الراغبين فى الزواج اجمعو هنا !!تخفيضات فى شيلة الريحة !!

[حسين يوسف مكى]

[align=center]كيلو الصدنل=900 ريال

كيلو القرنفل = 40 ريال

كيلو المحلب=50 ريال
الفلور دمور=75 ريال
ليالى باريس=25 ريال
الصاروخ=25 ريال
ريفدور=25 ريال
الضفرة الفلبينى 65 ريال
الضفرة اليمينة=30
ربع كيلو مسك=35 ريال
قلامور=25 ريال
بروفسى=25 ريال
كاشت= 25 ريال
زيت صندل= 25 ريال

القرمصيص ومجموعة عطور هدية مجانية..

الجكس الكلام ده بدون كريمات الجلبطة طبعا..
ومن يريد ان يدقس الاتصال بالادمن
توصيل الطلبات يوم الصبحية ..
الداخل فى صندوق يشيل اول صرفة
وتانى بث.[/align]

[عبداللطيف النقر]

[align=right]يا حسين مالك ياخ بتدردق فينا ---- قلتا لى ياحسين دكانكم رقم كم واسمو شنو فى باب شريف ؟؟[/align]

[سمراء]

ده شنو يابرنس

كمان جاى ومنزل دعاية فى المنتدى بدون تصديق !!
ماقالو ليك فى لجنة اعلام هنا ولاشنو ؟؟
انت قايلو سوق المواسير ولاشنو ؟

تجرى سريع تجيب كوبون الطلب وتدفع حق الاعلان ده ، ولا كمان بالعدم ترسل لى 3كيلو صندل و3 علب صندلية ميسو الاصلية والقرمصيص مادايراها عفيتو ليك اتقرمصص بيهو براك بعيد بعيد ولا اديهوادارة المنتدى تطرحو فى جائزة للاعضاء !

اها العنوان طبعا معروف بالنسبة ليك

[خالد الصائغ]

المشاركة الأصلية كتبت بواسطة حسين يوسف مكى

[align=center]كيلو الصدنل=900 ريال

كيلو القرنفل = 40 ريال

كيلو المحلب=50 ريال
الفلور دمور=75 ريال
ليالى باريس=25 ريال
الصاروخ=25 ريال
ريفدور=25 ريال
الضفرة الفلبينى 65 ريال
الضفرة اليمينة=30
ربع كيلو مسك=35 ريال
قلامور=25 ريال
بروفسى=25 ريال
كاشت= 25 ريال
زيت صندل= 25 ريال

القرمصيص ومجموعة عطور هدية مجانية..

الجكس الكلام ده بدون كريمات الجلبطة طبعا..
ومن يريد ان يدقس الاتصال بالادمن
توصيل الطلبات يوم الصبحية ..
الداخل فى صندوق يشيل اول صرفة
وتانى بث.[/align]

أبو الحسن طالما إنك طلعت من أصحاب الإختساس و كدة

عندي سؤال

و يشهد الله ما داير أبور بضاعتك

لكن بس السؤال ده محرقني و ما لاقي ليهو إجابة

بحصل شنو لو الواحد إتجاوز مسألة الريحة دي و طقوسا و وفر علي نفسو قريشاتو و اختصر زمنو

يعني كسر رقبة الخلطة بتاعتنا دي

ياخ في عطور جاهزة جميلة جدا و بي أسعار معقولة و ماركات عالمية كمان

و أحلي من ريحتنا دي بي مليون مرة


ما في زول يقول لي الما سوا ريحتنا دي ما عرس

[عثمان]

حسين سلامات
شكلك صاحب دكان في باب شريف
شايف النقر سألك من رقم دكانك
وأنا برضو في جدة خميس جمعة بكون
في قهوة البحر الأحمر جنبكم هناك
بالمناسبة دي مرة في باب شريف مع واحد
صاحبنا عريس في دكان بتاع يمنى وبالذات
في المواسم بتكون في زحمة نسوان رجال
واليمني بالسؤال ليش يا سوادنة بتأخدو الريحة بالكمية دي؟
واحد نط قال ليهو والله اللحم البقري ده كان ما كترنا ليهو
البهارات ما بيتأكل

[سمراء]

المشاركة الأصلية كتبت بواسطة خالد الصائغ

ما في زول يقول لي الما سوا ريحتنا دي ما عرس

صحى ....الما سوا ريحتنا دي ما عرس.....
نان هو العرس حقنا ده يفرزوهو بى شنو ؟؟
ياهو بى كبرتتنا دى وكبسيبات حبوباتنا ديل الله يطراهن بالخير
رايك شنو ياود الصائغ ؟
انت اظن معرس خواجية

[سمراء]

المشاركة الأصلية كتبت بواسطة عثمان

واحد نط قال ليهو والله اللحم البقري ده كان ما كترنا ليهو
البهارات ما بيتأكل

[عبداللطيف النقر]

المشاركة الأصلية كتبت بواسطة سمراء

ده شنو يابرنس

كمان جاى ومنزل دعاية فى المنتدى بدون تصديق !!
ماقالو ليك فى لجنة اعلام هنا ولاشنو ؟؟
انت قايلو سوق المواسير ولاشنو ؟

تجرى سريع تجيب كوبون الطلب وتدفع حق الاعلان ده ، ولا كمان بالعدم ترسل لى 3كيلو صندل و3 علب صندلية ميسو الاصلية والقرمصيص مادايراها عفيتو ليك اتقرمصص بيهو براك بعيد بعيد ولا اديهوادارة المنتدى تطرحو فى جائزة للاعضاء !

