الحزن القديم

[قاسم الكردفاني]

[ALIGN=CENTER][TABLETEXT="width:80%;background-color:black;"][CELL="filter:;"][ALIGN=center]

ولا الحزن القديم

إنتِ

ولا لون الفرح

إنتِ

ولا الشوق المشيتْ بيهو

وغلبْنى أقيف

وما بِنْتِ

ولا التذكار ولا كُنْتِ

بتطْلَعِى إنتِ من غابات

ومن وديان...

ومنى أنا..

ومِن صحْيَة جروف النيل

مع الموجَهْ الصباحيَّه

ومن شهقَة زهور عطشانَهْ

فوق أحزانهْا

متْكَّيهْ

بتَطْلَعى إنتِ من صوت طِفلَهْ

وسط اللمَّهْ منْسيَّهْ

تَجينى



معاكْ يجينى زمن

أمتِّع نفسى بالدهشَهْ

طبول بتْدُق

وساحات لى فرح نَوّر

وجمّل للحُزن..ممْشى

وتمشي معاي

خُطانا الإلفَهْ والوحشَهْ

وتمشى معاي... وتْرُوحى

وتمشى معاي وسط روحى



ولا البلْقاهو بِعْرِفنى

ولا بعرِف معاكْ ..روحى

[/ALIGN][/CELL][/TABLETEXT][/ALIGN]

[قاسم الكردفاني]

[ALIGN=CENTER][TABLETEXT="width:100%;background-color:white;"][CELL="filter:;"][ALIGN=center][marq="3;right;3;scroll"]كم انت رائع ايها الدوش[/marq][/ALIGN][/CELL][/TABLETEXT][/ALIGN]

[قاسم الكردفاني]

[youtube]http://www.youtube.com/watch?v=xESNmlSP2p4&feature=related[/youtube]

[ALIGN=CENTER][TABLETEXT="width:70%;background-colorrangered;"][CELL="filter:;"][ALIGN=center]

[marq="3;right;3;scroll"]
بتَطْلَعى إنتِ من صوت طِفلَهْ

وسط اللمَّهْ منْسيَّهْ[/marq] [/ALIGN][/CELL][/TABLETEXT][/ALIGN]

[الاصمعي]

http://www.youtube.com/watch?v=L2uVj...layer_embedded

[قاسم الكردفاني]

[ALIGN=CENTER][TABLETEXT="width:70%;background-color:black;"][CELL="filter:;"][ALIGN=right]
شمس المغرب الممحوق تميل فوق وشك المحروق

تبين صفرة سنيناتك

بين ضل الكلام مقلوب

تميل يا صالح الأيام ولا عاشرت هدما زين

ولا حتيت تراب السوق .. تفضل

تفضل يا خفيف الضل ورش جرجيرك البايت

وعد ليمونك الفضل وكوم حزنك الباير

وبيع من غير تشاور زول تواريخ دمك الفاير

وتفرش فى الضحى الأعلى تبيع سام العمر كيمان

ولا لافتات ولا أوزان ولا اتمان

تشد تركب قفا الأيا م

زهج خيلك يلد تيمان

فرس شوقك دوام مسبوق

تميل يا صالح الأحلام

أهو القدامك البتبيعو

أشواق الصبا الأيتام

وبرضك ما تبيع لى زول

أسف ربيتو على كتفك

ولا عشتا شبع أوهام

أهى الطاحونة يا صالح أهو السوق الصبح ألغام

تفضل يا خفيف الضل ورشرش صبرك الفاير

وارفع صوتك الحنضل وألعن وما يهمك زول

أبوك يا سوق سليل الغم

أبو الطورية والمنجل

وخال الرجلة ، عم الدنيا

جد الفجلة والفلفل وشكل القفة

والكرتونة والجردل

وألعن ما يفوتك زول

من الشارين من البايعين

وجنس البرضا والبزعل

واشتم ياخى ايه فضل

وايه يحصل وهل تقبل

تميل يا صالح النجمات

مع القمر الخصى واهبل

متين يا صالح الآمال

تميل ترقص وتتعدل ؟!

