هاشم وعادل ... طارق وفخري وجدلية المحبة!

[ابوريم]

في المكان وخارج قيوده، وفي خلسة من عمر الزمان تلاقينا. وسرقنا لحظات من المتعه!
اندهشنا بحضوركم :
هاشم طه...عادل عسوم...طارق كانديك...وفخري الزين (صغير القوم وصاحب المديدة).
وكانت جلسة . وكان حوار
ومع هاشم من الأمس من جبيت لي نمرة اتنين. مرورا بحكايات بيوت البكيات
وألق البوح الجميل من المستنير عادل!وما يحمله من هم ثقافي وطول بالأحسده عليه.
والمستمع الهادئ والمطمئن طارق والحقاني في كل الظروف.
ومصدات فخري وابتسامته البشوشة مع شوية مديدة.
وام ريم( بالاضافة للشاي وخلافو) ادلت بدلوها وأثرت الحوار بطرح جديد وشاركت بفعالية في النقاش.
وأبو اماني
سمعنا صوتو جاي من بعيد عبر الاسلاك...ياسلام الزول الجميل في روحو وطبعو واناقتو
كلنا نحبك.

[ابوريم]

دي بعض الصور
طارق تم الباقي بالله.

[عادل عسوم]

هاشم وعادل ... طارق وفخري وجدلية المحبة!

الله الله
هذه على وزن أريحية المشاعر

[بابكر مخير]

هو شنو؟؟
إتو ما عندكم شغل إلا تتلاقو..
كمان باكر عدولي وبعدو فخري وطارق وتدوروها من جديد

قللوها شوية، ظنيتو تطقكم عين...

والله حسد ساااااااااااااااااااااكت

[أبو أماني]

المشاركة الأصلية كتبت بواسطة ابوريم

في المكان وخارج قيوده، وفي خلسة من عمر الزمان تلاقينا. وسرقنا لحظات من المتعه!
اندهشنا بحضوركم :
هاشم طه...عادل عسوم...طارق كانديك...وفخري الزين (صغير القوم وصاحب المديدة).
وكانت جلسة . وكان حوار
ومع هاشم من الأمس من جبيت لي نمرة اتنين. مرورا بحكايات بيوت البكيات
وألق البوح الجميل من المستنير عادل!وما يحمله من هم ثقافي وطول بالأحسده عليه.
والمستمع الهادئ والمطمئن طارق والحقاني في كل الظروف.
ومصدات فخري وابتسامته البشوشة مع شوية مديدة.
وام ريم( بالاضافة للشاي وخلافو) ادلت بدلوها وأثرت الحوار بطرح جديد وشاركت بفعالية في النقاش.
وأبو اماني
سمعنا صوتو جاي من بعيد عبر الاسلاك...ياسلام الزول الجميل في روحو وطبعو واناقتو
كلنا نحبك.

والله ما قادر أقول ..وما قادر أعبر .. بإختصار شديد مكالمتكم الرشيقة معاي في تلك الجلسة العامرة بالحب والرحمن .. عكست كل النواميس الطبيعية .. فقبلها كنت أجلس في وسط عائلتي وفي قلب الوطن الأم .. وبعدها .. صرت أنا المغترب وأنا أتصور مجلسا ذكرت فيه بكل خير وكل حب .. من أفواه أناس أحبهم بكل صدق .. فكانت داركم تمثل ارض الوطن بكم وكنت بغيابي عن مجلسكم .. أنا المغترب خارجه .. لكم خالص الود ..

ملحوزة الحبيب :-
العزيز طارق كانديك .. توقع رسالة بريدك .. من زول بريدك .. تشاووووو

[طارق صديق كانديك]

من الجميل أن تستمر لقاءات الجمال .. ففي معيتكم مصروراً غير مكذوب .. من الفكر ثقافيا وسياسيا ووجدانياً .. !!

شكرا أبو ريم .. وأسرتك الكريمة .. وفراشتيك المورقتين ماشاء الله عليهما ... !!