اها العنوان طبعا معروف بالنسبة ليك

[align=right]هسى ياسمراء الجابك هنا شنو -- اقرى العنوان ده كويس -- شغلك بدل ما كان ضرائب بقي جمارك الكلام ده للدايرين اتزوجوا -- ما أظن الموضوع عندك فيهو سبب -- بعد مازمنك فات وغنايك مات -- كان تكبرت ساى معليش -- ياحسين جهز الطلبتو -- ورسل الفاتورة -- ليها --- [/align]

[عبداللطيف النقر]

المشاركة الأصلية كتبت بواسطة عثمان

حسين سلامات
شكلك صاحب دكان في باب شريف
شايف النقر سألك من رقم دكانك
وأنا برضو في جدة خميس جمعة بكون
في قهوة البحر الأحمر جنبكم هناك
بالمناسبة دي مرة في باب شريف مع واحد
صاحبنا عريس في دكان بتاع يمنى وبالذات
في المواسم بتكون في زحمة نسوان رجال
واليمني بالسؤال ليش يا سوادنة بتأخدو الريحة بالكمية دي؟
واحد نط قال ليهو والله اللحم البقري ده كان ما كترنا ليهو
البهارات ما بيتأكل

[align=right]عثمان -- الظاهر عليك ما اتزوجتا لسه -- اللحم البقرى عندك هنا -( فى السعودية )[/align]

[سمراء]

المشاركة الأصلية كتبت بواسطة عبداللطيف النقر

[align=right] الكلام ده للدايرين اتزوجوا -- ما أظن الموضوع عندك فيهو سبب -- [/align]

مااااااالى يايمة مالى فيهو سبب !!!
يعنى انا ممنوعه من الصرف ولا كيف يعنى ؟
النقر ياخوى ركز فى ورقك بس ...
والمنافسة بينى وبينك فى من سيربح الشيلة دى وحاتخسر برضو ...عارف ليه ؟
لانو البرنس ده ذول اخوى وفردة قديمه ، واكيد حايقوم يدفر لى الشنطة دى ملح ثاى بث

[عبداللطيف النقر]

المشاركة الأصلية كتبت بواسطة سمراء

مااااااالى يايمة مالى فيهو سبب !!!
يعنى انا ممنوعه من الصرف ولا كيف يعنى ؟
النقر ياخوى ركز فى ورقك بس ...
والمنافسة بينى وبينك فى من سيربح الشيلة دى وحاتخسر برضو ...عارف ليه ؟
لانو البرنس ده ذول اخوى وفردة قديمه ، واكيد حايقوم يدفر لى الشنطة دى ملح ثاى بث

[align=right]حاشاك من الصرف --- اها قولى لى سببك شنو ؟؟؟ انا مركز فى ورقى -- زول أخوك وفرده قديمة -- ابدا ما قلنا فيها حاجة -- بس حكاية ادفر ليك الشنطة ملح ثاى دى فيها قولان -- [/align]

[همس الشوق]

الحمد لله

الريحه على العريس

[حسين يوسف مكى]

المشاركة الأصلية كتبت بواسطة عبداللطيف النقر

[align=right]يا حسين مالك ياخ بتدردق فينا ---- قلتا لى ياحسين دكانكم رقم كم واسمو شنو فى باب شريف ؟؟[/align]

عبد اللطيف يا شفيف !!

اى انا عارفكم اصلو الواحد فيكم

زى العربية المعشقة من عالى..

على الهبشة قلت لى بكلم لييييييك

بعدين ادردرق ساى ولا ما من نظرية التوالى ؟

[حسين يوسف مكى]

المشاركة الأصلية كتبت بواسطة سمراء

ده شنو يابرنس

كمان جاى ومنزل دعاية فى المنتدى بدون تصديق !!
ماقالو ليك فى لجنة اعلام هنا ولاشنو ؟؟
انت قايلو سوق المواسير ولاشنو ؟

تجرى سريع تجيب كوبون الطلب وتدفع حق الاعلان ده ، ولا كمان بالعدم ترسل لى 3كيلو صندل و3 علب صندلية ميسو الاصلية والقرمصيص مادايراها عفيتو ليك اتقرمصص بيهو براك بعيد بعيد ولا اديهوادارة المنتدى تطرحو فى جائزة للاعضاء !

اها العنوان طبعا معروف بالنسبة ليك

سمورة القمروة!!

مشتاقين ياخ.

برسل ليك اسوى شنو عاد.. حكم القوى على الضعيف

مع رفع شعار برنس يجقلب والشكر لحماد

[عبداللطيف النقر]

المشاركة الأصلية كتبت بواسطة همس الشوق

الحمد لله

الريحه على العريس

[align=right]همس الشوق --- بختك / م -- نومى قفا ---

العريس منو ؟؟؟[/align]