اقتباس:
المشاركة الأصلية كتبت بواسطة أحمد محمد زين حسين
اولا نلاحظ الكوكبة الموجودة دي والساعة إتناشر الّا ربع قبيل منتصف الليل
تلقوهم كلهم من مدمني السهر ..... وكدي ورونا ناقصة مين؟
ثانيا نتخيل الزوار العشرين ديل منو وحا يكون فيهم كم عضو ولا يا ربي كلهم اعضاء عاملين فيها نايمين
ثالثا وده الاهم ثاني اي زول مساهر يتمم في الدفتر ده قبل ما يكتب اي مداخلة والبنظبطو بعد الساعة حداشر متسلل بدون ما يتمم حا تكون وقعتو اسود من السواد ذاتو .... مفهووووووووووم
|
بسم الله الرحمن الرحيم
الفوق دى المداخلة رقم (1) فى البوست ده
وتاريخها يعود الى أواخر 2009 ،
وشهد هذا البوست عصره الذهبى فى 2010 ..
بالنسبة لى كان يشكل استراحة جميلة أعود إليه كلما علا الغبار صفحات المنبر
وكنا نضع فيه مؤونة التحفظ ، ونمارس الحياة بكل جمالها ..
ياخى الرسميات الكتيرة دى مملة وقاتلة ..
ومرّ به أكثر اعضاء هذا المنبر ، للونسة والمشاكسة والمرح
يا دكتور احمد ياخى شوف لينا طريقة لنعيد لهذا البوست شبابه
وبالمناسبة هو سن الشباب للبوست فى فضاءات ربنا الرحبة دى كم ؟
كم صفحة ولاّ كم مداخلة ؟؟
بالله يا جماعة الفاضى شوية يخش لبينا بى جاي
