اقتباس:
المشاركة الأصلية كتبت بواسطة بابكر عباس
أستخدم دمي كاملاً لفحص دمي كاملاً؛ لا أحترم من يبذل جهداً أقل. الرعاع لا أرغبهم؛ أحتقرهم في حقيقة الأمر. لست معنياً بالتجريد الأبله المسمى بالجمهور، وذاك المسمى بالشعب: هذه كتل فضفاضة ومتغيرة؛ وككل تجريد متعسف، يخدم مصالح متعددة البؤس تمعن عبره في ستر نفسها. لست معنياً ب"المثقف" الذي ربما يعني كل شيء! من هو المثقف؟ بتعريف "الكل المركب" بتاع تايلور كلنا مثقفين، لكن، هل نحن كذلك؟ هذا الكائن الخرافي لا يهمني؛ كلما سمعت اسمه أتحسس جسدي. لست مهتماً بأي قاريء؛
|
يا بابكر مازن دة كلامو كلام زعل بس.. يبدو إنّو كان محتقن من السائل لأسباب يعلمها أو لا يعلمها الناس.. لكن لو قعد براهو وراجع نفسو حيلقي إنّو قال كلام فادح الخطل..
مازن زول كتّاب وله أسلوب ممتع جدّاً.. واثق في نفسو.. وبه غرور ظاهر.. لكن في الحاجات البتتعلّق بالمتلقي لكتابتك.. يلزمك تمرق من قوقعة غرورك وثقتك دي شويّة..
طيّب إنت ليه نشرت الرواية من الأساس.. عشان القاريء طبعاً.. طيّب كيف تجي تقول:
والله مهتمِّ بيهو جنس إهتمام.. الموضوع ما موضوع رأي الكاتب الشخصي.. بل بما أمامنا.. يعني مجرّد ما تنشر كتابتك.. ما بيكون عندك الحق تاني في تقرير كل ما يختص بالقاريء.. دي جزئية مرقت من يد الكاتب.. إنت خلاص.. سلطاتك وصلاحياتك مرقت من يدّك.. بقي في إنفراد بالسُلطة من جانب القاريء..
وحكاية الأمّي وما عارف ليك دي جزئية فيها خلط ولبس كبير.. اذا اعتمدنا علي من هو الأمّي.. ياخي الموضوع متعلق بالذائقة.. وما عندو أيّ علاقة في مستواه المتناقش عليه بالأميّة.. يعني بما إنّو الموضوع متعلٌّق بقراءة كتابة ما.. يبقي بالضرورة مرق من حتّة إنّو المتلقي أمّي من الأساس..
لكن شكلو مازن داير ينفخ ويظهر عضلاتو واحتمال يهرش السائل.. ودة إسمو خم بتاع زول متضخّم الأنا.. زي ما قالت سماح..
المهم:
مازن كاتب جيّد جدّا.. لكن شكلو كان زعلان..
لكن عليك الله يا بابكر.. يعني فحص الدم داك قاصد بيهو شنو هنا..؟