بورداب الرياض إلي الدمام غداً .... توجد صور لاحقا

[عباس الشريف]

انشاءالله بكره متوجهين للدمام كان الله هون بقيادة شيخنا النور يوسف والرائع عبدالمنعم وسيد سيد الناس ابو مناهل والفنان زول الله الدمام اليومين دي الشقق فيها غالية الربيع واجازة المدارس الصغيره ومن الصعوبة الحصول علي شقة حكاية غاليه هينه كيف تلقا شقه الطارقين مجتهدين لينا الله اديهم العافيه وفخري الزين الشغله وقعت في راسو جمل الشيل وكل البورداب بالدمام في حالة تحضير للقيا الاحباب نقدم الشكر قبل الوصول اليهم لا تصالاتهم واهتمامهم ... زول الله قال عايز شقة كبيره عشان الشغاله طارق قال لي كلمو كان ما لقينا كبيره الشغاله انا بستضيفا مشكور يا طارق الحسن علي الشعور الجميل والكرم الفياض.
غالبية نسوان المغتربين حوامات الواحده لو عندها مدارس اول يوم في الاجازة تقترح ليك سفره حسب الاجازة ان كانت صغيره تكون سفره داخليه الكبيره بره السعوديه نسوان زمان زيهم مافي بالله الوالده كانت إن مشت بعيد خالص تشيل العامود بتاع الغذاء والمستشفي كلها حوامة الجيران والقهوة.
طارق امسك في نهرو قوي شكلو ثنائي الرفض اهلي مدني كان لو سجلته فيهو وبتلعب كوره كويس من كشف الاهلي المقابر او الاعتزال لو تعبان بغطسوا حجرك لفريق درجة تانية في قاموس النادي مافي فك تسجيلات وبلوم الزمن ده كلو اهلي مدني استمتعو بحياتكم.
نواصـــــــــــــــــــــــــــــــــل ... طبعا فيها صور وحاجات تانية يا بابكر عباس المره دي بنصور ليك البلوم رايك شنو عشان تعرف السعوديه دي كلها ما واحد قعدته ليك ستة شهور في القصيم معقل المطاوعه بنيت رايك علي السعوديه كلها كده.

[كيشو]

رحلة سعيدة، يا ريت لو قدمتوها أسبوع عشان كنا نراقبكم كويس

[ابوريم]

تشرفوا وتنوروا الشرقيه ياعباس وصحبك الكرام النور وزول الله -لاقيناهم قبل كده-اما عبدالمنعم وابومناهل حتكون اول مرة نقابلهم...بعدين شبارقه ماجاي معاكم؟
غايتو الله يستر وتقضوا ايام خالية من طعم الغبار.

[الجيلى أحمد]

ياسلام ياركس يااخى,

دى لمة والله مباتتفوت , كان قراب كان أتلمينا عليكم,
فتحياتى لهم فردآ فردآ
وقول لى زول الله
بالله أول أغنية تغنيها تهديها للجيلى , ساكت كدا مزاج

المشاركة الأصلية كتبت بواسطة عباس الشريف

زول الله قال عايز شقة كبيره عشان الشغاله طارق قال لي كلمو كان ما لقينا كبيره الشغاله انا بستضيفا

ياسلام ياطارق,
لفتة بارعة منك

[ابوريم]

الف حمدا لله يا عصام على السلامه...ولسه شرقانين بي حلاة مذاق لقياكم-رغم قصر المدة- وعشمانين في الشوفه في فرصه اوسع

[ابوريم]

الجيلي ماتحمش لينا النيران ساي طارق الحسن كفاهو عباس دايرين تستلموهو ون تو(مافي وشوش بي هنا يا جماعه؟)...ياريتك قريب كان اتشرفنا بي الشوفه يا ابو اليشا

[الجيلى أحمد]

المشاركة الأصلية كتبت بواسطة ابوريم

الجيلي ماتحمش لينا النيران ساي طارق الحسن كفاهو عباس دايرين تستلموهو ون تو(مافي وشوش بي هنا يا جماعه؟)...ياريتك قريب كان اتشرفنا بي الشوفه يا ابو اليشا

ياريت ياصاحبى ياريت والله

فبمثلكم يتشرف المرء, وسيحدث فى مقبل الأيام انشاء الله


تمنياتى القلبية لكم بأوقات جميلة ومجدد التحايا للجميع ..




ياأبوريم يااخى بالجد كانت لفتة بارعة من طارق,
فمثله لايفوت عليه شئ كهذا (بدون وشوش)

[عباس الشريف]

المشاركة الأصلية كتبت بواسطة كيشو

رحلة سعيدة، يا ريت لو قدمتوها أسبوع عشان كنا نراقبكم كويس

علي العلينا يا حبيبنا كيشو عايز تعمل لينا فيها كميرات مراقبه كده مكتفين يا حليل زمن الانطلاقه والحوامه لي انصاص اليالي...
يسعدنا وجودك بس انت عارف الموضوع اتربط باجازة المدارس

[عباس الشريف]

المشاركة الأصلية كتبت بواسطة ابوريم

تشرفوا وتنوروا الشرقيه ياعباس وصحبك الكرام النور وزول الله -لاقيناهم قبل كده-اما عبدالمنعم وابومناهل حتكون اول مرة نقابلهم...بعدين شبارقه ماجاي معاكم؟
غايتو الله يستر وتقضوا ايام خالية من طعم الغبار.

