منديل حرير !!! النور يوسف
قيامة دولة المتحولون الانسانية !!! أسعد
خِلِّي العيش حرام - عبر الأجيال !!! أشرف السر
آخر 5 مواضيع إضغط علي او لمشاركة اصدقائك! سودانيات .. تواصل ومحبة > منتـديات سودانيات > منتـــــــــدى الحـــــوار جكسيهم وجكسينا اسم العضو حفظ البيانات؟ كلمة المرور التعليمـــات مركز رفع الملفات مشاركات اليوم البحث البحث في المنتدى عرض المواضيع عرض المشاركات بحث بالكلمة الدلالية البحث المتقدم الذهاب إلى الصفحة... أدوات الموضوع انواع عرض الموضوع 04-11-2009, 06:03 PM #[1] طارق جبريل :: كــاتب نشــط:: جكسيهم وجكسينا [align=right]انتو يا الحبان ولاد الزمن دة يا كافي البلا حتى الحب آآآبيعرفوهو الله اداهم الماسنجرات والفيس بوك والياهو والتوتر والموبايل والاس ام اس بعد دة كله حبهم دراب دراب النبي شوفوا جنس كلامهم في الشريط التحت في قناة النيل الازرق داك وحات الله يسولوم في جنس نضمي يمين الغنمايي ما يأثر فيها والله لاهن عارفين يحبوا ولاهم قادرين علي النخجي والجوعير بالله الواحدة تكتبلو: انا بحب المريخ عشان لعيبتهم ظريفين يقوم يردلا: ظريفين شنو ياخي ديل وهم ساكت يمين ان كنت انا ان بقت قالتلي بحب مريخ أم علقة كنت قلتلا: أنا أصلي غير كورتهم ما قاعدة تعجبني كورة ولا حتى برشلونة ديل بُطان شنو ديل يا حليل أيامنا وأيام ود شيقوق بالله البني تحرن ليها قدام حلتهم لامن الشمس ترقدك كداد وتقعد تحاحيلا من هني لا هني واصلو حلتهم دي كلها تبقى اهلك وتسوي الدرب ساساقا ضُمة ضمة والعجب ان بقى الله اكرمك بي بكاء في حلتهم ولا في بيتهم زاتو يمين يدينك يبقبقن من حفير الصيوانات واصلك لا تقول اح والعجب ان دخل لا جوة وجبتلك ترمسة ألت شاي وايدها دقشت في ايدك يمين تجي منفوخ من لا جوة وماشي شايل ترمستك وتتقدل بي طرف اصابعينك علي النعامة واصلو ان خلوك يمين في بيت البكاء دة تقرب تفكلك زغروتي والعجب لو عندهم عرس في حلتهم ولا في بيتهم زاتو يمين تجيب فرشك وبهيتك وتقعد تضرب في بيبان العرس ديل لامن تلمعن وتطلع تفتش السباليق ان بقى فيهن شي مكدب وان بقى عندهم غنم تسقيهن وتجيبلهن القش ودة كله بس فشان تحاحيلك شوفتا منها هسي بالله الواحدة تقول ليه: يا تامر يلاكا معاي ياخي عايزة اشتري ملابس داخلية وفوط صحية وهو يقولها: خلاص لمن تكوني جاهزة مسكلي لي يمين نحن الملابس الداخليي دي تبقالنا قدحة لا شفناها لا رأيناه وحتى ان بقينا شفناهن وكتنا داك يمين علي ننهق زي الحمير اكرمكم الله وكمان جابتلها فوط صحيي... وحات نضري القطن دة شفناهو بعد دخلنا الجامعة وكتين تنجرح ويقشطولم قطنايي ملياني صبغة يود في الجرح ديل نصايب شنو ديل بالله هسي البني تقعد تنتظر في الولد وتشتريلو في الهدايي جملة الأيمان وكتنا فشان بس تشوفها تسويلك في جنس عمايل ان بقى عندها اخو يقطع الخميرة