اقتباس:
المشاركة الأصلية كتبت بواسطة بله محمد الفاضل
اقتباس:
المشاركة الأصلية كتبت بواسطة أبوجهينة
الفتى المأزوم
***
ما دام بِقِيتْ نُصَّ البحر واقف
ما يْهِم لو نزلْتَ أعُوم ..
خربانة خربانة ..
لا عُذْراً بَقَدِّم .. لا بَخَاف اللوم ..
و المُتْعَوِّد طُوُل السَّهر ..
على فَرْش الحرير بِغَلْبُو النوم ..
جاطتْ .. و هاصتْ
إخْتَلَط حابْل الهديل بي نابِل نعيق البُوم
هاتي ال في و ال مافي
زيدي كوم همومنا رَدُوم ...
شِنْ بِسَوِّي خَبار الشوم للفتى المازوم ؟
لا جَرْحاً بِيَنْزِف يزيد نَتْح الألم
و لا فرحاً بِغَيٍّر طعْم الأسى المرسوم ..
واقف زى شَدَر الخريف شامخ ..
العروق جوة الأرض .. و الصَّفَق معدوم
بَشِقْ عتامير الضلام ..
و فوق جبال التِيهْ .. بازَاً هوايتو الحُوُم
عهداً قطعتو جوة النَّفِس ..
مهما كِتْرَنْ بَتَابْت القوم ..
لا بْتَسْمعي أَنَّةْ شِكَاية .. ولا صوت البِكا المكتوم
خلي الوجع يِتْنَامَى .. و سيبي الحُزُن يطول وُيْدُوم
بيلْقُوني أنا ياني أنا .. زيْ ما كنتَ .. قيساباً بالصَبُر مَرْدُوم
أقسم بالله تفصيل مقاسي بالضبط
لا بل صورة وصوت
إنا لله يا اخي
إنا لله يا اخي
ما كان كتبتها باسمي ساهي
غايتك كان قاصدني ولا ما قاصدني
قاصدني
إنا لله يا اخي
إنا لله يا اخي
الكلام
ولا المزيكا العالية
ولا التورية
ولا شنو
ولا شنو
والله دا ما نص نصاح
كيف ملائكتي في حنانا ذاتو
تسلم والله تسلم
تسلم يمينك يا صاحب
وضراعك أخضر يا رب
والله يسعدك زي ما اسعدتني وشلتا مني
بس ناقصا الغناي الشاطر
واللحن منها فيها
بلة أيا صديقي الصدوق
حاشاك من التأزم.
مرورك بنكهة إنفراج شدة و زوالها و بمساحة إنفراج أسارير الوجوه في لحظة فرح.
دمتم