت والبيض ...الخ
التسمية حقتنا (في السودان) غلط
لأننا بنطلق التسمية دي على الفول السوداني
وده كلام ما صحيح
ف شنو
افتكر انك جبت صحن فول سوداني
اما لو كنت فعلاً مع عنبك وجلاكسيك ده جبت صحن الفول بالزيت وقعدت تمزمز فيهو لمدة ساعتين
فعليك الله اعفي لي
...
لمزيد من المعلومات عن الفول المدمس
...
الفول المدمس - ويكيبيديا، الموسوعة الحرة
...

يعني هسع إتّا جاي تغالطني وعامل فيها مستعد بمرجع وخاتي لي الموسوعة الحرة في نهاية الكلام نظام الولد مستند؟!
الموسوعة الحرة دي الناس البكتبوها بشيلو معلوماتم مننا نحن ديل ناس مدينة العلم
وحات سيدي الحسن، لو لا إنك عضو مجلس إدارة وأول زول يدرسني عن الأي باد والقلاكسي؛ كنت مسحت بيك المنتدى

[أبوبكر عباس]

المشاركة الأصلية كتبت بواسطة Hassan Farah

نهاركم سعيد يا شباب
بابكر يا اخى ما عندك تسجيل فديو للاخ القلد وردى فى نشيد اكتوبر....نزلو ياخ يصيبك ثواب يعدل موازينك الخاسرة دى

شوف يا دكتور حسن فرح، أنا صحي رجل موسوعة وعالم آثار وكلو شئ، لكن أبدا لا أحتفظ بتسجيل غناء.
كل سنة بتكون عندي أغنية منزلا في البيت والعربية وبغنيها السنة كلها
أغنية 2012 كانت يخاصم يوم ويرجع يوم بصوت أسرار، بهديها ليك:

http://www.youtube.com/watch?v=b2IbX3I8FJo

[أبوبكر عباس]

المشاركة الأصلية كتبت بواسطة ناصر يوسف

عاين لي هنا يا ود عباس ،،، ياخي ما تشتري لينا 3310 ينوبك ثواب [/SIZE][/COLOR]

يحول الطلب والثواب لياسر كبوش مع الشكر

قلت ليك: ليهم حوبة

[أبوبكر عباس]

المشاركة الأصلية كتبت بواسطة رأفت ميلاد

أنتو عبد الوهاب ده منو

عبد الوهاب دا، يا رفرف، إبن الفنان وردي وخريج كلية الموسيقى ودفعة ناصر يوسف وعبد العزيز خطاب

[أبوبكر عباس]

المشاركة الأصلية كتبت بواسطة طارق صديق كانديك

يا بابكر طالما بتابع القنوات السودانية، أبقى عشرة على الجلاكسي والعنب والمدمس.

أيام الجامعة يا طارق، لقيت ليك واحد معرفتنا من ناس الجريف شرق (لاحظ قبل الكبري الكلام دا) خالط ليهو بت من بنات الشهادة العربية (بناتنا حاليا)، شافني؛ سبّ بسرو مية مرة، سلمت عليهم وعملت فيها الود ذوق قلت ليهم: فرصة سعيدة يا شباب وسوري للإزعاج وقبلت عملت فيها ماشي، وبحركة مستر بينية رجعت وهمست في إذن البت: دا أحسن زول تعرفي بيهو فلكلور البلد،
البت دشرت العصير وإنفقعت ضحك.

دحين يا طارق فلكلور الدنيا كلها في القنوات السودانية
أجمل حاجة انو السودان دا، فلكلور على طول

[الجيلى أحمد]

ياعم حسن فرح
يااما انك تتعلم الاقتباس
يانخلى ليك سودانيات..

جهجهجتا المعلقة ياأخى

[الجيلى أحمد]

أى مساعدة فى الموضوع دا
أضرب تلفون لعمك بابكر الحسن عباس

[أبوبكر عباس]

المشاركة الأصلية كتبت بواسطة الجيلى أحمد

ياعم حسن فرح
يااما انك تتعلم الاقتباس
يانخلى ليك سودانيات..

جهجهجتا المعلقة ياأخى

والعجب يا جيلي، لو بقى دكتور حسن مع صديق عيدروس في حوار! في الحالة دي، تجيب ليك دبابيس وصماغ واتّا بتقرأ تدبس وتصمغ حق كل زول وتكتب عليهو إسمو

[الفاتح]

المشاركة الأصلية كتبت بواسطة بابكر عباس

هسع عشان نجيب ريموت جديد إستعنّا بالصديق ياسر كبوش الذي يسكن الفجيرة عشان يجيبو لينا معاهو وفنجرة منو بدل واحد جاب لينا تلاتة...
والله صُحبة الناس البلدي ديل، عندها حوبا

عليك الله ده زول تصاحبو يا ياسر أنا لو محلك أعمل ليهو ولكل البراجزه restore default settings