من البيت تصاحبو وان بقى عندها بت خالتا ليها تعرف بنات ود عمك تمشي توصيهن وبعد دة كله ان بقيت شفتها بعد تلاتة شهور انت كسبان وتعيش عليهن لامن تجي تاني تحاحيلا من أول جديد واصلو لا تخليلك الجابري ولا زيدان ولا احمد المصطفى.. بس تقعد تسمع في اغاني النخجي والجوعير ديل وتتوجع في حوش بيتكم لامن الله يعدلها عليك وتلم فيها تاني وتاخدلك حنك حنكين معاها والعجب ان بقيت داير تكتبلك ليها جواب بالله تقعد تحاحي في ابوك لامن تصل الدولاب أليلو وتسرق الريحي ألتو وتبخها في الفلسكاب وتسويلك وريقات زي البخرات تكتب وتشطب فيهن لامن يجنك الكلمات السمحات ويخلنها وكت تقراهن تتبسم.. ووكتين تنتهي تقعد اسبوعين تفكر في النصيبة التوصله ليها وترجع لي المحاحا من جديد.. والعجب ان لقيتها قدامك من الخلعة تديها الجواب وتقولها اديهو لي اخوكي وبالله تنتظر عيد الفطر دة من السنة للسنة فشان تجي داخل لاااجوة وتباركلهم العيد وأصلو الكعكايي الادتك ليها دي لا تاكلها لا تضوقها.. تختها في دولابك وسط الهدوم لامن تعتت وتنشف وكل يوم تجي تشمها من تحت الهدوم وترجعها تاني.. والقميص الختيت فيه الكعكايي دة تلبسو من المناسبات للمناسبات... هسي الله بيسألكم داك حب وأليل البُطان ديل [/align] طارق جبريل مشاهدة ملفه الشخصي إرسال رسالة خاصة إلى طارق جبريل البحث عن المشاركات التي كتبها طارق جبريل 04-11-2009, 07:31 PM #[2] فتحي مسعد حنفي :: كــاتب نشــط:: والله ياطارق انت ألله ما خاتي عليك يوم شغلك صبي طلبةياهو دا البتفلح فيهو.. انت داير تاخد زمنك وزمن غيركيازول اتفرج وأسمع ساي وانت ساكت.. ما تجيب لينا الكلام الكعب..أولاد الزمن دا لسناتم طوييييييييلة. التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي.. فتحي مسعد حنفي مشاهدة ملفه الشخصي إرسال رسالة خاصة إلى فتحي مسعد حنفي زيارة موقع فتحي مسعد حنفي المفضل البحث عن المشاركات التي كتبها فتحي مسعد حنفي 04-11-2009, 11:27 PM #[3] طارق جبريل :: كــاتب نشــط:: اقتباس: المشاركة الأصلية كتبت بواسطة فتحي مسعد حنفي والله ياطارق انت ألله ما خاتي عليك يوم شغلك صبي طلبةياهو دا البتفلح فيهو.. انت داير تاخد زمنك وزمن غيركيازول اتفرج وأسمع ساي وانت ساكت.. ما تجيب لينا الكلام الكعب..أولاد الزمن دا لسناتم طوييييييييلة. فتحي كيفنك ابوي الرسول الحب العلي حلاوة قطن دة عاجبك هههههههههههههههههههههههههه طارق جبريل مشاهدة ملفه الشخصي إرسال رسالة خاصة إلى طارق جبريل البحث عن المشاركات التي كتبها طارق جبريل 05-11-2009, 12:26 PM #[4] نزار حسن علي :: كــاتب نشــط:: طارق الحبيب عارف عندي صديقي كان بحب ليهو بنت في امدرمان وهو ساكن الاملاك بحري بيت البنت جنب بتاع الخضار هل تصدق يقعد في الشارع مع بتاع الخضار لما بتاع الخضار يقفل طبعا بتجي هي وامها يشتروا