واضحك لا يشيلك هم

على النيل الصبح مبهول

صحى الأمواج بتتبهدال

صحى الاحلام بتتبهدال

برضو سعاد حتتحول

لا ... لا يمكن

دى ما شمس الضحا الأعلى

ومشية حنينة تحت الضل

وتكية ضرية فوق رمله

دى أحلام جارية متبهله

وماممكن تقيف إلا

وليد العمدة يلعب بى

يدردق فى الحرير كرشو

يعاين فى النعال وشو

ويقدل فى الفريق تمساح

ينادى سعاد تلم الكون

تحت ضل الضحى البواح

تصور يا خفيف الضل

دا عندو الهمسه .. أمر مباح

وتقطع من لحمنا الحى

وتعقد فوق شحمنا الساح

ونهتف ونحنا مشويين ومقليين :

ده يا عمدتنا هو الصاح

وياهو الصاح

وياهو الصاح

ويا عزة نفس بركت متين بتسوى لينا جناح ؟

واشيلك يا سعاد وامرق

من الزمن الدتى ونباح..

[/ALIGN][/CELL][/TABLETEXT][/ALIGN]

[قاسم الكردفاني]

[ALIGN=CENTER][TABLETEXT="width:70%;background-color:deeppink;"][CELL="filter:;"][ALIGN=center]

[/ALIGN][ALIGN=center][ALIGN=CENTER][TABLETEXT="width:80%;background-color:deeppink;"][CELL="filter:;"][ALIGN=center]فتَحتَ جوابك الأوّل

لقيتَك لسَّه يا وطني

بتكتب بالعَمار والدم

ولسَّه بتسْكَر أمدرمان

على الشارع...

وتتْكوّم

وتمْرُق من صَدُر مسلْول

نهودهْا

تَدُوسن العربات

ترضِّع فى الكلاب

مشنوقَهْ من عينيهَا

في الساحات

وتضْحَك في زمن مسموم

ولسَّه بترقُد الخرطوم

تبيع أوراكْها للماشين

تَطِل من فوق عماراتهْا

وتَلِز اطفالهْا في النيلين

وترجع للرُقاد تاني

اشوفك في جواب تاني

مشيتْ اتمشَّى فوق همكََ

وصلْني جوابك التاني

يحيض الغيم على سطوركَ

يقطِّر من سماكْ دمّك

بشوف في جوابك التانى

مُدُن مبنيّةْ متكيّهْ

بتمْرُق من شبابيكا

عيون برموشَهْ مطفيَّهْ

شَرَك لي كُلِّ قُمريَّهْ

وأماني كتيرَهْ مخصيَّهْ

شوارع بالنهار والليل

مدبّسَهْ بالحراميَّهْ

معلّقَهْ في صدور الناس

كلاب اسنانْها

مبريّهْ

على مرِّ السنين تحْسب

شهور أيامها عِبريّهْ

مشيتْ اتمشَّى فوق همّك

وصلْني جوابك

الدمّك

رقدتَ على البحر غنيتْ

مليت احزاني بالأمواج

جرحْتَ الدنيا بالدوبيت

جريت لي ساحَة الشُهداء

لقيتُم لا وطن لا بيت

دخلتَ منازِل الأُمّات

وطلّيتْ لي شقاء الاخوات

مرقتَ كأني زولاً مات

لقيتْ أطفالي في الشارع

بيجروا على أمل واقِع

رقدْتَ على البحر غنّيت

واتذكرت َاهَلَن لي

ساكنين في سجن كوبر

مليتْ أفراحي بالأمواج

وشدّيت الرحال قُمْتَ

لحدِّ الليلَهْ

ما عُدْتَ

شبابيك فتَّحَتْ أبواب

وأبواب فتَّحَت حارات

وكنتَ معاكَ يا وطني

على حُمّى الجواب الفات

صحيتْ ولقيتَك الشارع

وكِتْ تِتْمايل النخلات

ضُلّك

على أيامك الجايات

وفي جوابك الرابع

لقيت الناس على الشارع

وصوتَك من كهفوف طالِع

كَوارِيك للسماء السابع

كواريك للسماء السابع

كواريك للسماء السابع[/ALIGN][/CELL][/TABLETEXT][/ALIGN][/ALIGN][/CELL][/TABLETEXT][/ALIGN]