شكرا أصدقائي الرائعين وأستاذتي هاشم طه وعادل عسوم وفخري الزين .. !!

شكرا سودانيات

[طارق صديق كانديك]

المشاركة الأصلية كتبت بواسطة أبو أماني

فكانت داركم تمثل ارض الوطن بكم وكنت بغيابي عن مجلسكم .. أنا المغترب خارجه .. لكم خالص الود ..

ملحوزة الحبيب :-
العزيز طارق كانديك .. توقع رسالة بريدك .. من زول بريدك .. تشاووووو

شكرا العزيز ابو أماني .. تحياتنا وتقديرنا لك .. !!

شكرا لكل شئ .. !!

عاطر مودتي

[معتصم الطاهر]

ينفعكم





...

[تحفة حوا]

شنو يا ناس الشرقية لمتكم الكبيرة سويتوها لينا بالقطاعي
برضو بنجيكم الدنيا اجازة بس كنتو تدونا خبر
على الاقل كنا اتعرفنا على أم ريم
هاشم طارق عادل فخري ابو ريم :
ان شاء الله دايما ملمومين في الخير
وربنا يتم عليكم نعيمو
سلامي لي الحلوات ريم ورندا

[مواطن]

كان جواً مؤنساً ذاك الذي أتاحه لنا العزيز أبو ريم بداره العامرة وفي أصالة السودانين التي عهدتها أبداً . وقف الزمان هنيهـة فتحلقنا حول عامر الوصل وبهيج الصنوف وبيننا الصغريات "ريم" وشقيقتها يشعان وضاءة حقيقيـة {مش زي ناس كده ..} رعاهن الله ، ودار الجدل حول السودان وبرامج الأحزاب التقليدية وشبه الأحزاب وإربد الحماس بالجمع كل يزين بضاعته وينافح عن جدواها رؤية وتأصيلا .. رغم أن الكل متفق بأن السودان في محنة كبرى وأن سياسة القابضين على صولجان السلطة شوهاء تعوزها أساسيات الرؤى المحايدة لقضايا الوطن المركزية من جنوب وشرق وغرب قد تحول إلى أشلاء يتلقفها الريح ، بيد أن عمى التلبس بالدين حال دون رؤية الحلول الممكنة ديموقراطياً عوضاً عن منطق النصر والهزيمة بالسلاح.
كانت شذرات عسوم ومداخلات أبو ريم وحرمه المصون ملح المعترك .. تسبكر كلما شهد بها أشاشة "فخري" فيشعشعها بطريقته الخاصة ... فيصطخب المكان كرة أخرى .. ثم تهدأ الأروقة بتدخل القاضي "مولانا طارق" فلولا رفع الجلسات بين الفينة والأخرى لإنفصمت عرى الرؤى مننا فقد كان نعم الحكم المبجل، ورغم أحتشاد الحديث أحياناً كنت ترى ضوء المحبة نافذاً على إتساع الأفئدة .. فطعمنا وشربنا وتشربنا وإنسربنا بعده كل إلى غايتـه .. لنلتقي في سودانيات ..
الشكر لأبي ريم وأم ريم على تلكم اللحظات المفعمة بالمسرة والحبور.

[عثمان]

العزيز أبو ريم صباحاتك ورد والله
ما شاء الله عيني باردة عليكم بالمتكم الجميلة دي
لكن يا كافي البلاء ما عندكم كاميرا قول لود عسوم
صوركم بتاعة المرة الفاتت والله ما جاااابت قوووونا.

التحية/ عثمان الطيب

[طارق صديق كانديك]

الثنائي الجميل .. ألقاً وكبرياء .. !!

[طارق صديق كانديك]

والعصافير الندية يزدهي بها المكان ساعتئذ ... !!

[ناصر يوسف]

[align=justify]مجتمعين في الخير دوماُ بإذن الله [/align]

[طارق صديق كانديك]

الوديعة .. ريم وشقيقتها .. بيننا في حبور ... !!!