الخضار وتتبسم ليهو من بعيد لبعيد دي براها قال عندو بالدنيا مرة بتونس مع بتاع الخضار سيرة الكلام مشت عند حبيبتو بتاع الخضار قال ليهو يوم الاربعا الحنه بتاعت اخوها صديقي جاني ما مصدق ومشيت معاهو وبدات المعرفة قلنا لواحدة في الحفلة بالله نادي لينا البنت دي نسلم عليها وفعلا جات وكانت ساعة النصر وبدا الحب علي اصوله تجي برجليها من بيت المال تقطع الكبري بتاع شمبات وينتظرة ليك يمشوا يشتروا حلويات من البيت السوري ويرجع يوصله نهاية الكبري والان الحمد لله في اميركا عندهم بنت وولد مودتي بلا حدود مودتي نزار حسن علي مشاهدة ملفه الشخصي إرسال رسالة خاصة إلى نزار حسن علي البحث عن المشاركات التي كتبها نزار حسن علي 05-11-2009, 01:50 PM #[5] طارق جبريل :: كــاتب نشــط:: اقتباس: المشاركة الأصلية كتبت بواسطة نزار حسن علي طارق الحبيب عارف عندي صديقي كان بحب ليهو بنت في امدرمان وهو ساكن الاملاك بحري بيت البنت جنب بتاع الخضار هل تصدق يقعد في الشارع مع بتاع الخضار لما بتاع الخضار يقفل طبعا بتجي هي وامها يشتروا الخضار وتتبسم ليهو من بعيد لبعيد دي براها قال عندو بالدنيا مرة بتونس مع بتاع الخضار سيرة الكلام مشت عند حبيبتو بتاع الخضار قال ليهو يوم الاربعا الحنه بتاعت اخوها صديقي جاني ما مصدق ومشيت معاهو وبدات المعرفة قلنا لواحدة في الحفلة بالله نادي لينا البنت دي نسلم عليها وفعلا جات وكانت ساعة النصر وبدا الحب علي اصوله تجي برجليها من بيت المال تقطع الكبري بتاع شمبات وينتظرة ليك يمشوا يشتروا حلويات من البيت السوري ويرجع يوصله نهاية الكبري والان الحمد لله في اميركا عندهم بنت وولد مودتي بلا حدود مودتي عليك الله يا نزار شفتة الحب الزي دة طاعم كيفن وين لي ناس ((تشاووو)) ديل ههههههههههههههههههههه طارق جبريل مشاهدة ملفه الشخصي إرسال رسالة خاصة إلى طارق جبريل البحث عن المشاركات التي كتبها طارق جبريل 06-11-2009, 12:26 AM #[6] ابوريم :: كــاتب نشــط:: اقتباس: المشاركة الأصلية كتبت بواسطة نزار حسن علي طارق الحبيب عارف عندي صديقي كان بحب ليهو بنت في امدرمان وهو ساكن الاملاك بحري بيت البنت جنب بتاع الخضار هل تصدق يقعد في الشارع مع بتاع الخضار لما بتاع الخضار يقفل طبعا بتجي هي وامها يشتروا الخضار وتتبسم ليهو من بعيد لبعيد دي براها قال عندو بالدنيا مرة بتونس مع بتاع الخضار سيرة الكلام مشت عند حبيبتو بتاع الخضار قال ليهو يوم الاربعا الحنه بتاعت اخوها صديقي جاني ما مصدق ومشيت معاهو وبدات المعرفة قلنا لواحدة في الحفلة بالله نادي لينا البنت دي نسلم عليها وفعلا جات وكانت ساعة النصر وبدا الحب علي اصوله تجي برجليها من بيت المال تقطع الكبري بتاع شمبات وينتظرة ليك يمشوا يشتروا حلويات من البيت السوري ويرجع يوصله نهاية الكبري والان الحمد لله في اميركا عندهم بنت وولد مودتي بلا حدود مودتي قال بيت المال قال! أسمع يا نزار بناتنا ما بقطعو الكبري كداري. بعدين ما إمكن مؤجرين؟ التوقيع: مابيفهم المكتوب البيقرا بي القلبه محجوب شريف ابوريم مشاهدة ملفه الشخصي إرسال رسالة خاصة إلى ابوريم البحث عن المشاركات التي كتبها ابوريم 06-05-2011, 01:04 PM #[7] طارق جبريل :: كــاتب نشــط:: قاعد ابعبص في منتداكم دة ان كان جاني الخرابة دة ناطي طارق جبريل مشاهدة ملفه الشخصي إرسال رسالة خاصة إلى طارق جبريل البحث عن المشاركات التي كتبها طارق جبريل 06-05-2011, 02:58 PM #[8] احمد سيداحمد :: كــاتب نشــط:: اقتباس: المشاركة الأصلية كتبت بواسطة طارق جبريل قاعد ابعبص في منتداكم دة ان كان جاني الخرابة دة ناطي انت يا اخوي من زمن ضرب البوهية الزمن اتغير وبقت البت تجري وراك التوقيع: من يعيش في سلام مع نفسه فهو يعيش دائماً في سلام مع اﻵخرين إنه ﻻ يستطيع أن يكره ، وﻻ يخطر بذهنه أن يرفع سلاحاً في وجه أحد إنه قد يطلق ضحكةً أو يترنّم بأُغنية ، ولكنه أبداً ﻻ يفكّر في أن يطلق رصاصة . وإنما تولد الكراهية للآخرين حينما تولد الكراهية للنفس. د.مصطفى محمود احمد سيداحمد مشاهدة ملفه الشخصي إرسال رسالة خاصة إلى احمد سيداحمد البحث عن المشاركات التي كتبها احمد سيداحمد 06-05-2011, 10:03 PM #[9] ابرا :: كــاتب نشــط:: اقتباس: المشاركة الأصلية كتبت بواسطة ابوريم قال بيت المال قال! أسمع يا نزار بناتنا ما بقطعو الكبري كداري. بعدين ما إمكن مؤجرين؟ يكون يا ابو ريم والله ناس بيت المال البنعرفهم انحنا يودوك ويجبوك لمن يشفع ليك زول من كابلي وانت ماشي واحتمال يقولوا ليك جيب ود القرشي والا كباشي غيسي زول بورسودان عشان ما تجيب ابو حماده كباشي لانو قريب التوقيع: [bor=#ff0000]هـنــاك أرواح جـاءت إلـى الـعالــم لـتـهــدي الـحيـاة كـلـمــات جـمـيـلـة و ذكـريــات آسـرة .. ثــم تـتـركـنـا و تـرحــل !!![/bor] ابرا مشاهدة ملفه الشخصي إرسال رسالة خاصة إلى ابرا البحث عن المشاركات التي كتبها ابرا 07-05-2011, 08:22 AM #[10] محمد النور كبر :: كــاتب جديـــد :: طارق..حبابك يا صديقي غايتو صحي البيحب جاهل و عدو نفسو و كل الأشياء.. ذات مرة من المرامير..و الدنيا عيد.. دخلت بيتهم سبعة مرات (طواف عدييل)..و كل مرة تمرق واحدة غيرها و تمد لي العيدية..و امرق و تاني اجي صادي..و الدنيا دوبك مغربية..! اها في المرة الأخيرة..اتاريها مشت تعيد على الجيران..و الساعة الأسمع ليك يا صوتها لما سرى.. و الله يا طارق قعدت في تراب الله الواحد ده.زكرعي ابن يشيلني.. اخير تقابل ليك باحش و لا نمر عديل ياهو يا انت ياخي..و دخلت و جات مارقة.ز منديل و كعكاية..