الحبيب ابو ريم شوفتك تسعدنا الرحله غير منسقه شبارقه للاسف مشغول شويه والبوست مرفوع لكل بورداب الرياض لمن له الرغبه في صحبتنا نكون سعيدين بتواجده معنا للقيا احباب زيكم.

[فخري الزين]

الف مليون مرحب
كان ما شالتكم الشرقيه (نشيلكم فوق رسينا )
والله نحن منتظرين بكل الشوق وانشاء الله تكون ايام جميله باذن الله
اليوم الاجتماع التحضيري لوضع البرامج وسوف نكون لجنه واللجنه تنبسق منها لجنه ومن اللجنه المنبسقه تنبسق لجنه اخري لتكون لجنة تسيير
تصلوا بالسلامه
تحياتي ياركس

[عباس الشريف]

المشاركة الأصلية كتبت بواسطة الجيلى أحمد

ياسلام ياركس يااخى,

دى لمة والله مباتتفوت , كان قراب كان أتلمينا عليكم,
فتحياتى لهم فردآ فردآ
وقول لى زول الله
بالله أول أغنية تغنيها تهديها للجيلى , ساكت كدا مزاج





ياسلام ياطارق,
لفتة بارعة منك

ابو الجل يا حبيب كيفنك
كل الغنا ليك يا روعه
طارق الحسن دائما يغرقنا بكرمه الفياض الله استر ما اجينا بي كرتونه عصير جوز الهند

[Amin Bushari]

يا ركس

طبعا أنا زعلان شديد جدن جدن
مفروض اكون معاكم وما نسقتوا معاي من بدري
كان بودي الحضور ولكن بورداب الرياض في سودانيزاونلاين
عاملين لينا لمة بمناسبة الزواج وكدا
فيها ابو عركي وحرمه عفاف الصادق
غايتو خيرها في غيرها والجايات اكتر من الرايحات
ويا ناس الدمام بجيكم براي بعدها

والله في

[فخري الزين]

اقتباس:
المشاركة الأصلية كتبت بواسطة الجيلى أحمد
ياسلام ياركس يااخى,

دى لمة والله مباتتفوت , كان قراب كان أتلمينا عليكم,
فتحياتى لهم فردآ فردآ
وقول لى زول الله
بالله أول أغنية تغنيها تهديها للجيلى , ساكت كدا مزاج





ياسلام ياطارق,
لفتة بارعة منك



انت داير ياتو غنيه ؟
انا بهدي ليك غنية زمني الخائن واهديها ليك ولي طارق الحسن ولي انا زااااااااااتو
ازيك ياجاليلو ياخ والله ليك وحشه

[عباس الشريف]

المشاركة الأصلية كتبت بواسطة فخري الزين

الف مليون مرحب
كان ما شالتكم الشرقيه (نشيلكم فوق رسينا )
والله نحن منتظرين بكل الشوق وانشاء الله تكون ايام جميله باذن الله
اليوم الاجتماع التحضيري لوضع البرامج وسوف نكون لجنه واللجنه تنبسق منها لجنه ومن اللجنه المنبسقه تنبسق لجنه اخري لتكون لجنة تسيير
تصلوا بالسلامه
تحياتي ياركس

حبيبنا فخري شيخ العرب
يا زول بس ابعدنا من اللجان الفيها طارق الحسن لانو دي الانبثاقات حقتا بتولد انبثاقات ماكوكيه.
شكرا يا الحبيب وانت دايما ما بتقصر

[عباس الشريف]

المشاركة الأصلية كتبت بواسطة Amin Bushari

يا ركس

طبعا أنا زعلان شديد جدن جدن
مفروض اكون معاكم وما نسقتوا معاي من بدري
كان بودي الحضور ولكن بورداب الرياض في سودانيزاونلاين
عاملين لينا لمة بمناسبة الزواج وكدا
فيها ابو عركي وحرمه عفاف الصادق
غايتو خيرها في غيرها والجايات اكتر من الرايحات
ويا ناس الدمام بجيكم براي بعدها

والله في

امين سلامات
نتمني ليك في اللمة اوقات سعيده.
خلينا من حركاتك اللمة بتاعتك يوم الجمعه قلنا ليك يلا واتحرك من هناك بدري حصل اللمه الظاهر القرار اصبح ما في يدك انتهيت يا بطل.
ولمة ابوعركي بنطبقا ليك احنا اولي من ناس سودانيز بابوعركي والاسبوع الجاي بنلمك فيهو برنامج غنا عدييييييييييييل وليس ضيف شرف انتا قايلنا هينين يا امين.