سلام زي الناس ذاتو ما حصل..!! لغاية الليلة دي قاعدة جو القلب.. تقول لي مس كول.. الكول اليشقق بطونهم..! و دمت.. كبر محمد النور كبر مشاهدة ملفه الشخصي إرسال رسالة خاصة إلى محمد النور كبر البحث عن المشاركات التي كتبها محمد النور كبر 07-05-2011, 09:05 AM #[11] مرافي :: كــاتب نشــط:: سلام يا طارق طبعاً كل زمن وعندو طريقة تعبير خاصة بيهو للحب على قدر الظروف والامكانيات المجتمعية المتاحة..وكل ما كترت خمد الحب.. يعني شوف ناس الحقيبة ديل االواحد يتعذب كيف عشان يشوف محبوبتو تستحضرني قصة شاعرنا الفذ عمر البنا الله يرحمو مشتاق لمحبوبتو ومافي اي طريقة يقابلا يعمل شنوو..؟ جاب اولاد صغار دفع ليهم قروش وقاليهم اقيفوا جنب الباب دا اللي هو بيت الحبيبة وقولو الحريقة الحريقة وهو اتلبد.. على كواريك الحريقة مرقت محبوبتو مخلوعة على صريخ الشفع سجمي الحرييقة وين..؟ مرق شاعرنا وقال ليها الحريقة في قلبي دا... التوقيع: [frame="1 80"]خلقنا للحياة ِ وللمماتِ ومن هذين كلُّ الحادثاتِ ومَهْدُ المرءِ في أَيدي الروَاقي كنعش المرءِ بينَ النائحات وما سَلِمَ الوليدُ من اشْتكاء فهل يخلو المعمَّرُ من أَذاة ؟ أحمد شوقي [/frame] مرافي مشاهدة ملفه الشخصي إرسال رسالة خاصة إلى مرافي البحث عن المشاركات التي كتبها مرافي 08-05-2011, 05:00 PM #[12] طارق جبريل :: كــاتب نشــط:: اقتباس: المشاركة الأصلية كتبت بواسطة اسمر انت يا اخوي من زمن ضرب البوهية الزمن اتغير وبقت البت تجري وراك نان انا كان حصلت الزمن دة يمين كان بقيت زي الركشة طارق جبريل مشاهدة ملفه الشخصي إرسال رسالة خاصة إلى طارق جبريل البحث عن المشاركات التي كتبها طارق جبريل 08-05-2011, 05:01 PM #[13] طارق جبريل :: كــاتب نشــط:: اقتباس: المشاركة الأصلية كتبت بواسطة محمد النور كبر طارق..حبابك يا صديقي غايتو صحي البيحب جاهل و عدو نفسو و كل الأشياء.. ذات مرة من المرامير..و الدنيا عيد.. دخلت بيتهم سبعة مرات (طواف عدييل)..و كل مرة تمرق واحدة غيرها و تمد لي العيدية..و امرق و تاني اجي صادي..و الدنيا دوبك مغربية..! اها في المرة الأخيرة..اتاريها مشت تعيد على الجيران..و الساعة الأسمع ليك يا صوتها لما سرى.. و الله يا طارق قعدت في تراب الله الواحد ده.زكرعي ابن يشيلني.. اخير تقابل ليك باحش و لا نمر عديل ياهو يا انت ياخي..و دخلت و جات مارقة.ز منديل و كعكاية..سلام زي الناس ذاتو ما حصل..!! لغاية الليلة دي قاعدة جو القلب.. تقول لي مس كول.. الكول اليشقق بطونهم..! و دمت.. كبر لكن يا ود كبر ما بالغت يا حبيب قلت لي جبل الرجاف ذاتو خجل منك طارق جبريل مشاهدة ملفه الشخصي إرسال رسالة خاصة إلى طارق جبريل البحث عن المشاركات التي كتبها طارق جبريل 08-05-2011, 05:03 PM #[14] طارق جبريل :: كــاتب نشــط:: اقتباس: المشاركة الأصلية كتبت بواسطة مرافي سلام يا طارق طبعاً كل زمن وعندو طريقة تعبير خاصة بيهو للحب على قدر الظروف والامكانيات المجتمعية المتاحة..وكل ما كترت خمد الحب.. يعني شوف ناس الحقيبة ديل االواحد يتعذب كيف عشان يشوف محبوبتو تستحضرني قصة شاعرنا الفذ عمر البنا الله يرحمو مشتاق لمحبوبتو ومافي اي طريقة يقابلا يعمل شنوو..؟ جاب اولاد صغار دفع ليهم قروش وقاليهم اقيفوا جنب الباب دا اللي هو بيت الحبيبة وقولو الحريقة الحريقة وهو اتلبد.. على كواريك الحريقة مرقت محبوبتو مخلوعة على صريخ الشفع سجمي الحرييقة وين..؟ مرق شاعرنا وقال ليها الحريقة في قلبي دا... تعرفي يا مرافئ قالوا واحد من شعراء الحقيبة ديل البت جات تكشح الموية.. شافت الرجال قامت تاقت الباب طوالي قطع فيها قصيدة: حاول يخفي نفسو غير اتجاهو هل يخفى القمر في سماهو ابدا وطبعا لا.. شفناهو شفناهو متلقين حجج ياخي طارق جبريل مشاهدة ملفه الشخصي إرسال رسالة خاصة إلى طارق جبريل البحث عن المشاركات التي كتبها طارق جبريل تعليقات الفيسبوك « الموضوع السابق | الموضوع التالي » أدوات الموضوع مشاهدة صفحة طباعة الموضوع انواع عرض الموضوع العرض العادي الانتقال إلى العرض المتطور الانتقال إلى العرض الشجري تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules الانتقال السريع لوحة تحكم العضو الرسائل الخاصة الاشتراكات المتواجدون الآن البحث في المنتدى الصفحة الرئيسية للمنتدى منتـديات سودانيات منتـــــــــدى الحـــــوار خـــــــالد الـحــــــاج موضوعات خـــــــالـد الحـــــــــاج ما كُتــب عن خـــــــالد الحــــــاج صــــــــــــــــور مكتبات مكتبة لسان الدين الخطيب محمدخير عباس (لسان الدين الخطيب) مكتبة أسامة معاوية الطيب مكتبة الجيلي أحمد مكتبة معتصم محمد الطاهر أحمد قنيف (معتصم الطاهر) مكتبة محي الدين عوض نمر (nezam aldeen) مكتبة لنا جعفر محجوب (لنا جعفر) مكتبة شوقي بدري إشراقات وخواطر بركة ساكن عالم عباس جمال محمد إبراهيم عبدالله الشقليني أبوجهينة عجب الفيا نــــــوافــــــــــــــذ الســــــرد والحكــايـــــة مسابقة القصة القصيرة 2009 مسابقة القصة القصيرة 2013 كلمـــــــات المكتبة الالكترونية خاطرة أوراق صـــــالة فنــــون فعــــاليات إصــدارات جديــدة الكمبيــــــــــوتــر برامج الحماية ومكافحة الفايروسات البرامج الكاملة برامج الملتميديا والجرافيكس قسم الاسطوانات التجميعية قسم طلبات البرامج والمشاكل والأسئلة قسم الدروس وشروح البرامج منتــــدي التوثيق ارشيف ضيف على مائدة سودانيات مكتبة سودانيات للصور صور السودان الجديدة صور السودان القديمة وجوه سودانية صور متنوعة المكتبة الالكترونية نفــاج خالــد الحــاج التصميم Mohammed Abuagla الساعة الآن 09:31 PM. زوار سودانيات من تاريخ 2011/7/11 اتصل بنا / مقترحات القراء - سودانيات - الأرشيف - الأعلى Powered by vBulletin® Version 3.8.8 Beta 2Copyright ©2000 - 2026, vBulletin Solutions, Inc.
